Differentiated Instruction Bilang Isang Estratehiya sa Pagtuturo ng Literaturang

Filipino Sa Grade 7

Kaugnay na Literatura

Ang mga nabasang literatura na may kaugnayan sa differentiated instruction bilang

isang estratehiya sa pagtuturo ng literaturang Filipino ay nagtataglay ng mga
konseptong makakatulong sa kasalukuyang pag-aaral.

Tinuran ni Kizlik (2012), sa paggamit ng teknik sa gawaing pagtuturo, magiging

epektibo lamang ito kung nauunawaan ng guro ang mga pangunahing panuntunan at
mga palagay kung saan at paano iaangkop ang isang ispesipikong teknik sa kanyang
pagtuturo. Mahalaga ayon sa kanya na magkaroon ng makabuluhang estratehiya sa
pagtuturo na mag-aangat sa mataas na antas ng pagkatuto ng mag-aaral sa
pamamagitan ng pagkunsidera sa mga baryabol gaya ng katangian ng mag-aaral,
kaalamang dapat matutuhan, ang kritikal na gawain at mga estratehiya sa pagtuturo.

Binanggit din nina Lardizabal et.al(banggit ni Cantero, 2011), na mahalaga ang

motibasyon/pagganyak sa pagtuturo ng literatura sapagkat napupukaw nito ang interes
ng mga mag-aaral upang makipagtalakayan sa klase. Ang pagbibigay ng motibasyon
ay isang paraan upang mahikayat ang mga mag-aaral na makinig at matuto ng aralin.

Ayon naman kay Magpantay (2011), ang pagpili ng angkop na estratehiya o metodo sa
pagtuturo upang makamit ang epektibong pagkatuto ay nakasalalay sa guro. Sa tuwina
ay kailangang makabuo sila ng mga dulog na aangkop sa mga pagbabagong
nagaganap sa sistema ng edukasyon.

Sinabi rin ni Davis (2008), maraming magagandang estratehiyang magagamit ang mga
edukador upang malinang at mapaunlad ang pagpapahalaga sa literatura ng kanilang
mga mag-aaral. Kailangang piliin ng guro ang tekstong sa palagay nila ay may temang
nag-uugnay sa kasalukuyang panahon o kalagayan ng buhay ngayon.

Ang mga nabanggit na literatura ay makatutulong nang malaki sa kasalukuyang pag-

aaral sapagkat ang mga ito ay mapagkukunan ng mga ideya at konseptong may
kaugnayan sa pananaliksik. Angkop na estratehiya o pamamaraan ng pagtuturo ay
magpapatibay upang mapataas ang antas ng pagkatuto ng mga mag-aaral. At para
mas lalong malinang ang kasanayan ng mga mag-aaral.

Ayon kay Tomlison (banggit nina Ellis, et.al 2008), ang differentiated instruction ay
isang proseso na nagsisiguro na ang nilalaman, paano matutunan ito, at paano
maipapahayag ang mga natutunan ay akma sa kanilang kahandaan, interes, at
kakayahan ng bawat mag-aaral.
 Sinabi rin ni Anderson (2007), kapag ang guro ay gumagamit ng differentiated
instruction maaring gawing simple ang nilalaman ayon sa kung ano at papaano matuto
ang mga mag-aaral. Maaaring gumamit ng iba’t ibang teksto, nobela, at maikling
kwento na aakma sa lebel ng pagbasa ng bawat isa.

Ang mga nabanggit na literatura ay mahalaga sapagkat ang pokus ng pag-aaral na

ito ay nakatuon sa

differentiated instruction. Sinasabi na ang estratehiyang ito ay nakatutulong upang

maunawaan ng mga mag-aaral ang isang akda sa paraang akma sa kanilang
kakayahan. Mahalaga ito sa kasalukuyang pag-aaral sapagkat nakadaragdag ito sa
konsepto kung papaano gamitin ang differentiated instruction. Isang konseptong
magagamit ng guro upang matugunan ang pangangailangan ng kanyang mag-aaral.

Sa pahayag ni Good (2006), ang differentiated instruction ay hindi nangangahulugan ng

pagbibigay ng ibang gawain sa mag-aaral kundi ito ay dapat may koneksyon sa bawat
isa nang sa gayon masiguro na lahat ng mag-aaral ay

makakuha ng pare-parehong ideya at pantay pantay na kaalaman.

Ang nabanggit na literatura ay mahalaga sa kasalukuyang pag-aaral sapagkat ang

konsepto ay makatutulong kung papaano maisasakatuparan ng guro ang kanyang
layunin sa paraang hindi maisasantabi ang kahinaan ng ibang mag-aaral bagkus
mabigyan ang lahat ng pantay pantay na kaalaman. Ito ang layunin sa paggamit ng
differentiated instruction na siyang pokus sa pananaliksik na ito.

Ayon kay Belvez (2005) ang isang guro ay nagsisikap na magkaroon ng baryedad
ng mga gawain sa klase upang maiwasan ang pagkainip o pagkabagot, pagkasawa at
panlalamig ng sigasig ng mga mag-aaral. Ang mga gawaing ito ay may iba’t ibang antas
at may iba’t ibang uri na binatay sa kakayahan ng mga mag-aaral. Sa pamamagitan nito
nagkakaroon ang mga mag-aaral na pumili ng mga gawain upang maipahayag niya ang
kanyang kaalaman at abilidad.

Mahalaga ang literaturang ito sa kasalukuyang pag-aaral dahil ang pokus ng

mananaliksik ay tungkol sa kung papaano matutugunan ang pang akademikong
pangangailangan ng mga mag-aaral sa pamamagitan ng paggamit ng differentiated
instruction. Sa pamamagitan ng mga baryedad na gawain hindi mababagot ang mga
mag-aaral na matuto sa literatura. Ang paggamit ng differentiated instruction sa
pagtuturo ng literaturang Filipino ay naglalayong magbigay ng iba’t ibang gawain na
aangkop sa mga mag-aaral.
 Binigyang diin ni Nunley (2004),na mahalagang isaalang-alang din ng guro ang silid-
aralan bilang isang malaking bagay na rin na maaaring baguhin at paunlarin

upang mas matuto ang mga mag-aaral. Maaaring ibagay ito sa kung papaano matututo
ang mag-aaral at kung saan sila komportable. Mayroong mag-aaral na natuto at
gumagawa ng mag-isa. Ang iba naman mas gusto mag-aral o gumawa na may kasama
o grupo. May gusto rin ang umiikot sa loob ng silid-aralan samantalang ang iba ay mas
gusto na nakaupo lamang sa kanilang sariling upuan.

Ang literatura na ito ay mahalaga sa kasalukuyang pag-aaral sapagkat isa sa mga

maaaring makatulong upang mas maging epektibo ang paggamit ng differentiated
instruction ay ang pagsasaalang-alang ng lugar kung saan matuto ang mga mag-aaral.
Mapagkukunan ito ng kaisipan kung papaano mapaunlad ang pagkatuto ng mga mag-
aaral. Ang silid-aralan ay maaaring baguhin ang istilo o ayos upang makahikayat ng
interes ng mga mag-aaral. Ang guro ay gagawa ng paraan upang maging komportable
ang mga mag-aaral. Ang mga ideya at konseptong nakapaloob ay malaking tulong sa
kasalukuyang pag-aaral.

Ayon kay Gonzales (2004) ang kahandaan ng mga edukador o guro ang
pinakamalaking problema ng edukasyon sa kasalukuyan. Nadaragdagan ang mga guro
ngunit iilan lamang ang may sapat na kahandaan at kasanayan sa pagtuturo. Sinabi
niya na mabigat ang tungkuling nakaatang sa balikat ng isang guro. Ang pormularyo sa
pagtuturo ng edukasyon sa paaralan, kumuha ng isang mahusay na guro, gurong alam
ang ituturo at kung paano ito ituturo. Ang pag-asa sa pagtamo ng edukasyong katangi-
tangi ay nakasalalay sa mahusay, malikhaing guro na may positibong katauhan,
malawak na karanasan sa buhay at pag-unawa sa lipunan.

Ang nabanggit na literatura ay may kahalagahan sa pag-aaral na ito dahil ito ay

nakatuon sa konsepto na ang guro ay isa sa may pinakamahalagang papel na
ginagampanan sa pagpapaunlad ng mga kakayahan ng mga mag-aaral. Ito ay
maisasagawa sa pamamagitan ng paggamit ng mga estratehiya upang maabot ang
layuning matuto ang mga mag-aaral. Kung kaya isa sa rekomendasyon ng pag-aaral na
ito ay mabigyang ng kaukulan at sapat na pagsasanay ang mga guro sa mga
makabagong estratehiya sa pagtuturo ng literaturang Filipino.

Ang mga nabanggit na literatura ay malaking tulong sa mananaliksik upang mas

malinaw ang mga ideya tungkol sa paggamit ng differentiated instruction.
Makakatutulong din ito upang mas magkaroon ng katuturan ang pag-aaral na ito.

https://www.scribd.com/document/386408773/DIFFERENTIATED-INSTRUCTION-SA-
PAGTUTURO-NG-PANITIKAN-docx
 DIGITIZED LESSON SA FILIPINO: TUGON SA TAWAG NG PANGANGAILANGAN
NG IKA-21 SIGLONG KASANAYAN, PAGSIPAT SA EPEKTO NITO SA
PEDAGOHIYA NG MGA GURO AT PAGKATUTO NG MGA MAG-AARAL

REBYU NG KAUGNAY NA LITERATURA

Sa artikulo ng Edutopia (2008) hinggil na may pamagat na “Why Integrate Technology

into the Curriculum?: The Reasons Are Many,” sinasabi ng may-akda na ang tamang
paggamit ng teknolohiya sa loob ng silid-aralan ay nakatutulong upang matamo ng mga
mag-aaral ang mga kasanayang kinakailangan upang malampasan ang masalimuot na
mundong hain ng makabagong teknolohiya. Ang integrasyon ng teknolohiya sa
pagtuturo ay nangangahulugang di lamang pagtuturo ng batayang kasanayan sa
kompyuter at mga software program. Ang pagkatuto sa pamamagitan ng mgaproyekto
habang ekwip ng mga kagamitang panteknolohiya ay nagpapahintulot sa mga mag-
aaral na maging intellectually challenged; sa pamamagitan ng mga proyektong ito,
natatamo at napakikinis ng mga mag-aaral ang kanilang kasanayan sa pagsusuri,
paglutas ng suliranin habang sila ay gumagawa nang indibidwal at pangkatan upang
saliksikin, iproseso atpagsama-samahin ang mga impormasyong nakita nila sa internet.
Natututo ang mga mag-aaral sa pamamagitan ng mga virtual, animated at realistic na
senaryo lalo na sa asignaturang Agham. Binabago rin ng teknolohiya ang paraan,
metodo ng guro sa kaniyang pagtuturo, nagiging mabisa ang pagtuturo lalo na sa iba’t
ibang uri ng mag-aaral at natataya ang pang-unawang mga mag-aaral. Sa pag-aaral na
ito, ginamit din ang teknolohiya sa pagpoproseso ng pagtuturo at pagkatuto ng mga
mag-aaral.

Ang Technology Integration ayon sa isa pang artikulo ng Edutopia (2008) ay

nangangahulugang paggamit ng iba’t ibang resorses na panteknolohiya gaya ng
kompyuter, mobile devices (smartphones), tablet, digital camera, social media platforms
at networks, software applications, internet at maramipang iba, sa pang-araw-araw na
praktis sa silid-aralan. Nagiging matagumpay ang integrasyon ng teknolohiya kung ito
ay nagiging routine (palagian) na,nariyan at madaling maakses para sa isang tiyak na
gawain at sumusuporta sa mga tunguhin ng kurikulum at tumutulong sa mga mag-aaral
upang mabisa nilang matamo ang kanilang mga layunin. Ang mabisang integrasyon ng
teknolohiya ay natatamo kung ang mga mag-aaral ay nakapipili ng mga kagamitang
panteknolohiya na nakatutulong upang magkaroon ng impormasyon sa tamang
panahon, nakapagsusuri , nakapagsasama– sama at nakapaglalahad ng mga
impormasyon. Sinabi ni Granberg (2000) sa kaniyang artikulo na lumabas sa isang
CFT’s newsletter na ang mga guro sa kanilang paaralan, Owen’s School, ay gumagamit
ng teknolohiya sa kanilang pagtuturo gaya ng video conferencing na ang mga speaker
ay galing pa sa ibang lugar. Habang ipinakikilala ng mga guro ang iba’t ibang
teknolohiya sa kanilang mga mag-aaral ay higit nilang napupuna na tumataas ang
kalidad ng talakayang pangklasrum at pakikisangkot ng mga ito sa mga gawain.
Ginigiya ng mga guro ang mga mag-aaral sa paghahanda ng kanilang multi-media
classroom presentations gaya ng mga clips mula sa internet, video, audio at mga news
archive footage. May mga naglalagay ng mga e-library upang maakses ng mga mag-
aaral ang mga digitized video clips na binuo mula sa isang live at simulated classroom
settings. Tinitiyak ng lahat ng faculty na napauunlad nila ang kalidad ng kanilang
pagtuturo sa pamamagitan ng mga teknolohiyang ito kung kaya’t napaiigting ang
pagtuturo at pagkatuto. Sinikap naman ng mga guro sa pag-aaral na ito na gumamit ng
iba’t ibang aplikasyon gamit ang teknolohiya sa pagututuro at pagpoproseso ng aralin
gaya ng ginawa ng mga guro ng Owen’s School.

Nilayon nina Yuan-Hsuan Lee etal (2011) sa kanilang pag-aaral na may pamagat na
“Revisit the Effect of Teaching and Learning with Technology,” natayain ang kabisaan
ng pagtuturo at pagkatuto gamit ang teknolohiya sa mga mag-aaral ng K to 12 gayon
din ang mga pampagtuturong praktis. Nais tugunan ng kanilang pag-aaral na matukoy
ang kalakasan at direksyon ng pagtuturo at pagkatutong gamit ang teknolohiya; ang
epekto nito sa mgamag-aaral; at ano ang mga tiyak na katangiang panteknolohiya,
estratehiyasa pagtuturo, katangiang pampagtuturo ang nakaaapekto sa pagtuturo at
pagkatuto gamit ang teknolohiya. Lumabas sa kanilang pag-aaral na binubuksan ng
teknolohiya ang mga hangganang pang-edukasyonal sapagkat nakatutulong ito upang
ang mga resorses sa internet ay madaling maakses ng kahit na sino sa buong mundo,
bukas ito sa publiko, libre at gayang mga elektronikong aklat, pod-casts, mga digitial
libraries, larong pang-edukasyonal, videong pang-edukasyonal at pang-instruksyonal
(Youtube/Teachertube) , tutorial at iba pa; tumataas ang lebel ng panghikayat ng
teknolohiya sa mga mag-aaral; napauunlad ng teknolohiya ang mga kasanayan ng mga
mag-aaral sa pagsulat at pagkatuto; napadadali ng teknolohiya ang pagkatuto ng mga
mag-aaral sa isang asignatura; napauunlad ang indibidwal na pagkatuto; sumusuporta
sa pinag-iba-ibang pagtuturo (differentiated instruction) ang integrasyon ng teknolohiya
sa klasrum; napaiigting ang kolaborasyon sa pagitan ng guro at mag-aaral;
naihahandaang mga mag-aaral para sa isang hanapbuhay na may kaugnayan sa
teknolohiya ; at napaiigting ang pagiging inobatibo at malikhain ng mga mag-aaral.
Inilahad ni Aloraini (2012) sa kaniyang pag-aaral ang kahalagahan ng paggamit ng
multimedia sa academic achievement ng mga mag-aaral sa King Saud University.
Natuklasan niya sa kaniyang pag-aaral na ang paggamit ng multimedia sa pag-aaral ay
mabisang paraan ng pagtatamo ng mahusay na pagkatuto kaysa ang tradisyunal na
paraan ng pagtuturo. Base sa mga inilhad ng estadistika ng kaniyang pag-aaral
lumabas na mataas ang academic achievement ng mga mag-aaral na sumailalim sa
experimental group gamitang multimedia sa pagkatuto kaysa iyong gumamit ng
tradisyunal na paraan ng pagkatuto. Ang paggamit ng ICT sa proseso ng pagtuturo at
pagkatuto ay isang penomena at tampukan ng mga pananaliksik sa panahon ngayon.
Sa pag-aaral ni Ali etal (2013) na may pamagat na “The Role of ICT toMake
Teaching-Learning Effective in Higher Institutions of Learning in Uganda,”
naipakita ang mabisang integrasyon ng teknolohiya sa mga praktis sa silid ay naging
isang hamon sa mga guro at administrador ng paaralan. Nilayon sa pag-aaral na ito na
matuklasan ang mga salik na nakaaapekto sa paggamit ng ICT at kabisaan nito sa
pagtuturo sa kolehiyo sa Uganda at matukoy ang mga inobasyong dalang ICT sa
proseso ng pagtuturo at pagkatuto. Gumamit ng sarbey ang pag-aaral na ito upang
isagawa ang pananaliksik at natuklasang mabisa ang ICT lalo na ang integrasyon ng e-
learning, e-communication, mabilis na pag-akses ng impormasyon sa internet, online
student registration, online advertisement, at nababawasan ang pagpiprint ng mga sipi
ng aralin at iba.

https://www.academia.edu/33957270/ACTION_RESEARCH_SA_FILIPINO.docx