Pananaw ng mga Grade 12 Students sa Work Immersion

Ang Work Immersion ay bahagi ng Senior high school Curriculum na kung saan ay

nangangailangang magsagawa ng aktwal na trabaho o “hands-on” experience ang mga

estudyante. Maari din itong malapit na paggaya sa aktwal na trabaho or “simulated” lamang. Ang

pagsasagawa nito ay upang magkaroon ng kaalaman at kasanayan para sa kanilang hinahanap na

trabaho. Ang work immersion ay nakakatulong din upang makapagpataas o maipaghusay ang

kanilang nalalaman ukol sa pagtratrabaho. Ito rin ang paraan upang malaman ang kanilang mga

kailangan dapat gawin pagdating ng panahon na sila ay kailangan ng maghanap-buhay. Hindi

maaaring lumampas ng 8 oras bawat araw ang pagsasagawa ng trabaho. Kailangan ding gabayan

ng paaralan at ng mga trabahador ang mga mag-aaral. Hindi ito isang aktwal na kasunduan para

makapagtrabaho. Ito ay isang proseso para maipakita sa mga estudyante ang proseso ng

pagtatrabaho at mapagbutihin pa ang kaalaman na ibinabahagi ng mga eskwelahan.

Pangunahing Gabay sa mga ‘Working Conditions’ sa Work Immersion Program: Maari

lamang ganapin ang work immersion program mula 8:00am- 5:00pm. Para sa mga mag-aaral na

mas mababa sa 15 ang edad, hindi maaaring humigit sa 4 na oras sa isang araw ang kanilang

work immersion.

Ang mag-aaral ng SHS ay hindi maaring magsagawa ng work immersion sa mga industriya sa

“hazardous” (delikado) na nailathala sa DOLE Dept Order No. 149, Series of 2016. (Guidelines

in Assessing and Determining Hazardous Work in the Employement of Persons below 18 years

of age). Hindi maaaring maging kapalit sa mga empleyado ang mga estudyante na nagsasagawa

ng Work Immersion at maging sanhi ng pagbabawas ng mga benepisyo sa mga empleyado.

 Ang New Era University Sangay ng Pampanga ay isa sa mga Paaralan na may Senior

High School. Kamakailan lamang, ang mga mag-aaral nitong nasa Grade 12 ay sumailalim sa

isang Work Immersion kung saan ang mga mag-aaral ay nadeploy sa iba’t ibang kumpanya

katulad sa Presco, CLTV 36, Philhealth at Angeles City Hall. Kung saan para makita at

maisagawa ang kanilang mga pinagaralan sa paaralan at kung angkop ba ito kung saan sila

nadeploy at sinanay sila ng maayos para maihanda sila sa pipiliin nalang tatahakin na landas

paglabas ng paaralan, para sa kanilang magandang kinabukasan at hanap buhay para rin sa

kanilang ikabubuti. Isinasaad sa DepEd Order No. 30s. 2017 na ang Work Immersion ay isa sa

mga pangunahing katangian ng SHS Curriculum at ang pagpapatupad nito ay kinakailangan

upang mabigyang pagkakataon ang mga mag-aaral na maging pamilyar sa klase o uri ng trabaho

at lugar na kanilang pupuntahan pagkatapos nilang mag aral. Sa pamamagitan ng Work

Immersion, inaasahan na makikita at mas mauunawaan ng mga mag-aaral ang kahalagahan ng

aplikasyon ng kanilang mga natutunan sa paaralan, mas lalong madaragdagan ang kanilang

kaalaman at kasanayan, mas higit na uunlad ang kanilang kakayahan sa pakikipagtalastasan at

pakikitungo sa ibang tao at malilinang sa kanila ang tamang gawi, asal at pagmamahal sa

trabaho.

Bago pa man sinimulan ang pagpapatupad ng Senior High School noong 2016, umani ng

pamumuna ang Work Immerison bilang isang uri ng pagpapalawig at pagpapalalim sa K12

curriculum dahil sa mga isyung nakadikit dito lalo at wala pang panuntunan na nilatag ang

DepEd kung paano ito ipatutupad.

Sa paglabas ng DepEd Order No. 30s. 2017 na naglalaman ng mga work immersion, napawi ang

mga pangamba ng mga magulang tungkol sa isyu ng kaligtasan ng kanilang mga anak na

sasailalim sa work immersion. Alinsunod sa nasabing kautusan kinakailangan ang pahintulot ng

magulang bago sumabak ang mag-aaral sa kaniyang work immersion saan man ito gagawin.

Ayon din sa Department #40 series of 2015 ng kagawaran, ang lahat ng trabahong itatalaga sa

mga mag-aaral ay dapat inaangkop base sa kanilang napiling strand. Ito ay isa sa mga

pangangailangan at mandato ng DepEd na dapat pagdaanan at malagpasan ng mga mag-aaral. Ito

ay naiiba sa on-the-job training o OJT dahil ang lahat ng mga estudyanteng makararanas ng WIP

(Work Immersion Program) ay walang matatanggap na kahit anong uri ng sweldo galing sa

paaralan o kahit sa institusyong nakibahagi sa programa. Ang OJT ay karanasang nagaganap sa

mga estudyanteng magtatapos ng kolehiyo. Kadalasan din na ang lahat ng sumasailalim sa OJT

na mga magaaral ay sila mismo pumipili ng kanilang piniling institusyon.

Ang work immersion program ay binuo upang ang mga mag-aaral ay magkaroon ng

kaalaman patungkol sa pagta-trabaho. Ang mga mag-aaral ay inaasahang magkakaroon ng

malalim na pang-unawa sa programa at malinang ang kani-kanilang mga abilidad sa natutunan

base sa kanilang pag-aaral at kinuhang strand. Ang lahat ng trabahong itatalaga sa mga mag-

aaral ay dapat inaangkop base sa kanilang napiling strand. Maraming iba’t ibang opinyon at

pahayag ang mga mag-aaral patungkol sa ginagawang programa. Ngunit karamihan ay naiinis at

nawawalan ng gana upang ipagpatuloy pa ang nabanggit na programa. Isa sa mga hindi

nagustuhan ng karamihan sa mga mag-aaral ay ang pagtatrabaho ng walang sahod o “labor

without pay” galing sa kumpanya o maging sa paaralan. Kahit na ito ay isa sa pinaka

mahalagang kailangan sa pagpasa sa Grade 12, hindi parin tama para sa pananaw ng iba na

walang benepisyo ang mga estudyante. Isa pa roon ang walang serbisyong pangtransportasyon at

libreng pagkain. Hindi lahat ng mga mag-aaral ay may sapat na pera upang matugunan ang kani-

kanilang mga kailangan sapagkat ang karamihan ay umaasa pa sa mga magulang. Maidaragdag
pa rito ang mga gawaing iniuutos sa mga mag-aaral ay wala naman talagang kinalaman sa

kanilang napiling strand.

Tulad sa mga mensahe ng mga propesyonal marapat na magsimula ang lahat sa pinaka simula at

hindi papasok agad-agad sa gitna o dulo nang hindi tayo lumagapak sa pinaka-ibaba na hindi

natin kailanman gugustuhin at pangangarapin. Hindi angkop ang ibang mga pinagagawa sa mga

estudyante tulad na lamang ng pag-scan ng maraming pahina ng iba’t ibang libro pagtutupi ng

mga folder, paglalagay ng fastener at marami pang hindi angkop na gawain ang ipinaparanas sa

mga mag-aaral. Ang mga ito ay hindi nila magagamit upang sila ay maging handa sa pagkuha ng

trabaho. Sa halip na sila ay magkaroon ng kaalaman sa realidad ng buhay at pagtatrabaho, tila

sila ay nagsasayang lamang ng oras. Tunay nga ba na may benepisyo ang programang ito?

Gayunpaman , masasabi nating mayroong iba’t ibang persepyon ang bawat tao. Maaaring ang

persepsyon na ito ay maging positibo para sa iba at maaari ring maging mali o negatibo para sa

karamihan. Subalit ang kahihinatnan naman ng isang programa ay nakabase sa sa mga nagpa-

plano at mga kabahagi nito. Maraming benepisyong makukuha ang mga mag-aaral sa

programang ito ngunit hindi lahat ay nakatanggap ng pantay na pagtingin at angkop na

mapaglalagyan.

Kaya nagsagawa ang mga mananaliksik ng katanungan. Una rito ang;

1. Sapat ba ang paghahandang ginawa ng mga estudyante sa baiting 12 sa pagsabak nila sa

Work Immersion?

2. May kaugnayan ba ang pinag-aralan ng estudyante ng baitang 12 sa kanilang Work

Immersion?

3. Ano ang kabuuang pananaw ng mga estudyante ng baiting 12 sa Work Immersion?

Ang layunin ng Work Immersion ay upang ihanda ang mga mag-aaral na nasa ika-12 baitang sa

kanilang pag-akyat sa kolehiyo. Nagbibigay din ito sakanila ng dagdag kasanayan sa

pagtatrabaho, upang malaman ang hangganan at limitasyon ng kanilang kakayahan. Layunin rin

nito na mahubog ang mga mga-aaral sa pagpapahalaga, tamang ugali, kalinangan at kasanayan

na makakatulong sa desisyon na linangin ang propesyon o ang kahandaan sa paghahanapbuhay

pagkatapos ng pag-aaral. Natutukoy din ang epekto ng pagsasagawa ng work immersion ng mga

mag -aaral patungkol sa intelektwal na pag-iisip. Inisa-isa rin ang mga magaganda at hindi

magandang naidulot ng work immersion. Nabatid din dito kung karapat-dapat bang maging

sentro ang work immersion. Sa kabuuan ang work immersion ay inaasahan na makapagdulot ng

lubos na kaalaman sa kurso na kukunin na tiyak na magagamit ng lahat ng mga mag-aaral na

nakilahok dito. Inaasahan na ang karanasan sa pagtatrabaho sa work immersion ay makakatulong

sa mga mag-aaral para maihanda sila sa field na ninanais na pagtrabahuhan. Naipredikta na lubos

na uunlad ang pagsasagawa ng work immersion at pagpapatuloy pa ito ng pamahalaan dahil sa

matagumpay na resulta nito.

Ang layunin ng pananaliksik na ito ay upang ihanda ang mga mag-aaral na tutungtong sa

baitang 12 ngayong taon. Ito rin ay naglalayong ipaalam sakanila ang proseso sa pagsasagawa ng

work immersion at subukin ang kanilang kakayahan bilang isang mag-aaral. Sa pamamagitan ng

pananaliksik na ito, maaari itong makapagbigay ng gabay sa pagpili nila ng kanilang strand na

tatahakin. Isa rin sa mga layunin ng pananaliksik na ito, ay upang maipahayag sa mga madla ang

iba’t ibang datos na isinasagawa sa loob ng work immersion.

 Isinasagawa ang work immersion upang matulungan ang mga estudyate ng baitang 12

pangkat HUMSS at maihanda sa pagpili ng kanilang propesyon na aangkop sa kanilang

kasanayan at kaalaman. Pinaghandaan din ito sa pamamagitan ng mga kanilang pinagaralan

upang sa gayon sila ay hindi. Base sa aming nakalap na datos, maraming maaring patunguhan

ang proyektong work immersion na itinatag ng DepEd. Matutulungan nito ang maraming mag-

aaral sa larangan ng strand na kanilang napili, lalo na sa pagtungtong nila sa kolehiyo. Kung

maayos nilang naisagawa ang work immersion. Ito ay makakapagbigay ng kaalaman o dagdag

kasanayan sa kanila. Kaalaman kung hanggang saan ang kanilang limitasyon sa napili nilang

strand. Kasanayan upang sila ay ihanda sa hinaharap nilang buhay kapag sumapit na ang araw na

sila ay magta-trabaho na matutulungan din sila nito sa pagpili ng kumpanya na kanilang

papasukan, lalo na’t nagkaroon na sila ng gabay sa kanilang isinasagawang work immersion.