Filipino 4

Ikaapat na Markahang Pagsusulit

S.Y. 2018- 2019

Sipi para sa guro:

Paalala sa mga guro: Basahin ang kuwento/tala nang dalawang beses

upang lubos na maunawaan ng mga mag-aaral.

Ang mga Pilipino ay nakipag-ugnayan sa mga dayuhan sa

pamamagitan ng pakikipagkalakalan sa kanila. Isa sa mga naunang
dumaong sa ating bansa upang makipagkalakalan ay ang mga Intisk.
Ang sistemang “barter” ay ginamit sa kalakalan. Ipinapalit ng mga
Pilipino ang mga produktong katulad ng perlas, waks, bulak, abaka, at
niyog sa mga produkto tulad ng porselana, payong, at pulbura.

Dahil sa matagal na pakikipag-ugnayan natin sa kanila ay

maraming naging impluwensya ang mga Intsik sa ating mga kaugalian,
wika, at pagkain. Isa marahil sa pinakamahalagang impluwensya sa atin
ng mga Intsik ay ang kanilang kasipagan at pagiging matipid. Ginagamit
muli ang mga bagay na maaari pang pakinabangan. Sila rin ang
nagpasimula ng pagbili ng mga basyong bote at iba pang basurang
maaari pang pakinabangan.
 Republic of the Philippines
Department of Education
Region VI- Western Visayas
Division of Negros Occidental
Cottage Road, Bacolod City

FILIPINO 4
IKAAPAT NA MARKAHANG PAGSUSULIT
S.Y. 2018 -2019

Panuto: Pakinggan ang tala na babasahin ng guro nang dalawang beses at sagutin ang mga
tanong batay dito. Isulat ang titik ng tamang sagot sa inyong sagutang papel.

1. Ano ang paksa ng unang talata?

A. Pagpapalit ng mga produkto
B. Pakikipagkalakalan sa mga dayuhan
C. Pakikipag-ugnayan ng mga Pilipino sa mga dayuhan
D. Ang sistemang “barter”

Panuto; Ang sumusunod ay ang mga pangyayari sa tala.

A. Sistemang barter ang ginamit sa kalakalan.

B. Unang nakipagkalakalan sa mga Pilipino ang mga Intsik.
C. Isa sa mga impluwensya ng mga Intsik sa atin ang kanilang kasipagan at pagiging
matipid.
D. Naging impluwensya ng mga Intsik ay ang ating kaugalian, wika at pagkain.

2. Alin ang unang pangyayari?

3. Alin ang ikalawang pangyayari?
4. Alin ang ikatatlong pangyayari?
5. Alin ang ikaapat na pangyayari?

6. Kanino unang nakipag-ugnayan ang mga Pilipino?

A. sa mga Hapon C. sa mga Amerikano
B. sa mga Intsik D. sa mga Kastila

7. Anong sistema ang ginamit ng mga Intsik sa pakikipagkalakalan?

A. ang sistemang “ barter” C. sistemang pautang
B. sistemang “buy and sell” D. sistemang pagtapon ng bulok na produkto

8. Ano ang ibig sabihin ng sistemang “barter”?

A. Pagtapon ng mga produkto C. Pagpalitan ng mga produkto
B. Pagtago ng mga produkto D. Pagtinda ng mga produkto

9. Bakit marami ang naging impluwensya ng mga Intsik sa atin?

A. Dahil sa maikling pakikipag-ugnayan sa kanila
B.Dahil sa barter
C. Dahil sa matagal na pakikipag-ugnayan sa kanila
D. Dahil sa maikling pakikipagkalakalan sa kanila

10. Paano nakipag-ugnayan ang mga Pilipino sa mga Intsik?

A. nakipagkaibigan sa kanila
B. nakipagkalakalan sa kanila
C. nakipaglaro sa kanila
D. nakipag-away sa kanila

11. Bakit sinasabing matipid ang mga Intsik?

A. Tinatapon nila ang mga bagay pagkatapos gamitin.
B. Tinitinda pa rin ang mga produkto kahit “expire” na.
C. Kaunti lang ang kinakain nila.
D. Ginagamit nilang muli ang mga bagay na maaari pang pakinabangan.
12. Gusto mong malaman ang kinaroroonan ng bansang Tsina, anong saggunian ang gagamitin
mo?
A. Diksyunaryo B. Atlas C. Pahayagan D. Ensayklopidya

13. Naghahanap ng bahay na mauupahan si Arnel para sa kanyang pamilya. Saang bahagi ng
pahayagan niya ito nakikita?

A. Klasipikadong Anunsyo C. Balitang Isports

B. Editoryal D. Obitwaryo

14. Gusto mong basahin ang opinyon ng editor tungkol sa “bullying” na nangyari sa isang
paaralan. Saang bahagi ng pahayagan mo ito mababasa?

A. Klasipikadong Anunsyo C. Balitang Isports

B. Editoryal D. Balita sa Panahon

15. Upang ipaalam sa lahat ng inyong mga kamag-anak at mga kaibigan ang tungkol
sa kung saan nakahimlay at kung kailan ililibing ang lola mong sumakabilang buhay na,
saang bahagi ng pahayagan nila ito mababasa?

A. Editoryal C. Obitwaryo
B. Balita sa Panahon D. Libangan

16. Para malaman ng kuya mo kong sino ang nanalo sa larong basketbol ng Golden States
Warriors at LA Lakers, saang bahagi ng pahayagan niya ito mababasa?

A. Pamukhang Balita C. Balitang Isports

B. Editoryal D. Balita sa Panahon

17. Pagsasaka at pag-aalaga ng hayop ang hanapbuhay ni Mang Carlos. Ano ang kahulugan ng
hanapbuhay?

A. gawaing pinagkaabalahan C. gawaing mapagkakakitaan

B. gawaing pinagkatuwaan D. gawaing libangan

18. Nagtaingang-kawali si Ruben nang tawagin ng kanyang ina dahil naglalaro siya ng
“computer games”. Ano ang kahulugan ng nagtaingang-kawali?

A. nagbibingi-bingian C. nakarinig kaagad

B. nagagalit D. hindi sumagot

19. Sa sobrang sarap ng pagkain, marami ang kinain ko sa tanghalian kaya nagduduwal ako
pagkatapos. Ano ang kahulugan ng nagduduwal?

A. nabubuwal B. naliligo C. nagsusuka D. nakatulog

20. May pulong ang mga opisyales ng “Supreme Pupil Government”. Bilang kalihim ng
samahan, nais mong magbigay ng mungkahi para mapanatiling malinis ang paaralan. Paano
mo ito sasabihin?
A. Tumahimik kayo. May sasabihin ako.
B. Puede bang pakinggan muna ninyo ang imumungkahi ko?
C. Maganda ang sasabihin ko, makinig kayo.
D. Ito ang gagawin natin, pakinggang mabuti.

21. Nasa “gate” ka ng paaralan. May panauhing nagtanong kong saan ang opisina ng prinsipal.
Ano ang sasabihin mo para siya matulungan?
A. “Doon sa tabi ng “stage”.
B. “Sa gilid ng canteen ang opisina ni Sir.”
C. “Pag-akyat mo sa hagdan na iyan, dumiretso po kayo. May daan po kayong makita
pakanan, doon po kayo dumaan. Tapos po, dumiretso kayo palikod hanggang makita mo
ang “stage”. Sa tabi niyan, naroon ang opisina ng prinsipal.”
D. “Pag-akyat mo sa hagdan, magtanong nalang po kayo sa mga bata.”
 Panuto: Basahin at unawain ang talata. Sagutin ang mga tanong.

Punongkahoy

Ano kaya ang magiging anyo ng daigdig kong walang mga punongkahoy? Mahalaga
ang mga punongkahoy.Hindi lamang nila pinagaganda ang ating paligid kundi pinalalamig,
at binibigyan pa rin nila tayo ng lilim. Binibigyan nila tayo ng pagkain, damit at kahoy. May
mga punongkahoy na nagbibigay rin ng gamot.
Kung saan may punongkahoy, doon may salapi. May salapi sa bunga ng mga
punongkahoy na tulad ng mangga, bayabas, tsiko at santol. May salapi sa mga puno at sanga
ng mga punongkahoy na tulad ng nara, ipil, tangile at lawaan. May salapi rin sa mga dahon
ng niyog, nipa, at anahaw. Tunay na tumutubo sa punongkahoy ang salapi.

22. Bakit mahalaga ang mga punongkahoy?

A. Nagpapaganda sila ng paligid.
B. Nagpapalamig sila ng hangin.
C. Nagbibigay sila ng pagkain, damit at gamot.
D. Lahat ng sagot ay tama.

23. Bakit may salapi sa mga punongkahoy?

A. Ang mga bunga ng ilan ay maaaring itinda.
B. Nagbibigay ito ng lilim sa tao at hayop.
C. Kinakain ng mga ibon ang bunga nito.
D. Namumunga ito ng tunay na pera.

24. Paano tumutubo ang salapi sa mga punongkahoy?

A. Maaari nating ibenta ang bunga, sanga at puno para magkapera.
B. Nililinis nito ang maruming hangin.
C. Nagbibigay ito ng lilim.
D. Sinasangga nito ang malakas na hangin.

25. Alin sa sumusunod na pahayag ang opinyon?

A. Nagbibigay ng pagkain at gamot ang mga punongkahoy.
B. Nagbibigay din ito ng lilim.
C. Nagpapalamig sila ng hangin at nagpapaganda ng paligid.
D. Sa palagay ko, mahalaga talaga ang mga punongkahoy.

26. Kung saan may punongkahoy, doon may salapi. Magbigay ng halimbawang angkop sa
salitang salapi.
A. Kapag naipagbili mo ang mga bunga ng punongkahoy, magkaroon ka ng kita.
B. Ang mga prutas ay nagbibigay sustansya sa katawan.
C. Kapag may punongkahoy, may sariwang hangin.
D. Ang punongkahoy ay nakatutulong sa tao.

27. Yari sa lawaan ang matibay naming mesa. Mga limampung taon na iyan sabi ni mama.
Ilarawan ang lawaan.
A. Ang lawaan ay nakukuha sa punongkahoy.
B. Ang lawaan ay isang punongkahoy na nagbibigay ng matibay na kahoy para sa paggawa
ng mga muwebles.
C. Ang lawaan ay produktong yari sa kahoy.
D. Ang lawaan ay walang kwentang kahoy.

28. Ano ang naging obserbasyon ninyo dahil kakaunti nalang ang mga punongkahoy sa paligid?
A. Lumawak ang lupa para sa itatayong kabahayan.
B. Bumabaha sa kapatagan tuwing panahon ng tag-ulan.
C. Kakaunti ang naitindang mga prutas sa palengke .
D. Dumami ang mga ibon at ligaw na hayop sa kapatagan.
Panuto: Basahin at unawain ang talata.Pagkatapos sagutin ang mga tanong.

Bakit Kailangan Natin ang Tulog?

Para sa ilang bata, aksaya lamang sa panahon ang pagtulog. Mangyari po, hindi ito
totoo. Kailangan nating matulog nang walong oras sa isang araw upang manatiling malakas
at malusog.
Kapag naglalaro tayo o gumagawa, marami sa mga selula ng ating katawan ang
nasisira. Kapag tayo ay tulog, nakagagawa ng mga bagong selula ang ating katawan.
Kailangan ng ating utak ang tulog na tulad ng pangangailangan ng mga laman. Kapag
kulang sa tulog ang tao, malamang na maging bugnutin at mainitin ang kanyang ulo.
Madalas siyang makalimot at malimit makagawa ng mali.
Ang tulog ang pinakamainam na pahinga. Kailangan ng mga bata ang higit na
mahabang tulog kaysa sa mga matatanda. Kailangan ng kanilang katawan na lumalaki at
nagkukumpuni ng mga sirang selula.

29. Bakit kailangan nating matulog ng walong oras bawat araw?

A. Para kaunting oras lang ang mailaan sa pag-aaral.
B. Upang hindi makapaglaro nang matagal.
C. Upang manatiling malakas at malusog.
D. Para makatipid dahil dalawang beses nalang kumain sa isang araw.

30. Bakit kailangan ng bata ang mahabang tulog kaysa sa matatanda?

A. Kailangan ng kanilang katawan na lumalaki at nagkumpuni ng mga sirang selula.
B. Para maging bugnutin at mainitin ang ulo.
C. Para makalimot sa mga dapat gawin.
D. Para maaksaya ang panahon.

31. Paano natin mapanatiling malakas at malusog ang ating pangangatawan?

A. Kumain ng dalawang beses sa isang araw.
B. Sirain ang mga selula sa katawan.
C. Matulog ng walong oras bawat araw.
D. Magpahinga muna pagkatapos kumain.

32. Paano nakakatulong ang pagtulog sa tao?

A. Nakagagawa ng mga bagong selula ang katawan natin.
B. Napanatiling malakas at malusog ang katawan.
C. Naiwasan ang pagiging bugnutin at mainiting ulo.
D. Lahat ng sagot ay tama.

33.-36. Ibigay ang mga bagong kaalamang natuklasan mo sa binasang kuwentong “Bakit
Kailangan Natin ang Tulong.?
Panuto: Basahin ang kuwentong “Si Androcles at ang Leon”
Si Androcles at ang Leon
Si Androcles ay isang alipin na tumakas sa kanyang amo. Nagtago siya sa gubat.
Minsan ay nakita niya ang isang leon na damadaing sa sakit. Namamaga at nagdurugo ang paa
nito. Binunot ni Androcles ang nakatusok na tinik at ginamot ito. Laking pasasalamat ng leon
kay Androcles. Araw-araw, nagdadala siya ng karne na kakainin.
Hindi nagtagal, sabay na nahuli si Androcles at ang kaibigang leon. Hindi pinakain sa loob ng
maraming araw ang leon at si Androcles naman ay hinatulang ipapakain sa leon.
Inilagay si Androcles sa gitna ng arena at ang leon ay pinakawalan. Subalit laking gulat ng
Emperador! Hindi kinain ng leon si Androcles bagkus buong amo itong lumapit at dinila-dilaan
ang kamay ni Androcles.

37.-40. Itala ang mga mahahalagang pangyayari sa kuwento.

41.-44. Batay sa mga naitalang pangyayari, sumulat ng buod ng kuwento.
45.47. Isalaysay sa pamamagitan ng pagsulat ang naging karanasan ninyo noong nakaraang
Linggo.Gamitin ang iba’t ibang uri ng pangungusap.

48.50. Sumulat ng isang iskrip para sa teleradyo. Gamitin ang kuwentong “ Si Androcles at ang
Leon”.

….Wakas….
 FILIPINO 4
IKAAPAT NA MARKAHAN
TALAHANAYAN NG ISPISIPIKASYON

Mga Layunin Bilang Bilang Kina-

ng Bigat ng lalag-
Araw Aytem yan

1. Naibibigay ang paksa ng napakinggang teksto. 1 3% 1 1

2 .Napagsusunod-sunod ang mga pangyayari sa

tekstong napakinggan. 3 7% 4 2,3,4,5

3. Nasasagot ang mga literal na tanong tungkol sa

napakinggang teksto. 2 5% 3 6, 7, 8

4. Nasasagot ang bakit at paano. 2 5% 3 9, 10, 11

5. Nakagagamit ng pangkalahatang sanggunian ayon sa

pangangailangan. 1 3% 1 12

6. Nagagamit nang wasto ang mga bahagi ng pahayagan. 3 7% 4 13,14,15,16

7. Nabibigyang kahulugan ang tambalang salita. 1 3% 1 17

8. Nabibigyang kahulugan ang matalinhagang salita. 1 3% 1 18

9. Naibibigay ang kahulugan ng salita sa pamamagitan ng

pag-uugnay sa sariling karanasan. 1 3% 1 19

10. Nagagamit ang magagalang na pananalita sa iba’t ibang

sitwasyon ( pagbigay ng mungkahi o suhestiyon ) 1 3% 1 20

11. Nakapagbibigay ng panuto na may tatlo hanggang apat na

hakbang gamit ang pangunahin at pangalawang direksyon. 1 3% 1 21

12. Nasasagot ang mga tanong na bakit at paano sa tekstong

Pang-impormasyon (discussion) . 2 5% 3 22, 23, 24

13. Nasusuri Kung ang pahayag ay opinyon o katotohanan. 1 3% 1 25

14. Naibibigay ang kahulugan ng salita sa pamamagitan ng

pagbibigay ng halimbawa. 1 3% 1 26

15. Naibibigay ang kahulugan ng salita sa pamamagitan ng

pagbibigay ng paglalarawan. 1 3% 1 27

16. Naibabahagi ang obserbasyon sa kapaligiran. 1 3% 1 28

17 Nasasagot ang mga tanong na bakit at paano sa tekstong

Pang-impormasyon – explanation. 3 7% 4 29,30,31,32

18. Naibibigay ang bagong natuklasang kaalaman mula sa

binasang kuwento. 3 7% 4 33,34,35,36

19. Nakakakuha ng tala buhat sa binasang teksto. 3 7% 4 37,38,39,40

20. Nakapagbibigay ng buod o lagom. 3 75% 4 41,42,43,44

21. Nagagamit ang uri ng pangungusap sa pagsasalaysay ng

sariling karanasan. 2 5% 3 45, 46, 47

22. Nakasusulat ng iskrip para sa teleradyo. 2 5% 3 48-50.

_____ _____ ____
39 100% 50