MUSIKA

Ikaanim na Baitang

ANG ISKALANG d MENOR

KATUGON NG ISKALANG F MAYOR

ALAMIN MO

Madaragdagan ang tunugang menor na napag-aralan mo pagkatapos ng modyul

na ito. Bagama’t ang pag-aaralan mong tunugan ay bago sa iyong kaalaman, nabubuo ang
mga ito batay sa katugong tunugang Mayor na natutuhan mo na. Balikan ang dati mong
aralin.

PAGBALIK-ARALAN MO

Napag-aralan mo na ang awiting menor ay katugon lamang sa isang awiting

mayor kaya’t ang tunugang A menor ay nabuo buhat sa tunugang C Mayor. Tandaan mo
na ang mga awiting menor ay nagpapahiwatig ng damdaming may kalungkutan o agam-
agam at kaiba sa awiting Mayor na karaniwang masaya.

PAG-ARALAN MO

Suriin ang mga sumusunod na tunugan.

Tunugang F Mayor

So-fa silaba = do re mi fa so la ti do

1
 Tunugang d menor

la ti do re mi fa so la

Ang tunugang d menor ay nabubuo mula sa tunugang F Mayor. Mayroon itong isang
bimol sa ikatlong guhit tulad ng tunugang F Mayor. Ang pagkakaiba sa d menor ay nasa
lundayang nota na nagsisimula sa unang espasyo na ngalang titik D sa ilalim ng linguhit.
Ito ay may so-fa silabang la.

PAGSANAYAN MO

A. Iguhit ang paeskalang so-fa silaba ng tunugang d menor.

1. Tunugang d menor

2. Awitin mo sa sarili ang paeskalang so-fa silaba sa tunugang d menor. Iparinig mo sa

guro ang iyong ginawa. Magpatulong ka sa kaklase o kasama sa bahay kung alanganin ka
iyong ginawa.

B. Isulat ang so-fa silaba ng sumusunod na nota sa tunugang d menor.

___ ___ ___ ___ ___ ___ ___ ___

2
 TANDAAN MO

Ang tunugang d menor ay katugon ng Tunugang F Mayor. May isang bimol sa

ikatlong guhit ng limguhit ang magkaugnay na mga tunugang ito. Ang tonong lundayang
la ng d menor ay nasa espasyo sa ilalim ng limguhit.
Nasa ilalim na espasyo ng unang guhit ng limguhit ang tonong lundayang la sa d
menor.

SUBUKIN MO

Piliin ang titik ng wastong sagot sa loob ng kahon.

a. menor
b. d menor
c. bimol
d. tatlo
e. F Mayor
f. la
g. do

_____1. Tonong lundayan ng d menor.

_____2. Pinanggalingan ng tunugang d menor.
_____3. Awiting may katangiang malungkot o may agam-agam.
_____4. Bilang pababa upang matunton ang lundayang tono ng menor.
_____5. Simbolong nakalagay sa ikatlong guhit ng limguhit bilang tandang tunugan.

Binabati kita at matagumpay mong

natapos ang modyul na ito! Maaari mo
na ngayong simulan ang susunod na
modyul.