Ang Konsepto ng Globalisasyon

Sa nakalipas na libo-libong taon, ang mga tao, at sa kinalaunan, ang mga korporasyon
ay bumibili at nagbebenta sa malalayong lupain (gaya ng Silk Road Trade sa Central
Asia na nag-uugnay sa China at Europe noong Gitnang Panahon). Gayundin, sa
nakalipas na mga dekada, namumuhunan ang mga tao at korporasyon sa mga negosyo
sa maraming bansa. Ang prosesong ito ay tinatawag na globalisayon. Ibig sabihin, hindi
na bago ang konseptong ito.
Ang globalisasyon ay isang proseso ng interaksiyon at integrasyon ng mga tao,
kompanya, at pamahalaan ng iba’t ibang bansa o estado. Ito ay prosesong
udyok ng pandaigdigang kalakalan at pamumuhunan sa tulong ng kaalamang
panteknolohiya.
Ang prosesong ito ay may epekto sa kapaligiran, sa kultura, sa sistemang
pulitikal, sa pagsulong ng ekonomiya at kaunlaran, sa kagalingan ng mga tao sa
mga pandaigdigang komunidad.
Ayon kay Thomas Friedman, ang bagong mukha ng globalisasyon ay mas
malaganap, mas mabilis, mas mura, at mas komplikado.
Bagaman may iba’t ibang interpretasyon ng konsepto ng globalisasyon,
nagkakasundo ang mga dalubhasa na palalim nang palalim ang mga epekto nito
sa mga bansa.

Pinagmulan ng Globalisasyon: Pangkasaysayan at Pang-ekonomiya

Ayon kay Northup, ang mga pagyayaring ito ay ilan lamang sa mga itinuturong simula
ng globalisasyon.
Pinagmulan ng Globalisasyon: Pampulitika
May mga pagtatalo tungkol sa tunay na pinagmulan ng globalisasyon sa aspektong
pampulitika. Karamihan sa mga ideya ay umiikot din lamang sa mga nabanggit na
(pangkasaysayan at pang-ekonomiya).
Kung may maidaragdag man, marahil ito ay ang ideya ni Andre Gunder Frank.
Ayon sa kaniya, nagsimula ang globalisasyon noon pang panahon ng mga
unang sibilisasyon (Frank at Gills, 1992).
Sa kabilang banda, pinangangatawanan ng mga mananaliksik na ang ika-20
dantaon hanggang kasalukuyan ang mga dekada ng maigting na globalisasyon
sa pulitika.
Ayon kay Berger (2000), sa mga panahong ito, malaki ang inilago ng daloy ng
kapital, palitan ng pera, at paglipat ng mga manggagawa. Dahil dito,
nagkakaroon ng mga haka-haka na ang globalisasyon ang siyang tuluyang
magpapahina sa mga estado bilang pinakamahalagang yunit-pulitikal.
Bukod rito, marami ring nag-aakalang hindi na magiging malapit at matapat sa
sariling bansa ang mga mamamayang nasanay na sa globalisasyon.
Magkagayunman, walang sapat na patunay ang mga pahayag na ito, bukod sa
iilang ebidensiya na bumababa ang tiwala ng mga tao sa inihalal na mga pulitiko
(hindi sa kabuuan ng pamahalaan).
Pag-aralan Natin!
*Pinagmulan ng Globalisasyon: Sosyo-kultural *
Ngunit, bakit nga ba pinipili ng mga tao na makipag-ugnayan sa ibang bansa?
Ayon kay Yang (2010), ang globalisasyon ay daan sa pagkabuo ng global
interests, o mga magkakatulad na interes ng mga indibidwal, ng mga bansa, at
ng mga ugnayan nila.
Maaring halimbawa ng global interests ay ang pagkakaroon ng mga karapatan.
Bagaman maraming pagkakaiba, pare-parehong may ideya ng karapatan ang
mga indibidwal, korporasyon, pamahalaan, at grupo ng mga bansa.
Dahil dito, hindi maikakaila ang paglago ng mga usapin ukol sa karapatan. Sa
loob o labas man ng mga bansa, pinagtatalunan at ipinaglalaban ang kaniyakaniyang
pananaw ukol dito, wala o bibihira na ang nagsasabing hindi mahalaga
ang mga ito.
Ang pagkakabuo ng mga interes katulad nito ay nakapag-aambag sa
globalisasyon dahil sa kanilang kakayahang gawing mas katanggap-tanggap ang
buong proseso ng pag-uugnay-ugnay.

Ang Institusyon
Ang institusyon ay tumutukoy sa sistema ng matitibay o subok na at laganap
nang mga panuntunang panlipunan o social rules, na siya namang humuhubog
sa mga kilos at ugnayan ng mga tao.
Kung susuriin, ang bawat indibidwal ay may ganap na kalayaang mamili at
kumilos nang ayon sa sariling kagustuhan.
Samakatuwid, ang ginagawa lamang ng mga institusyon ay nagbibigay ng mga
pamantayan o standards ukol sa dapat na isipin, gawin, at piliin.
Ang institusyon ay tumutukoy rin sa establisimiyento, lipunan, o samahang
itinatag para sa isang tiyak na layunin, gampanin, at tunguhin.
Mga halimbawa ng panlipunang institusyon:
pamilya
paaralan
pamahalaan
mass media
multinational corporation
NGO
international organization

Mga Gampanin ng mga Institusyon sa Globalisasyon: Pamahalaan at Paaralan

Paano kumikilos at gumaganap ng kanilang bahagi ang mga pamahalaan sa proseso
ng globalisasyon?
Pamahalaan
Pag-aralan ang talahanayan.
Ano naman ang bahaging ginagampanan ng mga paaralan sa globalisasyon?
Paaralan
Suriin ang graphic organizer.
Ang mga paraalan ang pangunahing tagapagsulong ng edukasyon o kaalaman.
Kaalinsabay ng internasyonalisasyon at globalisasyon, sinisikap ng mga paaralan na
makaagapay sila sa pandaigdigang pamantayan ng edukasyon. Bunga ito, higit na
nakikinabang ang mga mag-aaral sa lahat ng panig ng mundo sa mga pagbabagong
ipinatutupad ng mga paaralan.
Pag-aralan Natin!
Mga Gampanin ng mga Institusyon sa Globalisasyon: Mass Media
Ano ang papel ng mass media sa globalisasyon?
Mass Media
Ang mass media ay tumutukoy sa lahat ng teknolohiyang nagagamit sa
pagpapalaganap ng kaalaman sa maraming tao (halimbawa: pahayagan, telebisyon,
radyo, at Internet).
Tahasan at madaling unawain ang mga ambag ng mga teknolohiyang ito sa
globalisasyon:
1. Ang pagkakaugnay-ugnay ng mga tao sa pamamagitan ng direktang usapan
Ang pamamahagi ng impormasyong nagiging basehan ng mga pananaw at
pagkilos
Samakatuwid, kung magiging patas ang access sa mass media, mahihinuhang ang
bawat mamamayan, saanmang lugar, ay maaaring makapag-isip at makapagdesisyon
na may pananaw na ang kaniyang mga kilos ay hindi lamang para sa sarili o bansa,
kung hindi para sa buong mundo.
Pag-aralan Natin!
Mga Gampanin ng mga Institusyon sa Globalisasyon: International Corporation
Sa paanong paraan nakapag-aambag ang mga multinational corporation sa
globalisasyon?
International Corporation
Ang mga multinational corporation ay tumutukoy sa organisasyon o kompanyang
nagmamay-ari at nagkukontrol ng produksiyon ng mga kalakal o produkto at serbisyo
sa isa o maraming bansa maliban sa sariling bansa.
Dalawa ang maaaring ayos nito.
1. Maaaring gawin ng kompanya sa loob ng isang bansa lamang ang mga produkto
at magkaroon ng mga sangay sa ibang bansa kung saan maaaring magbenta at
sa kalaunan ay magbubuo rin ng mga produkto.
Maaari din namang buuin ang produkto sa pamamagitan ng pagkakabit-kabit o
pagsasama-sama ng iba’t ibang bahagi nito mula sa iba’t ibang bansa.
Sa alinmang ayos, nakikitang pinag-uugnay-ugnay ng mga multinational
corporation ang mga bansa. Bagaman hindi ganap na magkakapareho ang mga
kompanya, masasabing marami rin silang pagkakatulad (halimbawa, ang paraan ng
paggawa ng produkto). Madali sa bawat isa na magpalitan ng mga manggagawa at
kapital. Sa ganitong paraan, nakapagsusulong sila ng globalisasyon.
Ipinakikita sa larawan kung paano nakapag-aambag ang mga multinational
corporation sa globalisasyon.

Mga Hamon sa Pagtamo ng Sustainable Development: Consumerism

Mga Layunin
Pagkatapos ng araling ito, ang mga mag-aaral ay inaasahang:
naipaliliwanag ang konsepto ng consumerism; at
nasusuri ang mga kasalukuyang hamon sa pagtugon sa consumerism tungo
sa sustainable development.
Tanong:
Sa kasalukuyan, naniniwala ang mga mamamayan na ang kaligayahan at kayamanan
sa mundong ito ay nasusukat sa lago ng ekonomiya at komportableng pamumuhay.
Ang pagtatamo ng “magandang buhay” ay pangarap ng marami, na nagbibigay-daan sa
tinatawag na consumerism.
Ano ang consumerism? Bakit isa ito sa mga hamon sa pagtamo ng sustainable
development?
Paano malilimitahan, kung hindi man tuluyang masusugpo, ang consumerism?
Alamin ang mga sagot sa araling ito!
Balikan Natin!
Ang Konsepto ng Sustainable Development
Ang sustainable development ay tumutukoy sa pag-unlad na tumutugon sa
mga pangangailangan ng kasalukuyang henerasyon na hindi naikukompromiso
ang kakayahang tugunan ng susunod na salinlahi ang kanilang
pangangailangan.
May dalawang konseptong nakapaloob sa depinisyong ito: pangangailangan at
limitasyon.
Ang sustainable development ay tumutukoy rin sa paraan ng patuloy na pagaalaga
sa lipunan, ekonomiya, at kapaligiran habang patuloy ang pag-unlad ng
bansa. Ito ay matatamo sa pamamagitan ng responsableng paggamit ng mga
likas na yaman sa kasalukuyan at pagtitiyak na may mga mapagkukunan pa rin
sa hinaharap.
Halimbawa, sa pamamagitan ng pagtatanim ng mga puno, natitiyak
ang sustainable development dahil ang mga mamamayan sa hinaharap ay may
masasandigan pa rin.
Subalit, may mga hamon sa pagtamo ng sustainable
development: consumerism, energy sustainability, poverty, at health
inequalities.
Pag-aralan Natin!
Consumerism
Ang consumerism ay isang teorya o ideolohiyang panlipunan at pangekonomiyang
aspekto ng kapitalismo na kung saan ang sukatan ng isang
sibilisadong lipunan ay naaayon sa laganap na pagbebenta, pamimili, at
pagpapaikot ng pera sa ekonomiya.
Sa pananaw na ito, ang mga mamamayan ay malalayang nakapamimili ng mga
produkto at serbisyo sa mga merkado.
Nailalarawan din ang consumerism ng patuloy na paghahanap ng mga tao ng
mas bago, mas mahusay, o mas murang mga produkto at serbisyo; ang
pagdagsa sa mga shopping mall; ang pagkain sa mga fast food at fine dining
restaurant; at ang pagtangkilik sa mga mamahaling kagamitan o luxury goods.
Sa USA, kung saan ito nagsimula, ang Black Friday Sale ay isang okasyon
tuwing Nobyembre na kung saan ang mga mamimili ay dumadagsa sa mga
pamilihan dahil ito ang panahong sila ay makabibili ng anumang kanilang naisin
sa pinakamababang presyo.
Ang consumerism ay laganap din sa Pilipinas at ang mga mamamayan dito ay
malalayang nakapamimili sa mga shopping mall at maging sa Internet.
Pag-aralan Natin!
Mga Hamon sa Pagtamo ng Sustainable Development: Consumerism
Para sa mga kritiko ng consumerism, ito ay ipinalalagay na pang-ekonomiyang
materyalismo at makasariling pag-uugali. Diumano, ito ay walang kabuluhan at
maaksayang paggamit ng salapi at mga likas na yaman.
Nanganganib ang susunod na henerasyon dahil sa walang habas na shopping
sprees; pagpapatayo ng mga shopping mall at mga katulad nito na
nagpapakawala ng nakalalasong carbon dioxide; walang tigil na paggamit at
pagdami ng mga sasakyang nagdudulot ng polusyon; maramihang paggawa ng
mga produktong elektroniko, yari sa plastik, at mga kagaya nito na nakasisira sa
kalikasan at kapaligiran; at sa sapilitang pagpaparami o pagpapalaki ng mga
hayop upang matustusan ang pangangailangan ng mga fast food restaurant.
Sa Pilipinas, ang consumerism ay binabatikos dahil sa epekto nito sa bansa.
Halimbawa, ang pagtambak dito ng mga basurang mula sa mauunlad na
bansang tulad ng Japan at Canada ay sinasabing epekto ng labis
na consumerism.
Ang pagputol ng mga pine tree sa tabi ng SM Baguio para palakihin
ang shopping mall na ito ay mariing tinutulan ng mga nagmamalasakit sa
kapaligiran.
Ang mga pangyayaring ito ay epekto ng consumerism na tumutugon sa pangmateryal
na kagustuhan ng mga tao na siya namang nagdadala sa kapaligiran at sa lipunan sa
peligro at sa kalabuan ng pagtamo ng sustainable development.
Pag-aralan Natin!
Mga Pagtugon sa mga Hamon ng Consumerism
Ang consumerism ay balakid sa sustainable development dahil ito ang isa sa
mga sanhi kung bakit naisasantabi ang maraming banta sa kalikasan tulad
ng climate change, kasalatan sa tubig, at pagkawala ng mga halaman, hayop at
iba pang maybuhay.
Ito ay paglabag sa pang-ekolohiyang limitasyon habang lumalago ang
ekonomiya. Nauubos ang mga likas na yaman. Patuloy ang pagdaragdag ng
mga kompanya ng mapaminsalang carbon footprint. Kinakalbo rin ang
kagubatan upang bigyang-daan ang mga makabagong urban center, shopping
mall, at mga bagong komunidad.
Upang matupad ang minimithing sustainable development, ipinapayo at
isinusulong ang mga kampanya at mga disiplinadong reaksiyon gaya ng
pagtataguyod sa simpleng pamumuhay, pagtangkilik sa sariling produkto, at mga
katulad nito na sa pangkalahatang pananaw ay makababawas ng labis na
materyalismo at basura.
Sa Pilipinas, sinimulang ipatupad ang Philippine Environment Code noong 1977
upang pangalagaan ang kapaligiran.
Sa buong mundo, may malalaking kompanya ang nagsimulang tumutok sa
proteksiyon ng lipunan at kapaligiran. Layunin ng kanilang corporate social
responsibility na mapanatiling luntian ang kapaligiran, matustusan ang
pangangailangan ng malinis na tubig at edukasyon ng mga mamamayan sa
mahihirap na bansa, at gumawa ng mga produktong socially responsible na hindi
nakasisira ng kalikasan.
Pagnilayan
Paano ka tutugon sa mga hamon ng consumerism upang maisulong ang sustainable
development?
Mahahalagang Kaalaman
Ang sustainable development ay ang pag-unlad na tumutugon sa mga
pangangailangan ng kasalukuyang henerasyon na hindi naikukompromiso ang
kakayahang tugunan ng susunod na salinlahi ang kanilang pangangailangan.
May mga hamon sa pagtatamo ng sustainable development katulad
ng consumerism, energy sustainability, poverty, at health inequalities.
Ang consumerism ay isang ideolohiyang panlipunan at pang-ekonomiyang
aspekto ng kapitalismo na kung saan ang sukatan ng isang sibilisadong lipunan
ay naaayon sa laganap na pagbebenta, pamimili, at pagpapaikot ng pera sa
ekonomiya.
Para sa mga kritiko ng consumerism, ito ay ipinalalagay na pang-ekonomiyang
materyalismo at makasariling pag-uugali. Diumano, ito ay walang kabuluhan at
maaksayang paggamit ng salapi at mga likas na yaman.
Ang consumerism ay nakikitang balakid sa sustainable development.
Isang ang Pilipinas sa mga bansang nakikiisa sa pagtugon sa mga hamon
ng consumerism upang maisulong ang sustainable development.
Mga Isyung Pangkapaligiran at Pang-ekonomiya, Araling Panlipunan - Grade 10
Mga Hamon sa Pagtamo ng Sustainable Development: Energy Sustainability
Mga Layunin
Pagkatapos ng araling ito, ang mga mag-aaral ay inaasahang:
naipaliliwanag ang konsepto ng energy sustainability; at
nasusuri ang mga kasalukuyang hamon sa pagtugon sa energy
sustainability tungo sa sustainable development.
Upang matamo ang sustainable development, isa sa mga hamong tinitingnan ay
ang energy sustainability ng mga bansa o ng buong mundo.
Ano ang ibig sabihin ng energy sustainability? Bakit mahalaga ito sa pagtamo
ng sustainable development?
Paano makakamit ang energy sustainability, isang mahalagang salik tungo sa
pagtamo ng sustainable development?
Alamin ang mga sagot sa araling ito!
Balikan Natin!
Ang Konsepto ng Sustainable Development
Ang sustainable development ay tumutukoy sa pag-unlad na tumutugon sa
mga pangangailangan ng kasalukuyang henerasyon na hindi naikukompromiso
ang kakayahang tugunan ng susunod na salinlahi ang kanilang
pangangailangan.
May dalawang konseptong nakapaloob sa depinisyong ito: pangangailangan at
limitasyon.
Ang sustainable development ay tumutukoy rin sa paraan ng patuloy na pagaalaga
sa lipunan, ekonomiya, at kapaligiran habang patuloy ang pag-unlad ng
bansa. Ito ay matatamo sa pamamagitan ng responsableng paggamit ng mga
likas na yaman sa kasalukuyan at pagtitiyak na may mga mapagkukunan pa rin
sa hinaharap.
Halimbawa, sa pamamagitan ng pagtatanim ng mga puno, natitiyak
ang sustainable development dahil ang mga mamamayan sa hinaharap ay may
masasandigan pa rin.
May mga hamon sa pagtatamo ng sustainable development katulad
ng consumerism, energy sustainability, poverty, at health inequalities.
Pag-aralan Natin!
Energy Sustainability
Ang energy sustainability ay sumasaklaw sa pagtugon sa pangangailangan sa
enerhiya ng kasalukuyang panahon at pagtiyak na hindi maisasa-alang-alang
ang kakayahan ng susunod na henerasyong tugunan ang kanilang
pangangailangan.
Ang sustainable energy ay tumutukoy sa kahit anong enerhiya na potensiyal na
magagamit nang maayos sa hinaharap na hindi makapipinsala sa susunod na
salinlahi. Ito ay may dalawang sangkap: renewable energy at energy efficiency.
Ang renewable energy tulad ng solar, wind, geothermal, hydroelectric, at ocean
energy ang nakikitang alternatibo sa fossil fuels, kaya, hinihikayat ang
malawakang paggamit nito.
Pag-aralan Natin!
Mga Hamon sa Pagtamo ng Sustainable Development: Energy Sustainability
Sa kasalukuyan, laganap ang paggamit ng fossil fuels (karaniwang may
kasamang karbon, langis, at natural na gas) bilang tagatustos ng enerhiya. Ang
pagsusunog o paggamit ng fossil fuels ay nangangahulugang pagpapakawala
ng carbon dioxide sa papawirin. Ang carbon dioxide ay greenhouse gas na
nagdudulot ng climate change at global warming.
Dahil dito, hindi makabubuting gawing pangmatagalang pinagkukunan ng
enerhiya ang fossil fuels. Hindi nito matitiyak ang energy sustainability ng mga
bansa dahil bukod sa banta sa kalusugan at kalidad ng buhay, i to ay limitado at
hindi nagagamit sa lahat ng panig ng mundo. Isang mabigat na pasanin ng
daigdig ang fossil fuels dahil sa negatibong epekto nito sa kalikasan, kapaligiran,
at karagatan.
Sanhi ng malawakang polusyon, ang paggamit ng fossil fuels ay maaaring kumitil
ng maraming buhay. Upang matamo ang sustainable development, kailangang
may ligtas na mapagkukunan ng enerhiya sa pangmatagalang panahon.
Pag-aralan Natin!
Mga Pagtugon sa mga Hamon ng Energy Sustainability
Ang sustainable and renewable energy sources ay mga likas na mapagkukunan ng
enerhiyang magpapanatili at magagamit muli sa malawakang paraan at pinakamahusay
para sa mga tahanan at mga pang-industriyang pagawaan.
Mga Alternatibong Mapagkukunan
Ang solar energy ay ang pinakamalinis, pinakalaganap, at pinakamahusay na
pinagmumulan ng renewable energy. Laganap na ang paggamit nito sa
pamamagitan ng mga solar panels.
Malawakan na rin ang paggamit ng wind energy na nakatutulong nang malaki sa
mga mandaragat sa kanilang paglalayag.
Marami nang kompanya ang namumuhunan sa paggawa ng windmills, wind
farms, at energy grids upang maipalaganap ang paggamit ng enerhiyang ito.
Ang geothermal energy ay nakukuha sa ilalim ng lupa sa pamamagitan
ng geothermal energy stations. Bagaman limitado lamang ito (karaniwan ay
malapit sa mga bulkan), ito ay mainam na tagatustos ng electric power.
Dahil halos 70% ng mundo ay katubigan, mataas din ang potensyal ng ocean
energy bilang mapagkukunan ng sustainable and renewable energy. Ang mga
alon ay lumilikha ng enerhiya sa pamamagitan ng ocean thermal plants. Ang
mga ilog at talon naman ay napagkukunan ng hydroelectric energy.
Pag-aralan Natin!
Mga Pagtugon sa mga Hamon ng Energy Sustainability
Ang sustainable and renewable energy sources ay mga likas na mapagkukunan ng
enerhiyang magpapanatili at magagamit muli sa malawakang paraan at pinakamahusay
para sa mga tahanan at mga pang-industriyang pagawaan.
Mga Proyekto, Programa, at Batas
Noong 2015, tinatayang may 2.8 bilyong tao sa mundo ang wala pa
ring access sa modernong mga serbisyong pang-enerhiya. Upang
matugunan ang pangangailangang ito, may proyekto ang United Nations
Development Programme (UNDP) hanggang 2030 na magbibigay ng
pandaigdigang daan sa makabagong mga serbisyong pang-enerhiya.
Itinataguyod ng samahang ito ang energy sustainability sa pamamagitan ng mga
patakaran, pagsuportang pampananalapi, at paglikha ng kamalayan ukol dito.
May mga komprehensibong programa din ang UNDP na tumututok sa energy
access at energy efficiency. Ang mga ito ay daan sa malawakang pagunlad,
low-carbon energy, luntiang ekonomiya, pagsupil sa kahirapan, at higit sa
lahat, sa sustainable development.
Ang Renewable Energy Act of 2008 ay batas sa Pilipinas na nakatuong gawing
50%-nakasalig-sa-renewable energy ang enerhiya sa bansa sa taong 2030.
Noong 2013, ang Climate Change Commission ay nagsimulang
makipagtulungan sa Worldwatch Institute para sa isang Sustainable Energy
Roadmap. Ito ay naglalayong gawing 100%-base-sa-renewable energy ang
pinagkukunan ng suplay ng koryente sa bansa sa loob ng isang dekada.
Sa pribadong sektor naman, ang Shell Philippines ay nangangako simula noong
1997 na mag-aambag sa sustainable development ng bansa sa pamamagitan ng
responsableng pagbibigay ng serbisyong pang-enerhiya.
Pagnilayan
Sa personal mong karanasan, nararamdaman ba ang pagkilos ng mga Pilipino para
sa energy sustainability ng bansa? Paano ka nakikibahagi sa hamon o usaping ito?
Mahahalagang Kaalaman
Ang sustainable development ay ang pag-unlad na tumutugon sa mga
pangangailangan ng kasalukuyang henerasyon na hindi naikukompromiso ang
kakayahang tugunan ng susunod na salinlahi ang kanilang pangangailangan.
May mga hamon sa pagtatamo ngsustainable development katulad
ng consumerism, energy sustainability, poverty, at health inequalities.
Ang energy sustainability ay sumasaklaw sa pagtugon sa pangangailangan sa
enerhiya ng kasalukuyang panahon at pagtiyak na hindi maisasa-alang-alang
ang kakayahan ng susunod na henerasyong tugunan ang kanilang
pangangailangan.
Hindi makabubuting gawing pangmatagalang pinagkukunan ng enerhiya
ang fossil fuels. Hindi nito matitiyak ang energy sustainability ng mga bansa dahil
bukod sa pagiging banta sa kalusugan at kalidad ng buhay, ito ay limitado at
hindi nagagamit sa lahat ng panig ng mundo.
Ang sustainable and renewable energy sources ay mga likas na mapagkukunan
ng enerhiyang magpapanatili at magagamit muli sa malawakang paraan at
pinakamahusay para sa mga tahanan at mga pang-industriyang pagawaan.
Ang Renewable Energy Act of 2008 ay batas sa Pilipinas na nakatuong gawing
50%-nakasalig-sa-renewable energy ang enerhiya sa bansa sa taong 2030.
Mga Isyung Pangkapaligiran at Pang-ekonomiya, Araling Panlipunan - Grade 10
Mga Hamon sa Pagtamo ng Sustainable Development: Poverty
Mga Layunin
Pagkatapos ng araling ito, ang mga mag-aaral ay inaasahang:
naipaliliwanag ang konsepto ng kahirapan o poverty; at
nasusuri ang mga kasalukuyang hamon sa pagtugon sa kahirapan tungo
sa sustainable development.
Ang kahirapan ay hindi lamang tungkol sa kakapusan sa pera upang matustusan ng
pangunahing pangangailangan kasama na ang pagkain, damit, at tirahan.
Ano ang kahirapan? Bakit isa ito sa mga hadlang sa pagtamo ng sustainable
development?
Paano tutugon ang mga pamahalaan at mamamayan sa kritikal na hamon ng
kahirapan?
Alamin ang mga sagot sa araling ito!
Balikan Natin!
Ang Konsepto ng Sustainable Development
Ang sustainable development ay tumutukoy sa pag-unlad na tumutugon sa
mga pangangailangan ng kasalukuyang henerasyon na hindi naikukompromiso
ang kakayahang tugunan ng susunod na salinlahi ang kanilang
pangangailangan.
May dalawang konseptong nakapaloob sa depinisyong ito: pangangailangan at
limitasyon.
Ang sustainable development ay tumutukoy rin sa paraan ng patuloy na pagaalaga
sa lipunan, ekonomiya, at kapaligiran habang patuloy ang pag-unlad ng
bansa. Ito ay matatamo sa pamamagitan ng responsableng paggamit ng mga
likas na yaman sa kasalukuyan at pagtitiyak na may mga mapagkukunan pa rin
sa hinaharap.
Halimbawa, sa pamamagitan ng pagtatanim ng mga puno, natitiyak
ang sustainable development dahil ang mga mamamayan sa hinaharap ay may
masasandigan pa rin.
May mga hamon sa pagtatamo ng sustainable development katulad
ng consumerism, energy sustainability, poverty, at health inequalities.