Ang buhay ay kailan man ay hindi magiging perpekto, na sa lahat ng pagkakatao'y
makakamit natin ang ligaya sa ating mundo ngunit kadalasan ay humahantong ito sa ikakalugmok ng ating mundo na pilit nating binubuhay para sa ibang tao.
Sa larawang ito ipinapakita na may isang kamay na pilit makaahon sa malawak na
katubigan. Nalulunod sa dagat na hindi alam kung ano ang kanyan kahahantungan. Sigaw niya'y hindi maririnig ng sino man, walang tulong na makakapitan. Marinong nag-iisang naglalakbay sa karagatan ng problema.
Marino, isang propesyong napakamapanganib. Buhay mandaragat sa pagsampa pa
lamang sa barko ay tila nakalibing na ang kalahating katawan. Sapagkat araw-araw ay humaharap sila sa mga panganib sa karagatan. Ito ang sinisimbolo ng larawang aking napili, ito ay hindi lamang tumutukoy sa literal nitong ibig sabihin kung hindi ay nagrerepresenta din ito ng buhay ng isang marino. Ito ay parang isang representasyon ng kalbaryong nararanasan ng mga mandaragat. Sila ay nalulunod sa dagat ng mga problema at panganib na kanilang tinatamasa tulad ng pagkalayo nila sa mga mahal nila sa buhay na nagbibigay sa kanila ng kalungkutan, isa pang panganib na balakid sa mga marino ay ang hindi patas at balanseng pagtatrato ng mga nakakataas sa mga kapwa nitong mga manlalayag na humahantong sa depresyon at iba pang mga karamdamang nakakaepekto sa kanilang mga gawaing propesyonal na kadalasan ay hindi na nila magawa ng maayos ang kanilang mga gawain at tungkulin bilang isang manlalayag. Kadalasang nababalitaan nalang natin na ang mga marino ay kinikitil ang kanilang mga sariling buhay o hindi kaya ay nawawala at hindi na matagpuan sapagkat nalulunod na sila sa mga problemang kanilang kinakaharap. Sa karagatan ng mga problema at panganib, tanging sarili lang natin ang humahatak at gumagapos sa atin na tuluyan tayong malunod sa ating sariling mga problema, matuto tayong languyin ang malawak na problemang ating kinakaharap at tanging sarili lamang natin ang tanging sandalan natin at pagtitiwala sa panginoon ang matibay na tanikala na kanyang buhay ay mabigyan pa ng isang pag-asa.