KALIKASAN NG WIKA

1. PINAGSAMA-SAMANG TUNOG (combination of sounds)

Dahil sa binigyan ng simbolo (letra) ang mga tunog, ang pagsasama-samang ito ay lumilikha
ng mga salita.

2. MAY GRAMATIKAL NA ISTRUKTURA (grammatical structure)

a. Ang ponolohiya (pagsasama-sama ng tunog upang bumuo ng salita).
b. Ang morpolohiya (pagbubuo ng mga salita).
c. Sintaks (pagsasama-sama ng salita upang bumuo ng pangungusap).
d. Semantiks (ang kahulugan ng mga salita at pangungusap).
e. Pragmatiks na nagpapaliwanag sa pagkakasunod sunod ng pangungusap (sequence of
sentence).
f. Sa partisipasyon sa isang konbersasyon.
g. Sa antisipasyon ng mga impormasyon na kailangan ng tagapagsalita.

3. SISTEMANG ORAL-AWRAL (oral-aural system)

Sistemang sensora sa pisikal na tao, pasalita (oral), pakikinig (awral), dalawang mahalagang
organo (bibig at tainga) na nagbibigay hugis sa mga tunog na napapakinggan.

4. PAGKAWALA O EKSTINKSYONG WIKA (language loss)

Maaaring mawala kapag di ginagamit o wala ng gumagamit. Nagawa ito ng mga taga
California sa Yahi Indian Language sa pagitan ng 1853-1870 ng mga kolonyser na British sa
Tasmanian Language noong 1803-1835, Eyah ng Alaska nang ang huling dalawang
matandang nagsasalita nito ay pumanaw. Ang Rotokas (wika ng isang isla sa Connecticut),
Ubyeh (Northwest Caucasus), Vilela (wika ng mga Indian sa Argentina), Cupeno (wika ng
mga Indian sa Timog California) ay unti-unti na ring nawawala. Karamihan sa wikang
nawawala ay mula sa grupong minoryo. Ang Dalmatian, isang wikang Romano ay namatay
na kusa nang ang huling gumamit nito ay pumanaw noong 1889, ganito rin ang naging
kapalaran ng wikang Cornish at ng marami pang mga unang wika ng Sumerian, Elamite,
Hattic, Urartian, Phrygian, Thracian, Dacian, Illyrian, Entruscan, ang anim na wika ng
Anatolia (Hittie, Palaic Lydian, Cuneiform Luwian, Hierograpic Luwian) at tatlong iba pa
mula sa Timog Anatolia (Carian, Psidian at Sidetic).

5.IBA IBA, DAYBERSIFAYD, INDIGENUS

Dahil sa iba't iba ang kultura ng pinagmulang lahi ng tao, ang wika ay iba-iba sa lahat ng tao
sa lahat ng panig ng mundo. May etnograpikong pagkakaiba sapagkat napakaraming
minoryang grupo (ethnic group) ang mga lahi o lipi.