I.

PANIMULA
URI NG PANIMULA - Mitolohiya karaniwang tinatalakay ang mga kwentong mito ay ang mga diyos at
nagbibigay ng mga paliwanag hinggil sa mga likas na kaganapan , halimbawa kung paano nagkaroon
ng hangin o mga karagatan .ilan sa mga sikat na mitolohiya ay ang mitolohiyang Griyego .Zeus,
Aphrodite at Athena at ipa pa ay mga sikat na tauhan sa kwentong mitolohiya.
BANSANG PINAGMULAN - Greece kabilang ang bansang ito sa Mediterranean at din nag galing ang ibat
ibang kwento kagaya ng Pluto at proserpena.
LAYUNIN NG AKDA - ang layunin ng may akda ay magbigay ng aral na kakintahan sa kaisipan at
mapukaw ang mga interes ng mga tao.

II. PAGSUSURING PANGNILALAMAN

TEMA O PAKSA NG AKDA - Tao,natural na kalikasan at kamatayan.
MGA TAUHAN/KARAKTER SA AKDA –
Demester - inang lupa
Proserpena- anak ni Demester
Pluto - Diyos ng ilalim ng lupa.
Apolo - Diyos ng mga araw.
Hakete - mahiwagang diyosa
Zeus - diyos ng mga diyos.
TAGPUAN/PANAHON –
Pulo ng parang
Ilalim ng lupa
Burol at kagubatan
Ibabaw ng lupa.
BALANGKAS NG MGA PANGYAYARI –
A. Pangunang Pangyayari:
Masaya at tahimik ang buhay ng mag inang sina Demeter at Proserpina sa ibabaw ng lupa.
B. Pasidhi o Pagtaas ng pangyayare:
Pagkalungkot ni Pluto sapagkat wala syang makuhang reyna na makakasama nya habangbuhay sa
ilalim ng lupa. Pagkuha ni Pluto kay Proserpina habang si Proserpina ay nag sasaya sa ibabaw ng
lupa.
C. Karurukan o Kasukdulan:
Paghahanap ni Demeter sa kanyang anak na si Proserpina. Paghingi nya ng tulong kay Apolo na
diyos ng mga araw.
D. Kakalasan o Pababang Aksyon:
Pagiging matigas ng puso ni Demeter dahil sa kalungkutan. Sinabi niya sa mga tao na hangga’t
hindi niya nakikita ang kanyang anak ay hindi niya maaasikaso ang mga gawain niya sa lupa.
Paghingi nya ng tulong kay Seus.
E. Wakas:
Pagkain ni Proserpina ng anim na buto ng Granada at pagkakaroon nila ng pag uusap na
makakasama ni Pluto si Proserpina sa anim na buwan sa isang taon. Kung si Proserpina’y nasa
piling ng kanyang ina ay tagsibol at tag-araw sa ibabaw ng lupa. Kung siya’y nasa kaharian ni Pluto
ay taglagas at taglamig sa ibabaw ng lupa.
KULTURANG MASASALAMIN SA AKDA - Ang akdang pluto at proserpena ay isang mitolohiya na
nagpapakita ng kultura ng mga sinaunang Griyego at romano.Ang labis na paniniwala nila sa kanilang
itinuturing na mga diyos at diyosa.

III. PAGSUSURING PANGKAISIPAN

MGA KAISIPAN/IDEYANG TAGLAY NG AKDA - Gagawin ng ina ang lahat para lang sa anak kahit
gaano pa ito ka hirap.
ESTILO NG PAGKASULAT NG AKDA –
*Nagbigay ng ideya hingil sa paniniwala, kaugalian at tradisyon
*Kadalasang tungkol sa mga kakaibang nilalang at pangyayari
*Ang kaniyang isinulat ay tungkol sa mga diyos at diyosa.
IV. BUOD
PLUTO AT PROSERPENA
Demeter ay diyosa ng lupa. Siya ang namamahala sa pagtatanim at pag-aani ng mga magsasaka. Kung
minsan ay tinatawag siyang Inang-Lupa. Nakatira siya sa magandang pulo ng Sisilya sa piling ng
kanyang anak na si Proserpina.
Si Proserpina ay isang dalagang magandang-maganda. Katulong siya ng kanyang ina sa pangangalaga
sa mga halaman sa lupa. Kung minsan ang mag-ina ay namimitas ng mga bulaklak sa basa pa ng
hamog kung bukang-liwayway. Kung minsan naman ay nakikipagsayaw si Proserpina sa kanyang
mga kapwa dalaga sa gitna ng parang. Masaya ang buhay ng mag-ina.
Nang mga panahong yaon ay malungkot si Pluto. Nag-iisa siya sa kanyang kaharian sa ilalim ng lupa.
Ibig niyang magkaroon ng reyna. Marami nang dalaga ang kanyang pinaghandugan ng mga mahal at
magaganda niyang hiyas, ngunit isa man ay walang mahikayat na tumira sa kanyang kaharian.
Isang araw ay nagtungo si Pluto sa ibabaw ng lupa. Nakalulan siya sa kanyang gintong karosa na
hinihila ng mga kabayong walang kamatayan. Mabilis ang takbo ng mga kabayo. Nagkataong nasa
parang noon sina Proserpina at ang kanyang mga kaibigan. Nakita siya ni Pluto.
Siya ang gagawin kong reyna ng aking kaharian! ang bulong ng hari.
Pinatakbo ni Pluto ang kanyang mga kabayo at inagaw ang dalagang namimitas ng mga bulaklak.
Humingi ng tulong si Proserpina. Tumawag siya sa kanyang amang si Seus, ngunit hindi siya narinig
noon. Walang nakarinig sa kanyang kasisigaw maliban sa isang mahiwagang diyosang ang pangalan
ay Hekate. Gayunman ay sumigaw rin nang sumigaw si Proserpina. Ang alingawngaw ng kanyang
sigaw ay ikinalat ng hangin sa mga burol at kagubatan hanggang sa marinig ni Demeter na noo’y nasa
malayong pook.
Dali-daling nagbalik sa Sisilya si Demeter. Una siyang nagtungo sa kanilang tahanan upang tingnan si
Proserpina. Wala roon ang dalaga. Naghanap si Demeter. Siyam na araw niyang hinanap ang
nawawalang anak. May dala siyang dalawang sulo na itinatanlaw sa lahat ng sulok ng lupa, ngunit di
niya matagpuan ang dalaga. Dahil sa laki ng kanyang kalungkutan ay hindi siya tumikim ng ano mang
pagkain ni inumin.
Dumating sa kanya si Hekate nang ikasampung araw. Ibinalita sa kanyang narinig niya ang mga sigaw
ni Proserpina ngunit hindi niya nakita kung sino ang umagaw.
Nagtungo sa diyos ng mga araw si Demeter upang magtanong. Ibinalita ni Apolo na ang umagaw kay
Proserpina ay si Pluto. Nalungkot na lalo ang mabait na ina. Hindi niya naasikaso ang kanyang
gawain sa ibabaw ng lupa. Namatay ang mga halaman at nagkagutom ang mga tao. Habang
lumalakad ang mga araw ay lalo silang nagkakagutom. Lumapit sila kay Demeter at hiniling patubuin
na ang mga halaman sa lupa.
Naging matigas ang puso ni Demeter dahil sa kalungkutan. Sinabi niya sa mga tao na hangga’t hindi
niya nakikita ang kanyang anak ay hindi niya maaasikaso ang mga gawain niya sa lupa.
Naghanap siya nang naghanap. Nang wala na siyang pag-asa ay lumapit siya kay Seus. Hiniling niya
sa diyos ng mga diyos na ibalik sa kanya si Proserpina.
Kung siya’y ibabalik sa akin ay muling magkakaroon ng masaganang ani sa lupa, ang sabi ni Demeter
kay Seus.
Naawa sa kanya si Seus. Ipinangako sa kanyang ibabalik sa piling niya si Proserpina kung ang
dalaga’y hindi kumain ng anuman samantalang nasa kaharian ni Pluto.
Natuwa si Demeter. Nagtungo siya sa ilalim ng lupa. Natagpuan siya si Proserpina sa palasyo ni
Pluto. Nagyakap ang mag-ina. Ibig na ibig na ng dalagang masilayan ang ibabaw ng lupa na
sinisikatan ng araw. Ngunit siya pala’y kumain nang araw na ayaon, ng anim na buto ng Granada.
Dahil sa pagkakain niyang yaon ay minarapat ni Plutong mamalagi sa kanyang piling si Proserpina sa
loob ng anim na buwan, at sa piling naman ni Demeter sa nalalabing anim na buwan bawat taon.
Kung si Proserpina’y nasa piling ng kanyang ina ay tagsibol at tag-araw sa ibabaw ng lupa. Kung
siya’y nasa kaharian ni Pluto ay taglagas at taglamig sa ibabaw ng lupa.