CHALLENGES IN MIZO DRAMA

Mizote hi tun hma a\ang tawhin a huhova thil ti \hin an ni a, a huhovin hna an
thawk a, lâwm an nei a, tlangval zawng Zawlbukah an riak a, lal rorelna hnuaiah a
huhoin an nung a, society-in moral a thunun a, mi awm \ha duh lote chu khawtlangin
an chungah action a la a, ensan thlengin a thleng \hin. An theihtawpa \hain nun an
uluk a, lehkhabute nei ve lo mah se ziak loh dan an neihte khan an nun a kaihruai a,
moral hi an ngaisang em em \hin a, an phak tawkin mihring nun hi an zir ve nasa hle
a ni. Chuvangin, kum 1911 Krismas hmanna Thakthing venga Drama an han chang
chu hmuhnawm an ti em em a, a chhunga leng lo khawp mipui an kal khawm a ni.
Mizo Drama chuan kum 1911 a\anga vawiin thleng hian Mizo Literature-ah hmun a
khuar ta reng a, mahse Mizo Drama hian Society-ah a tira thu a sawi ang khan thu a
sawi ring ta lovin ngaihven pawh a hlawh tawk lo a tih theih ang. Mizo Drama
hmasawnna tur hrang hrang hetiang hian sawi ta ila.
1. Dramatist \ha an awm a ngai : Mizo Drama tam ber chuan mipui nawlpui hnen a
thleng pha tawk lovin a lang. Drama bute chu chhuak ve mah se mipui nawlpuiin
Drama hi an tuipui zo tawh lo. Hei hi a chhan pakhat ni theia lang chu Dramatist \ha
an awm tawk lo a ni thei ang. Drama hi mihring nun zirna \ha taka ngaih a nih laiin
Mizo drama chuan chu chu a phawk chhuak zo lo a ni thei ang. Mizo Dramatist tam
ber chu Academic-a drama lam thiamna leh zirna nei lem lo an ni a, Drama chu
awmze nei taka ziah a, compact taka remkhawm a ngai a, drama hrim hrim awmzia
pawh hre tawk loin drama a ziah chuan a fuh thei lo a ni.
2. Critic \ha an awm a ngai : Criticism hi sawiselna ringawt ni lova kaihruaitu a nih
tel avangin Mizo drama bute lo crticise a, hmasawnna hawi zawnga lo review a,
dramatist-te tana inenfiahna tur darthlalang chhawp chhuah a ngai a ni. Chutiang ti
thei tur chu awm tam se, tun ai hian Dramatist-ten drama an ziak uluk ang a, awmze
nei zawk leh ngaihnawm zawkin an lo ziak thei ang a, Mizo drama chuan hma a sawn
ngei ang.
3. Platform \ha a awm a ngai : Mizo Drama chuan theatre \ha, drama han pho
chhuahna tur hmun a nei lo. Platform a awm miau loh avangin drama chu a ziaktuten
lo ziak ve bawk mah se a chana chan chhuah kha Drama-in a nih ang a nih theihna
tur ber a nih avangin platform \ha a nei lo hi Mizo drama hmasawn theih lohna chhan
pakhat a ni. Kohhran \halai leh NGO inkhawmpuiah drama hi telh \hin a ni nain drama
puitling chan a ni ngai lo va, short drama bak entir theiha hun a awm \hin loh avangin
Mizo drama hian platform \ha a nei tawk lo a ni.
4. Drama hmangaihtu an tlem : Mizo poetry chuan Mizo Poetry Society a nei a, Mizo
Language & Literature chuan Mizo Academy of Letters a nei a, lehkhabu letlingtute
tan Mizo Writers Association a awm bawk a, Mizo Drama chuan ama pualin pawl a
nei ve miah lo a ni. Mizo Novel chuan ngainatu leh ngaisangtu a ngah sa a, mahse
develop ngai em em drama chuan amah hmasawn pui a, kaihruaitu tur pawl a nei ve
lo a, hei hi hmsawnna tura kawng pawimawh tak pakhat a ni.
5. Drama zirtirtute an pawimawh : Mizoramah hian Higher Secondary a\anga
University thlengin Drama hi syllabus-ah a awm vek a, mahse drama chu kum tina
lehkhabu chhuak tlem ber a ni reng a ni. Zirlaiten drama an tuipui theih tur khawpa
zirtir hi zirtirtute mawhphurhna a ni thei ang. Mizo Academhy of Letters-in Book of
the Year hi kum 1989 a\angin a thlang \an a, drama chu vawikhat chiah a la lang a,
kum 1997 khan Pasal\ha Khuangchera, Dr. Laltluangliana Khiangte ziah chu a lang ve
a ni. Ziaktu pakhat chuan kum 2012 khan Mizo Drama bu hi 52 chhuak tawhin a sawi
a, he mi hnu hian kum tin Drama hi bu thum a chhuak angah ngai chhin ta ila, bu 73
a awm dawn tihna a ni a, kum 1911 a\anga chhut chuan a average-a lakin kum tin
drama bu hi 0.67 chhuak ang a ni a, kum tin bu khat pawh a chhuak lo tihna a ni.
Chuvangin zirtirtute an \an a ngai a ni.
6. Conclusion : Drama hi mihring nun zirna pawimawh tak pakhat a ni a, William
Shakespeare-a drama lehlin tuipui \hin Mizote hian Mizo ngei ziah drama an tuipui
a, kum 1911-a drama an ngaihhlut anga an ngaihhlut leh chuan Mizo society leh
Mizote moral chawisanna atan drama hi a hman theih ngei ang tih ka ring tlat a ni.