Katitikan ng Pulong

Ang katitikan ng pulong ay tinatawag na minutes of the meeting sa wikang Ingles. Nabubuo ang isang katitikan ng
pulong kapag isinusulat ng kalihim ang mga nagaganap sa isang pulong. Ang ginawang adyenda ng isang pinuno o
Tagapangulo ng isang kawani o lupon ay ang batayan ng katitikan. Maaari rin namang magtalakay ng iba pang bagay sa
susunod na pulong kung mababanggit at ilalagay sa katitikan.

Kailangang itinatala o magtaglay ang katitikan ng pulong ng mga sumusunod:

Petsa

Oras

Lugar ng pinagdausang pulong

Mga napag-usapan

Mga dumalo at hindi dumalo:

Kahalagahan ng Katitikan ng Pulong

Natitiyak na nasunod ang mga agenda at walang nakalimutang paksang dapat pag-usapan.

May dokumentasyon bilang ebidensya sa kung ano mang mga layunin.

Mababalik tanaw ang mga napag-usapan at mabibigyang kalinawan ang mga napag-usapan.

Mga Dapat Isaalang-alang sa Pagsulat ng Katitikan ng Pulong

Maghanda ng pormat na maaaring sulatan ng katitikan.

Siguruhing ang mga nakatala sa agenda ay kasama o hindi naisama sa napag-usapan.

Katotohanan lamang ang isusulat sa katitikan.

Maging alerto sa mga napag-usapan, mga napagkasunduan at hindi napagkasunduan, sa mga mahahalagang detalye.

Kapag nagkataon na mayroong naunang pagpupulong, bago basahin ang adyenda ng gaganaping pagpupulong, dapat
munang ilahad ang katitikan ng nakaraang pagpupulong.

Halimbawa ng istruktura ng Ulat ng Kalihim:

KATITIKAN NG PULONG

I. PAGBUBUKAS NG KAPULUNGAN

a. Petsa, oras at lugar kung saan ginawa ang pagpupulong

b. Taong namuno sa pulong

c. Talaan ng mga nagsidalo sa pulong

d. Adyenda ng kapulungan/paksa na tatalakayin sa pulong

II. PAGLALAHAD NG MGA TINALAKAY SA PULONG AYON SA ADYENDA

a. Paglalahad ng mga tinalakay

1. Mga napagkasunduan

2. Mga hindi napagkasunduan

b. Mga insidente sa pulong na may kaugnayan sa pagpupulong

III. PAGTITINDIG NG KAPULUNGAN

a. Oras ng pagtatapos ng pulong

b. Lagda ng kalihim na gumawa ng katitikan

Deskripsiyon ng produkto
Layunin

1.Nabibigyang-kahulugan ang deskripsiyon ng produkto.

2. Natutukoy ang kahalagahan ng deskripsiyon ng produkto.
3. Nakakagawa ng sariling poster tungkol sa deskripsiyon ng napiling produkto.

Deskripsiyon ng Produkto,
Alam niyo ba yun?

Deskripsiyon ng Produkto – ay isang maikling sulatin na ginagawa para sa pagbebenta ng mga produkto
para sa isang negosyo. Kinakailangan ang paglalarawan sa produkto upang maging kaakit-akit at maibenta
ito sa mga target na awdiyens o mamimili.

Kahalagahan ng Deskripsiyon ng Produkto

1. Upang mabigyang impormasyon ang mamimili tungkol sa mga a. benepisyo, b. katangian c. gamit d.
estilo e. presyo

2. Mahalaga rin ang deskripsiyon ng produkto upang maipakita sa mamimili na ang produkto ay akma sa
kanilang mga pangangailangan.

3. Mahalaga sa larangan ng kalakalan o negosyo dahil sa napakalas ang kompetensiya ng iba’t ibang
kompanya

• Hindi lamang boutique o mga pisikal na estruktura ng mga tindahan ang gumagawa ng mga deskripsyon
ng produkto na dati inilalagay sa mga magazin. Laganap na rin ang mga online store na totoong may mas
mahigpit na kompetensiyon dahil sa malawak ang maaring marating ng produkto at mas maraming
potensiyal na kliyente.

• Karaniwan ang deskripsiyon ng produkto ay isang maikling talata lamang.

• Maaring gumamit ng bulleted lists sa pagsulat ng deskripsiyon sa produkto lalo na kung sa online stores.

Mga Paraan sa Pagsulat ng Deskripsiyon ng Produkto

1. Maikli lamang ang Deskripsiyon ng Produkto

Kailangan masabi sa maikling talata ang mga kinakailangang ilarawan tungkol sa produkto
.
2. Magtuon ng Pansin sa ideyal na mamimili.

May iba’t ibang buyer persona ang bawat produkto. Ito ay kung para kanino ibinebenta ang isang proodukto.
Kalangan malaman ang katangian ng target na mamimili sapagkat sa pagsulat ng deskripsiyon ng produkto,
sila ang nararapat na direktang kausapin.

3. Mang-akit sa pamamgitan ng mga benepisyo.

4. Iwasan ang mga gasgas na pahayag.

 5. Patunayan ang paggamit ng superlatibo.

6. Pukawin ang imahinasyon ng mambabasa.

7. Magkuwento tungkol sa pinagmulan ng produkto

8. Gumamit ng mga salitang umaapela sa pandama.

9. Gumamit ng mga testimonya o patunay mula sa social media.

10. Gumamit ng pormat na madaling i-scan

11. Gumamit ng kaakit-akit na larawan ng produkto.

Activity
• Sa isang long coupon bond, lumikha ng isang poster ng isang patalastas para sa isang produktong batay
sa iyong interes o hilig.
• Maaring tunay o piksiyunal ang produkto.Iguhit ito at maging kaakit-akit sa paningin ng inyong mamimili.
• Sumulat ng maikling deskripsiyon bilang pangganyak o pan-engganyo sa mga posibleng mamimili ng
iyong produkto.

Takdang

Aralin Bumuo ng isang pangkat na may 5 miyembro at lumikha ng maikling video ng isang patalastas para
sa produktong nais itanghal at ibenta. Tiyaking makikita sa video ang deskripsiyong teksto na kaugnay ng
produkto. Gawing malikhain at angkop sa uri ng produkto ang estilo ng presentasyon.