Nalpasen

Nalpasen

Iwarwaragawag ni Apotayo nga Hesus kristo iti daytoy

a maikainem nga balikas na ti inna panagballigi.
Nagballigi isuna nga nangbukel ken nanglippas ti
misyon na. Iti laksid iti nasaem a pannakadusa,
nagballigi a nanglippas ti misyon na. Binayadan ni
Apotayo nga Hesukristo ti basol tayo babaen iti
panangipaay na ti bukod na a bagi a mailansa iti krus.
Babaen kadagiti tunggal agdedded nga dara iti daga,
sinubbot ti Apo ti sangkatao-an. Ta gapu iti basol,
datayo ket naisina iti Dios. (Roma 3:23). Nagbalintayo
nga adipen ti basol. Nagbiag tayo nga inadipen ti
basol. Ngem gapu iti naindaklan nga ayat ti Dios
kadatayo, nakipagnaed ken nakipagbiag a kas
kadatayo a saan ket a ti basol. Ket babaen iti inna
panangidaton iti bagi na iti krus, tinubos na ti basol ti
lubong. Tunggal dara nga agayos maipud iti bagi na
ket isu dagitoy ti nangsubbot kadatayo.

Nalpasen. Balikas a nangwaya waya kadatayo.

Amintayo ayatek a kakabsat ket winayawayaan ti dara
ni Kristo. Saannatayon nga adipen ti basol. Ngem ketdi
nawayawayaan tayon tapno agdayaw ken agserbi
Kenkuana. Numan pay natutuok ken naglak-am iti
nakaro a pannakadusa, inpakita ti Apo agingga iti udi
na ti naindaklan nga panagayat na kadatayo. Awan ti
makaartap iti kastoy a naindaklan a panagayat idi adda
ni Hesus a nailansa iti krus.

Ti balligi nga nalak-am ti Apo sadiay krus ket saan

laeng nga bukod na wenno personal a balligi. Ta ti
balligi nga nagun-od na ket para kadatayo amin.
Nagdakkel ayatek a kakabsat ti utang tayo nga
naimbag a nakem ken ni Apo Dios. Kas tao nga
managbasol, saan tayo nga mabaelan nga bayadan ti
nagdakkel nga utangtayo ken ni Apo Dios. Ngem gapu
iti asina kadatayo, naited kadatayo ni Hesus nga
agbayad iti utang tayo iti Kenkuana.
Para iti maysa nga Ama, nasaem, nasakit, naut-ot nga
Makita iti maysa nga anak nga mailansa ken
agdusdusa iti krus. Ngem ammo ti Apo nga para iti
pagsayaatan tayo amin daytoy a napasamak. Ti
sangkatao-an ket maisalakan babaen iti pannakadusa
ken ipapatay ti ay-ayatentayo nga anak ti Apo sadiay
krus.
Buong pagmamahal na tinapos ng Panginoon ang
kanyang misyon dito sa lupa. Natay ni Hesus nga
addaan iti ayat. Inayatna tayo ni Hesus babaen iti
panangidaton na ti bukod na a biag.
Inpakita kadatayo ni Hesus ti ayatna agingga a nalpas
amin a misyon na. Ingasan na dagiti masaksakit,
pinarmek na dagiti diablo, inaramid na a makakita
dagiti bulsek, pinapagna na dagiti pilay ken pinagbiag
na ti natay. Ti naindaklan nga ayat ti Dios ti
nangiduron kenkuana nga mangidaton ti biag na para
iti pannakasubbot tayo. Saan man nga rumbeng nga
aramiden na kuma daytoy ngem pinilina pay laeng
gapu ta ay ayaten natayo ti Dios.

Gibusak man daytoy babaen iti maysa nga estorya.

Adda maysa a padi nga napan immatendar a kas
speaker iti maysa a seminar.
Adda maysa a padi nga napan immatendar a kas
speaker iti maysa a seminar. Nangkaot iti bulsa na ti
maysa nga 1000 peso bill. Inpakita na kadagiti agarup
100 nga tattao nga adda sadiay. Sinaludsod na: “ Sino
ti mangayat iti sangaribo a pisos?’
Nagitayagda amin iti imada. Ok sige, ngem guray ka.”
Kinulkol na ngarud tay kuarta. Sinaludsod na manen,
“sino pay laeng ti mangayat iti daytoy? Manen,
nagitayag da latta amin iti imada da. “Kasano ngarud
no aramidek iti kastoy?” Intinnag na iti lapag sana
pinayat-payatan tay kuarta iti narugit a sapatos na.
pinidot n asana sinaludsod na manen. “Sino pay laeng
iti mangayat iti daytoy 1000 pesos? Kaskasdi nga
nagitayag da latta kadagiti im immada.
Kuna tay padi, “Kakabasat, adda nasursuroyo nga adal.
Uray aniya aramideg daytoy nga kuarta, kayat yo pay
laeng ta saan nga nakurangan ti pateg na. Sangaribu
pay laeng. Adun a daras iti biag tayo nga nagbalin tayo
a narugit, naitublak, nagbalin a kas basura, patapon,
ken napayat-payatan gapu kadagiti desisyon ken
paspasamak iti biagtayo. Ti panagkuna tayo,
saantayon nga importante, saantayon a napateg.
Ngem aniaman ti napasamak wenno mapasamak, ti
kinapategtayo iti mata ti Dios ket saan nga nakurangan
wenno nabawasan. Para kenkuana, nadalus tayo man
wenno narugit, pinayatan man wenno naibasura, sika
ken siak ket napateg kenkuana.
Psalm 17:8 “ God will keep us, “as the apple of His
eye”.