PAGTATALAGA PARA SA BAGONG PAMUNUAN NG

COMMISSION ON WORSHIP AND LITURGY AT APOSTOLADO NG PANALANGIN

(Bago ang pagsisi ay sisimulan na ang pagtatalaga)

Commentator: Magsiupo ang lahat at ating saksihan ang rito sa pagtatalaga. Inaanyayahan ang
pamunuan at miyembro ng Commission on Worship and Liturgy at Apostalado ng Panalangin na
magtungo sa harap ng Altar.

Commissioner: Fr. Junjun, bilang head ng Commission on Worship and Liturgy malugod kong
inihaharap sa inyo ang mga bagong pamunuan at miyembro ng commission gayundin ang
pamunuan at miyembro ng Apostolado ng Panalangin.

Priest: Mga minamahal kong kapatid sa pananampalataya, bilang mga binyagang katoliko,
bumubuo ng katawang mistiko ni Kristo, ngayon ay ating itatalaga ang ating mga kapatid na ito
para sa ikabubuti ng ating simbahan at nating lahat sa ngalan ng Panginoon at nang ministeryo
ng paglilingkod.

Mga pamunuan ng Commision on Worship and Liturgy at Apostolado ng Panalangin

sampu ng ng inyong mga miyembro, maigagarantiya niyo ba ang paglalaan ng sarili – ang inyong
panahon, talino at yaman kay Kristo bilang inyong Panginoong at Diyos sa pamamagitan ng
Inang Simbahan lalo na dito sa ating Parokya ng Sagrada Familia, na inyong paglilingkuran sa
larangan ng Banal na Pagsamba at tapat na pagdalo sa mga pagtitipon, para sa karangalan ng
Panginoon at ng Simbahan?

CoWL & AP: Opo Padre. Nananalig at naniniwala po ako sa aking kakayanan bilang maglilingkod
sa ating Simbahan.

Priest: Kung gayon, mga kapatid kong nagpapahayag ng paglilingkod, kayo ay tinawag ng ating
simbahan sa natatanging paraan, handa ba kayong magbata ng sakrispisyo, na gampanan ng
walang pasubali ang mga maiaatas na gampanin sa inyo ng may katatagan at pitagan?

CoWL & AP: Opo Padre. Akin pong gagampanan ng buong puso ang aking mga gampanin bilang
______________.

Priest: Kayo ba’y makapangangakong magiging tapat sa inyong pagganap ng inyong mga
gampanin ng buong isip, salita at gawa ng walang pagdududa at alinlangan?

CoWL & AP: Opo Padre. Ako po ay nangangako.

Priest: Kung gayon, ngayon ay ipahayag ninyo ang inyong mithiing paglilingkod.

CoWL & AP: (sabay-sabay na bibigkasin ang dasal ng pagtatalaga ng sarili habang nakalagay
ang kanang kamay sa tapat ng puso)

Sa aking pananampalataya, sa harap ng Panginoong Diyos at sa kanyang sambayanan,

ako ay nangangakong tutupad sa tungkuling iniatas sa akin ng Inang Simbahan bilang laykong-
lingkod sa ating Parokya ng Sagrada Familia. Maluwag sa puso ang pagtanggap sa gawaing
inaatang sa akin. Buong puso akong nangangako na paglilingkuran ang Inang Simbahan na may
KALINISAN, KATATAGAN, KASIPAGAN at KABABAANG-LOOB, na handang tumalima sa aking
KURA PAROKO bilang kinatawan mo PANGINOONG HESUKRISTO.
Bilang Kristiyano at kasapi ng pamayanang ito, batid ko na ang tungkuling maglingkod ay
karapat-dapat na ibahagi sa sambayanan ng Diyos para na rin sa Kanyang kaluwalhatian. Aking
tutuparin ang pangakong ito sa kakayahang ibinigay sa akin bilang isang kasangkapan ng
pagkakaisa, pagmamahalan at kahandaang maglingkod ng may kababaang-loob sa kapwa.

Sa pamamagitan ng patnubay at panalangin ng Mahal na Birheng Maria, sa paggabay ng

Diyos Espiritu Santo, nawa’y magampanan ko ang kaloob ng Diyos sa pamamagitan ni
Hesukristong aming Panginoon. Amen.

Commentator: Ngayon ay gaganapin ang pagbabasbas ng Eskapularyo para sa mga Apostalada

ng Panalangin. (Hawak ng bawat isa ang kanya kanya nilang eskapularyo)

Priest: Manalangin tayo. O makapangyarihan at walang hanggang Diyos, pinahihintulutan Mong

ilarawan namin ang Iyong mga santo sa bato at pintura, upang sa tuwing ang kanilang larawan
ay makikita ng mata ng aming isipan, ninilay-nilayin ang kanilang kabanalan at gagawin ang
kanilang gawain, sa Iyong kabutihan sinasamo naming bendisyunan Mo at pakabanalin ang mga
Eskapularyo na ito, upang ipagbigay pugay at isaisip ang Mahal na Puso ng Iyong Kaisa-isang
Anak na Panginoon naming Hesukristo, upang ang sinumang magsuot nit ay magsikap nang
buong kababaang loob, na maglingkod at magpugay sa Mahal na Puso ng Iyong Kaisa-isang
Anak na Panginoon naming Hesukristo, na sa kanyang kagalingan at pamamagitan matamo sa
Iyo ang biyaya sa buhay na ito at walang hanggang kaluwalhatian sa buhay na darating. Sa
pamamagitan ni Kristong aming Panginoon. Amen.

AP: O walang hanggang Ama, kami na Iyong angkan sa Apostolado ng Panalangin, ay

nagkakatipon dito upang ihandog aming sarili sa paglilingkod sa Iyong Mabathalang Anak.
Bagamat nagkalat ang mga kasapi ng Apostolado ng Panalangin sa apat na sulok ng daigdig,
kami ay iisa sa hangarin na ipagdangal ang Puso ng Iyong Anak, maghasik ng debosyon sa
Kaniyang Mahal na Puso sa lahat ng tao, at itatag ang Iyong kaharian sa daigdig. Umakyat nawa
sa Iyo ang mga gawaing pag-aalay ng sarili sa araw-araw at itulot Mo na papag-isahin ang mga
alay na ito sa alay ng Iyong Mabathalang Anak sa altar ng Sakrispisyo sa ikatutubos ng mga
kasalanan. Dinggin Mo ang pagsamo ng Mahal na Puso at huwag mong itulot na dumaloy ang
Kanyang Mahal na Dugo ng walang halaga. Maghari nawa ang matiisin Niyang pag-ibig at itulot
mong ang Apostolado ng Panalangin ay makilala ng iba at ang impluwensiya nito ay tumagos sa
puso ng lahat ng tao upang ang kaharian ng Iyong Anak ay maitatag sa lahat ng bansa. Amen

Priest: Sa inyong pahayag na may katapatan at pagsasabalikat ng gampanin para ating

Simbahan at sa ikaluluwalhati ng ating Panginoon, hayaan ninyong kayo’y aking tatanggapin at
babasbasan ng may pakikiisa at pagmamahal.

(Basbasan ng banal na tubig ang lahat ng itatalaga pati na din ang mga Eskapularyo, matapos
ay isusuot na ng mga Apostolado ng Panalangin, saka haharap sa mga tao)

Priest: Palakpakan po natin sila.