DANGLAM NUN: MI DANG TANA MALSAWMNA

Ziaktu : PC Lalngaihzuala

A CHANGTU TE
Rinzama - Fapa
Pi Chhuani - Chhungkhat Nu
Ruata - Chhungkhat Pa
Zualbawihi - Fanu
Tv Engrova - K|P Hruaitu
Fakawma - K|P Hruaitu
Sangtei - K|P Hruaitu
Zaia - |hianho
Sanga - |hianho
Chhunga - |hianho
Khumtei - Zualbawihi \hiannu
Remsiami - Zualbawihi \hiannu

CHAN-I

LAN-I

Pu Ruata : E khaih!.. Zing dar 7 a lo ri leh reng tawh... Kan tlangvala hi a la mu tlawn
zawr a ni maw? Delh hlum sa ei a tum, a tho a la \hu tum. Mu chi ten sa an
ei, ani zawng maian bai a ei.

Rinzama : (Mut hmun a\angin zawi sapin) Zingkar karah a Rap leh zawt zawt ta…

Pi Chhuani : Zama, tho ve tawh teh. Kan bekang um pawh a tho daih tawh. Zingtin
inkaihthawh ngai ziah ringawt mai.

Pu Ruata : K|P te hian ‘Zing thawh hma’ te hi kumpuanah nei tawh sela a \ha ang.
Head Mistiria a kaisan a\ang hian a inthlahdah sawt riau lehnghal.

Rinzama : (Zawi sapin) I Bekang um ka ni ve leu.

(Chutih lai tak chuan K|P Hruaitu a lo lut a)

Tv Engrova : E...Pi Chhuan in awm maw? In va la reh teh duak ve…

Pi Chhuani : Engrova lah ni reng chuan…Lo kal rawh, lo kal rawh…

Tv Engrova : Hei, Faith Promise ka rawn khawn e ka tia..Khawnge Rinzama hi?

Pi Chhuani : Hei...a la rawn tho chhuak lo a nih hi… (A ko nghal a) Mama, lo tho rawh
hei, Engrova a lo kal a nia... lo tho chhuak nghal vat rawh.

Tv Engrova : Nizan lam a meng rei deuh aniang maw?

1|Page
Pi Chhuani : A nih pawh a ni mah na. Phone a khawih a, a phun ang bul bul a.

(An titi mek lai chuan a lo tho chhuak a)

Rinzama : E… ilo kal a ni maw? Thingpui te I in tawh em?

Tv Engrova : A….ka chak lo mai e. Hei Faith Promise ka rawn khawn e ka tia.

Rinzama : Eng zatin nge ka la tlak loh kha?

Tv Engrova : Rs 300 lai kha i intiam ve a. Mahse, Rs 290 in I la tlak lo a nih hi a..

Rinzama : Khaih aa…. A va zia lo \hin ve…Nu… Plizz… Tun \um chiah min lo peksak
leh mai..

Pi Chhuani : Mahni rinna thutiam chu mahni ngeiin pek tur a ni ngai asin. A lehpekah
chuan nangmah ngeiin i pe tawh ang hria ang che.. Kha..

Rinzama : Ka nu hi chu a va han fel tak.

Tv Engrova : A nih chuan ka kal leh phawt mai ang e.

Pi Chhuani : Aw…chaw te i ei ve nghal la…

Tv Engrova : La khawn zel ka ngai si a, ni dangah ni mai teh se.

Rinzama : A nih chuan chaw ei tui mai le…(zawi tein) a hmeh a zirin.

(A chhuah pahin)

Tv Engrova : (Zawi deuh hlekin) An hmeh tui bik awm lo em mai...

Pi Chhuani : Chhung Inkhawm neih a hun tawh a nia, Pathianni tuk te a nih ve hi...
Hmanhmawh ve deuh \hin ta che u. Tlai deuh deuh a kal chu thawmhnaw
thar neih man pawh a awm \hin lo.

Pu Ruata : Ni ngawt mai.. Kei pawh hi hming min lo lam sak hman ziah lehnghal.
Mami chhuak lawk ve lah hi haw leh nghal mai awm \hin bawk si lo.

Rinzama : Aw.. in hmanhmawhte chuan lo tihsan ila ni mai alawm.

(An chhuak a)

LAN-II

(Khawlai chawlhbuk-ah \hianho an \hu khawm a)

Chhunga : Zanin chu khawilamah nge maw kan han tei chhuah ang aw.. Rim tur \ha
deuh te in hre lo’m ni?

2|Page
Zaia : Hriat chu ka hria a; mahse, bialpa a nei an tia?

Chhunga : A ho lutuk..lo nei ve mai mai rawh se.. Goal pawh a vengtu awm lai ngeia
khung hi a nuam zawk asin.

Sanga : A ve lutuk che hian... chutiang sawi turin hmeichhia engzat fakau nge i
bem tawh a?

Chhunga : A….chutin a la tam lo sawm panga vel.

Sanga : A nih leh Engzatin nge lo duh che?

Chhunga :E le… Sawm leh pakhat mah...

(An nui vak vak a)

Zaia : Nih chuan, ka hriat pawh chu ka leh lo mai ang e. An duh leh chuang lo
ang che..hahaa

Sanga : Nang hi a changin Hortokia mi i ti, a chang leh Thingdawla mi i ti thul;

Bualpuia mi te kha a \ha viau lo’m ni. Mo hruaina a hnai ting mai alawm.

Chhunga : E... Thlawhtheihna service lohna a mi chu nupuia neih ka lo tum reng reng
hlei nem.

Zaia : A insawi thei leh ta... Nang ve kha... Tawlailir chauh service naa mi pawhin
an duh leh chuang lo ang che.

Chhunga : A nih loh leh online a chah theih hunah kan nei anga a ni mai alawm...

Sanga : In sawi ho em mai... kal phawt mai teh ang u.

(An chhuak dawn a, lehlamah chhunga leh sanga an kal a)

Zaia : (Rawn hawi let pahin) Kha lamah a ni lo..., he’lamah lokal r’u...

LAN-III

(K|P hruaitu an lo lang a)

Tv Engrova : Kha... Sangte khawnge i kal dawn a..?

Sangtei : E.. Hetah. Kalna tur dang a awm chuan loh hi... Ka lo leng dawn. Fak-
thaw-venga hi a lo leng na nge..?

Tv Engrova : A lo thleng leh \ep tawh ang.

(An sawi lai lai chuan Fakawma a lo lut a)

3|Page
Fakawma : I hi le... Hemi te pahnih hi a rukin in lo inngaizawng a ni chiang mai.

Tv Engrova : A...Lo \hu ve phawt teh. Tu’n nge maw kan inngaizawng ti vak vak duha i
rin le...

Fakawma : Kha in lo va sawi ril awm ve a. Ka hriat ve chi te a awm em? Mahse ka zep
thei vak dawn lo a nia aw...

Sangtei : Tunlai kan inkhawm chhe lutuk \hin hi engtia tih hmalak chi nge maw ni
kan lo tia... hman ni lawkah sport kan nei a, an rawn lang huk a, an reh zui
leh ta vang vang mai sia...

Tv Engrova : A dik alawm... Mi tihdan \ha an tih ang zawng zawng hi entawn loh pawh
kan nei tawhin ka hre lo... A lo \ha bik em em chuang lo nge maw ni,
awmzia a nei tlem thei em mai.

Fakawma : A ni viau mai... Thil thar kan dap kan dap a, Eng eng emaw kan tikual a,
chuti chung chuan kan hip hlei thei chuang lo chu a nih ber hi maw...
Engpawh hi han ti ila member hmun thuma \hena hmun khat pawh hi min
nghawng leh chuang si lo.

Sangtei : Chu tak chu alawm keipawh ka lo vei ve \hin. Chhan dang engemaw vang
chauha inhman kan tum dawn chuan tihngaihna vak pawh a awmin ka hre
tawh lo.

Tv Engrova : Mahse... Thil hi a hun lai zel a awm ve a... engtin emaw a sawt hun chu a
awm em em ang. Buh seng tur chuan hmanrua a ngai ve a nia. Kan mission
field ah hian \hahnem ngai em em phawt mai ila...

Fakawma : Tunah rih chuan eng zan zan emaw kan buatsaih kumtluan tawh mai dawn
a nih ber hi maw... Inkhawm loh zan te hi kan la siam duh hialin a nia ka rin
ni. Tuna kan fellowship te pawh hi heti zat lek tur hi chu kan ni lo maw le...

Sangtei : Kei pawh, mimal \hahnemngaihna ringawtah hi chuan ka beidawng deuh

\hin.

Tv Engrova : A..camping te kan neih dawn kha maw le.. In beidawng hma thei em mai.
Kan ri leh hut hut mai dawn alawm.

Fakawma : Ni e, A tlai ta riau mai ka va phei ang e… Work camp rawn kal angah min
lo ngai mai teh u..

Sangtei : Keipawh ka kal ve nghal mai ang e. Min lo nghak teh...

Tv Engrova : A nih leh u, remchangah kan la titi ho leh dawn nia...

(An chhuak a)

4|Page
 CHAN-II

Zualbawihi : Khumte, kan Camp lut chu ka hlawkpui hle mai, tisa leh thlarau lamah
pawh ka hlawkpui takzet a ni.

Khumi : Awi.. keipawh.. Speaker khan thu sawi a thiam sia..maw.. bakah
Councellor te kha an hmel\ha e...

Zualbawihi : (Zawi deuh hlekin) Mi ten an lo hre palh ange… ni e, kan rawngbawltu te
kha an nung tha vet vet khawp mai.

(An titi lai chuan Remsiami a lo lut a)

Remsiami : (Ring deuhin) Kha... in va sawi ril awm ve..

Khumi : (Bung zetin) He nu hi.. Midang an awm ve loh hi..

Remsiami : Hei an awm \euh hi. In \awng ring dun em alawm.. An hre ve vek ang chu.

Remsiami : Awi.. in haleluiah ring thei sia.. ring deuh deuha biak in ngai tawh a niang
ka tia..

Khumi : Chu pawh ni se... Khati vak vaka rawn tih a ngai ‘mi..

Zualbawihi : Lo \hu ve teh.. hei camping te kha kan lo thlirlet leh a.. Awi, Remsiam i lo
lut ve lo kha a pawi e…

Remsiami : Chu.. min lo va vei awm ve a, keini te chu luh leh hranpa a ngai hleinem,
bakah tunlai chu ka buai lutuk a…

Khumi : Piangthar tawh sa tan pawh intuaitharna a nia, ka hlawkpui teh asin.

Remsiami : A nih chu. Vawk loan kha ka dil ve e ka tia, Bank-ah ka zuk la chhuak maw
le

Zualbawihi : Chu..in va hausa dawn ve.. I la tam em?

Remsiami : Nia.. hei ka rawn bazar nghal a.

Khumi : Chungte chu thil danga hman chi pawh a nih loh chu.. Vawk-vun-ha-i an ti
ve mai tur che asin

Zualbawihi : Lei to lehpek hlawm ngawt ang chu. Confi leh bik awm..

Khumi : Mahni thawhchhuah mil deuhte hian inchei ila kan confi daih zawk.

Remsiami : (Thawven hmel takin) Ho em mai..Mahni thawhchhuah mila kan inchei ten
ruak deuh ngat a len a ngai dawn asin. Paho-in hian nupuite an iai phah
lutuk ang,,,hahhaaii
5|Page
Zualbawihi : Thil hi han sawi ila i lo la kawi zung zung zel mai a..

Khumi : Ni e, K|P member kan ni bawk sia engkimah kan \awngte hi fimkhur a
ngai \hin a nia.

Remsiami : In bul a nia ka sawi ve mai mai a nih kha… Ti daih ila awi… Tunlai kan hla
zir ho hi ka tui lo, kan conductor hi a strik bawk si, ka zun te hi a chhuak thei
a nia aw.. ka ip ngar ngar zel. Zai paha zun cheh ka hlau thei tawp

Zualbawihi : Ngati maw I tui loh a?

Remsiami : Awi… A nalh lo thei si... a vai \ing\ang tawp a ni mai.

Khumi : Kan nalh tih zawng chauha Pathian fak tur kan ni hlei nem…

Zualbawihi : Kei chu Chaw-ras te kha.. ka sa ve hman ngai lo

Zualbawihi : (Nuih huk pahin) He nu hi.. Tuman chaw-ras an ti ngai lo. Khaw-ras an tia
lawm..

Remsiami : Mah reng reng se... Taka kan inkawm tui viau na-in Maruati te inah min va
kalpui lawk teh u.. pheikhawk a lo thleng thar a rawn tia.

Khumi : Sum hmanna tur bawk a sawi leh ta...

Remsiami : Va kal lawk ang u.. Mi dang pawh an lo lang ve duh tawh ang.. kan
inkawm rei bik em mai..

An vaiin : Nia.. kal teh ang u..

(An chhuak a)

CHAN-III

Mawia : (Rilru a sawi) Ka nun hi a va ho tak em! Dam chhan nei lo, thih chhan tur
awm bawk si lo. Hringnun chenin hun ka hmang a, chu ngei chuan min chen
let zawk si. Hei aia nuama chen dan lah hi ka hre tawh der bawk si lo.
Inkhawm \hinte lah hian, ‘Member hla te tan’ tiin Biak inah min \awng\aisak
a, mahse, pawn lamah chuan min be leh duh der si lo. An \awng\ai chhanna
te hi kan hmu ve har em mai a point-ah an lut fuh lo \hin nge maw ni?

(Chutih lai chuan Rinzama a lo lut a)

Rinzama : E.. kha, I va inngaihtuah buai awm ve, puih theihna che ka nei em?

Mawia : Ni e.. Buai khawp mai.

Rinzama : I buaina chu min lo hrilh ve la, ka pui thei mai thei che asin.

6|Page
Mawia : (Bung hmukin) Eng vangin maw ka hrilh ang che? I lo buai vena tur a awm
lo. Tunge I nih pawh ka hre lo che.

Rinzama : Aw leee. Puih I duh chuan puih che ka inhuam reng a nia, ka puih I duh si
loh chuan ka kal leh mai ang e.

(Tawite a kalsawn hman a)

Mawia : Lo ding lawk teh. Ka hre leh zawk che. Ka tider a nih kha. Tunlai chu ka
rilru a buai em atin ni. Min hrethiam dawn nia.

Rinzama : Ka \anpui theihna che a nih chuan engpawh ka inhuam reng a nia.

Mawia : Tak tak maw.. Sawlai zun in bul khamah sawn va zuang thla rawh le..

Rinzama : Chuti vut vut te che u a.. I harsatnate chu sawi dun phawt ila maw le.

Mawia : (Nuih huk pahin) Ka tifiam a nih kha. Tupawn ka hming sawi se..Mawi-
sual-zawka an tih loh leh Mawi-misuala min ti vek a. Theihtawp chhuahin
\hat han tum ve \hin mah ila...(a chawl deuh dat a)

Tumahin min ring thei si lo. Nunphung pangngai lo an tihte pawh hi kan tan
chuan nunphung pangngai ve mai bawk asin. Tumahin min hrethiam duh si
lo...
“Muantu kan ngai, Puitu kan ngai, Chhantu kan ngai an awm si lo.
Mi fel rual awmkhawm hote zingah hian kan tan hmun a awm si lo”

(A inhnit faih faih a)

Rinzama : |hianpa, Kei ngei pawh hi I nun dan anga lo nung ve tawh \hin ka ni
alawm. Mahse, tunah chuan Krista vangin mi danglam ka ni tawh
asin…K|P-ah pawh pawh inhmang ngai lo, Kohhran leh khawtlangah ni se
\angkaina nei lo ka ni \hin. Mahse, mi ten min en san mah se, engtik lai
pawha kan kir hun nghak rengtu Pathian a awm asin :

“Lo kir rawh, ka la nghak reng che, I ngaihtuah hun chhung ka tan a rei lua
e; Chhuan tur dang I neih lohzia ka hai love,Khati mai khan a tawk e lo kir
rawh”

Mawia : A dik alawm…mahse… Sawng K|P a active tak tak te sawn Khawvel
tikimtu ve lekah bak min ngai hlei nem. Hnatlang awm se, ani hian a thawk
thei ang ti ni awm hrim hian min rawn sawm a. Inkhawm turin min sawm leh
peih mang si lo… An inkawm hrang a, an nui a, keini tel lo paw’n an hlim si
a nih saw..

Rinzama : (Zawi sapin) LALPA… I hnen ka hruai thlen theih nan khawngaihin min
\anpui rawh.

7|Page
 A dik lawm, I ngaihtuah zawng zawngte kha… Mahse, he ti zawng hian han
ngaihtuah ve chhin teh. Hlim taka zu nen hun kan hman lai pawh khan kan
hlimin, kan nui lo bik em ni? Anni pawh an rawngbawlnaah an hlim ve mai
chauh asin. Hnatlang leh inkhawm tehkhin te chu a... Inkhawm turte chu dar
riin min sawm reng alawm. Rem I tih chuan ka \awng\aisak thei che ngem?

Mawia : Tehreng mai. Eng position-in nge ka awm dawn?

(A lu chungah kut nghatin a \awng\ai a) (music)

Mawia : A va mak ve... Ka veng hawk mai. Praise the Lord

(Mipui lam kawh pahin) E heu! Hei khawi lam vantirhkohte nge ni zozai a

Rinzama : A mak em em \hin. Hetiangin vantirhkoh an thim khup dawn em ni? Hei hi
hre reng la, harsatna eng pawh tawk ila, Pathian hnena thlen hmasak zel hi
a \ha ber a nia...

Mawia : Ka lawm hle mai. Min pui lo la chu depression neih ka lo tum hman asin

Rinzama : Lawmthu sawi a ngai reng reng lo. Nang pawh tun a\ang chuan ‘midang
tan malsawmna’ va ni ve tawh che...

A TAWP TA

© Kristian |halai Pawl, Kawnpui Chhimveng Branch

8|Page