Narrator: John 3:16 “Gayon na lamang ang pag-ibig ng Diyos sa

sanlibutan,kaya ibinigay niya ang kanyang bugtong na anak upang kung

sino man ang sumampalataya sa kanya ay di mapahamak kundi
magkaroon ng buhay na walang hanggan. Ginawa niya ito hindi upang
hatulan ang sanlibutan, kundu itoy iligtas.
Narrator: Sa ngayon, napakarami na ang mga tagasunod ni Hesus, itinala
ng apat na Ebanghelyo na nagpasimula ng pananampalataya ng mga
kristyano. Bagamat magkakaiba ang salaysay ng mga pangyayari at
kasaysayan ng kanyang buhay na hinango sa ebanghelyo ayon kay Lukas.
Narrator: Noong si Agustus Cesar ang emperador ng Roma, at si
Herodes naman ang hari ng Hodea, isinugo ng Diyos ang anghel na si
Gabriel upang dalawin ang isang dalaga sa Nazareth na nagngangalang
Maria.
Angel Gabriel: Huwag kang matakot, Maria. Pagkat kinalulugdan ka ng
Diyos. Maglilihi ka at manganganak ng isang lalaki at siya at tatawagin
mong Jesus.
Maria: Paano mangyayari ‘yon? Dalaga pa ako.
Angel Gabriel: Pasasayo ang espirito santo, dahil dito ay tatawagin
siyang anak ng katas taasang Diyos. Ang kanyang paghahari ay walang
hanggan.
Narrator: Hindi nagtagal, nagpunta si Maria sa isang bayan sa Hudea,
upang dalawin ang kanyang pinsang si Elizabeth.
Maria: Elizabeth!
Elizabeth: Maria! Maria! Pinagpala ka sa mga babae, at pinagpala rin ang
sanggol mo. Nang marinig ko ang bati mo, gumalaw sa galak ang sanggol
sa aking tyan.
Maria: Pinupuri ko ang Panginoon at nagagalak ako sa Diyos na aking
tagapagligtas. Mula ngayon tatawagin akong mapalad ng lahat ng saling
lahi.
(Nagyakap si Maria at Elizabeth)
Narrator: Ibinalita ng tagapagsalita ni Augustus Cesar na ang lahat ng
mamamayan na nasasakupan ng Galilea at Judea ay dapat magpatala sa
kani kanilang bayan. Kung kaya’t si Maria at Jose ay pumunta sa
Betlehem upang magpatala. Subalit wala silang matuluyan sa Betlehem
kundi isang hamak na sabsaban.
Narrator: Kinagabihan, may mga pastor na nagaalaga ng mga tupa sa
parang, biglang nagpakita sa kanila ang isang anghel at ang kaluwalhatian
ng Diyos ay nagliwanag sa paligid nila.
Anghel: Sa araw na ito, isinilang ang inyong tagapagligtas, ang Kristo,
Panginoon.
Narrator: Agad silang nagpunta sa sabsaban upang masilayan ang
sanggol, sila ang unang nagpahayag ng mabuting balita.
Narrator: Makalipas ang isang linggo, pinuri ang bata at pinangalanang
Hesu Kristo. Dinala nila Jose at Maria ang bata sa Herusalem upang ialay
sa Diyos.
Narrator: Sa templo, may isang Mabuti at matapat na tao na pinangakuan
ng espiritu santo na hindi mamamatay na hindi mamamatay hangga’t
hindi niya nakikita ang Kristo. Siya si Simeon.
Simeon: Oh Panginoon ko, kunin mo na ang iyong lingkod. Ayon sa
iyong mga salita.
(Kinuha si Jesus ni Simeon)
Simeon: Nakita ko na ang iyong pagliligtas, ang batang ito ay pinili ng
Diyos.
(Ibinalik ang sanggol kay Maria)
Simeon: Pagpalain nawa kayo.
Narrator: Nang matapos nila ang lahat ng bagay na ayon sa kautusan, si
Maria at Jose ay bumalik sa Nazareth.
Narrator: Nang labing dalawang taon na si Jesus, isinama siya ni Jose at
Maria sa Jerusalem para sa pista ng Pascua. Ngunit ng sila ay papauwi,
nagpaiwan si Jesus.
Narrator: Pagkaraan ng tatlong araw, bumalik sila sa Templo at nadatnan
nila si Jesus na kasama ng mga guro.
(Pinuri ng mga guro si Jesus)
Narrator: Si Jesus ay lumago sa karunungan at pagbibigay lugod sa
Diyos.

Narrator: Noong ikalabing limang taong paghahari ni Tiberyo, habang

si Poncio Pilato ay gobernador ng Hudea, si Herodes ang puno sa Galilea,
sina Anas at Caifas ang mga punong pari. Dumating ang salita ng Diyos
kay Juan sa ilan at ipinangaral niya ang pagsisisi para sa kapatawaran ng
kasalanan.
Juan: Magsisi kayo at magpababtismo! At kayo’y patatawarin ng Diyos!
Nasusulat sa aklat ni Propeta Mesias, may isang sumisigaw sa ilang.
Tawirin ninyo ang daraanan ng Panginoon. Tawirin ninyo ang kaniyang
daan. Hakbangan ang bawat lambak. Titibagin ang bawat burol at
makikita ng lahat ang pagliligtas ng Diyos!
Mga tao: Ano ba ang dapat naming gawin?
Juan: Kayo! Kayong mga ulupong!
Mga tao: Ituro mo sa amin ang tamang daan!
Juan: Ang sino mang may damit ay dapat magbigay sa taong wala nito.
Ang sino mang may pagkain ay dapat magbigay din.
Kolektor: Maniningil kami ng buwis, ano ang dapat naming gawin?
Juan: Huwag kayong maningil ng sobra.
Sundalo: Kami naman! Ano ang dapat naming gawin?
Juan: Huwag kayong maninikil kaninoman at huwag kayong
magbibintang ng walang katotohanan. Masiyahan kayo sa inyong kita!
Mga tao: Sabihin mo, ikaw ba ang Kristo?
Juan: Kayo at binababtismuhan ko sa tubig, ngunit may darating na higit
na dakila keysa sa’kin. Hindi ako karapat dapat na magkalag ng tali ng
kanyang sandalyas. Siya ay magbabawtismo sa espirito at sa apoy. Hawak
niya ang kalaykay upang alisin ang dayami at titipunin ang trigo
sakanyang kamalig.
(Dumating si Jesus at nagpababtismo sa tubig, at bumaba sa kanya ang
espirito santo sa anyong kalapati)
Narrator: Isang tinig na nagmula sa langit ang nagsabi na. “Ikaw ang
aking anak! Lubos kitang kinalulugdan!”

Narrator: Nagtungo si Jesus sa Roma upang magpagaling ng mga may

sakit at ikalat ang salita ng Diyos, kasama ang kanyang disipulong si
Simon.
Tao: Para niyo na pong awa, tulungan niyo po ang aking anak! Siya ay
may sakit at naghihingalo na!
Tao 2: Patay na ang iyong anak!
(Natigil si Jesus sa kanyang narinig)
Jesus: Huwag kang matakot, manalig ka at siya ay gagaling.
Narrator: Nagpunta si Jesus sa kinalalagyan ng bangkay ng bata.
Jesus: Huwag kang umiyak, hindi siya patay, natutulog lang.
(Lumapit si Jesus sa bangkay ng bata)
Jesus: Anak, bangon!
(Nagulat ang mga tao ng bumangon at dumilat ang bata)
Jesus: Bigyan niyo siya ng pagkain. At inuutusan ko kayo na huwag itong
ipagsabi.
Narrator: Nagpatuloy sa paglalakad si Jesus at Nakita niya si Matteo na
naniningil ng buwis. Nilapitan niya ito.
Jesus: Sumunod ka.
(Agad na sumunod sa kanya si Matteo)
Narrator: Isang umaga, nanalangin si Jesus sa Diyos at tinipon ang
kanyang mga disipulo. Simon na tinawag niyang Pedro, at Andres na
kanyang kapatid. Santiago, Juan, Felipe, Bartolome, Matteo, Thomas,
Santiago na anak ni Alfeo, at Simon ang Makabayan, Judas na kapatid ni
Santiago, at si Judas Escariote na naging taksil.
Narrator: Kasama sila ni Jesus na nagkakalat ng kabutihan at salita ng
Diyos. Ang paggamot ni Jesus, ang paggawa niya ng Himala ay
nasaksihan ng kanyang mga desipulo at ng mga taong nananalig sa kanya.

Narrator: Isa sa mga milagro na nagawa ni Jesus ay ang bumuhay ng

patay. Winika nito na, “Mapalad ang mga taong ‘di nag aalinlangan
sa’kin.” Ang mga salita at milagro ni Jesus ay nakarating sa mga
ikinatataas. Inalam ng mga ikinatataas taasan kung sino si Jesus at ang
Mesiah na pinaniniwalaan ng mga tao.
(Last Supper)
Jesus: Inaasam asam ko na makasama ko kayong lahat bago ako
maghirap. Hindi ako kakain nito hangga’t hindi ito mabibigyang
kaganapan sa kaharian ng Diyos.
(Nagdasal si Jesus at ipinamigay ang tinapay at kangis na kumakatawan
sa kanyang dugo)
Jesus: Kunin ninyo ito. Ito ang aking katawan na ibinibigay sainyo.
Gawin niyo ito bilang pag alaala sa’kin.
Jesus: Ngunit narito sa hapag ang magkakalulo sa’kin.
Mga Desipulo: Hindi! Hindi maaari!
Mga Desipulo: Sabihin ninyo, sino ang magkakalulo sainyo?
Jesus: Pinaglalaanan ko kayo ng isang dako sa aking kaharian. At kayo’y
kakain at iinom na kasalo ko. Kasama ko kayong mamamahala sa labing
dalawang angkan ng Israel.
Simon: Kung ga’yon, walang traydor!
Jesus: Simon, Simon! Sinadya ni Satanas na subukin kayo. Ngunit
ipinagdasal ko sa Ama na maging matatag ka at sa iyong pagbabalik loob
ay patatagin mo ang iyong mga kapatid.
Simon: Nakahanda po akong mabilanggo at mamatay na kasama mo.
Jesus: Tandaan mo, Pedro, tatlong beses mo akong ipagkakaluno bago
tumilaok ang manok sa araw na ito. Tatlong beses mo akong ipagkakaila.
(Speechless si Simon/Pedro)
Narrator: Nagpulong ang mga pinunong pari upang ipapatay si Jesus. At
pumasok si Satanas kay Judas Escariote na isa sa labing dalawang alagad
ni Jesus.
Narrator: Dumating ang mga Pari kasama si Judas at hinalikan at
niyakap ni Judas si Jesus. Agad na hinuli ng mga kawal si Jesus at
nangyari nga ang pagtanggi ni Pedro kay Jesus.
Narrator: Idinala ng mga kawal si Jesus sa mga Pinuno.
Pari: Ikaw ba ang tinutukoy nilang Mesiah?
Jesus: Sabihin ko man, hindi kayo maniniwala, at kung magtanong
naman ako’y ‘di ninyo ako sasagutin.
Pari 2: Ikaw ba ang anak ng Diyos?
Jesus: Sinabi mong ako nga.
(Nag-usap ang mga tao at Pari matapos sumagot ni Jesus)
Pari 3: Narinig natin ang kanyang mga sinabi!
Pari 2: Dadalhin naming siya kay Pilato.
Narrator: Dinala nga nila si Jesus kay Poncio Pilato, isang malupit na
pinunong Romano na nag-utos ng pagpapako sa krus ng libo-libong tao.
Poncio: Anong kailangan ninyo sa ganitong oras ng umaga?
Pari: Nahuli po naming siya na nililinlang ang mga tao! Anong magiging
hatol sa kanya?
Poncio: Wala akong nakikitang dahilan upang hatulan ang taong ‘to!
Pari: Nagkasala siya! Sabi niya’y ‘wag magbayad ng buwis kay Cesar!
Nagpapanggap siyang Mesiah! Isang hari!
Poncio: Hari?! Ikaw ba ang hari ng mga Hudyo?
Jesus: Sinabi mong ako nga!
Pari: Siya ay nanggaling sa Galilea!
Poncio: Siya ba ay taga- Gagilea? Si Herodes ang bahala sa kanya!
(Dinala ng mga kawal si Jesus sa Herodes)
Herodes: Sino ka ba talaga at sino ang iyong mga alagad? Sabi ng marami
ay gumagawa ka ng mga himala! Maghimala ka nga.
Pari: Panginoon ko, nagsisinungaling siya sa mga tao. Sinasabi niya na
siya raw ang Hari!
Herodes: Ang taong ito, Hari? (HAHAHAHAHA!)
(Inilagay ni Herodes ang kanyang roba kay Jesus at pinagpapalo siya ng
mga kawal at ibinalik kay Pilato)
Narrator: Hinatulan si Jesus ng pagkakapako sa krus at nagumpisa na
ang pagpapahirap sa kanya. Hinagupit ito, pinagsuot ng tinik na korona,
pinagbuhat ng malaking krus na pagpapakuan sa kanya, ginutom at hindi
pinainom.
Narrator: Nakarating na si Jesus at ang dalawang magnanakaw na sina
Hestas at Barabas sa bundok na pagpapakuan sa kanila.
Narrator: Matapos maghirap at mapako si Jesus, nagdasal ito.
Jesus: Patawarin mo sila, Ama. Sapagkat hindi nila alam ang kanilang
ginagawa.
Pari: Kung ikaw ang Mesiah, bumaba ka sa krus at iligtas ang iyong
sarili!
Narrator: Nanatiling nakapako si Jesus sa harap ng mga tao kabilang ang
kanyang inang si Maria.
: Hindi ba, ikaw ang Mesiah? Iligtas mo ang iyong sarili at pati kami!
: Hindi ka ba natatakot sa Diyos? Tumanggap siyang hatol katulad mo,
kahit wala siyang kasalanan? Alalahanin mo ako, Jesus, kapag ikaw ay
naghahari na.
Jesus: Ngayon din ay isasama kita sa Paraiso.
Narrator: Nang tanghaling tapat, nagdilim sa buong lupain sa ikatlo ng
hapon. At nahati sa gitna ang tabing ng templo.
Jesus: Ama, nasa mga kamay mo ang aking espiritu.
Narrator: Namatay si Jesus at inilibing.

Narrator: Pagkalipas ng tatlong araw, araw ng linggo, ang libingan ni

Jesus ay natagpuang bukas at wala ang kanyang katawan. Siya ay muling
nabuhay at mayroong anghel na lumitaw.
Anghel: Bakit niyo hinahanap ang buhay sa gitna ng mga patay? Wala
siya rito. Siya’y muling nabuhay. Tandaan ninyo ang sinabi niya sainyo
sa Galilea, “Ang anak ng tao ay ibibigay sa kamay ng mga makasalanan,
ipapako sa krus, at muling mabubuhay sa ikatlong araw”.