LARONG 'SYATO'

Ang LARONG SIYATO 'Chato','Tsato' 'Siyatong' ay isang larong Pilipino na nagsimula pa taong 1990's na
ibig sabihin sa salitang Ilokano ay 'aray.Isa rin ito sa tradisyunal na laro ng Gitnang Silangang bahagi ng
Asya na kung tawagin ay GUTALAGUTI.Sa paglalaro ng Syato ay kinakailangan ng dalawa o higit pang
manlalaro at hindi lalampas ng anim ngunit mas maganda kung dalawa o apat lamang ang maglalaro
upang maging balanse ang dalawang koponan,ang A at B.Ang larong ito ay ginagamitan ng dalawang maliit
na patpat ng kawayan,kahoy o rattan.Ang manlalaro ay gagawa ng butas sa lupa na hindi lulubog ang
magkabilang dulo ng maliit na stick na kung tawagin ay 'pamato' 'habang ang bawat manlalaro ay may
isang malaking stick na kakasya sa butas upang paliparin ang maliit na stick.Kung masasalo ng kalaban ang
stick ay matataya ang kung sino mang tumira at kinakailangan na matamaan niyang muli ang butas dahil
kung hindi ay hindi magkakaroon ng puntos ang kanilang koponan.Kung hindi naman masasalo ng kalaban
ang stick ay magbibilang ang taya at kung umabot na sa bilang at hindi parin naibabalik sa 'base' ang maliit
na kahoy ay matataya na ang naglalaro at maaari na itong palitan ng kaniyang kakampi.Upang magkaroon
ng 'buhay' ang natayang kakampi ay kinakailangan niyang dalawang beses na masalo ang stick at maibalik
sa 'base' dahil kung hindi ay sila ang magiging taya ng laro.Ang unang maka-200 puntos ang magiging
panalo ng laro ngunit kung naging patas ang puntos ay kinakailangan na ipagpatuloy ang siyato at ang
umabot sa 300 daang puntos ang siyang mananalo at magkakaroon ng parusa.Sa pagbibigay ng parusa ay
papaluin ng nanalong grupo ang stick mula sa butas at kung saan umabot ang 'pamato' ay susukatin ito
gamit ang parehong bagay.Kung ilang dangkal ng pamato ang naging sukat nito ay ganon din ang beses na
sisigaw ng 'siyato' ang uanang miyembro.Uulitin ang paghampas sa pamato at ang sumunod na miyembro
naman ng natalo ang gagawa ng parusa hanggang sa matapos ito.Ang larong ito ay patuloy na nilalaro sa
'Middle-East Asia' ngunit isa rin ito sa mga laro na unti-unti nang kinakalimutan sa bahagi ng 'Timog-
Silangang Asya' higit lalo sa Pilipinas dala ng pagbabago ng panahon at pag-usbong ng mga
teknolohiya.Ngunit sa lahat ng pagbabago na ating nararanasan ay ating katandaan na hindi dapat natin
kinakalimutan ang bahagi ng kulturang ating kinamulatan.

J.S.N