Grade 6 reading material in Filipino
PISTA SA AMING BAYAN Ipinatigil ng Department of Environment and Natural Resources (DENR) sa
Tuwing Mayo 1 ng bawat taon ay ipinagdiriwang sa lalawigan ng Nueva Ecija
ang pistang bayan ng Gapan City. Ang mga patron ng syudad ay ang Divina Pastora
at Tatlong Hari. Marami sa mga magsasaka ang kasama sa parade. Nakasakay sila
sa mga kalabaw. Ilan sa mga sumamang kariton ay may mga bigkis na palay at
buwig ng saging na palamuti. Ang nakahihigit ay traktora at mga trak ng palay.
Ang Gapan ay unang bayan sa Nueva Ecija, lungsod na ito ngayon.
Pagsasaka ang pangunahing pangkabuhayan ng mga tao. Naniniwala sila na ang
patrona, Divina Pastora ay nagbibigay proteksyon sa mga naninirahan dito. Ang
patrona ay milagrosa. Ang pista ng Gapan ay dinarayo ng mga tao sa kalapit bayan
at lungsod..
Mga tanong:
1. Anong bayan sa Nueva Ecija ang nagdiriwang ng pista tuwing Mayo 1?
2. Sinu-sino ang mga patron ng syudad?
3. Paano ipinagdiriwang ng mga tao ang kapistahan sa syudad na ito?
Pagmimina sa Bundok Diwalwal, Ipinatigil
pamumuno ni kalihim Heherson Alvarez ang pagmimina at lahat ng operasyon sa
pagpoproseso ng mineral sa Bundok Diwalwal, sa Monkayo, Compostela Valley
noong Linggo,Agosto 11, 2002 upang sugpuin ang patuloy na paglala ng polusyon at
karahasang nagaganap sa naturang lugay.
Magkasabay na ipinahayag nina AFP Chief Hen. Roy Cimatu at PNP Chief
Director Hermogenes Ebdane ang pagpapadala ng puwersa ng pulisya at military
upang kontrolin ang magulong kondisyon sa Bundok Diwalwal sa loob ng dalawa
hanggang tatlong lingo.
Ayon kina Cimatu at Ebdane, ang magksamang puwersa na itinalaga sa
Bundok Diwalwal ay regular na papalitan upang maiwasan ang pagiging malapit ng
mga awtoridad at ng mga opereytor ng minahan.
Kapag natiyak na ang seguridad ng lugar at matigil na ang pagmimina,
magtatayo ang mga inhinyero ng DENR ng mga dam kung saan patatakbuhin ang
mga dumi dulot ng operasyon ng pagmimina. Kaugnay nito, lilinisin din ang Ilog
Naboc at itatayo ang People’s Small Scale Mining Protection Fund.
Sagutin ang mga tanong:
1. Saan matatagpuan ang Bundok Diwalwal?
2. Ano-ano ang hakbang na gagawin ng PNP at AFP upang makontrol ang
karahasang nagaganap sa Bundok Diwalwal?
3. Paano ikokontrol ng DENR ang patuloy na paglala ng polusyon sa Monkayo,
Compostella Valley?
4. Paano tutulungan ng DENR ang maliliit na minero na makinabang sa yaman
ng kanilang bayan?
 Ang Kuwento Ni Felipe
Ito ang kuwento ng buhay ng isang batang nagngangalang Felipe.
Bata pa lamang si Felipe nang naulila sa magulang. Panganay siya sa
tatlong magkakapatid, at sa pagkamatay ng magulang, sa kanya napataw
ang responsibilidad ng pagtataguyod sa kanilang pamilya.
Labindalawang taon pa lamang siya, tatlong trabaho na ang kaniyang
ginagampanan upang makaraos sa buhay. Sa umaga ay naglalako siya ng
pandesal sa kanilang lugar. Sa tanghali naman ay naglilinis siya ng kotse sa
parke sa may likod ng simbahan, at sa gabi ay nagtitinda siya ng balot at
tsitsaron.
Mahirap ang kaniyang trabaho dahil madaling araw pa lamang ay
kailangan na niyang gumising upang magtinda ng tinapay. Sa pagtitinda
naman ng balot at tsitsaron ay ginagabi na siyang umuwi ng bahay. Ang laat
ng ito ay nakakaya niya dahil sa pagmamahal sa kapatid.
Suki niyang nagpapalinis ng kotse ang pari sa parokya nila. Madalas
silang nag-uusap ng pari lalo na kapag nililinis ni Felipe ang kotse.
Sa paguusap nila ay napag-alaman ng pari na siya lamang ang
bumubuhay sa pamilya at ulila na silang magkakapatid. Naawa ang mabait
na pari, at inalok niya si Felipe na papag-aralin niya ng libre. Hindi naman
nagdalawang isip si Felipe, pumayag ito at nagpasalamat sa pari.
Nag-aral nga si Felipe habang nagtatrabaho na lamang sa umaga at
gabi. Mas lalo siyang maagang gumising at mas malayo ang nilalakad upang
makapagtinda ng mas maraming pandesal. Ganito rin ang ginagawa niya sa
gabi. Pinag-igihan din niya ang pag-aaral. Hindi rin niya pinabayaan ang
kaniyang dalawang nakababatang kapatid.
Ilang buwan pa ay nakahanap na siya ng mas magandang trabaho na
hindi kakain ng mahabang oras. Napag-aral niya sa elementarya ang
dalawang kapatid habang nag-aaral siya.
Lumipas ang taon ay nakapagtapos ng pag-aaral si Felipe.
Nakahanap siya ng permanenteng trabaho at nakapagtabi ng naipong pera
upang makapagtayo ng maliit na negosyo. Napagtapos niya ang dalawang
kapatid. Bilang ganti sa kabaitan ng paring unang nagtiwala at nagbigay ng
oportunidad sa kanya, siya rin ay kumuha ng mga papag-araling bata.
Tumulong din siya sa simbahan at sa mga kapuspalad.
Lumago ang maliit na negosyo, nakapagpatayo siya ng magarang
bahay at ng iba pang kagamitan. Nagtagumpay si Felipe sa kaniyang mga
mithiin sa buhay, at napagtagumpayan niya ito dahil siya ay masipag,
masikap, mapagmahal at mabuting tao.
Sagutin ang mga tanong:
1. Sino ang taong tumulong kay Felipe?
2. Ano ang trabaho niya sa umaga, tanghali at gabi?
3. Ilang taon siya unang naghanapbuhay?
4. Sino ang panganay sa magkakapatid
5. Ano ang ginawa niya upang maibahagi ang kayaman sa iba?
6. Ano ang naging inspirasyon ni Felipe upang magsikap sa buhay?
7. Ano ang itinulong ng pari na nagmagandang loob sa bata?