SAPANG PALAY NATIONAL HIGH SCHOOL

SENIOR HIGH SCHOOL DEPARTMENT

City of San Jose Del Monte
S.Y 2017-2018

Pananaliksik
Ukol sa
ANG EPEKTO NG PAGTUTUTURO NG MANDARIN SA PANG-AKADEMIKONG
PERPORMANS NG MGA PILING MAG-AARAL SA JUNIOR HIGH NG SAPANG
PALAY NATIONAL HIGHSCHOOL

Ipinasa kay
GINANG GRACE L. ATIENZA
Guro sa pananaliksik

Mga Mananaliksik

ANNE MARIE ALMARIO

HAZEL ALVAREZ

CINDY BARTOLAY

KRISTINE DELACRUZ

SHERYL LYN ESGUERRA

ERICKA SHANE FERNANDEZ

HANNA JOY JOLO

MARDILYN MANLIGUEZ

ERIKA ANNE PANTALEON

ABM 12-A
 KABANATA 1

I. PANIMULA

Mula pa noon, malaki na ang impluwensya ng Tsino sa ating pagsasalita, sa

edukasyon pati na sa ating ekonomiya. Ngunit sa pagdaan ng panahon, iilan pa lamang

ang mga pananaliksik na naisasagawa kaya naman bilang isa sa mga mag-aaral na

nais magsaliksik tungkol sa wikang mandarin, ang mga mananaliksik ay magbibigay ng

mga bagong impormasyon na may kinalaman sa asignaturang mandarin.(http://armyfive

thesis.blogspot.com/2015/03/armyfiveharthart_16.html)

Isinagawa ito upang makatulong sa mga estudyanteng Pilipino sa high school na

humaharap sa mga suliranin sa pag-aaral ng wikang Tsino higit na lalo ang mga

estudyanteng baguhan pa lamang na mag-aaral ng wikang ito na nag-aaral din ng

wikang Ingles at Filipino sa paaralan. Kabilang sa pag-aaral ng wikang Tsino ay ang

pagsasalita (speaking) sa wikang Tsino, pagsusulat (writing) ng mga karakter ng bawat

salita ng wikang Tsino, pakikinig (listening) ng usapan gamit ang wikang Tsino at

maging sa pagkilala o pagtukoy (recognition) ng mga Chinese Character.

(http://filipinoproject2015.blogspot.com/)

Ang Mandarin ay ang wika ng pagtuturo sa Tsina at Taiwan. Isa ito sa limang

pangunahing mga wikang pangrehiyon ng Tsina. Mas lumaganap ito 1920a iba pang

mga wikang rehiyonal, magmula sa buong hilagang bahagi ng Tsina pababa papunta

sa Lalawigan ng Yunnan na nasa timog-kanluran sulok ng Tsina. Sa malaking lugar na

ito, maraming mga pagkakaibang pangrehiyon kaugnay ng bokabularyo, kaya't ang

isang taong lilipat mula sa Beijing papuntang Yunnan ay hindi mauunawaan ang mga

taong nagsasalita ng sarili nilang wika, ang Yunnan hua o wikang Yunnan. Mas malaki
ang suliranin kaysa sa isang taong nasa Gran Britanya o Estados Unidos na pupunta sa

Australya. Kaya't magmula noong dekada ng 1920, naglaan ang pamahalaan ng Tsina

ng isang wikang pambansa sa pinakamalawak na nauunawaang mga salita at mga

pagbigkas.

Sa Tsina, ang wikang ginagagamit sa lahat ng mga paaralan ay kilala bilang

Pamantayang Mandarin, na tinatawag na Standard Mandarin sa Ingles, o Pu Tong Hua

na nangangahulugang "pangkaraniwang (sinasalitang) wika" o Han Yu na

nangangahulugang "wika ng Han". Sa mga pook na katulad ng Malaysia, kilala ito

bilang Huayu. Sa Taiwan, kilala ito bilang Guo Yu na ang ibig sabihin ay "pambansang

wika." May ilang maliliit na mga pagkakaiba sa mga pamantayang ito. (https://tl.wiki

pedia.org/wiki/Wikang_Tsino)

Sa pagbabago ng kurikulum ng DEPED, Maaaring napapaisip tayo kung

nakakatulong ba ang pag-aaral ng Wikang Mandarin sa mga estudyante. Kung ito ba’y

naging isang bentahe o disbentahe sa parte ng mag-aaral at mga guro. Maaring

napapaisip din tayo kung ano ang magiging epektong pag-aaral na ito sa pang-

akademikong perpormans ng mga mag-aaral. Ngunit ano nga ba ang halaga ng pag-

aaral nito sa mag-aaral ng Junior High?

Ang pananaliksik na ito ay tungkol sa mga mag-aaral na nag-aaral ng

asignaturang mandarin, kung ito bang asignaturang ito ay nakakatulong upang maging

mas malikhain sila. Ang pananaliksik na ito ay tungkol din sa mga gurong Pilipino at
maging tsino na nagtuturo ng asignaturang mandarin sa mga Pilipinong mag-aaral sa

high school.

Ayon sa mga mananaliksik, nais nilang malaman kung epektibo nga ba ang

pagtuturo ng asignaturang mandarin sa kabuuang akademikong perpormans ng mga

mag-aaral sa Junior High School.

II. SANLIGAN NG PAGAARAL

Ayon sa “China Daily Asia” sa taong 1899, ang mga Tsino dito sa Pilipinas ay

nagtaguyod ng kanilang institusyon na nagtuturo ng wika, kultura at kasaysayan. Ngunit

sa pag-uutos ng dating Presidente Ferdinand Marcos, nilimitahan lamang ito sa

pagtuturo ng wika. Sa mga taong 1924, 1925 at 1953 pinakilala at sinimulan ang mga

intermediate at advance classes ng Mandarin. Nagtuloy-tuloy ang wikang Tsino sa

Pilipinas sa loob ng siyam na taon at patuloy na lumalago at nagbabago mula 1973.

Noong 2001 naman, hinikayat ng CHED na isama ang kursong may kinalaman sa

wikang Tsino sa iba’t ibang paaralan at institusyon sa Pilipinas. Madami pang naganap

sa mga sumunod na taon ngunit noong 2012, idineklara ng DepEd na isa ang wikang

Tsino sa limang wika na maaaring ituro sa mga pampublikong hayskul.

Base sa sinabi ni Philippine Education Secretary Armin Luistro sa isang press

statement noong 2010, ang mga pagbabago na ito at pagsama sa wikang Tsino ay para

sa paghahanda sa workforce ng mga Pilipino sa hinaharap sa pagpasok sa global

arena. Tinutukoy niya dito ang milyong-milyong Pilipino na nagtatrabaho at

nakikipagsapalaran ngayon sa iba’t ibang bansa. Ang kadalasang destinasyon ng mga

ito ay mga lugar na salitang Tsino ang prominenteng wika. Simula noong 2010, naging

pangalawa sa pinakamalaking ekonomiya sa buong mundo ang Tsina at ang Mandarin

ay pinapaniwalaang ginagamit ng mahigit isang bilyon na tao. Dahil dito, ang pagtaas

ng demand ng mga kabuhayan dito at sa ibang bansa para sa mga Mandarin speakers

ay hindi maikakaila. Ang dahilan sa pagkuha ng mga estudyante sa kursong ito ay

business related: Upang magkaroon ng edge sa negosyo sa hinaharap, upang

magawang makipag-usap sa mga kliyente na Tsino, upang magkaroon sila ng lamang

sa kanilang mga resume.(http://armyfivethesis.blogspot.com/ 2015/03/ armyfivehar

thart_16.html)

Ayon sa pananaliksik nina Michael Singh, Jinghe Han at Cheryl Ballantyne, sa

babasahing Making Chinese Learnable, ang pag-aaral daw ng wikang Tsino ngayon ay

nasa agenda ng pang-edukasyon sa pamamagitan ng Pacific Ocean Nations dahil sa

pagtaas ng pakikilahok ng Tsina sa patuloy na prosesong pangkultura, pang-ekonomiya

at pampulitikang globalisasyon. Ito daw ay mahalaga ngayon dahil ang Tsino ay ang

opisyal na wika ng PRC(People’s Republic of China)- kabilang ang HongKong at Macao

SAR(Special Administrative Region), Taiwan at Singapore. Ang wikang Tsino daw ay

isa sa limang opisyal na wika ng United Nations. Ito din ay pinag-aralan ng mahigit 30-

40 milyong mga tao sa buong mundo (HANBAN) at ito ay itinuturo sa 180 na mga

bansa (kabilang ang Australia, Canada, Japan, South Korea, USA). Ito din ay ginagamit

ng komunidad ng Tsino sa Indonesia, Thailand, Malaysia, Brunei, Philippines, Mongolia

at Australia). (http://filipinoproject2015.blogspot.com/)
 III. SAKOP AT DELIMITASYON

Ang pagaaral na ito ay nakapokus sa iba’t-ibang epekto ng pagtuturo ng

asignaturang mandarin sa pang akademikong perpormans ng mga magaaral. Ang

sakop ng pagaaral na ito ay ginawa upang matukoy at masuri ang mga salik na

maaaring maging epekto ng asignaturang mandarin sa mga piling 100 mag-aaral ng

Sapang Palay National High School Junior High particular na ang pangkat ng cream

section mula grade 7 hanggang grade 10 at mga piling guro ng mandarin. Ang mga

piling mag-aaral na ito ang napiling tutugon sa mga katanungan sa aming pag-aaral sa

kadahilanang sila lang ang pangkat na may asignaturang mandarin sa SapangPalay

National High School.

IV. KAHALAGAHAN NG PAG-AARAL

Ang kahalagahan ng pag-aaral na ito ay maunawaan ang epekto ng asignaturang

mandarin sa pang-akademikong perpormans ng piling mag-aaral ng junior high sa

Sapang Palay National High School. Nais din tukuyin ng mga mananaliksik ang bentahe

at desbentahe ng asignaturang mandarin at ang kahalagahan nito sa mga mag-aaral.

Ang mga piling mag-aaral ng Sapang Palay National High School Junior High ay

mahalaga sa pag-aaral na ito dahil nais malaman ng mga mananaliksik kung paano

nakakaapekto at nakakatulong ang asignaturang mandarin sa kanilang akademikong

perpormans. Ang mga guro ng asignaturang mandarin ay mahalaga rin sa pag-aaral na

ito dahil sila ang nagbibigay kaalaman sa mga mag-aaral ukol sa nasabing asignatura.
V. PAGLALAHAD NG SULIRANIN

Ang pag-aaral ay naglalayong matukoy at masuri ang mga salik na maaaring

makaapekto sa pagkuha ng datos at resulta ng nasabing pag-aaral.

Ang pag-aaral na ito ay naglalayong masagot ang mga sumusunod na

katanungan.

1. Ano ang asignaturang mandarin?

2. Ano ang bentahe at disbentahe ng pag-aaral ng mandarin sa pang-

akademikong performans ng mga piling mag-aaral ng Junior High sa

SPNHS?

3. Ano ang kahalagahan ng pag-aaral ng asignaturang mandarin?

4. Ano ang demograpikong profayl ng mga respondent na maaaring

makaapekto sa pag-aaral?

4.1 Kasarian

4.2 Edad

4.3 Grado
VI. DEPINISYON NG MGA KATAWAGAN

 Mandarin - Wikang Tsino na ngayon ay isa nang asignaturang idinagdag sa

mga subhektibo ng mga piling mag-aaral ng Junior High sa pampublikong

paaralan ng Pilipinas.

 Guro sa Mandarin – tawag sa mga taong nagtuturo ng mandarin sa mga

piling pampublikong paaralan.

 Junior High – mga estudyanteng nag-aaral mula baiting 7 hanggang 10.

 Akademiko – mga asignaturang tinuturo o pinagaaralan sa loob ng

paaaralan

 Perpormans – Gawain o aktibidad ng isang mag-aaral