Noli Me Tangere

Ang Noli Me Tangere na ang ibig sabihin sa tagalog ay huwag mo akong salangin.
Ito ang naging pinakang kontrobersyal na sinulat ni Dr. Jose Rizal dahil ito’y tumatalakay
sa madilim na estado ng mga Pilipino sa kamay ng mga Kastila. Sa ilang linggo na pag-
aaral at pagbabasa ng Noli Me Tangere ay minulat nito ang bawat kaisipan at damdamin
ng bawat tao. Halo-halong emesyon ang aking naramdaman may galit, yamot, tuwa, at
pagmamahal ang aking naramdaman sa nobelang ito.

Sa katauhan ni Crisostomo Ibarra ay nasasalamin o nakikita ko sa kanyang

katauhan si Dr. Jose Rizal isang binatang matipuno, matalino, mapagmahal at may
paninindigan. Dahil sa Noli Me Tangere ay tinulungan nitong imulat ang bawat Pilipino na
lumaban at sabihin ang kanilang damdamin at sa tulong din ng noli me tangere naging
batayan ito upang makita ang suliranin sa bayan at kung ano ang maaaring maging
solusyon dito.

Samantalang si Maria Clara ay tunay na dalagang Pilipina mayumi, relihiyoso

at magalang. Ngunit habang binabasa ko ang nobela ay pumasok sa aking
isipan na ang konseptong “Maria Clara” ay wala na sa panahong kasalukuyan.
Ang dating Maria Clara ay walang karapatan na mag -aral, bumoto sila ay
kinakailangang nasa bahay lamang. Ngunit ang bagong Maria Clara nga yon
ay ang babaeng may tapang, kayang lumaban, nailalahad ang mga damdamin
at higit sa lahat hindi takot sa sasabihin ng mga taong nakapalibot sa kanya.
Ngunit hindi lahat ng babaeng palaban para sa karapatan ay may ipinaglalaban
sapagkat ang iba sa kanila ay wala lang sumama lamang doon upang makiuso.

Hindi ko maiwasan maikumpara ang buhay noon sa ngayon dahil may

pagkakahawig pa rin ito sa kasalukuyan . Kapag ika’y dukha wala kang
karapatan mabagal ang hustisya at isa pa rito ang pangungutya sa mga
mahihirap na hanggang sa ngayon ay totoong nangyayari. Ang hindi rin
nawawala sa kaisipan ng mga tao sa lipunan ay kapag ika’y isang madasalin
at laging nasa simbahan ika’y mapupunta sa langit ngunit hindi lahat ng
nagsisimba ay ay mababait at mapupunta sa lan git dahil minsan kung sino pa
ang lagging nasa simbahan ay ang mga taong makasalanan dahil lagi silang
humihingi ng tawad sa mga kasalanan nila.
 Sa pag-aaral na ito ay marami akong nakapulutang aral ito ang pagiging
makabayan at matutong magsalita sa nais mong iparating. Si Crisostomo Ibarra ay isang
binatang malaki ang pangarap hindi lamang para sa kanya bagkus ito rin ay para sa
kanyang lahi. Nangangarap siyang napalago ang ating kasarinlan at kung paano bibigyan
pansin ang mga problemang hinaharap ng ating bayan.
Aking aminin na hindi namin ito pinag-aralan noong ako’y nasa high school
nakakalungkot isipin na may mga taong hindi naging mulat sa nobelang ito. Ngayon aking
lubos na naiintindihan na kailangan talaga ang Noli Me Tangere sa ating buhay.
Kinakailangan itong malaman ng bawat kabataan at sa mga susunod pang henerasyon.
 El Filibusterismo

Isa na namang magandang likha ang binuo ni Dr. Jose Rizal ang El Filibusterismo,
napakahusay ang naging transisyon ng kwentong ito mula kay G. Crisostomo Ibara na
mabait, payapa at nais umunlad ang bayan na naging si Simoun na mapusok at
mapaghiganting binata. Naipakita niya kung paano nababago ng katiwalian sa buhay ng
tao at kung paano nito nababaliktad ang pananaw ng kahit na sino kung sila ay
nahaharapsa ganitong sitwasyon.

Habang pinag-aaralan ang El Filibusterismo ay tumatak sa aking isipan na kahit

kailan ay hindi ka matatanggap ng lipunan kung ika’y walang salapi. At kapag namuhay
ka ng matiwasay ay maaari kang linlangin at pahirapan ng mga nasa taas o iyong may
mga posisyon.

Kina Simoun at Maria Clara ay sobrang sakit ang nangyari sa kanilang pag-iibigan,
hindi ko maisip sa kanilang dalawa kung sino ang aking sisihin si Maria Clara ban a hindi
nahintay si Crisostomo at kung hindi lamang n’ya binigay ang sulat kay padre salvi ay
malamang masaya sila. O kay Simoun na hindi agad pinaalam kay maria clara ang
nangyari at sabihing buhay pa siya.
At ang isa sa hindi ko malilimutang pangyayari sa nobela ay ang paghihiwalay ni
Isagani at Pauita. Pinili nilang maghiwalay dahil sa magkaiba ang kanilang pananaw sa
buhay. At isa na rin sa dahilan ng kanilang paghihiwalay ay ang hindi kaya ni Paulita ang
pamumuhay nina Isagani pagka’t siya ay laki sa layaw kaya’t naghiwalay na sila at siya’y
nakipagkasundo kay Juanito na may kapangyarihan at may kayamanan.

Hangang-hanga ako kay Juli na gumawa ng paraan upang makalaya lamang si

basilio sa kulungan, ngunit ang ginawa n’yang aksyon ang naging daan upang siya’y
mawala dahil lumapit sila kay padre camora na mapanlinlang at mapang-abuso. Ipinakita
ni Juli na nais nalang niyang mawala kaysa makuha siya ng iba. Ang kanyang pag-ibig
para kay basilio ay dala-dala niya hanggang kamtayan.
Si Isagani ang nagpakita na mahal n’ya ang isang tao kahit siya’y iniwan nito, pinili
niyang iligtas ang minamahal na si Paulita kaysa ito’y mamatay sa tulong na rin ng
kanyang kaibigan na si basilio ay napigilan nila ang gulo. Ngunit ang palno naman ni
Simoun ay hindi nagyari dahil nga sa nagawan ng paraan nina Basilio at Isagani.
 Sa pag-aaral ng El Filibusterismo ay may nais silang ikintal sa isipan ng bawat tao
makakabasa at malalaman ang Kwentong ito na kahit kalian man ang kasamaan ay hindi
magwawadi kalianman. Katulad ng ginawa ni Padre Florentino na itinapon na lamang sa
karagatan ang alahas na iniwan ni Simoun at ito’y hindi niya inangkin. Ngunit ako’y nabitin
sa pangyayari na maraming katanongan ang naiwan pero para sa akin ito rin ang isang
daan at paraan ni Dr. Jose Rizal kung paano n’ya wawakasan ang nobela.
Sa kabuuan ng kwento ako’y natuwa sa pagbabagong naganap sa mga pag-uugali
ng mga tauhan at kung paano ipinakita ni Dr. Jose Rizal ang mga suliraning panlipunan
sa ating bansa. Hindi man naging matagumpay si Simoun sa kanyang plano ay naging
matagumpay naman si Dr. Jose Rizal na gisingin ang diwa ng bawat tao. Hindi man
nagkita si simoun o Crisostomo Ibarra at Maria Clara sa Lupa ay maaaring sa langit ay
doon nila iapgpatuloy ang wagas nilang pag-ibig.
Repleksyong
Papel

Inihanda ni:
Quisquino, Janine D.

Inihanda para kay:

Gng. Ruth D. Balagat

Abril, 2019