BERAMPU THA LAL ISUA

Lal Isua Krista khan a tisa put lai ni khan mite hnenah leh a zirtirte bul ah khan a nihna kha a
sawi fo thin a. Pathian fapa ( Mt 26: 63) Mihring fapa ( Matt16:13), nunna chhang ( Jn:6:35),
berampu tha ( Jn 10: 11) etc tih tein tunge a nih tih kha a sawi fo thin ani. Tlem lai deuh khan
Sam 23-na lehlin chungchang ah hian thu in chuh a awm deuh rap rap anih kha. A thenin “Lalpa
chu ka berampu ani” an tih laiin, a then chuan “Lalpa chu min veng tu ani…” an tih bawk kha.
Engpawh chu nise, Lal Isua lokal chhan chu beram bo zawn hmuh ani ( Matt 18: 12, 15:24).

Beram pu tha chuan a beramte a kilkawi thain, hmelma lak ah a hum thin a. An hliam a
tuam dam sakin, an mamawh chaw in a hrai thin ani. Eng emaw vangin beram a bo anih pawhin
a dang zawng zawng kalsanin, hmuh leh ngei tumin a thawk chhuak thin a. Chu berampu tha chu
tudang ni lovin kan Lal Isua Krista ngei hi ani. Bo zawn hi Lal Isua Krista hnathawh pui ber ti ila
kan sawi sual ta awm love. Kan thurin leh Bible a alan dan chuan mi pakhat Adama avangin
mizawng zawng kan thi a, mi pakhat Lal Isua Krista vang vekin mi zawng kaihthawh in kana
wm ani. Vawiin ni ah hian Lal Isua Krista rinna avang a thiam chang thei dinhmun a ding vek
tawh kan ni a. Amaherawh chu eng emaw vang hian chu chhandamna chu kalsanin, kan huang
atang hian kan lo peng bo fo thin ani. Pathianin a Adama khawnge i awm ti a a zawh ang khan
khawnge kana wm tih hre tur hian kan nun hi inchhut ngun fo ila a tha awm e.

He khawvel ah hian thlemna chi hrang hrang avang te hian kawng kn bo fo thin a, kan
Lal Isua Krista kan pen bosan fo thin.Hman a Thlarau pawl hlimna pawh lo dawng ve tawh thin
te, Krista tan a lo in pumpek ve viau tawh thinte pawh sual khur pui ah tla lut in, mahni insitna
nen, biakin kawng kan theihnghilh chang a awm thin ani. Beram ang a kan lo bo anih pawh hian
Berampu zawn hmuh theih a kan awm hi kan tih tur ani.

Engtin nge ka bona ram ata Berampu hmuh theih chuan kan lo awm ang han ti ta ila. Lal
Isuan bo chi thum asawi a, chung te chu duli bo, Beram bo, Fapa tlan bo ani. Mi tam tak eng
vangin nge Lal Isua zawn hmuh tur in kana wm loh fo kan tih chuan duli bo in kan bo fo thin ani.
Duli chu a bo chuan a bo tawp mai a, a tibo tu tan a zawn hmuh theih pawhin aw a chhuah thei
chuang lo a, a awmna ngai a awm tawp kha a tih theih mai chu ani. Chuvang chuan a tibo tu tan
pawh hmuh a har em em a. Amaherawhchu beram bo ve thung chuan a bo a ni tih a in hriat veleh
a puin a ahmuh leh theih nan aw rawl chhuahin a hram thin ani, chuvang chuan a pu tan pawh
khawi chin ah nge a awm ang tih chu hriat a lo awl ta a, zawn hmuh a awlsam ta thin ani. Fapa
tlan bo erawh chuan a pa in a arawn zawn kher ngai lovin, amah a haw lehna chang ahre thin ani.
Awle, he khawvel ah hian chhan eng emaw vangin Isua hi kan bosan fo thin ani, amaherawhchu
kan lo bo ta anih pawhin a zawn hmuh theih tur a aw rawl kan chhuah hi ava pawimawh teh lul
em. Kan sual kan sim thei lo chung chung te pawh hian Isua Krista kan berampuin a min lo zawn
hmuh ve theihna tur a tawngtai a aw rawl kan lo chhuah thin hi ava tha dawn thelul em. Ka sual
ta sa sa tih avang amah theihnghilh rak khawp a tawng tai duh lo a, mahni lum lum awm ngawt
hi zawng bo zawng tu tan hian kawng hi a pik deuh thin a tin ani. Hawh u, kan bona ram a tng
pawh hian aw rawl I chhuah hram hra ang u.