1. O NUNG ‘TIN KUNG LIBUNG DILA 3.

BINA KA PING TAPAT

(O for a Thousand Tongues to Sing)
O nung 'tin kung libung dila, purian keng mausta;
Ing Dios ku't Aring maramla, malam karing sabla.
O Pekapun ku at Ginu, ing saup ibie Mu;
Ban asaplala keng tutu, lagiu Mu king yatu.
Iting nuan a laggiung Jesus, sasaulan nang takut;
Itatabi Na ing lungkut, at sablang sigalut.
Yang babie pangatimawa, karing taung dusta;
Alilan nang bie payapa, mabunga matula.
Purian ye sablang kinayap, king sakit at dawak;
Ing kayapan Na ipasiag, ning nuan a Magligtas. Amen
2. BANAL, BANAL, BANAL
(Holy, Holy, Holy)
Banal, banal, banal, Diyos a makapayan,
Mukyat arapan Mu, dalit ming kapurian!
Banal, banal, banal, sukat panaligan,
Ibpa, Anak, at Espiritung Nuan.
Banal, banal, banal, ding sasalpantaya,
Keka ro daraun, gintu rang korona.
Kerubin, Serafin, pawa lang sasamba.
King Alang Mula at Alang Angga.
(Great is Thy Faithfulness)
Bina ka ping tapat o Diyos ku’t Ibpa,
E ka pin painggulut bitasa;
Manatili lunus mung e kakati,
Nung nanu ka e mibayu iti.
Koro:
Bina ka ping tapat,
Bina ka ping tapat,
Ing lunus mu bayu balang abak.
Sablang kailangan pagkalub mung ganap,
Bina ka ping tapat,
Nanung yablas? Amen.
Kaleldo’t kauran,
Sablang lelangan,
At pati na saslag king katasan,
Magpatutu, tapat Kang e mu nanu;
Malugud at mapamakalulu.
Ing kapatawaran at kapayapan,
A pagkalub Mu kapanatagan,
Makatatag ngeni parasan bukas.
O kanuanan ku a alang kabas.

Banal, banal, banal, nung dulum man takap.

Nung ding kekeng mata, e raka asulyap.
Ikang bukud banal, kekami pakayap.
Sakdal king linis, upaya’t lingap.
Banal, banal, banal, Diyos a makapayan!
Muri king laggiu Mu sabla Mung lelangan.
Banal, banal, banal, sukat panaligan,
Ibpa, Anak, at Espiritung Nuan. Amen.
1
 4. TIKDO NGENI KANG JESUS
(Stand Up, Stand Up for Jesus)
Tikdo ñgeni kang Jesus ikong kawal ning krus,
Bandila itas lubus ban e ya masambut.
King tagumpe mayubu mumuna Ya'ng Ginu,
At ding kasalang tamu mapuksa lang tutu.
Tikdo na pin kang Jesus mamintu king aus;
Matatag makipamuk king marok sumugud;
Tapuk Na suyuan Ye ñgan labanan yong salang;
Tetagan yu dagdagan king ba'yong sambutan
Tikdo ñgeni kang Jesus sikanan Na lubus;
Ya'ng bukud makasaup ban akuang manyambut;
Ing baluti ning Ginu ya ing isulud yu,
King aus ku mamintu maguagi kong tutu.
Tikdo ñgeni kang Jesus labanan mianganan;
Ngeni ing pamipamuk bukas micoronan;
King kenu mang maguagi corona miabie,
Kambe ning Ginung Ari ing pamagtagumpe! Amen.
5. MALAGUNG ABAK
(Morning Has Broken)
Malagung abak ing tula ganap,
Ayup magpuri king Magligtas.
Samba ko’t dalit sabla lumapit,
King Diyos at Ari banua’t labuad.
Ing aldo saslag sala mikalat
At king katasan isasalbag,
Sabla daralit ding keti sulip
Abe ning banua king kasuyuan.
Kaku ing sala kaku ing abak,
Mitmu king tula’t kapayapan;
Uling ing Ginu kakung pamintuan,
Alang aliwa Iyang samban. Amen.
6. MASLAG A JESUS
(Fairest Lord Jesus)
Maslag a Jesus king sabla sasakup,
Ika ing Anak na ning Diyos,
Ika’ng luguran, Ika’ng igalang;
Gloria ning kakung kaladua.
Ing kaparangan ampon ing kakewan,
Mitmung bulaklak ning leguan
Aslag Na maigit
Jesus a lawit patulan nong pusung kaklis.
Maslag lang sable, aldo, bulan, tala;
King banua miayo la sala;
Lalu Yang maslag;
Jesus a wagas karing ‘tiu banua sisikat. Amen.
7. KASLAG NING ALAYA
(When Morning Guilds the Sky)
Kaslag ning alaya, pusu daralit Kea;
Ing Ginu purian Ya!
Nanu mang daraptan, Kea ipagsakdal;
Ing Ginu yang purian!
Bengi maging aldo, ngening sabian tamu;
Purian ya i Cristo!
‘Tin mang kasakitan, at problema datang
Kristo ya ring purian!
Bansang maintun lunas, oiti ing pakibat;
Y Jesus yang itas!
Inya sablang tau, keti meto yatu,
Purian ya ing Ginu!
Kabang 'ting inawa, iti ya ing kanta:
Y Kristo purian ya!
Alang pangapupus, sambang mitmung lugud;
Purian ya i Jesus! Amen.
2
 8. SAMBAN YANG ARI!
(O Worship the King)
Samban yang Ari king tulang banal,
King upaya na’t lugud parangal.
Talapamingua yang e matitikal,
Makapuk king damla at puring dakal.
Ing yatung mitmung pagmumulalan,
King upaya Mu malam lelangan.
Layun tinatag king Kekang kaburian.
Pibablas king dayat a mitmung leguan.
King mal Mung ingat ninung mipasyag?
Yang bie ning angin, sala ning aslag.
Ibat king bunduk mame king patag,
King ambun at uran, yumu at tindag.
Ikaming maina mistulang gabun,
Aligan mi ing tapat Mung ampun.
Pakalulu Mu ganap susunsusun.
Miglalang mi’t saup, mangabus at pun. Amen.
Purian ta yang maligaya, Diyos ning lugud at gloria. Amen.
9. O DIYOS A NAPUN KESAUP
(O God Our Help in Ages Past)
O Diyos a napun kesaup,Kapanayan bukas;
Santungan Ka king bie maskup,Keka muli keng ‘lat.
King lilung ning Kekang trono,Ing bie mi panatag;
Ing Kekang takde O Ginu,Ganap yang kalasag.
Bunduk bayu la miyayus,At yatu melalang;
Ika nang alananggang Diyos,Alang kapupusan.
Libung banua king lawe Mu,Anti lang kabukas;
Pamaglame la balamu,Maliksing lilipas.
O Diyos a napun kesaup,Kapanayan bukas;
Ding bie mi tairan Mong lubus,Ban keka la miras. Amen.
10. MATULA SASAMBAN DA KA
(Joyful, Joyful We Adore Thee)
Matula sasamban da Ka, Diyos ning lugud at gloria.
Pusu mi anting sampaga, bubukadkad la Keka.
Itabi Mung sablang lulam, lungkut kapikakunuan.
Talapamie kaligayan, bie mi king bie Mu katmuan.
Sablang dapat Mu pupuri, ligaya Keka babie,
Batuin at angel gagale, kapurian alananti.
Marangle bunduk at gubay, at mayalun a dagat,
Batis, ayup a magkoplas, muri Keka managkat.
Malam Ka at mamatawad, inya nuan Ka karing lat.
Sibul na ning tulang wagas, malalam alang kabas.
Ibpa ra Ka at Y Kristo, Mangabus miya’t Ginu.
Mikalugud ke sang tau, Kalupa ning lugud Mu.
Itang sabla, magum tangan, king gale ning kapurian.
Tala ning munag pigmulan, dalit meto ketawan.
Sumulung kabang kakanta, managumpe king dusa;
11. TIKDO TAU NING DIYOS
(Rise Up O Men Of God)
Tikdo tau ning Diyos, tapat tuki keka,
Pusu, isip, at sikanan, king Ari ding Ari.
Tikdo tau ning Diyos! King Keang kayarian
Itas ing pamikapatad, patdan ing kamalian.
Tikdo tau ning Diyos, king mal nang iglesia,
Isap yung sablang sikanan, ban iti dagul ya.
Ing Keang krus ‘tas ye, tuki ko kang Jesus,
A Ginung Anak ning tau, tikdo tau ning Diyos. Amen.
3

12. LAGGIU NANG JESUS IGALANG
(All Hail the Power of Jesus Name)
Lagiu nang Jesus igalang, angeles, iko ngan;
King korona putuñganan, Ginu ning sikluban!
King korona putuñganan, Ginu ning sikluban!
Ikong anak da't palipi, ding K eang pinili,
Pakoronan ye ing Ari, at alang tatangi!
Pakoronan ye ing Ari, at alang tatangi!
Palpikasalang sisisi, lumapit ko ngeni
Pakoronan ye king puri, ing Ginu na ning bie!
Pakoronan ye king puri, ing Ginu na ning bie!
Magum tamu karing banal, ban kea parañgal;
Samban tayang karampatan, Ginu pakoronan!
Samban tayang karampatan, Ginu pakoronan! Amen.
13. PURIAN YA ING GINU
(Praise to the Lord the Almignty)
Purian ya ing Ginung Ari ning meto lelangan,
Kaladua ku purian Me, Ya ing kekang sikanan!
Ikong sabla ing Keang templo luban,
Makiagum ko king kapurian.
Purian ya ing Ginung sasakup king sablang bage,
A lulukub keka at mimingat king kekang bie.
E mu ikit? Sablang nasa mu't pake,
Iti ngan malam nang babie.
Purian ya ing Ginung keka babie pangapala,
Tune king aldo'ldo kayantabe meng mausta.
Isipan mu, ing Diyos a mayupaya,
Kasiguruan me at tula. Amen!
14. METUNG YANG MATIBE KUTA
(A Mighty Fortress is Our God)
Metung yang matibe kuta, ing Dios a mayupaya!
Yang sasaup mamatula, busal, sakit at lugma.
Dapot ing kasalang, imbut na manyintang,
Ganap ya bigsikan; tungkul king sengilan,
Ala Yang akatimbang.
King sikanan tang sarili, eta pin managumpe,
Nung eta Ya mu kayabe, ing mepiling magwagi!
At iti ninu ya? Cristo Jesus pin ya?
Ginu sulip banua! Alpha Ya't Omega!
Ing pamanyambut Kea.
Yatu mitmu ya mang diablo, mitakutan eta mu;
Uling yang buri ning Ginu, ing katutuan magbabo.
King pun na ning pisak, galgal e ta sukat,
Bagsik na malumak, lubus yang misaldak
King Amanung mipasyag.
King Amanung makapayan, alang makasanggalang;
Ing Espiritu na't kalam, ibabie nang panabang.
Paulagan tamu, ampon bie-milako; katawan malaso;
Diling alang sepu, ing kayarian ning Ginu. Amen
4
 15. ULI NA NING LEGUAN DA 17. LUGUD NA NING DIYOS LALAPO
(For the Beauty of the Earth) (Love Divine, All Love Excelling)
Uli na ning leguan da, ing labuad at ding banua Lugud na ning Diyos lalapo, tinipa keting yatu.
At uli na ning lugud, keke makapatulug Mekiagum ya karing tau, kipmuan yang pakalulu.
Ginu, pupurian da Ka, King dalit ming maula! Ginung Jesus malugud Ka, lugud Mu alang angga.
Ikabus Mu ke king sala, pusu mi bandian Mu la.
King leguan da ding oras, aldo, bengi, at abak
Gubat, bulaklak, bunduk, Bulan at talang lusuk, Panabang meng Espiritu, karing pusung magulu,
Ginu, keka yain mi, Pasalamat mi’t puri. Pamanan Mu ke sa Ginu, ketang kapainawan mu.
Uli ning pakamal da, ding kapatad mi't matua Dawak mi ilako Mu na, maging Alpa’t Omega.
At ding kakaluguran, at pamisip a banal Pigmulan asadsad sana, bie mi itimawa la.
Ginu, yain mi Keka, kapurian, pamanyamba.
‘Me keni Talapangabus, kalam Mu ipagkalub;
Uli ning iglesia Mu, nung nu ke manigapu, Miuman makiagum Kang lubus, kekami e titikus.
Idaraun ming lubus, ing daun na ning lugud; Panuanan da Kang parati, at Ika mung suyuan mi;
Yayain mi O Ginu, lugud pamipayubu. AMEN. Dalanginan at ipuri, lugud Mung alananti.
16. NENG LAWAN KU ING LELANGAN MU GINU Arian Mu ing Kekang dapat, gawan Mu ke ping wagas;
(How Great Thou Art) Kekami Mu ipamalas tune ming pangaligtas.
Neng lawan ku, ing lelangan Mu Ginu King alanangga Mung gloria, iras Mu kami banua.
Ing malang depatan ding gamat Mu Ding korona mi kanita, arap Mu idaun la. Amen.
Iting yatu, at ding batuin king babo,
King apanyamban keka mitmu ku.
Koro: Keka O Diyos, masayang ikulio,
Kasagid na ning lugud Mu.
Keka O Diyos, masayang ikulio,
Kasagid na ning lugud Mu. Amen!
Neng isipan ke ing krus ning kalbaryo,
Nung nu naku siklungan ning Ginu,
King kapanisian ngakung mangamanu,
Sasamban da Ka, O nuan a Kristo.
Panyatang Mu, Ginu, kambe ning biga
Ding banal Mu keka la sagana.
Kasakitan, ku mialilan king tula,
Makiagum ku keka, kabang-kaba.
5
18. DIYOS NING KALAM, DIYOS NING GLORIA
(God of Grace and God of Glory)
Dios ning kalam, Dios ning gloria,
Balen Mu itas Mu ya;
Parangalan Mu ing bie na,
Ning banal Mung Iglesia.
Ing kabiasnan, ing tetagan,
Ibie ban pakiarapan,
Bie niting kapanaunan.
Ding tapuk na ning marawak,
Palkaran deng magligtas;
Ing takut pilit sasabat,
King mangayap ming dapat,
Ing kabiasnan, ing tetagan,
Ibie ban mie na ke man,
Lub deting kayaldawan.
Ampatan ing pamipamuk,
Paklian ing katas mi lub;
Dinayan Mung bie ming maimut,
A alang lugud king Dios.
Ing kabiasnan, ing tetagan,
Pagkalub Mu keke ngan,
Kayarian Mu ban datang.
King kaduagan mi iligtas,
Ban asupil ming dawak;
Kaligtasan Mu yang sukat,
Dulapan ming matuyag.
Ing kabiasnan, ing tetagan,
Pagkalub Mu keke ngan,
Ban ika Mu ing suyuan. Amen.
19. PANIMUNAN MU KAMI
(Lead On O King Eternal)
Panimunan Mu kami, Aring alang angga,
Tapuk Mung mapaguagi, Tapat tuki Keka;
Kekaban ding aldo mi, Sikanan mi Ika,
Ngeni, Ginu mi’t Ari, Dalit Aleluya!
Panimunan Mu kami, O Aring marangal;
Ban ing bagsik ning sala, Lubus ming sambutan;
E uli ding sandatang, Kekeng pakilaban,
Nung e uli ning lugud, Kayarian Mu datang
Manimuna ka Ginu, Ban eke tumakut;
Uling nu Ka man karin, ing tula malubus,
Dalan mi yang matula, Ing papusan Mung krus,
Ban kaibat ing corona, Yang Kekang pagkalub. Amen.
20. DIYOS MAUS KANG TAUNG MAYAP
(God Give Us Men)
Diyos maus Kang taung mayap,
King maling turu e bihag;
Nune kang Kristo tutupad,
King isip, amanu’t dapat.
Tuldu Kang taung maisip,
Ampon magkabie matulid;
Y Kristo karela yang ipakit,
At king balen ilang tumaid.
Maus Kang taung matatag,
Mapibabata at tapat,Malino pamanalastas,
King pakibatan masipag.
O Diyos Keka lang dagdagan,
Ding lulugud king katutuan.
E da buri ing dewakan,
ilang asias ning balayan. Amen.
6
21. SIBUL NING SABLANG KANUANAN
(Come, Thou Fount in Every Blessing)
Sibul ning sablang kanuanan,
Pusu ku kekang bandian;
Batis ning kapakaluluan,
Sukat Kang parañgalan!
Ituru Mu kung mikanta,
Karing gale ning banua;
Kilub ning Kekang Iglesia,
Purian Kang alanangga!
Keti itas kong gamat ku,
Ban Keka manigapu;
Pamiparangal sa Ginu,
Miras king arapan Mu.
Segip na kung Jesus a nuan,
Niang tiku lual ning kawan
Binayad Na dayang banal,
King kakung kaligtasan.
O Dios, karagul ku utang!
Keka e abayaran;
Nanung yain ning alipan,
Arapan ning Pañginuan?
Oini ing pusung balisa,
Gapusan Me, Keka ya,
At layun tatakan Me pa,
King tatak makabanua. Amen.
22. PAKORONAN TA YA
(Crown Him with Many Crowns)
Pacoronan ta Ya, ing Cordero ning Dios!
O mayubung gale banua, Kea ra dudurup!
Kaladua, dalit da, king Keka mengabus
Ari Yang alang kapara, Alang pangapupus!
Pacoronan ye ngan, ing Ginu na ning bie;
Ing menyambut mekilaban, mete, kaibat mebie!
Ing depat na purian, ipasyag igale;
Mete Ya pin ban mie ta ngan, Ban e ta na mate!
Sabla pacoronan, Ginung mamayapa
Ing gulu ba 'nang mayaplak, Tahimik lang bansa;
Magluid alang wakas, Lugud at ganaka,
At keting labuad mikalat, ing bie kitmuan tula!
Pacoronan taya, ing Ginu ning lugud;
Ginung mibabata king dusa, king babo na ning cruz;
Sabian tang sabla Kea, Luid Ka, O Mangabus
Kapurian Mu alang angga, Alang pangapupus! Amen.
7

23. DAMDAM KETING BALITA
(We Have Heard a Joyful Sound)
Damdam keting balita, Jesus magligtas Ya,
Ipasyag karing sabla, Jesus magligtas Ya;
Sabian ta karing bansa, Ban ela mangapuksa;
Sumisi lang mausta, Jesus magligtas Ya!
Ustan busal ning sigla, Jesus magligtas Ya;
Bie dinaun nang kusa, Jesus magligtas Ya,
Ikong sablang malugma, a magnasang tumula,
Lumapit kong malagua, Jesus magligtas Ya!
Tingiran ibat banua, Jesus magligtas Ya!
Baket mate king sala? Jesus magligtas Ya!
Ikulio ing lugud na, Niting Ginung tinipa!
O ngeni lumapit Kea, Jesus magligtas Ya! Amen!
24. ATING AUS A DARALAN ING ALUN
(Send the Light)
Ating aus a daralan ing alun, “Ipaslag yang sulu!”
“Ting kaladuang sukat anguan king dulum,
“Ipaslag yang sulu!”
Koro:
Ipaslag tayang ebangelio, keti king babo yatu,
Ikalat ing sala ng Kristo, ban miligtas ding tau. Amen.
Dimdam mi ing aus ‘bat Macedonia, “Sulu ipaslag ya!”
Ing gintung ain king krus ta idala, “Sulu ipaslag ya!”
Panalangin tang mikalat ing kalam, “Ing sulu paslagan!”
King Espiritu nang Kristo patalan, “Ing sulu paslagan!”
Eta sasawang darapat king mayap, “Ing sulu ipaslag!”
Tumipun tang bandi king banuang matas, “Ing sulu ipaslag!”
25. O GINU ITUKI MU KU
(O Master, Let Me Walk With Thee)
O Ginu, ituki Mu ku king kasuyuan a daptan Mu;
Sabian Mung lihim Mu kaku, ban sambutan ku ing tuksu.
Saupan Mu ku ban pakimut king pusung mikunut-kunut;
Ding king lugud Mu milaut abalik ko sanang lubus.
Ituru Mu kung mibata, ban manatili ku Keka;
Layun pasiknangan Mu pa ing kakung panyalpantaya.
King maslag a kapanayan, wakas ning makabang dalan;
Dinan Mu kung kabitasan, ban lubus da Kang atukian. Amen.
26. DING KAKUNG PANAUN
(My Times are in Thy Hands)
Ding kakung panaun, ‘Tilu king gamat Mu;
Bie kaladua kaluguran- ingatan mula Ginu.
Ding kakung panaun, Nanu mang malyari;
Nung atilu king gamat Mu, Maging nuan la Ginu.
Ding kakung panaun, Gamitan Mo Ginu;
Ban maging kanuanan la ngan, Karing sablang tau.
Ding kakung panaun, Eko pitakutan;
Nung atilu king gamat Mu, Panaun lang banal. Amen.
8
27. O SION MAGMALAGWANG TUPAD KING MISYON
(Oh Zion Haste)
O Zion magmalaguang tupad king misyon,
Sabian king ing Ginung Diyos sala Ya,
A ena tula ning mabie Minyaklung,
A ninu mang tau magdusa ya.
Koro:
Nuan a balita: Kapayapan!
Y Jesus ya pin ing Magligtas ta ngan! Amen.
Lon, yu, libu-libu lang pakalugmuk.
King sukulan ning sala at sakit.
Alang mamalita, king ing Mangabus,
King uli ra piaku na ing sakit.
Sabian iti karing sablang balayan,
King ing Diyos a Miglalang lugud Ya;
Yulat king piaku na ngan ing kakaban,
At mete Ya ban ding sabla mie la.
Miuman yang datang O Zion saganan me,
At sabian mung mabandi nang kalam.
Sabla Nang linigtas keta akit de,
Lupa Nang makaslag king kanuanan.
28. PAKALULU NANG MAKASLAG
(Brightly Beams Our Father’s Mercy)
Pakalulu nang makaslag,
Ning Diyos a Ibpang wagas;
Bandi ta ing mal nang ingat,
Karing sulung masinag.
Koro:
Ding kekong sulu ipaslag,
King laut pabal tindag,
Nung ‘ting melili king malat
Kekayu lang aligtas. Amen.
Ing dulum ning kasalanan,
Tinakap king sikluban;
Ding king pisak, imbut da ngan,
Abatio rang salang nuan.
Sindian meng sulu kapatad,
Ban ding liling maglayag,
Mikabus la at misadsad,
At ela mipahamak.
9
 29. DING MIPAPANGANIB
(Rescue the Perishing)
Ding mipapanganib, sagipan mula,
Samsaman mo king dawak at dusa;
Menabu king sala, kiakan itas la,
Ing Mangabus, sabian ya karela.
Koro:
Ding mipapanganib, samsaman mula,
Samsaman mo pin king dusa’t sala. Amen.
Nung sasakuil de man, ba’tang manaya,
Angga king deti makasisi la;
Tapat yaklis Mu la, manigapu Ka;
Babalik lub patawaran Mu la.
King pusu ning tau, a mitutuksuan,
Atiu king pamanwala ing kalam.
King lugud a banal, Kekang tagkilan,
Gale mebating miuman maramdam.
Ding mipapanganib, sagipan Mu la,
Sikanan ning Diyos mantabe keka;
King dalan ning banua, ibalik Mu la,
Ngamu: “Jesus mete Ya uli ra.”
30. AKU GINU, ITUBUD MU
(Here I am Lord)
Aku’ng Diyos na ning banua,
Keti sulip tinipa,
Ban angguan Ko’t sagipan, Kakung saupan.
Ing balen Ku king dulum,
Paslagan king dalumdum,
Kaulan Ko at abutan,
Ni’ng tuburan?
Koro:
Aku Ginu, itubud Mu,
Aus Mu Ginu Kakung dimdam;
Makasadia Kung mamintu,
Balen Mu Kaku yang luguran. Amen.
Aku’ng Diyos a linalang,
King sulip at katasan;
Ikit Ke ing balayan,
King kaskupan;
Panalangin dimdam Ku,
Ing kiyak da miras Kaku,
Ning itubud Ku karin?
Dinan pansin!
Aku’ng Diyos a ginawa,
King dalumdum at sala;
Mikasala la man ding Kakung pili,
At bista’t man dinayu.
Dinan Kong bayung pusu,
Ban Aku mu ing suyuan;
At ing samban.
10
 31. TULANG SASALITA KU
(I Love To Tell the Story)
Tula'ng sasalita ku, bage karin babo,
Ing ligaya nang Cristo, lugud nang masaklo!
Matula kung sasabian, uling yang katutuan:
Nasa ku keang panuanan, at pakabanalan.
Koro: Tulang sasalita ku, ing bie nang Jesu-Cristo;
Keti at karin babo, gale keng mayubu. Amen.
Bie na buring ulitan, uling makapaldan;
Balang miuman kung sabian, lakuas pagmulalan.
Buri keng sasalita, uling ding aliwa
Ala la pang balita, king bie na't upaya.
Tula kia mu ring yapse, karing maki-male,
Dapot magnasang tune, ayulat pa iti.
Karas ku banuang lawit, nung miuman kung dalit,
Ya rin ing kakung yulit, lugud nang makaigit.
32. NUNG ASALBAG TA LA
(Bringing in the Sheaves)
Nung asalbag ta la ding bining mangayap,
Karing marangle ning kekatang labuad,
Panuanan na ning Dios ing kekatang dapat;
Dagul ing pupul, pagkabie karing lat.
Koro: Inya lual salbag! Tara lual salbag!
Panaun na ngeni, ding sabla gunyat;
Inya lual salbag! Tara lual salbag!
Isalbag tala ding bining mangayap. Amen.
Nung asalbag tamu ing mayap dang turu
Ding pipunan tamung mapuring nunu,
At detang bayani a mete miyaku,
Minuan ing pamiutus king bie malagu.
33. ATIN TANG BALITA KARING BANSA
(We’ve a Story to Tell)
Atin tang balita karing bansa,
Pusu ra ibalik do sa;
King wagas, katutuan at tula,
Kapayapan at sala,
kapayapan at sala.
Koro:
Ing dulum king munag mialilan,
At ing munag king kaugtuan;
Kanita datang neng kayarian,
Ning aslag ampon kalam. Amen.
Karing bansa atin tamung dalit,
Pusu ra ba rong ibalik;
King Ginung malam at lawit,
Ban ing marok mapulid,
Ban ing marok mapulid.
Karing bansa balita yulat ya,
King ing Ari na ning banua;
Jesus keti binie na Ya,
Ban pakit: Diyos lugud Ya.
Ban pakit: Diyos lugud Ya.
Karing bansa sabian yeng Magligtas,
Dinalan sakit at sindak;
Ban ding pekapun ning labuad
King katutuan la miras.
King katutuan la miras.

Nung asalbag tamu ing amanu ning Dios

Karing balang baryu at balang lunsud,
Tune milunasan ing sablang sigalut,
Mitas tang sabla king pamikalugud.
11
 34. KING DAPAT, KING DAPAT
(To The Work, To The Work)
King dapat, king dapat, O anak na ning Diyos;
Tukian ta ing dalan, a tiru nang Jesus.
Mibayung sikanan, ing babie nang saup.
Atuparan tamu ing buri na ning Diyos.
Koro: King dapat, king dapat,
Manaya, lumame;
Manalig a tune,
Ing Ginu datang yang agad. Amen.
King dapat, king dapat, munie tang pamangan;
Karetang maranup, king mabie kabiayan.
Masakit kang Jesus, pasilapit ta ngan,
Nung abalu ra ping, uluan no ning kalam.
King dapat, king dapat, manya’d kong upaya,
Ban alabanan yu, ing marok yung nasa,
Mesakup kang Jesus, tayran ta lang sabla,
Sabian alang bayad, Kea lang itimawa.
35. ING TALI NING LUGUD
(Blest Be the Tie that Binds)
Ing tali ning lugud, Kekata bubuklud;
Manatili sanang lusuk, At ena mapatlud.
King arapan ning Diyos, Aklis ta idurup;
Pake, kapanayan, takut, Metung mu ping lubus.
Tapat midamayan, King dusa at pusan;
Balang metung ‘tin yang keinan, Sumap ban sambutan.
Nung mikawani na, Ding lub mabayat la,
Dapot miuman mikit ta pa. Amen.
36. SUSUYU KANG TAPAT KANG JESUS
(Serving Jesus)
Susuyu kang tapat kang Jesus?
King aldo ning dulum pasakop?
Ing tula king yatu sasabog?
Uli na ning mayubu nang lugod?
Koro:
Suyuan ya I Jesus anggang bie,
Maging tapat king aldo’t bengi,
Uling yang Ginung migkalub king bie,
Sukat mipuri!
Lakuan tamu anggiang nanu man,
Matua, bale at ing pibandian;
I Jesus a malugud yang tukian,
Angga king kamatayan. Amen.
Panaral me Y Jesus king bie mo?
Babie mung saup karing tao?
King aldo aldo yang tula mo?
Ing mipuri yang kekang Ginu?
Daraptan mung dapat nang Jesus?
Patulan mo ding ‘tiu king lungkut?
At detang king sala milugmuk?
Darala mo king pangakabus?
12
37. DAKAL PA DIKIL KANG JESUS
(More About Jesus)
Dakal pa tungkul kang Jesus,
Pakibaluan ta Yang lubus,
Magaral ta king Mangabus,
Ganap yang tukian Y Jesus.
Koro:
Magaral kang Jesus,
Magaral kang Jesus,
Magaral pa king Keang lugud.
Magaral tungkul kang Jesus. Amen.
Dakal pa king kakung Ginu,
Dakal pa king Keang amanu;
Sasabian na tanggapan mu,
Ing sablang iti kanaku.
Kang Jesus magaral kupa,
Tungkul king kabanalan na,
Espiritu sumaup Ka,
Kristo, kaku pakit me pa.
Pakit meng maigit Y Jesus,
Pakit me’ing kaku sinakup,
Pakit me’ng kaku melunus,
Pakit Ka pa king Keang lugud..
O Ginu ku pakit Ka pa,
King panalangin damdam Ka,
Aldo aldo pakit Mu sa,
O Magligtas ning kaladua!
38. KING DALAN A MALINGONGO
(Where Cross The Crowded Ways of Life)
King dalan a malingongo,
Babo ning inge ning gulu,
At kasakiman ding tau,
Daramdaman da Ka Ginu.
Karing bale ding maluka,
Busal ning dulum at lugma,
King daklat ding magpasasa,
Akakit mi ing Kekang lua.
King kelan malit ding anak,
King kasakitan at sindak,
Karing kaladuang magsalbat,
Atiu ing pusu Mung gaglas.
King danum ning pakalulu,
Ing kalam Mu, e mamako,
Dapot ding dakal a tau,
Era balu ing lugud Mu.
Ibat king kalbaryong bunduk,
Kuldas ka’t pakayap Jesus,
Karing taung makalunus,
Tune makiabe Kang lubus.
Angga king ing lugud Mung mal,
Abalu ra ding kekaldan;
At ing Kekang gloriang sakdal,
Keke Ginu datang naman. Amen.
13
39. MANALIG KU KING DIYOS NUKARIN MAN
(My Father Watches Over Me)
Manalig ku king Diyos nukarin man,
King mamala, ampon king danuman,
Ing malyari, nanu pa man;
Babantian na ku ning Ibpang malam.
Koro:
Kea manalig, Ya ingatan na ku,
Numan karin, ‘tiu pin ing Ginu ku;
Mialunan man ining bie ku,
Ing Ginung Diyos yang mimingat kaku. Amen.
Ingatan ne ing mabanglung rosa,
Anti mu rin ding ayup ning banua;
Aku maigit ku karela,
Inya malusuk kaku ingat na.
Kea manalig, ba ku ping manyambut,
Karing lasip at karing kapamuk;
King panganib o king lungkut,
Ing Ginu ku bantian na kung lubus.
Bistat ‘ti ku man busal ning dulum,
Babantian na ku ning Kakung Pastul,
Anguan na ku king pagmalun,
Ing nuan a Kristong kaku Minyaklung.
40. MANGALIMGIMAN ALI KA
(God Will Take Care of You)
Mangalimgiman ali ka,
Diyos ingatan na ka;
Palukub ka king lugud na,
Diyos ingatan na ka.
Koro:
Diyos ingatan na ka,
King sablang kayaldawan mu;
Saupan na kang tutu,
Diyos ingatan na ka. Amen.
Busal ning dapat Mu’t sakit,
Diyos ingatan na ka;
King mabagsik a panganib,
Diyos ingatan na ka.
Isadia nang kailangan,
Diyos ingatan na ka;
E sasakuil ing yayaduan,
Diyos ingatan na ka.
E bala nung nanung subuk,
Diyos ingatan na ka;
Kea maghilig kang tibubus,
Diyos ingatan na ka.
14
 41. ‘BAT PAINAN KE ING LUB KU 42. PENINTUN NA KUNG JESUS
(His Eyes is on the Sparrow) (Sweeter as the Years Go By)

‘Bat painan ku ing lub ku, At mirinan takut? Penintun na kung Jesus,
‘Bat pusu ku malungkut? King banua e milub? Niang ti ku king sala,
Y Jesus kanaku yang tune kaluguran; King kalam dela na ku,
Ayup Kea lang lalawan, At aku ingatan; Kilub santungan na.
Eku pin kakulangan, Nanu mang kanuanan. Pakalulu nang matas,
Matas pa king banua;
Koro: Malalam pa king dagat ,
Dalit ku ping masaya, Ing kalalaman na.
Lubus kung timawa;
Milako ne king sumpa, Koro:
King kakung kaladua. Amen. Yuyubu la ding banua,
A susuyu tamu Kea;
Eka malilingasngas, Nganang Keang amanu; Mabandi’t mayubu,
Iti panaligan, Takut mu milako; Jesus ing lugud na;
Makiput ya mang dalan, Ing daralanan ku; King panyulung ding banua. Amen.
Ayup Kea lang lalawan, At babantian na ku;
Dagul a kanuanan, Kaku ya ing Ginu. Likbayan neng Judea,
King minunang aldo;
Kapilan man matuksu, King lulam mitakpan; Ing balayan linapit,
Malungkut yang dalit ku, Alang kapanayan! Ban damdam king Ginu,
Kea agad lumapit ku tanggap katimawan; Magsalbat metula la,
Tumula na ing bie, King Keang kadungan; Bulag menakit tutu;
Lubus lukuban na ku, King ganap a kalam. At ganap ing lugud na,
Pepakit na kaku.

Pagmulalan Keang lugud,

King bie king uli na;
Yang lubus tune miaku,
King sakit at lasa;
Kagum ding banal banua,
Itas tang puri Kea,
Ban king banua at sulip,
Mipaligayan ya.

15
43. LUMAKAD TAMU KING SALA NING LUGUD
(Walking in the Blessed Light)
Lumakad tamu king sala ning lugud,
Dalan king pusu tula nang Jesus;
King pamaglakad ya ing talasaup,
Angga king banua ning Diyos.
Koro:
Tara ayan ya,
Yang masaya at matas a banua;
Saup nang Jesus,
Makayantabe lubus. Amen.
Libak na’t piraya niting sikluban,
Alang ulaga king daralanan;
Iting sabla eku pin pikanlapan,
Uli nang Jesus a nuan.
Lisian ing dapat a pamikasala,
Ampon lumakad king kaburian na;
At mie lubus king pamikalugud Kea,
Tuparan lang aral na.
Daptan king tula iting pamanlakad,
A painturu king bayung siudad;
Itas yang bandila ning pangaligtas,
Angga king banua sadsad.
44. PAIKE KU KARIN BABO
(Higher Ground)
Paike ku karin babo,
Mitatas ku balang aldo;
Ing dalangin Keka Ginu,
“Ketang matas dalan Mu ku!”
Koro:
Itas muku’t italakad,
King pamanalig a wagas;
Itas Mu ku O Magligtas;
Babo ning gabun a matas. Amen.
E na imbut ning pusu ku,
Ing takut at pikakunu;
Nung iti takap man kaku;
Mukiat kurin karin babo.
Mie kusang matas king yatu,
Ban datang ya man ing diablo,
Tune pin ing panyambut ku,
At dalit ku karin babo.
Matas buri kung ukiatan,
Ban akit kung kaligayan;
Dalangin kung alang tuknang,
“Dalan Mu ku king katasan.”
16

45. EKU BALUNG PIBALDUGAN
(I Know Whom I Have Believed)
E ku pin atatalastas,Ing kaku mipasyag:
King mete Ya ing Magligtas,Uli kung marawak.
Koro:
Dapot tune iti balu ku:Kaku Na tigtug Keang pakalulu!
Liguran Na ku ning Ginu,Inya ing bie ku bayu! Amen.
E ku balung pibaldugan,Mala ning katasan:
Ing salpantaya ninu man,'Tin yang kaligtasan!
Dakal pa ing e ku talus,King dapat na ning Dios;
Ing Espiritu nang tubud,Yang kaku sasaup.
46. MANALIG KARING PANGAKU NG KRISTO
(Standing on the Promises of God)
Manalig karing pañgaku nang Cristo,
Kapurian Na idalit alanangga;
Gloria king katasan yang igale ku,
Manalig karing pañgaku Na.
Koro:
Magtiwala, Magtiwala karing pangaku na ning Dios.
Manalig Kea! Manalig king pañgaku nang Jesus. Amen.
Magtiwala karing pañgakung tapat,
Ngening malimbuyu't sindak at takut;
Uli ning amanu Ning Dios miligtas,
Magtibe king pañgaku ning Dios.
Manalig karing pañgakung mamampang,
King dakal a pamaglinis ning daya;
Manalig ka Kang Cristong katimawan,
King Keang pañgaku magtiwala.
Karing Keang pañgaku eku manabu,
Ing aus ning Espiritung tiñgiran;
Kanduñgan ning Mañgabus painawa ku,
Keang pañgaku ilang aligan.
47. NUAN A PAMIAGUM
(What a Fellowship)
Nuan a pamiagum, yumung ligaya,
Nung king Ginu sasalpantaya,
O kapayapan, alang kapara,
Nung manalig king upaya Na.
Koro:
Ligtas, ligtas, manalig tamu king magligtas.
Ligtas. Ligtas, manalig lubus king magligtas. Amen.
Panatag lubus ing pamagkabie,
Nung king Ginu, manalig tune,
Kumatmung tindag ing pamaglakbe.
Ing Ginu tapat yang karame.
Nanung takutan, nukarin paman,
Nung ing Ginu ya ing aligan?
Mitmu ing bie ku king kapayapan,
Ginu kaku yang ayasaan.
48. ALDO NUAN YA, ‘NYANG MAYAGKAT
(O Happy Day)
Aldo nuan ya, ‘nyang mayagkat,
King Diyos manalig kung tapat.
Ing kaniti patalastas, ngeni ing siwala’t dapat.
Koro:
Nuan ya pin ing aldo, inyang mawas ing sala ku.
Tiru na kaku ning Ginu, dalangin at magsaya ku,
Nuan ya pin ing aldo, inyang mawas ing sala ku. Amen
Tiparan kung katungkulan, Kang Cristo ku kaku ne man.
Ing aus Na kakung tikian, agkat Na balu ding banal.
Ngeni kaligtasan kaku, a pigkalub na ning Ginu,
Kasalanan ku milako, Panatag Na ing bili ku.
17
 50. IBIE MU ING SABLA MUNG KAGIWAN
49. NUNG ABE YANG GINU
(When We Walk With the Lord)
Nung abe yang Ginu, king kekatang lakad
Matnube gloria nang makaslag,
Kabang Kea darapat, kasaup Yang tapat,
Karing manalig at tutupad.
Koro:
Manalig ka at Kea mamintu,
Pamanalig ligaya, at ing pamamintu. Amen
King gamat ning Diyos ‘ti miragdag. Amen.
Dapot eta akit, dalise lugud Na,
Anggang e tamu salpantaya.
Ing lawe Na maula, at tula babie Na,
Karing manalig mamintu Kea.
King nuan a pamiagum, kilub ning iglesia.
O pamamalita tungkul Kea.
Sabian na tuparan, ing tulduan na ayan.
Manalig pin at tupad tangan.
(Give Your Best to the Master)
Ibie mu ing sabla mung kagiwan,
Nganang makisabi ning Ginung Nuan
Ibie mung e bilang ablas naman
Nune kapurian mu king miglalang.
Koro:
‘Ting ulaga ing balang dapat.
Nung yain mu ing lalung mayap;
Kagiwan mu king bista’t man ditak,
E ka sa anting magparangalan,
Ing Diyos king bie mu ya ing patulan;
Balang atatag mu’t layun daptan
Nung mayap mu rin iti miablasan.
Karas ning bengi pilit tuknang ka,
Dinapat ka’t ali miatulan ka.
Maging sukat sang keka ibie na,
Itang ligaya ala nang angga.
18
 Makapagmulalang Kalam
(Amazing Grace)
Makapagmulalang kalam, a kaku miligtas,
Segip na ku king kabiguan, king lugud pibablas,
Bie ku napun mitmung takut, alang kabitasan
Dapot ngeni makabalut, king lugud a banal.
Pagsubuk lebasan ku na, at dakal a tuksu
Managyu ing kekang gracia, migligtas kanaku.
Baket ken ka magkasakit, king bie binang musmus.
Kabang oini, kukulait, ing kalam na ning Diyos. Amen.
E ku Balung Pibaldugan
(I Know Not Why)
King tune kung kaligtasan, Ligaya kang Cristong nuan! Amen.
Eku pin atatalastas, ing kaku mipasyag
King mete ya ing Magligtas, Uli kung marawak.
Koro:
Dapot tune iti balu ku, kaku na tigtug, Keang pakalulu,
Liguran na ku ning Ginu, inya ing bie ku bayu. Amen.
Eku balung pibaldugan, mala ning katasan.
Ing salpantaya ninuman, ‘Tin yang kaligtasan.
Dakal pa ing eku talus, king dapat na ning Diyos.
Ing Espiritu nang tubud, yang kaku sasaup.
Kang Jesus Susuku Ku Ngan
(I Surrender All)
Kang Jesus susuku ku ngan, Sabla Kea ibabie ngan;
Cristo tapat keng luguran, Mie ku Kea kapilan man
Koro:
Susuku ku ngan, Susuku ku ngan,
Keka O Mangabus a nuan,
Susuku ku ngan. Amen.
Susukung sabla kang Jesus, Arap Na sisiklaud;
King tula keti gumulut, Kuanan Mu ku Mangabus.
Susuku ku ngan kang Cristo, Sarili Kea babie ku;
Ibie Me'ng Espiritu Mu, At Keka ku mamintu
Kang Jesus susuku ku ngan, Ing tula ku't paglimbang;
Ngeni Nung Makananu Ku
(Just as I am, Without One Plea)
Ngeni nung makananu ku, palpikasala't kalulu,
Daratang, kaku aus Mu, Keka lalapit ku, Ginu.
Keka lalapit mausta, palinis king mal Mung daya
O, sasakuil e Mu ku sa, 'ti ku lalapit malagua!
Makapatulug kanaku; marok, pagsubuk at tuksu;
At kilub ku malimbuyu; inya Keka lalapit ku!
Nung makananu ku ngeni, hamak, bulag, at malsimi,
Lunas Ika'ng makaibie; Keka lalapit kung tune. Amen.
19
 O Jesus Pengaku Ku
(O Jesus, I Have Promised)
O Jesus, pengaku ku, Sumuyung anggang bie;
Pakalapit Mu kaku, Ginung kayantabe;
Pamiabnu e takutan, Nung ‘ti ka siping ku.
Malili e na ku man, Ning tatairan Mu ku.
Jesus keka talan ku, yatu malapit ya;
At e patugut, Ginu, tuksung makayama;
King lub ku ampon king lual kasalang ku ‘ti lu,
Inya keka’ng kambilan ining kaladua ku.
O Jesus, pengaku Mu karing tapat keka,
Karin king ligaya Mu abe Mo ngang miras:
At pengaku ku, Jesus, tapat da Kang suyuan;
Ibie Mung mal Mu’ng saup ba’ra Kang atukian. Amen.
Kaluguran Daka, Ginu Kung Jesus
(My Jesus, I Love Thee)
Kaluguran da Ka, Ginu kung Jesus;
Uli Mu king dewakan ku gumulut;
Ika’ng malugud a kakung Mangabus,
Nung lugud ku Keka, ngeni pin kabud.
O Katunayan Jesus Kaku Ya
(Blessed Assurance Jesus is Mine)
O katunayan Jesus kaku Ya,
Sampat na pin mo nitang ligaya
King kaligtasan ku magmana,
Uling mewas ku king daya Na.
Koro:
Iti yang bie ku ampon dalit,
Purian keng Ginu ulit-ulit
Iti yang bie ku ampon dalit,
Purian keng Mangabus kung lawit. Amen.
Kabud misuku ing bie ku Kea,
Abatio ku na itang ligaya
Ding angeles kaku yatad da ,
Ing pakalulu at lugud Na.
Tinggap ku na ing kapainawan,
Aku king Ginu matula ku’t nuan.
Manenaya ku ban mikatmuan,
King Keang lugud at kayapan.

Luguran da Ka, uling minuna Ka;

King krus ning Calvario siklung Mung sala;
King uli na ning suksuk a corona
A Keka pitungan, luguran da Ka.
Luguran da Ka king bie’t kamatayan,
Kabang ‘tin kung inawa, Ika’ng purian;
Bayu mipiak lang mata kakung sabian,
“Kaluguran da Ka, O Jesus kung nuan!”
King tuknangan ning alananggang tula,
Ika Mu ring purian ku’t isaplala;
Kanakung igale busal ning sala,
“Kaluguran da Ka, Jesus ding sabla!” Amen.
20
 O Tapuk Ng Kristo
(Onward, Christian Soldiers)
O kawal ng Kristo, sumulung kayu,
King pamakilaban, krus yang tanda yu;
Ginu tang y Jesus mumuna’ng lubus
King pamakipamuk; lon ye ing Keang krus!
Koro:
O kawal ng Kristo, Sumulung kayu!
King pamakilaban, Krus yang tanda yu. Amen.
King kalam at lugud, iglesia ning Dios
Susulung kong lubus abe nang Jesus;
Metung mung pamiagum, metung ya ing pun
Metung mu ing misyun, ing lugud metung!
Trono at corona mangapupus la,
Dapot ing iglesia manatili ya;
King infierno pa man e ya masintang;
Amanu nang Cristong nuan e pin magkulang!
Jesus Ausan Nakatamu
(Jesus Calls Us O’er The Tumult)
Jesus ausan na katamu Busal ning alingongo,
Ing aus na aldo-aldo,Ngana, “Tuki ko kaku.”
Jesus ausan na kata ngan,Bandi ban e ta samban.
Idolos ban e la dukuan,Ngana, “Aku ing suyuan!”
King tula mu’t pagsalbat,Kapainawan at dapat,
Ausan na katamung tapat,“Lugud ko Kakung ganap.”
Ginu, ing aus Mung malam,Keke sang lubus tukian,
Ban luguran da Ka’t suyuan,A maigit king sabla ngan. Amen.
Makipusung Mayap, Tapat at Wagas
(True Hearted, Whole Hearted)
Maki-pusung mayap, tapat at wagas,
Tukian da Ka, O Ari ming matas;
Lalam ning makapayan Mung sagisag,
Karing salang marap keng matatag.
Koro:
Kekong ikulio….nuan a amanu,
Dalit ding timawang pusu tamu;
E magtahimik…pilit ikulio
King Ari’ng malugud kekatamu. Amen.
Pusung tapat, wagas at mapamintu,
Matatag tuki king Ari tamu;
Tepangan at lugud yang dagdagan yu,
Kusang yain king Ari at Ginu.
Pusung tapat! O Cristong maligaya!
Keting sikluban mag-ari na Ka,
Kaburian mi at lugud sakup Mu na,
Uling kusang yain mi ngan Keka.
21
 Nukarin Man Y Jesus Yang Kayabe
(Anywhere With Jesus)
Nukarin man y Jesus yang kayabe,
Yang mimingat kaku king yatung iti;
Ipanlualu Na ku karing Keang takde;
Nukarin man e ku tatakut ume.
Koro:
Y Jesus, Y Jesus Ya ing kayabe,
Inya nukarin man panatag ing bie. Amen.
Nukarin man ing tuksu e takutan,
Agyang ing diablo ‘tiu king daralanan;
Nung y Jesus yang kayabe king dalan,
Maging ligaya pati kasakitan.
Nukarin man e ku magdili-dili,
Jesus kayabe Ke nu ku man ume;
Malungkut a dalan nung darasan ke,
King masiglang dalit Kea gagale.
Nukarin man malyari kung matudtud,
Agyang dasan ku dulum a mamuput;
Kayabe Kea mu sa ing Ginung Jesus,
Migising king tulang e mapupupus.
Pastul Ming Talapatnube
(Saviour Like A Shepherd Lead Us)
Pastul ming talapatnube,
Ingat Mu pagnasan mi;
King pastulan Mu mie kami,
Lingap Mu iparati.
Nuan a Jesus, nuan a Jesus,
Daya Mu yang penatbus;
Nuan a Jesus, nuan a Jesus,
Bandi Mu na keng lubus.
Gawan Mu keng kaluguran,
Banten Mu ke king dalan;
E ke sa lapastangan
Pailili king kawan.
Nuan a Jesus, nuan a Jesus,
Tingiran Mung dalung mi,
Nuan a Jesus, nuan a Jesus,
Tingiran Mung dalung mi.
Ing tula Mu’t kaburian
Agad ming panintunan;
Mangabus at Ginu ming nuan,
King lugud Mu ke katmuan.
Nuan a Jesus, nuan a Jesus,
Tune pin mal ke Keka;
Nuan a Jesus, nuan a Jesus,
Tune pin mal ke Keka. Amen.
22

Tapat Yang Karame I Jesus
(What a Friend We Have In Jesus)
Tapat yang karame y Jesus
King dusa tamu’t lungkut
Uli Na sabla adurup
King dalangin ta king Dios:
Ala tamung karatunan,
Masna tang kasakitan,
Kulang ta kapanaligan
Maus king Dios a malam.
Atin tang subuk at tuksu?
Maliligalig tamu?
Eta sukat paigulu,
King Ginu manigapu;
Kakaluguran ala na
Darame antimo ya,
Ing keinan tamu balu Na,
Inya idalangin Kea.
Maina ta’t kababayatnan
King yatu kalingunan?
Ing Mangabus yang lapitan,
Ausan at dalanginan;
Nung ding sadiang kapanalig
Keka la paimburis,
King Ginu ka pin lumapit,
Lunus kea mu akit. Amen.
Kakung Katungkulan
(A Charge to Keep I Have)
Kakung katungkulan, King Dios paligaya,
At saupan yang kaladuang mal, Ban miyuli banua.
Ngeni sumuyu ku,At king tungkul tupad;
Nanu man sang arapat ku,Pawang king Magligtas.
Gawan Mu kung tapat,King kakung tungkulan;
Uling ing sablang arapat,Ipagsulit ku ngan.
Saupan Mu kung dalung,At payampun keka;
Nung e ku tupad king tungkul,Mate ku king dusa. Amen.
Uli Ding Kaku Manwala’t Manalig
(I Would Be True)
Uli ding kaku manuala’t manalig,
Magtapat ku at maging malinis;
Uli ning pakiarapan a masakit
Magtatag ku ampon magkapilit,
Magtatag ku ampon magkapilit.
Maging tune ra kung kakaluguran,
Ding maina at alang katambayan,
Magkalub ku’t e manayang ablasan;
Maging mamu ku uli ning keinan;
Maklis, lugud, sumap at tumiman.
Uli niti sikanan dinan Mu ku,
Ban matupad kaburian Mu, Ginu;
Nung Ika ing pane kayantabe ku,
Apaligayan ku ing laggui Mu,
Apaligayan ku ing laggui Mu. Amen.
23

Panyalpantaya Ku Keka Makalawe
(My Faith Looks Up To Thee)
Panyalpantaya ku Keka makalawe, O Mangabus;
Keka sang tingiran dalung ku’t sambitan,
Kanakung sisisian, ing dewakan.
Ing kalam Mu ibie king mainang pusu ku, Baku’ng sikan;
Anti ning mete Ka, king uli ku ita,
Lugud ku pin Keka alanangga.
Kabang lalakad ku king dulum ning lungkut, Tairan Mu ku;
Ing pawang dulum sa mialilan king sala;
Pulisan Mu ing lua, ban tumula.
Nung miwakasan na ing bie ku king yatu, Muli na ku;
Ing lugud Mu, Ginu, yang patula kaku,
Uling kaulan Mu neng kaladua ku. Amen.
Kapanayan Ning Yatu Ika Kristo
(Hope of the World)
Kapanayan ning yatu Ika, Cristo
A alang kabas king pakalulu!
Manyabi Ka ban ing takut milako;
King kasiran anguan Meng balen Mu.
Kapanayan ning yatu, iba't banua,
A pagkabie ding maung kaladua,
Kekang Espiritu pagkalub Mu ya
Ba'nang tuknang kekeng pamibangga.
Kapanayan ning yatu a babaltang
Kagum ding maglakbe karing dalan,
Pakitukian Mu kami ban ding lakbang
E la ume king karulumduman.

Jesus King Lugud Dinatang Kapanayan ning yatu, a migwagi

(In Loving Kindness Jesus Came ) King kamatayan Mu ke inatbus;
Yablas mi Keka king ain Mung lugud,
Jesus king lugud dinatang, king kaladua babie kalam: Dening bie mi; gamitan Mong lubus. Amen.
Layun segip Na na ku, man busal kasalanan.
Koro: King babo ning balas leko,
Timpak ketang mabie batu;
Inya ngeni panatag ku;
Uli ning lugud ning Ginu. Amen.

Maluat Na na kung ausan, dapot e ku pin piramdam:

Pibata Na kung liguran ning Mangabus a nuan.

Piyaku Na itang dusa ban mayangu ku king sala,

At ban kaku aibie Na ing bie alanangga.

King matas a kapatagan karin ngeni ing kabiayan!

King kakamtan kung kanuanan Jesus yang migkalam.

24

Busnian Mung Mata Ban Akit
(Open My Eyes That I May See)
Busnian Mong mata ban akit,
Ing katutuan Mung patilip,
Ing gapus kalagan Mung pilit,
Katimawan ban akamit.
King tahimik manaya ku,
Ban akit kung kaburian Mu;
At ing aslag sunlag kaku, Espiritu.
Balugbug Keka lang busnian,
Ban damdaman kung katutuan;
At kabang iti titingiran,
Matda ngan ing kalaraman!
King tahimik manaya ku,
Ban atingid kung buri;
At masalang damdaman ku, Espiritu.
Busnian Meng asbuk ban agkas,
Ing Kekang balitang wagas,
Busnian Me ing pusung mayap,
At king lugud Mung masapsap.
King tahimik manaya ku,
Ban apasiag ing buri Mu,
Ibuklat Me ining pusu, Espiritu. Amen.
Ibie Mu Ing Sabla Mung Kagiwan
(Hear Ye the Master’s Call)
“Ibie mu ing sabla mung kagiwan.”
Nganang makisabi ning Ginung nuan.
Ibie mung e bilang ablas naman,
Nune kapurian mu king Miglalang.
Koro:
‘Ting ulaga ing balang dapat,
Nung binie mu ing lalung mayap;
Kagiwan mu king bista man datak,
King gamat na ning Diyos iti miragdag. Amen.
E ka sa anting magparangalan.
Ing Diyos king bie mu ya ing patulan.
Balang aisip mu’t layun daptan,
Nung mayap mu rin, iti miablasan.
Karas ning bengi, pilit tuknang ka.
Dinapat ka’t ali, miyatulan ka;
Maging sukat sang keka ibie Na,
Itang ligaya nang alanangga.
25
 Nung Asalbag Ta La
(Sowing In the Morning)
Nung asalbag ta la ding bining mangayap
Karing marangle ning kekatang labuad,
Panuanan Na ning Dios ding kekatang lakad;
Dagul ing pupul pagkabie karing lat.
Koro:
Inya lual salbag! Tara lual salbag!
Panaun na ngeni, Ding sabla gunyat;
Inya lual salbag! Tara lual salbag!
Isalbag ta la ding bining mangayap. Amen.
Nung asalbag tamu ing mayap dang turu
Ding pipunan tamung mapuring nunu,
At detang bayani a mete miyaku,
Minuan ing pamiutus king bie malagu.
Nung asalbag tamu ing amanu ning Dios
Karing balang baryu at balang lungsud,
Tune milunasan ing sablang sigalut,
Mitas tang sabla king pamikalugud.
Espiritu Kuldasan Meng Pusu
(Spirit of God Descend Upon My heart)
Espiritu kuldasan Meng pusu,
Bandian Me at pamahalan tutu,
Mayupaya kening keinan duku,
Lugud Keka kaku Mu ituru.
Ausan Mu ku O Diyos lugud Keka,
Oini, tanggapan Mu bie kung mura;
King Kekang krus pusu talanga ya,
Ikang dulapan at akit Ika.
Ituru Mu king ‘tiu Ka malapit,
Ituru Mu kung mibatang sakit;
Kapikakunuan Keka ilapit,
Nung manyawad ku eku ipilit.
Anti ning angel, lugud ku Keka,
Katmuan Mung bie ku keting pigagap,
Ing pusu altar Meng matuyag,
Lugud Mu yang aping munie lablab. Amen.
26
 O Espiritu Santo
(Holy Spirit Faithful Guide)
O Espiritu Santo,Matnube king Kristiano;
Tairan Mu kami Ginu,Karing mal a gamat Mu.
Ding kaladuang mapagal, Tutula lang daramdam;
King siwala Mung malam,“Tara ketang gloriang nuan”.
Kaluguran ming tapat,A atiu balang oras.
E Mo bibiling gamat,A kakapkap king pisak;
Nung datang ing siguada,Pusu mangalambut la.
Isitsit Mu karela;“Tara, muli king gloria!”
Nung mayari nang dapat,Kapasnon ya ing sukat;
Lagiu mi sa misulat,King aklat, banuang matas;
Keta labasan mi man,Ing danum a malalam,
Igkas Mu kekeng tukian;“Tara ketang gloriang nuan!” Amen.
Pangisnawanan Mu O Diyos Ing Bie Ku
(Breathe on Me, Breath of God)
Pangisnawanan Mu, O Dios ining bie ku,
Ba'kung aluguran tutu, Palugud Mu kaku.
Pangisnawanan me, Pusu ban dalise;
At Keka isuku ing bie, Mamintu kung tune.
Espiritung Banal, O pangisnawanan,
Ban mabilug kung katawan, Maningning king kalam.
Espiritu ning Dios, kaku Mu pagkalub
‘Tang bie e mapupus, Kayagum nang Jesus. Amen.
Ing Kekang Kayarian, Kaku Bina Yang Mal
(I love Thy Kingdom Lord)
Ing Kekang kayarian, kaku bian yang mal.
Ing iglesia Mung beyaran, king daya Mung banal.
Ing Kekang iglesia, kaku binang mal ya;
Uling yang mabie tanda na, ning piaku Mung sala.
Iti yaklis ke pin, ampon panalangin,
Kasuyuan ku Kea yain, angga king iti mamin.
Ing kakung pigagap, ing turu nang mayap,
Lugud, pamikakapatad- idalit, ipalkas!
Anggang ‘tiung katutuan, ing piling balayan,
Keti’t king banuang kayarian,
Tanggap yang kapurian. Amen.
Kaku Miuman Yung Igale
(Wonderful Words of Life)
Kaku miuman yung igale, amanu na ning bie,
Lawan ku leguan nang tagle, amanu na ning bie.
Amanung makule, turung mayap ibie;
Koro:
Makawili, makawili, amanu na ning bie,
Makawili, makawili, amanu na ning bie. Amen.
Y Kristong nuan Keang ibabie, amanu na ning bie,
King aus na damdaman ya, amanu na ning bie;
Ibabie Nang tune, king banua ban ume.
Ebangelio nung ustan me, amanu ne ning bie,
Ing patawad pagkalub ne, amanu ne ning bie.
Jesus ya mung tune, papagbanal king bie.
27
 Ing Ginu Yang Kakung Pastul Keka Ku Ginu Aus Mu Dimdam
(The Lord is My Shepherd) (I am Thine O Lord)

Ing Ginu Yang kakung pastul, e ku kakulangan, Keka ku Ginu, aus Mu dimdam,
King pagkabie a malabung, gamat ku tatairan. Lugud Mu keang sasabian;
Dapot ing kakung kapanaligan,
Bibiayan Neng kaladua ku, layun patnubayan, Lakuas da Kang luguran.
Alang-alang king Keang laggiu, mie king katuliran.
Koro:
King lilung ning kamatayan, bista’t lumabas ku, Inya Ginu, ilapit Mu ku,
Ala kung takutan di’t man, malapit Ka kaku. King krus a kepakuan Mu;
King Kekang krus ilapit Mu ku Ginu,
Kitmuan Me ing kakung dulang, dakal a pagkabie; Ban kamtan pakalulu. Amen.
Arap ding kakung kasalang, pinala Mu ing bie.
Italaga Mu ku king kasuyuan,
Kayapan at pakalulu, kanakung nabangnan, Ing kalam Mung kadiosan,
At makiagum ku king Ginu, king kapilan pa man. Amen. Ing kaladua ku Ikang aligan,
Kaburian Mu pamintuan.
Panimunan Naku Ning Diyos
(He Leadeth Me O Blessed Thought) Kaligaya ning metung mung oras,
King Kekang trono miras,
Panimunan Na ku ning Dios! O tula a e apiunus! Ing pinyiklaud king Kekang arap,
King manawa o king maskup,Gamat Na tapat sasaup. Ligayang e kukupas.
Koro: Binang malalam ing Kekang lugud,
Panimunan Na kung tune,Dios ingatan Na ining bie; E ku lubus ataruk;
Sabla kanaku Na babie;King katapatan tukian Ke. Amen. Ing Kekang tula e ku ayabut,
Neng misan bie maging pisak,Neng misan mitmu king tindag, Anggang e Keka lauk.
King payapa o lingasngas,Dios e magkulang a lingap.

Tumaid ku Keka, Ginu,Tuking alang pikakunu;

Karasan ku agyang nanu,Manimuna Ka kanaku.

Kayari ning dapat keti,At king uli mu magwagi,

E ku takutan ing mate, Nung ing Dios yang kayantabe.

28
 Kristo ing Buri Mu, Daptan Mu Kanaku Ikang Pagdulapan
(My Jesus As Thou Wilt) (I Need Thee Every Hour)

Kristo, ing buri Mu, daptan Mu kanaku; Ikang pagdulapan, O Ginu ming malam
Keka manalig ku, Keka na ing bie ku; Alang anti ikang, babie katimawan.
Busal kalungkutan, busal kaligayan,
Ing Kekang kaburian, ya ing mipamintuan. Koro:
Kristo ing lub mung mal, yang bukud tuparan, Ikang pagdulapan ku, pagnasan king lub ku.
E Me sa papanpan, talang kapanayan. Kristo ing bendisyon Mu, ibie Mu kaku. Amen.
King yatu ka kiniak, at layun migsalbat,
Nung abe Mu kung kiak, nasa Mu matupad. Keka ku magdulap, saup balang oras,
Nung kaku ka sumap, ing tuksu malumak.
Kristo ing buri Mu, ya namang buri ku;
Malyari man nanu, Keka manalig ku. Pagdulapan da Ka, king tula o lasa;
Paike kung tikis, ketang gloriang lawit, Kanaku ume ka, O bie ning kaladua.
At ing kakung dalit, “Keka ku manalig.” Amen.
Keka ku magdulap, ituru Mung dapat;
Ing Lugud Mu Kristo King Kekang pigagap, a pangakung tapat.
(More Love to Thee O Christ)
Ing lugud Mu Kristo, ing lugud Mu; Ikang pagdulapan, a mitmung kanuanan;
Layun tingiran Mu, dalangin ku; Gawan Mu ku sanang, anting anak Mung mal.
Ining panigapu, arapan Mu Ginu;
Ing lugud ku, dagdagan Mu.
Ing tula ning yatu, yang pignasan;
Keka Mu ikit ku, ing kanuanan,
Ing panalangin ku, arapan Mu Kristo,
Ing lugud ku, dagdagan Mu.

Pabustan lumabas, ing pagsalbat;

Salisi ing sampat, keting sindak,
Lubus idalit, ing lugud ku Kristo
Ing lugud ku, dagdagan Mu.
King tauli kung oras, ya’ng isitsit,
King banal Mung arap, ulit-ulit,
Ibulung ku Kristo, ing Keka lugud ku,
Ing lugud ku, dagdagan Mu. Amen.
29
 Dinan Mung Panaun Ing Pamagbanal
(Take Time to be Holy)
Dinan mung panaun ing pamagbanal,
King Ginung Diyos, parati kang magsakdal;
Manatili ka king Keang kayarian,
Akamtan mu ing kekang kaligtasan.
Ing pamagbanal, dinan mung panaun,
Kang Jesus manatili kang makiagum;
Nung tumulad ka king bie ning Minyaklung,
Ing upaya Na ya ing keka kanlung.
Ing pamagbanal dinan mu ping oras,
Eka darayu king nuan a Magligtas;
Tukian me ing Diyos, king tula o sindak,
King buri nang Jesus karin ka tupad.
Dinan mung panaun, ing pamagbanal;
Pusu mu at bie king Diyos Mu patalan;
Ing Espiritu, lubus Na kang saupan,
King paglakbe mu angga king katasan. Amen.
Penandit Ning Panalangin
(Sweet Hour of Prayer)
Penandit ning panalangin, kanaku mamaus pansin;
Palapitan Na kung tambing, arapan ning Diyos dalangin!
Busal ning pagal at dusa, mipasno ya ing kaladua;
At ing tuksu sambutan pa, nung maus at dalangin Kea.
Mamung Bina Ing Aus nang Jesus
(Jesus is Calling)
Mamung bina ing aus nang Jesus,
Ing agkat Na tune lugud;
Baket pabustan mung Keang aus?
Buri mu nang bie musmos?
Koro:
Ausan Na ka. Ausan Na ka.
Keting kalam Na, mamu yang ausan Na ka. Amen.
Y Jesus ausan No ding mapagal,
At masakit pakayapan;
Lumapit ka dinan Na kang kalam,
A keka makapaldan.
Manatiling mamaus ya’y Jesus,
King pamanalig Na’t lugud;
Angga king akamtan mung Keang aus,
At tune kang mikabus.
Aus nang Jesus tingiran mu na,
Ausan Na ka, ausan Na ka;
Maniwala’t tanggap king lugud Na,
Lubus ping miligtas ka!

Penandit ning panigapu, ipaintulut Na kaku;

Ing dumame karing tau, maung makiagum king Ginu.
Inya king siduan a maula, Nung nu akakit ke lupa;
Karin tahimik manaya, O makayatna kaladua.

Penandit ning pamangadi, kanaku mu ibubusni;

Tulut a alang kauri, iti gamitan masusi.
Tapat yampang Na kanaku, kalam Na ampon amanu.
Inya lumapit king Ginu, king oras ning panigapu. Amen.
30
 Jesu-Kristo Yang Buntuk
(The Church's One Foundation)
Jesu-Cristo yang Buntuk, Ning iglesia ning Dios;
Tinatag Ne't binilug, King upaya't lugud;
Ibat banua peintun Ne, Ban maging kakasi,
At inatbus Neng tune, King sarili nang bie.
Mepili balang bansa, Metung lang mausta;
Aral na Karing sabla, Alang pangakabla;
Metung ya mu ing Ginu! Yang panaligan yu;
Kea samba, mamintu; Sumap Ya kekayu.
Busal pamakipagkal, Ing iglesiang banal,
Ausan Nong taung dakal, sumisi't magbanal;
Iti alang patugut, Keang ibibekut,
Anggang e Ya manyambut, Mipanuanan king Dios
Manatiling iglesia, Uling atiu Kea
Ing Dios a pakilala, 'Ting atlung persona!
Mangaintulid ke sana, Miagum king iglesia,
A mabie pamiagum da, ding sasalpantaya. Amen.
Ing Bie a Tune Panatag
(O Sometimes the Shadows are Deep)
O ing bie a tune panatag, Busal naman pin ning pisak;
Nung king kekang pamaglakad, Kayabe Me ing Magligtas.
Koro:
Siping nang Jesus a Ginu, Lumakad tamu balang aldo;
Ban sambutan ya ing diablo,
at sablang piraya ning yatu. Amen.
Babaltang man king panganib,
Ngening king balang penandit.
Kristo Ya ing talataid. Payapa’t alang ligalig.
At alang migit a kanuanan, King bie keti king sikluban.
Ngening y Jesus a malam, Ya ing kekang katambayan.
Malugud A Jesus Ko
(Jesus Lover of My Soul)
Malugud a Jesus ko,Keka ku pasaklulu;
Kabang ing sigua atiu,Ingatan Me Ginu ku.
Bie ku king alimbuyu,Karas ku sa arap Mu.
Kuanan Meng kaladua ku.
Ala na kung santungan,Nung e Ika Ginung nuan,
E Mu ku sa lalakuan,Tairan Mu ku’t patulan.
Ika nang aligan ku,Panayan kung saup Mu,
Lukuban Mu ku Kristo,Karing mal a baggius Mu.
O Kristo bukud Ika,Pagnasan ning kaladua;
Patulan Mong magdusa,Salunan uluan Mu la.
Lagiu Mu binang banal!At e ku karampatan,
Masna ku king dewakan,Ika mitmu Kang kalam.
Kalam Mung labislabis,Yang king dawak lilinis,
King pakayap Mung batis,Karin na ku manalig.
Ikang sibul a mabie,Keka na ku Mu ume;
King pusu itugtug Me,Itang alananggang bie. Amen.
31
 Ngeni Ing Bie Mu ‘Tiu King Kasakitan
(Count Your Blessings)
Ngeni ing bie ‘tiu king kasakitan
At isipan mung sabla mewala ngan;
Lon mu’t bilangan ing kekang kanuanan
Pagmulalan me ing Dios king keang depatan!
Koro:
Bilangan mung kekang kanuanan,
Wa, bilangan mung tungal-tungal;
Bilangan mu ping tunga-tungal;
Pagmulalan me Dios king keang depatan. Amen
Kababayatnan ka king kekang lingap?
Ing krus mung pusan bina yang mabayat?
Ing kanuanan mu bilangan mung mayap,
Lungkut mu mialilan king tulang ganap.
Nung mibusal ka man king pamipamuk,
E ka tatakut malapit ya ing Dios;
Ing kanuanan mu bilangan mung lubus,
Ding angeles ilang kekang kasaup!
Matula Ku King Kapurian King Ginu
(I am Happy In the Service of the King)
Matula ku king kasuyuan king Ginu, Matula ku matula ku.
Tula’t kapayapan kaku tutuki, King kasuyuan king Ari.
Koro:
King kasuyuan king Ari, Karin ku bukud tuki;
Atin kung tula’t kanuanan,
King kasuyuan king Ari. Amen.
Matula ku king kasuyuan king Ginu, Matula ku, matula ku.
King sala at king dulum daralit ku, King kasuyuan king Ginu.
Matula ku king kasuyuan kang Jesus, Matula ku, matula ku;
Ing sabla Kea yain ku ngan lubus, King kasuyuan kang Jesus.
Atin Kung Mangabus
(I Have a Savior, He's Pleading In Glory)
Atin kung mangabus, karin king gloria,
Dikil kaku tapat manigapu Ya;
King bie aldo-aldo babie ingat Na,
O maging Mangabus mia naman sana.
Koro:
Ing panalangin ku, abandi me I Kristo,
Kakung panigapu, minuan sang bie mu. Amen.
Atin kung Ibpa, a kanaku minie,
King kapanayan ning alananggang bie.
Ing panalangin kung wagas, at tune,
Iting kapanayan keka sa miabie.
Keting mal mung aldo, a kekang beitan,
Yabut mi keka nuan a kapagnasan,
At babo ning sablang kapagmasusyan,
Abandi mu sana ing kaligtasan!
Ikayung Pasalamat
(Come Ye Thankful People Come)
Ikayung pasalamat, ing dalit yu ipalkas,
Pablasang ngeni miras, ing pamupul king silbag,
Ginung Diyos Ya ing babie, king kekatang pagkabie,
Inya ngeni Kea ume, pasalamat ta ibie.
Manene tang isipan, marangle Yang linalang,
King aldo Yang pasilang, Ya mu rin ing pauran.
Sikanan ding magobra, at bining sasalbag da,
Deti ngan babie na la, Ibpa tang atiu banua.
Makananung magkaimut, keting Ginung malugud?
Sabla babie nang lubus, king ban e ta dumanup.
Tara marap matula, king Diyos a mapagpala,
Ban yain ta ing sabla, pibandian, bie at diwa. Amen.
32
 Tinikdo Ya Y Kristo, Aleluya! Balu Ku Pin King Mabie Ka
(Christ the Lord is Risen Today) (I Know that My Redeemer Liveth)

Tinikdo ya i Kristo, Aleluya! Balu ku pin king Ya,

Ikong sabla sabian yu, Aleluya! Ing Talapanatbus sala,
Magkanta kong kapurian, Aleluya! Wa, mabie Yang alanangga,
Banua at yatu magdiwang, Aleluya! Ing kamatayan simbut Na.

Ari tamu mabie ya, Aleluya! Mabie Yang panaun king lugud,
Kamatayan simbut na, Aleluya! Manigapu arap ning Diyos;
Sabla linigtas No ngan, Aleluya! King kailangan Yang magkalub,
King sumpa ning kutkutan, Aleluya! Kea manalig kung lubus.

Pangaligtas miganap, Aleluya! Kayabe Ke aldo-aldo,

At minyambut ing mayap, Aleluya! Karame Ya’t kalaguyo;
Tune biklat neng Kristo, Aleluya! Inya nanung takutan Ku?
Angad tang paraiso, Aleluya! Nung mayaus na ku babo!

Ngeni malyaring mukyat, Aleluya! Mabie Ya! Nuan a ligaya,

Makiabe king Magligtas, Aleluya! Talapanatbus mabie Ya!
Tukian ing delanan Na, Alleluya! Iti kaku managyu na,
Krus, kutkutan at gloria, Aleluya! Amen. Panatag ya ing kaladua. Amen.

Daptan Mu Ginu Ing Buri Mu

(Have Thine Own Way Lord)
Daptan Mu Ginu ing buri Mu,Ikang lilinis king sala ku;
Yayus Me ing bie mal kung Ginu,Anggang ‘tiu keni, manaya ku.
Daptan mu Ginu, Kekang nasa,Pusu ku Keka pausisa;
Keka yang putian anting biga,At king katas lub, mawas ku sa.
Daptan mu Ginu ing buri Mu,Uluan meng sugat ning pusu ku;
Sablang upaya Keka Ginu;Talnan Mu ku mu, kumayap ku.
Ing kaburian Mu, Kekang daptan,Maluka kung bie Kekang talnan;
Espiritu Mu Kekang pabal, At ing pusu ku, ban mikatmuan. Amen.

33
 O Tupang Mewaglit
(Will There Be Another Star?)
O tupang mewaglit king kawan nang Jesus
A mete king kalam na ning Diyos,
Mipakde ka ngeni, damdam king keang aus,
Ning Pastul a mitmu king lugud.
Koro:
Ngamuna, lumapit ka pin Kea,
King mayap a Pastul ning kekang kaladua;
At bang nabangnan mu ing bie alanangga,
A mebating uli ning sala. Amen.
Ganakan mu sana ing lugud Na keka,
King uli mu mete Ya king krus;
Dinaun nang bie Na king ba kang mikabus,
Ketang dusang e mapupupus.
Ala nang kanuanan kayap ampon yubu,
A keka akamtan king yatu;
A anti ing atiu king gamat nang Kristo,
Inya Kea lubus pasaklulu.
At nung ati ka Kea, e ka kakulangan,
Uling ing sabla Kea atiu ngan;
Tune nang pangaku e na Ka pabustan,
King ligalig o king kaskupan.
Kang Kristo Agad Ume Naka
(Come to the Savior)
Kang Kristo agad ume na ka, Ngeni pin atiu abe ta Ya;
Ausan na katang lumapit Kea,“Meko keni”, ngana.
Koro:
O kaladuang mibabayatnan,
Nanung kekang kapikakunuan;
Mangabus keka yang lapitan,
Bakang mipanuanan. Amen.
Maket makiarap dili-dili, King sigalut ampon palsimi;
‘Bat king ligalig manatili? Lumapit ka ngeni.
Aus Na e mu pikakunuan, ing agkat Na kekang tanggapan,
Magkang bukas ala nang lugal; Lumapit kang dapal!
Ginu Oini Ining Bie, Keka Tatalaga Ke
(Take My Life and Let it Be)
Ginu oini ining bie, Keka tatalaga ke;
Kuanan Mo dening gamat, king ban Keka la sumap,
King ban Keka la sumap.
Kuanan Mo dening bitis, Ba’lang tuntun matulid;
Siwala ku kuanan Mu, Ban muri king Ari ku,
Ban muri king Ari ku.
Labi Keka lang kuanan, Nasa Mu barang sabian;
Ing bandi’t salapi ku, gamitan Mu ngan Ginu,
Gamitan Mu ngan Ginu.
Kuanan Mu kakung lugud, at kaku ku pabukud;
Kuanan Mu ing sarili, Ban Keka manatili,
Ban keka manatili. Amen.
34
 Kapanayan Ning Yatu Ika Kristo
(Ancient of Days)
Kapanayan ning yatu Ika Kristo,
A alang kabas king pakalulu;
Manyabi Ka ban ing takut milako,
King kasiran anguan Meng balen Mu.
Kapanayan ning yatu ibat banua,
A pagkabie ning maung kaladua;
Kekang Espiritu pagkalub Mu ya,
Ba’nang tuknang kekeng pamibangga.
Kapanayan ning yatu a babaltang,
Kagum ding maglakbe karing dalan;
Pakitukian Mu kami ban ding lakbang,
E la ume king karalumduman.
Kapanayan ning yatu babo ning krus,
King kamatayan Mu ke inatbus;
Yablas mi Keka king ain Mung lugud,
Dening bie mi gamitan Mong lubus.
Kapanayan ning yatu a migwagi,
King kamatayan ampon palsimi;
King kayarian Mu sabla ibie mi,
Ginu Ka kapilan man kekami. Amen.
Bakas Mu tukian kong lubus, king bie kung mikabus. Amen.
Iti Pin Yatu Ne
(This is My Father’s World)
Iti pin yatu Ne, ning kanakung Ibpa,
Sablang melalang daralit, a mitmu king tula;
Iti pin yatu Ne, ning kanakung Ibpa,
Deting bage mayayakit, lelangan Nong sabla.
Iti pin yatu Ne, ning Ibpa kung malam,
Ding ayup, aslag at lirios, pawa reng pupurian.
Iti pin yatu Ne, ning Ibpa kung malam;
Lon mu, daralan Ya ing Diyos, atin Yang sasabian.
Iti pin yatu ne, Ibpang Mayupaya,
Marok nung malimbuyu man, Ya ing mamahala.
Iti pin yatu ne, Ibpang Mayupaya,
‘bat lungkut ka’t mitakutan, king Diyos magtiwala. Amen.
Ing Pusung Pupuri King Diyos
(O For A Heart to Praise My God)
Ing pusung pupuri king Diyos, Pusu yang mikabus;
Metung yang pusung meluglug, King daya nang Jesus.
Metung yang pusung meluglug, King daya nang Jesus.
Pusu yang ‘ting kapanisian, at kapaniwalan;
Mamintu ya kapilan man, king Mangabus a nuan.
Mamintu ya kapilan, king Mangabus a nuan.
Pusu yang lubus mibayu king lugud ning Ginu
Sakdal ya’t ganap king yubu; Likas ya kang Kristo
Sakdal ya’t ganap king yubu, Likas ya kang kristo.
Ing bie Mung banal, O Jesus, kaku Mu itugtug,
Bakas Mu tukian kong lubus, king bie kung mikabus.
35
 Kuanan Me Ing Laggiung Jesus Jesus Mayap Yang Kaluguran
(Take the Name of Jesus with You) (The Best Friend is Jesus)
Kuanan me ing lagyung Jesus,King pusu isiduan ya;
Ing bie mu ligayang lubus,Anggiang busal king dusa. Jesus mayap Yang kaluguran,
Pakayap king pusung sugatan;
Koro: O laggiung mayubu,Kapanayan ding tau; Lubus Neng pasiknangan,
O Jesus a Ginu,Tula ning banua’t yatu. Amen. Ing atiu king kaskupan,
Jesus mayap Yang kaluguran.
Luguran meng laggiung Jesus,Gamitan meng kalasag;
King tuksu e ka tatakut,King Ginu ka pin pasap.
Koro:
Iting mal a lagyung Jesus,Patulan Nong kaladua; Jesus Yang kakaluguran,
Pipiblasan No king lugud,Padalitan ligaya. Jesus Yang kakaluguran;
Kea maus ka’t magsakdal,
Samban Ya ing lagyung Jesus,Sakab karing Keang bitis; Lubus Yang makiramdam,
Pakoronan tayang lubus,Ing Ari banua’t sulip. Jesus mayap Yang kaluguran. Amen.
Jesus Ya Ing Sabla Kaku
(Jesus is All the World to Me) Kang Jesus akit ku ping tutu,
Kapayapan king kaladua ku;
Jesus Ya ing sabla kaku,Kanuanan bie’t tula, Bie mapagal mipasno
Sikanan Ke balang aldo,E na ku miragsa. Nung Kea pasapupu;
Nung malungkut, Kea ume,Ya mung king ligaya babie Jesus Yang Kaluguran ku.
Nung magsalbat, Yang karame, abe Ke.
Kanyang mitipun tana banua,
Jesus Ya ing sabla kaku,Kakaluguran Ke; A kagum da detang minuna,
King kanuanan Kea ume ku,Kanaku Na babie; Idalit tamu kea,
‘Yan ing aldo papaslag Ne,Pauran Ya king marangle, Ing puring alanangga,
King tanaman Yang sesese, abe Ke. Ketang maligaya nang gloria.
Jesus Ya ing sabla kaku,Kea ku magtapat,
Makananu Keng paglinguan,Ing kaku pakayap;
Katuliran ing tukian Ke,Uling Yang kaku babante,
Yang tukian ku, aldo’t bengi, abe Ke.
Jesus Ya ing sala kaku,Ala nang aliwa;
Kapilan man Yang aligan,Anggang bie mawala.
Kasampat na ning mabibie,King anti kanyang Kayabe,
King ligayang makawili- abe Ke. Amen.
36

Atiu King Kalbaryo
(On A Hill Far Away)
Atiu king kalbaryo, ing mabayat a krus,
A tanda ning dusa at lungkut;
At kaluguran Ke, pablasang y Jesus,
Wasan Mu ing sala ku, king mal a daya Mu. Amen.
Karin Na ing sala inatbus.
Koro:
Inya pin pusanan ke ing krus
Angga keng lubus kung manyambut;
Kaulan ke ing mabayat a krus,
Libayan neng koronang Jesus. Amen.
Ing magaspang a krus, umisan ning yatu,
Makapagmulala ya kaku;
Pablasang likuan Na, Ligaya nang Kristo,
Krus ban yukiat Ne kalbaryo.
Ing krus a mirinan, king dayang Kadiosan,
Kaku ‘tin yang lusuk a leguan;
Uling midaun ya, karin y Kristong nuan,
‘Ba nakung king dawak linisan.
King mabaya’t a krus, lubus kung magtapat,
Pibatan kung sunu at libak;
Kaibat ausan Na ku,
King banua ning Sampat,
Ban mitutulang alang wakas.
Daramdaman Ku Ginu, Aus Mu Kanaku
(I Hear Thy Welcome Voice)
Daramdaman ku Ginu, aus Mu kanaku
Ibat king bunduk kalbaryo, ausan Mo ding tau.
Koro: Lalapit Ginu, king arapan Mu
Mitmu ku pin king keinan, masnang kasalanan!
Tanggapan Mu ku’t linisan, ibayu kabiayan.
Ing lugud Mu managyag, gumulut king dawak,
Manalig sumuyung tapat, king nuan a Magligtas.
O daya a minagus, kalam a penatbus,
Nuan a pamiaku ning Diyos, Keka ku mikabus!
Buri Mu King Sala Mitimawa?
(There’s Power in the Blood)
Buri mu king sala mitimawa?
Daya nang Jesus mayupaya!
Buri mung ing dawak misapula?
‘Ting upaya ing daya.
Koro: Upaya, upayang darapat,
Ing daya nang Kristo.
Upaya, upayang darapat,
King daya nang mal ning Ginu. Amen.
Buri mung ing katas lub milako?
Manalig king daya nang Kristo.
Lumapit ka’t palinis king Verbo,
King daya Nang lusuk yubu.
Buri mung ing bie mag-anting ulap?
King daya nang Jesus ka pawas.
Sablang musing ning sala malaglag.
King daya nang Jesu-Kristo.
37
 King Krus Muku Ilapit Neng Pigunaman Ke ing Krus
(Jesus Keep Me Near The Cross) (When I Survey the Wondrous Cross)

King krus Mu ku ilapit, Neng pigunaman ke ing krus, nung nu ya mete y Jesus;
Siping na ning batis; King sabla ku paingulut, ban Kea na mu magbukud.
Ing lunas na ning sakit, E paburen magmatas ku, arapan na ning krus Mu;
King kalbaryo akit. Ing sabla susuku Ginu, ibie Mu ing pakalulu.

Koro: Nung tangalan ya’ng Mangabus,

King Ginu babo ning krus
Karin ku mikabus
Akamtan ku ping lubus
Gloriang e mapupus. Amen.
Kaniting lugud a sakdal, kaladua at bie yain ngan. Amen.
Inyang lapitan keng krus,
Karin ku atalus;
Ing lugud ning Mangabus,
A sinlag a lusuk.
King krus itang Kordero,
Miyain yang tutu;
Ban keta ing sala ku,
Lubus ng milako.
Siping ning krus Mu Jesus,
Manaya kung lubus,
Kaibat karin ku taglus,
King bie e mapupus. Amen
king pangaku na ning krus,
Lugud at lungkut milauk, meging korona ing suksuk.
Nung sabla abandi ku man, kulang pa iti ban yampang;
Kakung Tenguanan Tuki Kung Lubus
(I Have Decided To Follow Jesus)
Kakung tinguanan, tuki kung lubus,
At ‘Yang tukian, bukud Y Jesus
Laus king lub ku, ing ibalaus,
Maging tapat king Mangabus.
Tuki kung tapat, uling balu ku,
‘Yang katutuan at lakas ning bie ku.
Pamikasala lakuan kung tutu,
‘Ya nang Ginu na ning bie ku.
Makilaban ku, e ku pin murung,
‘Giang kalian da ku, pilit sumulung;
At king bayung bie, ngeni lalabung,
Jesus king pusu maratun.

Ibat na ngeni, ‘Yang pamintuan ku,

Y Jesus kabud , Ya mu ing Ginu,
Suyuan keng tapat, kabang mabie ku.
Ing Mangabus ku at Kristo. Amen.
38
Bisa Ku Ping Dalit Patungkul Kang Jesus
(No One Ever Cared For Me Like Jesus)
Bisa ku ping dalit patungkul kang Jesus
Ngening tinggap ku na ing pangayatbus;
Nung makananu Nang ing bie ku binayu,
At nung makananu kanaku Ya melunus.
Koro:
Ala yang kalupa pin Y Jesus,
Kakaluguran Ya ping tapat;
At nung makananung ing bie ku mibayu,
A Keya ping linigtas. Amen.
Pusu at ing bie ku pin mitmu king sala,
‘Niang atagpuan na ku ning Ginung Jesus;
Karing gamat Nang malugud, inabut Na,
At tinayid Na ku king kayarian Na.
Kayabe ke aldo l’do ngeni Y Jesus,
Tatairan da ku ding Keang Salita;
Nung bakit kaku melunus Ya ing Ginu,
E ku pin aintindian, a bitasa.
Atin Kung Dalit King Pusu Ku
(In My Heart There Rings a Melody)
Atin kung dalit king pusu ku,
Dalit yang ibat king Diyos,
Sisibul ing tula king pusu ku,
Dalit tungkul kang Jesus.
Koro:
Dalit yang patula king pusu,
Tungkul ya king lugud Na kaku ning Ginu;
Dalit yang patula king pusu,
Tungkul king lugud Na ning Dios. Amen.
Mal ya pusu ku Y Cristo,
A migligtas king sala,
Binayu Nang lubusan ing bie ku,
Kaladua ku purian Ya!
Patungkul king Ginu dalit ku,
King lugud Nang masaklo;
Karin banua angel makyabe ku,
At Kea pasapupu.
39
 Nuan A Magligtas Purian Ming Miuman Ikong Angeles Ning Banua
(Savior Again To Thy Dear Name We Raise) (Angels from the Realms Of Glory)

Nuan a magligtas, purian ming miuman,
Ing mal Mung laggiu king gale banal;
Pamanyamba mi bayu pupusan,
Pagkalub Mu sa ing kapayapan.
Patnubayan Mu kekeng panuli,
Tukian da Ka keka e kawani,
Banten Mong pusu mi ampon labi,
Ban puri ra Keka e kawani.
King bengi ibie Mu’ng kapayapan,
Gawan Mung sala ing kapisakan;
Anguan Mu ke king kapanganiban,
Ikeng anak Mung pawang liguran.
Ing kapayapan keke ibie Mu,
Kaba ning bie mi keti king yatu;
Ban kapupus ning pamakiabnu,
King kapanainawan dinan Mu ke Ginu. Amen.
Ikong Angeles ning banua, Keti sulip ko tipa;
Pamaglalang kekong kinta, Ngeni naman ing Paskua:
Me ko keni at lumapit, Samban Aring mibait!
Ikong pastul king marangle, Karing kawan magbante,
Ing Dios dinatang yang tune, Ing aslag Na lawan ye:
Me ko keni at lumapit, Samban Aring mibait!
Ikong pantas, kekong ayan, Ing mala a sinilang;
Ing Tagimpan ding balayan, Oyan, ‘ti Ne dinatang:
Me ko keni at lumapit, Samban Aring mibait!
Ikong banal a manaya, Lumawe kayu banua!
Lawan Ye, ti’ Ne titipa, Ing Ginu king templo Na:
Me ko keni at lumapit, samban Aring mibait!
Ikayung makasalanan, Sisising katunayan,
Gapus yu mekalag na ngan, Uli ning Keang kalam:
‘Me ko keni at lumapit, Samban Aring mibait! Amen.

Diyos Kapilan Man Atiu Keka

(God be With You Till We Meet Again)
Diyos kapilan man atiu keka, King usuk Na tairan Na ka;
Karing tupa Na mabe ka, Diyos kapilan man atiu keka.
Koro: Angga keng pasibayu,Mikit tamu king Ginu,
Angga keng pasibayu,Diyos mantabe ya king lakad mu. Amen.

Diyos kapilan man atiu keka, Tune lulukuban Na ka;

Pagkabie Mu ibabbie Na, Diyos kapilan man atiu keka.

Diyos kapilan man atiu keka, King tuksu man o king lasa,
Paimburisan e Na ka, Diyos kapilan man atiu keka.

Diyos mantabe Ya sana keka, At layun lingapan Na ka,

Kambilan at ikabus pa, Angga miuman mikit kata.
40
 Misan King Benging Tahimik
(It Came Upon the Midnight Clear)
Misan king benging tahimik, Meramdam ing dalit
Detang banal a angeles, Alpa lang susunis;
‘Keting yatu kapayapan, Ibat king katasan,
Masampat a pilubluban, Karing taung dakal.
Ngeni man manibat banua, Angel daratang la,
Igagale rang dalit da, King yatung manaya;
Busal ning lungkut at sakit, Daratang lang tikis
At igagale rang dalit, Lugma ban malupid.
Ikayung misasakitan, King bayat mamusan,
King malumeme yung lakbang, Masdan yu’t tingiran:
Oyan na ing gintung oras, E na maluat miras;
Gagale rang alang likat, Ding angel ning sampat.
Itang inula rang aldo, A dikil king Ginu,
Ngeni dinatang nang tutu, Keti babo yatu!
Oyan ing ligaya banua, Lalapit na keka;
Pusu mu buklatan mu ya, Ban tanggapan mu na. Amen.
King Dalit Ding Angel Damdam
(Hark the Herald Angel Sing)
King dalit ding angel damdam, "Aring mibait purian;
Ligaya king katasan, king yatu kapayapan."
Bansa, makiagum kayu, paligaya king Ginu,
King Aring bayung siro, a king Betlehem linto.
Tara, miagnan idalit: "Gloria king Aring mibait!"
Cristo a Ari ning banua, Ginu king alanangga,
Sabla panenayan da king yatu ya tinipa!
Ing Dios a ibat babo meging tune Yang tau,
Migkabie keting yatu Emanuel Ya palayo.
Tara, miagnan idalit: "Gloria king Aring mibait!"
Principe ning kapayapan! Aldo ning katalaruan!
Aslag at bie daralan babie nang pangapaldan
Likuan ne ing ligaya karing tau minta Ya,
Ban anguan No king sala at dinan bie alanangga.
Tara, miagnan idalit: "Gloria king Aring mibait!" Amen.
41

Lumapit Kong Tapat
(O Come, All Ye Faithful)
‘Ting masiglang gale!, ‘Ting maslag a batuin
Lumapit ko, tapat, matula”t pupuri,
King belen ta lungub miabeabe!
Batuin tinangad na, Aslag nang maniningning
Tara, lapitan itang Aring sugi!,
O lumapit, samban Ya,O lumapit, samban Ya,
O lumapit, Y Cristo samban ta Ya!
Dalit ko, Angeles, dalit kong masaya,
O tapuk ning banua dalit ko sa!
Ligaya banua, ligaya king Ibpa!,
O lumapit, samban Ya, O lumapit, samban Ya,
O lumapit, Y Cristo samban ta Ya!
Paligayan da Ka, Ginung bayung bait!
Puri keka ngan, Jesus a lawit!
Waga ning Ibpa, ngeni mipatilip!,
O lumapit, samban Ya, O lumapit, samban Ya,
O lumapit, Y Cristo samban ta Ya! Amen.
Iting Yatu Masaya Ya
(Joy to the World)
‘Ting Masiglang Gale
(There’s A Song in The Air)
‘Ting metung a indu tapat manalañgin;
Tulid na ning Ari, Misapuak Bethlehem!
Tula e mu nanu, King malang sinikat,
Uling iting Puñgul, Yang Ari ning labuad!
Batuin tinañgad na, Sala nang matindag,
Tulid na ning Ari, King Belen misapuak!
King aslag ning batuin, Tula ta ngeni
Mikalat king yatu, Ing diwa ning gale
Sablang mañgisnawa, king tula darake,
Uling iting Pungul, Ari Ya ping tune!
Tutula king aslag, Mamagum king dalit;
King busal ning bengi, Kekata dinantik;
King nuan a Balita, Bubuklat lang isip,
At salubungan Ya, Ing Aring mibait! Amen.

Iting yatu masaya ya, King Ginung tinipa!

Isadia lang pusu Kea, Muri, paligaya!
Muri paligaya!, Muri, muri, paligaya!
Ing Magligtas na ning yatu, Purian De ding tau,
Meto lelangan patutu, Papuri ikulio!
Papuri ikulio!, Papuri, papuri, ikulio!
Pamikasala gulutan, Pati na kaimutan;
Ing kalam Na payagusan, Nung nu kailangan,
Nung nu kailangan, Nung nu, nung nu kailangan.

Sasakup Ya keti sulip, Malam at matulid;

Karing bansa Na papakit, Lugud Nang makaigit,
Lugud Nang makaigit, Lugud, lugud Nang makaigit. Amen.
42
 121. Damdam Ka O Nuan a Gale
(Angels We Have Heard On High)
Damdam ka, O nuan a gale, Ning katasan ibabie
Gale yang alang kayanti, Corong angel pupuri:
"Glo….ria in Excelsis Deo!”,
“Glo…..ria in Excelsis Deo!"
Lawan yu king lilibangan, ‘Tiung Pungul ning Kapaskuan!
Tara, king siwalang miagnan: "Noel" idalit ta ngan
"Glo….ria in Excelsis Deo!”
“Glo…..ria in Excelsis Deo!"
Detang pastul king marangle, Karing kawan babante;
Ibat king katasan, deti, Dimdam de itang gale:
"Glo….ria in Excelsis Deo!”
“Glo…..ria in Excelsis Deo!"
Ume ta ngeni Bethlehem,Pungul a makalampin
Itang delit da ding angel. Matulang samban Ya pin!
“Glo….ria in Excelsis Deo!”
“Glo…..ria in Excelsis Deo!”.Amen.
122. Atiu King Aring Aslagan
(We Three Kings Of Orient Are)
Atlu keng aring aslagan, Lamak atin keng daralan;
Bunduk at parang biltangan, Ing batuin yang tikian.
Koro:
Pagmulalan a tala,
Malagung kekang sala!
Tutukian da kang mausta,
Iras mu ke king tula. Amen.
Aring king Belen misapuak, Gintu ing keka ku lamak;
Ban magaring alang wakas, Karing pusu ding lat.
Ing ain ku Kea incenso, Pablasang Dios ne man tutu;
Samban ne ning meto yatu, Dinatang a Ginu.
Mira naman ining lamak, Waga ning bie kitmuan sindak;
Lumbe, dalung tangis, sugat, king tumba miganap.
Maligaya Ya panyilang, Pagkalub a aring malam;
Aleluya! Dios yang sakdal, Banua at sulip man.
43
 122. Likuan Meng Trono at ing Korona
(Thou Didst Leave Thy Throne)
Likuan Meng trono at ing corona, King uli ku ita;
Karing Bethlehem alang lugal Keka, Inya misakuil Ka.
Malaus Ka kilub pusu, Ginu iti Keka ya mu.
Kitmuan Kang ligaya karin banua, Angel gagale ra;
Dapot inyang keti Ka tinipa, Migpakumbaba Ka;
Malaus Ka kilub pusu, Ginu iti Keka ya mu.
Ding zoras atin lang salilungan, Ayup anti naman;
Dapot ing Anak ning Dios, ala man, Keang paghiligan.
Malaus Ka kilub pusu, Ginu, Iti Keka ya mu.
Dinatang Ka ginu ban magligtas, Amanu mu pisyag;
Dapot nanu Keka ra inablas, Diptanan Mung mayap
Malaus Ka kilub pusu, Ginu, Iti Keka ya mu.
Coro banua nung miuman igale, Ing Kekang tagumpe,
Kaku sa ibulung Mung malale, "Kanaku ka mabe."
Tumula ya ing pusu ku, Damdam king aus Mu Ginu. Amen.
123. Datang, Datang, Emanuel
(O Come, O Come Emmanuel)
Datang, datang, Emanuel, Ban anguan me ing Israel
A maluat na king pagbitkil; Ing dusa na ba’nang mamin.
Magsaya ka, Emanuel datang ya keka, Israel!
Kabiasnan a ibat babo, Datang ka keti king yatu
Ituru mu kaming tau, King pamagkabie mayubu.
Magsaya ka, Emanuel datang ya keka, Israel!
Tagimpan da ding bansa, Kekami datang na ka sa
Bie ming magulu ma’t dusta, Ban miuman na’t mipayapa.
Magsaya ka, Emanuel datang ya keka, Israel! Amen.
124. ‘Ting Karinan a Sari Tindag
(There's a Land that is Fairer Than Day)
‘Ting karinan a sari tindag, a misadia karing tinupad
Karin Ibpa manayang tapat, karing pili ban munie ablas.
O nuan a karinan, nung nu la mumuli ding banal,
O nuan a karinan, karin tamu miagum-agum ngan. Amen!
Karin dalit alang kayarle, makawiling dalit na ning bie.
Karin era na balu ing lumbe, pawa namung tulang dalise.
King Ibpa a kipmuan king lugud, mayayaus ta at dudurup,
Ampatan na luang mababaldug, kapainawan Keang ipagkalub.
King Siping Mu Diyos Ko
(Nearer My God To Thee)
King siping mu Diyos ko, king siping mu,
Krus man mabayat ya, tukian daka.
Ya ing igale ku, king siping mu Diyos ko.
King siping mu Diyos ko, king siping mu.
Nung king paglakbe ku, mapdang aldo,
Dulum arakap na, at painawa
King panagimpan ku, atiu ku siping mu.
King siping mu Diyos ko, king siping mu.
Kambe kung milingat, gale wagas,
King kanakung sindak, keka mukyat
King kasakitan ku, miras ku siping mu,
King siping mu Diyos ko, king siping mu.
Nung sulapo naku, king banua mu.
Aldo, batuin, bulan, lakuan ko ngan,
Yaring igale ku, Atiu ku siping mu.
King siping mu Diyos ko, king siping mu. Amen!
44
 Lupa’t Lupa ing Mangabus
(Face To Face With Christ My Savior)
Lupa’t lupa ing Mangabus, atangalan keng lubus
King ligayang e mapupus, Jesus a kaku timbus.
Koro:
Lupa’t lupa akit ke pin. Lipat da retang batuin,
Akit kung leguan na karin, ketang gloriang maningning.
Akakit ke ditak mu man, itang lupa nang malam.
Dapot nung ing aldo datang, lubus kuneng tangalan.
Kaligaya king arap na, nung mapupus nang dusa,
Keng ing sabla malinis na, at miras naku banua!
Batu Ning Alanangga
(Rock Of Ages)
Batu ning Alanangga, magkanlung kupin keka,
Kanaku magus sana, daya apanuas sala.
Kumayap ku uli na, mikabus luminis pa.
Ing lua ku nung magus man, O palkas kung sipagan
Alang agyu iti ngan, panatbus kasalanan.
Ala nakung aligan, king krus naku mu talan.
Kapatlud ning inawa, ipiak ku no ding mata,
Kagising ku king banua, tangalan da ka lupa;
Karin magkanlung Keka, batu ning Alanangga.
128. Nung Mapatlud Neng Inawa
(Someday the Silver Cord Will Break)
Nung mapatlud neng inawa, mitimawa neng kaladua
Kamtan ku na ing ligaya, king tuknangan karin banua.
Koro:
Akit kune lupa’t lupa, at sabian ku king uli na.
Ning maglapo a kalam na, kaladua ku miligtas ya. Amen.
Nung malansag na ing balat, at siran dana ding ulad,
Mukyat yang kaladuang wagas, ketang tulang alang wakas.
Kanyang lumbug ne ing aldo, king albugan niting bie ku,
“Me ka keni”, nganing Ginu, “Ing kapainawan kamtan mu”.
Manaya ku at maglame, angga king matakmus ing bie.
Ing pasbul nung mibusni ne, kaladua king Diyos ya ume.
O Mangabus a Jesus Ko
(Thou My Everlasting Portion)
O mangabus a Jesus ku, keting bie paigit ku,
King paglakbe ku king yatu, mantabe ka o Ginu.
Siping mu, siping mu, karin ing buri ku,
King paglakbe ku king yatu, mantabe ka o Ginu.
Ing kakung talindo keti, e ing dangal at bandi,
King dusa matula kung mie, nung ikang kayantabe.
Siping mu, siping mu, karin ing buri ku,
King dusa matula kung mie, nung ikang kayantabe.
King laut o king libis man, patnubayan nang lakbang
At kambe raka sang datang, king pasbul ning katasan.
Siping mu, siping mu, karin ing buri ku,
At kambe raka sang datang, king pasbul ning katasan.
Amen!
45
 130. Iting Silim Atiu Na Tatakap
(Abide With Me)
Iting silim atiu na tatakap, king dulum,
Ginu kaku ka sumap.
At alang ninu mang makaligtas,
O manatili ka kakung ganap!
Saguli mu lumipas iting bie,
Tula ning yatu malantang tune;
Mauman ngan ing akakit keti,
Ginu ikang bukud manatili.
King balang oras pagnasan da ka,
Ninung sikanan ku nung e ika?
Inya kanaku pin mantabe ka,
King busal mang lulam o ligaya!
Ala kung takut karing kasalang,
Alang kaplas ing sakit nanu man,
Nung ika, Ginu ing katambayan,
Ala yang panyambut ing kutkutan.
Nung wari’t mipipiak nong mata ku,
Sunlag ka at pakit arapan ku.
Ing abak na ning ligaya lunto,
Kanita keka makyabe naku. Amen!
131. Kanyang Aldo matigtig ne ing Trumpeta Ning Ginu
(When The Roll is Called Up Yonder)
Kanyang aldo matigtig ne ing trumpeta ning Ginu,
King abak sunlag yang maslag a aldo,
Nung mitipun no ngan karin ding inatbus nang Kristo,
Lagiu ra mayaus karin ume ku.
Koro:
Ngening mitipun no karin,
Ketang pangpang a maningning
Ngening mitipun no karin,
Ume ku, yang tula ing ume karin. Amen.
King aldo a ita mete kang Jesus talakad nala,
Tula ning panyubling mebie kamtan da;
At mitipun king bale ‘niang banuang azul lipat na,
Bang miablasan king tulang alanangga.
Dapat tang sumuyu king Maestro anggang atiu’ng bie,
At yang pisabian ing lugud Na’t ingat.
Ngening ing dapat ta king yatu mirinan nang wakas,
Keta karing pili tune miligtas.
46
 132. Nangan Karing Ating Yatung Nuan
(In The Sweet Bye and Bye)
Nangan karing ating yatung nuan,
Nung nula daralit ding banal;
Babie ra lubus a kapurian;
Kang Jesus a Ginu tang malam.
Koro:
Ketang nuan a yatu, Makiagum ta kang Jesus-Kristo.
Ketang nuang a yatu, Makiagum ta kang Jesu-Kristo.
Amen.
Idalit taya pin I Jesus
Ing Kordero a kekata tinubus.
Ing daya na silwak na king krus,
Kasalanan leko nang lubus.
King yatu nuan Ya kapilan man,
Makiabe tang munie kapurian;
Kang Jesus a Ginu tang malam,
Kang Jesus a Ari tang sakdal.
133. Lipat Albugan
(Beyond The Sunset)
Lipat albugan, malagung abak, Keng akayabe ing Magligtas;
Sindak miangganan, magmulang tapat,
Lipat albugan, ing bie wagas.
Lipat albugan, lulam ala na, Takut mapupus, karin banua;
Aldo biang nuan at maligaya, Lipat albugan, nuan a gloria.
Lipat albugan, Ya tairan naku, Siping ning Ibpang, lusuk yubu;
Nung akayabe mune ing Ginu, Lipat albugan, o kayubo!
Lipat albugan, akit munala, Ding minuna na, king ligaya;
Pamikawani karin alal na, Lipat albugan, nuan a gloria. Amen.
134. Nung Bie Ku’t Kabilyan Ngeni Mialunan
(It is Well With My Soul)
Nung bie ku’t kabilian, ngeni mialunan
At nung ing subuk magbabo.
Nanu mang bili ku, kanakung sabian,
King Ginu, payapa, king Ginu.
Koro:
Payapa, king Ginu,
Payapa, payapa ing bie Ku. Amen.
Sundang ning kalaban, at pagsubuk datang?
Ing kasiguruan kanaku;
Iti ing amanu ning Ginu kung Nuan,
“Payapa, e daka pin lakuan.”
Nung dawak sumakup, salake ing lungkut,
E ke pin kalinguan ing Dios!
Uling king Kalbaryo, iyang menyambut.
Kaladua, tiwala ka king Diyos.
Ginu, panayan ke’ng aldo datang ka,
At karin banua mukyat ku;
Abe ding angel, kapurian dalit ku,
Purian me kaladua, ing Ginu.
47
 Pangalto da ring Sampaga
(Hymn of Promise)
Pangalto da ring sampaga, ‘ting panayan a bunga.
At king bie alang kapara, ing banua akamtan ya.
Ngeni busal man ning lungkut, manenaya ya’y Jesus.
Ing galal Keang iyabut, karing ‘ting lugud king Diyos.
‘Ting dalit, ating ikanta, balu da karin banua,
Potang ding keti peinawa, at karin muli na la.
E ta man aggiung isipan, ing tagumpe ning kalam,
Bie pigkalub ning Ginung Nuan, bie a alang angganan.
King paglako tamu keti, king banua karin muli,
E ta ya bale ing keni, ing bie e ta mu bandi;
Ing sabla magbalik king Dios, at ing tagumpe lubus,
Ding menalig king Mangabus, mie lang e na mapupus. AMEN
136. Tagumpe Ku King Ginu
(O Victory In Jesus)
Atiu king kasulatan, dake ning kasaysayan,
Sablang depatan ning Ginu karin king kalbaryo.
Tune yang migkasakit, krus binuat ne ping pilit,
Ban angguan naku king sala at milub ku banua.
Koro:
Tagumpe ku king Ginu magligtas ke I Cristo
King daya na melinis ku karin king kalbaryo.
Linigtas nakung tune kaya na ing kakung bie,
Ing lugud na tune kaku, tagumpe king Ginu. Amen.
Ing depat nang kasuyuan, pepakayap nong salunan
Bulag a kea peulu, deti abasa ku;
“Malunus ka o Kristo”, aus ning kaladua ku,
At mekibat ya ing Ginu, “Ing tagumpe kaku.”
‘Tin kung balitang dimdam, tungkul king kaligtasan.
King banua ating tuknangan a kanakung ulian;
Angel daralit karin, king Ginung mitmung lambing,
Abe ra dalit ku naman, tagumpe ning kalam!
48
 Ing Lugud na Kanaku Ning Ginu
(Now I Belong To Jesus)
Ing lugud na kanaku ning Ginu,
E pin kumupas, e pin magbayu;
Sariling bie yang pigkalub na,
Panatbus king sala.
Koro:
Ngeni ‘ti ku kang Cristo, sabla Keya yain,
King panlako ku king yatu, banua ing dasan pin. Amen.
Ibat king dungis ning kasalanan,
Pibablas na ku king kalinisan;
Ing bie ku ngeni tatalnan na,
Inya susuyu Kea.
‘Yang kanaku matnube neng malungkut ing bie,
King pusu ngeni atin kung tula,
Miligtas ku king pamikasala;
Ing pangakabus ngeni lubus,
Atyu ku kang Jesus.
Mabibie ngeni king kapanayan,
Karin king banua ‘tin kung tuknangan,
Karas karin abe nong Jesus,
Ding keya mikabus.
137. Mabie Yang Kakung Ginu
(He Lives)
Mabie ya’ng kakung Ginu, atiu ya king yatu,
Tune mabie ya’y Kristo, iti asaksian ku;
Gamat nang mitmung lugud, kaku no inabut
Iyang kakung Mangabus, kakung Jesus.
Koro:
Mabie, mabie, mabie ya ing Ginu!
Kasabi ke’t kayabe ke, king bie keti yatu.
Mabie, mabie, mabie ya ing Ginu,
Ing sangkan bakit balu ku, atiu king pusu ku.
King yatu kayabe ke ing malugud kaku,
At nanu man ing gulu, aku panatag ku;
Inya balu kung tune kayabe ke.
Tumula kong Kristiano, sabian king dalit yu,
Aleluya kang Kristo, iyang Ari tamu;
Iya ing kapanayan, ning meto ketawan,
At Iya ing katutuan, Iyang tukian!
49
 138. Sumuyu Ta King Diyos 139. Ating Lagyung Mitmu King Lugud
(We Have this Ministry) (Oh! How I Love Jesus)

Sumuyu ta king Diyos, e sukat mitakutan, Ating laggiung mitmu king lugud,
Ing saup nang Jesus, yang bie ta’t sikanan; Ing lagyu nang Jesus
Ing banal nang amanu, panaral tang daralan, Sabla tumula lang lubus,
Panalangin tang madla, karelang tanggapan, King Anak na ning Diyos.
Kasuyuan mi Ginu, o Dios Kekang panuanan.
Koro:
Ginung sibul ning bie, mula at kapupusan, Kaluguran ke i Jesus,
Lalabung ing lugud, nung Ikang pamintuan; Kaluguran ke i Jesus;
Pastor, laikong meyaus, kapatad king kasuyuan, Kaluguran ke i Jesus,
Anak, matua, pamisan, kekaming kapurian, Ing kanaku malugud. Amen.
Ing bie daraun mi, Ginu Kekang gamitan.
Matula ku pin panamdam
Ing misyon nang Cristo kekatamung pusanan, Nung I yang pisasabian;
At ing krus dalan ya king yatung manaya; Kaladua ku Keyang panuanan,
King tula’t kasakitan, magtapat king kasuyuan, Iti ya ing katutuan.
Ing saup Mu aduan mi, Espiritung Banal,
Iti ing ain mi, Ginu Kekang tanggapan. Amen. Lugud nang Jesus nung surian,
Ing Keyang kamatayan;
‘Yang bukud kaligtasan
Ning makasalanan.

50
 “HYMN OF PROMISE!” MH 707
In the bulb there is a flower, in the seed an apple tree
In cocoons a hidden promise, butterflies will soon be free
In the cold and snow of winter, there’s a spring that waits to be.
Unrevealed until its season, something God alone can see.
There’s a song in every silence, seeking word and melody;
There’s a down in every darkness, bringing hope to you and
me;
From the past will come the future, what it holds a mystery,
Unrevealed until its season, something God alone can see.
In our end is our beginning, in our time infinity;
In our doubt there is believing, in our life eternity,
In our death a resurrection, at the last a victory,
Unrevealed until its season, something God alone can see.
O JESUS’ LOVE THAT SOUGHT ME
Penintun na kung Jesús nyang ‘tiku king sala,
Kalam na del ana ku kilub santungan na;
Pakalulu Nang matas, matas pa king banua,
Malalam pa king dagat king kalalaman na.
Coro: Yuyubu la ding banua,a susuyu tamu ke;
Mabandi’t mayubu Jesus ing lugud na
King panyulung ding banua. Amen.
Likbayan nang Judea king minunang aldo
Ing balayan linapit ban damdam king Ginu;
Magsalbat metula la,bulag kinayap tutu;
At ganap ing lugud na a paparas kaku.
PANALANGIN
*Pagmulalan keang lugud king bie, king uli na
Ning lubus nang pamyaku king sakit at lasa;
Kagum ding banal banua itas ta in puri kea.
Ban king banua at sulip mipaligayan ya.
“MY HOPE IS BUILT ON NOTHING LESS”
Eku manalig kenu man, nung emu kang Jesus a nuan,
Ya mung bukud kapanayan, keti king meto sikluban.
CORO: Yang batung mabie y Jesus!
Ing sabla balas mung lalbug (2X) Amen
*Nung takap na pin ing dulum, kea tamu lubus magkanlung
Ing siguada nung daragul, kea ta lumapit, salilung.
Ing tapat a pangaku na, ikabus na ku king sala;
Nung mimina yang kaladua, pasap ku at manalig kea.
“THOU HIDDEN SOURCE OF CALM REPOSE”
Tahimik Kang sibul ning bie, Ikang panibatan niti;
Ing lugud mung manatili,Yang kambe ku aldo’t bengi,
Karing salang ku babante, Jesus kung Talapatnube.
Kaligtasan Mung maula, patulan ne ing kaladua;
Ing upayang pagkalub na, ning lugud Mu, alanangga.
Mayap ngan ing bubunga na, lagiu Mung alang kapara!
O Jesus sabla Ka kaku, ing lungkut ku patulan Mu;
King sakit ikang panulu, king sindak o alingongo,
At nuan mang kabilian ku, ing bie ku paligayan Mu.
+Sikanan Ka king keinan, sala king karalumduman;
Ligaya king kasakitan, katimawan king sukulan,
Bie lipat ning kamatayan, sibul Ka pin kapilan man! AMEN
51
 “FAITH OF OUR FATHERS” TANGLAW MO’Y PAGLIWANAGIN
(Brightly Beams our Father’s Mercy)
Mabie kasalpantayanan, karing matua mi Manahan
Maliwanag ang parolang Kaawaan ng Ama;
Pusu mi tutula la ngan ngening ikang gugunaman. Ngunit tayo’y ibig Niyang magningas sa aplaya
CORO:
Aus a menibat king Dios, keka magtapat keng lubus AMEN Koro:
Tanglaw mo’y pagliwanagin, Sa pusikit na dilim;
Kalul’wang tigib hilahil, Tanglawan at sagipin. AMEN
Iti king Ginu menibat ning tau e mia mu dapat
King Biblia la makalapat, sablang tru nang patupad. Madilim ang kasalanan, Alon ay sumasaal;
May matang nangaghihintay Ng liwanag sa pampang
Kekaming pagkapilitan ding sablang bansa agiagan
Keting kasalpantayanan king ban mitimawa la ngan. Ilawan mo ay linisin At nang di mangulimlim;
Nangalulunod ay kunin Sa pampang makarating
+Luguran mi lang dalise kakampi ampon kapate
Ipakit mi ing bayung bie Ginu kekami na binie.

KAKAMTAN ANG SAGANANG BUNGA

(Bringing in the Sheaves)

Ang nagpapahayag ng tungkol kay Cristo

Ay may gantimpala na matatamo;
Sa mundong ibabaw uusigin tayo
Siya’y sumasa atin, huwag manlulumo
KORO:
Ating kakamtan, ating kakamtan
Ang saganang bunga ng pagpapagal;
O anong galak, O anong galak
Pag natipon na tayong mga ligtas! AMEN
Huwag manghihinayang maglingkod kay Cristo,
Iwaksi ang takot at pangamba mo;
Balitaan natin ang lahat ng tao,
At ang gantimpala Niya’y matatamo
Sa ginhawa’t hirap ating ipangaral
Kaligtasang dulot ng Dios na banal;
Ang hirap at pagod ay malilimutan
Pag si Cristo’y atin nang napagmasdan

52