Ang wikang Filipino, tulad ng alinmang wika sa daigdig, ay may sinilangang
lugar. Sa lugar na ito, gumamit ang mga tao ng wikang magbubuklod sa kanila. Sa wikang ito naipahayag ang nabuo nilang karunungan, paniniwala, sining, batas, kaugalian, pagpapahalaga, at Iba pang kaangkinang panlipunan. Ang mga ito, na kultura sa kabuuan, ay nagpasalin-salin sa bawat henerasyon sa pamamagitan din ng wikang yaon. Sa patuloy na pag-unlad ng wika, sa patuloy na pagyabong nito, bunga ng pakikisalamuha ng mga katutubo sa mga dayuhan-mananakop 0 kaibigan na may naiibang kultura-ang wikang ginagamit na kasangkapan sa pakikipamuhay ay yumaman sa salita. May mga salitang hiram at ligaw na ganap nang inangkin.Sa paggamit sa mga katawagang ito sa mga pahayag na may kayarian 0 kaanyuang katutubo, kasama ang mga likas na katawagan, ang mga inangking salita ay nagkaroon narin ng katangiang Pilipino, nagkaroon ng kulay atkarakter na Pilipino, at naging kasangkapan na sa pagpapahayag ng kulturang Pilipino. Ingles man ang salita, 0 Kastila kaya, sa sandaling gamitin iyon ng isang Pilipino, ang magiging pagpapakahulugan ay atas ng kullurang katutubo sa kanya. Kapag nagbabasa tayo ng akdang Ingles na sinulat ng isang dayuhan, madalas na nalilimutan nating ipinahayag ang mga kaisipan at mga pangyayari nang batay sa kulturang dayuhan. Kung nagkagayon, inuunawa natin iyon nang sunod sa ating kultura, kaya maaaring magbunga iyon ng maling pagpapakahulugan. Waring napakadaling isalin 0 bigyang-kahulugan ang yes at ang hello. Subalit ang yes ng Ingles ay maaaring po, opo, ho, oho, at 00 sa mga Tagalog; nangangahulugan na sa Tagalog-Filipino, may iba't ibang gamit ang salitang tinutumbasan lamang ng yes sa Ingles. Alinsunod kay George Mounin, isang Leoristang Pranses, ang pagsasalin ay kabuuan ng mga hakbang, at sa mga hakbang na ito, ang panimula at wakas ng pagkasalin ay kabuuan ng mga kahulugan at tungkuling saklaw ng kultura (Steiner 1976: 15). Kung hindi batid ang kultura ng isang bansa 0 lahi ay maaaring magbunga ng maling pagpapakahulugan ang pag-unawa.