Professional Documents
Culture Documents
L Ut Aked Twekka: (Le Poisson Et Le Ver)
L Ut Aked Twekka: (Le Poisson Et Le Ver)
L Ut Aked Twekka: (Le Poisson Et Le Ver)
La sseḥsabeɣ di lmux-iw
Ufiɣ kul ci deg-s ixleḍ
Sliɣ i ṣṣut deg imeẓẓuɣen-iw
Awal iğawb-d wayeḍ
Yennay-as yiwen uḥitiw
I twekka ansi d-truḥeḍ
Tawekka la tettergigi
Di lmut-is la tettṛağu
Tennay-as ṛuḥ beɛd-iyi
Aql-iyi deg-i daɛwessu
Ma yella teččiḍ-iyi
Ula d kečč ad-ak-terṣu
Tenna-yas ma tḥesseḍ-iyi-d
A k-neṣḥeɣ m-ad-i-tamneḍ
Nekkini ceyyeɛen-iyi-d
Yess-i ara d tettwiṭṭfeḍ
Di tṣennart cudden-iyi-d
M-iyi teččiḍ ad temmeččeḍ
Tğaweb-it-id twekka
Tenna-yas fukken lehduṛ
Di ddunit si zik akka
Siwa tiḥila d ẓẓur
Am ass-a am uzekka
D bunadem i d bu-leɣrur
D tamacahutt d lmeɛna
Ɣef twekka akked lḥut
D acu i d ssebba n lmeḥna
Tekka-d si mmi-s n tmeṭṭut
S tḥila akked ṣṣenɛa
Yettawi yid-s lmut