New Corella National High School

MALA-MASUSING BANGHAY ARALIN

SA FILIPINO 11
Ika-11 ng Hulyo 2019

I. Layunin
A. Pamantayang Pangnilalaman: Nauunawaan ang mga konsepto, elementong
kultural, kasaysayan, at gamit ng wika sa lipunang Pilipino.
B. Pamantaya sa Pagganap: Nasusuri ang kalikasan, gamit, mga kaganapang
pinagdaanan at pinagdadaanan ng Wikang Pambansa ng Pilipinas.
C. Mga kasanayan sa pagkatuto: Naiuugnay ang mga konseptong pangwika sa
sariling kaalaman, pananaw, at mga karanasan. Code: F11PT – Ia – 85
TIYAK NA LAYUNIN:
1. Natutukoy ng paisa-isa ang mga salita ayon sa antas ng wika.
2. Napapahalagahan ang mga pananalitang ginagamit ayon sa
pakikipagkomunikasyon.
3. Nakagagawa ng maikling akda o nakagaganap ng gawain na
ginagampanan ng mga salita ayon sa antas ng wika.
II. Nilalaman:
Paksa: Antas ng Wika
III. Kagamitang Panturo
a. Sanggunian
1. Libro: Makabagong Balarilang Filipino 2013 Ed.
b. Iba pang kagamitan Panturo: yeso, tv, cartolina, powerpoint presentation
IV. Pamamaraan
1. Panimulang Gawain: (5 minuto)
a. Panalangin
b. Pagbati
c. Pagtala ng Liban
d. Balik-aral (review)
Sasagutan ng mga mag-aaral ang mga sumusunod na tanong patungkol
sa napag-aralan ng klase kahapon.

e. Pagganyak (Motivation): Hulaan niyo wika ko! (5 minuto)

Gamit ang powerpoint presentation na makikita sa telebisyon ng silid
aralan, may ipapakitang mga pangungusap ang guro na maaring hindi
pamilyar sa mga mag-aaral. Huhulaan ng mga mag-aaral kung saan ito
nanggaling at ano ang pakahulugan ng bawat pangungusap na kanilang
mababasa.
Hal:
Naimbag na bigat – Magandang umaga!
Inar-aro taka – Minamahal kita.
Sukarap
Atbp.
2. Panlinang ng Gawain:
a. Gawain (Activity): Kahulugan ng Halimbawa! (10
minuto)(objective 4)
Ipapangkat ang klase sa limang (5) grupo.
Bawat grupo ay bubunot ng isang paksa na nakapapalooban ng mga
salitang halimbawa ng paksa at nagkarambolang salita ng antas ng
wika. Matapos mabuo ang nagkarambolang salita ay bibigyan ito ng
sariling pakahulugan ng bawat grupo base sa mga halimbawang
nakita sa papel.

b. Pagsusuri (Analysis): Punan ang Hagdan! (5 minuto) (Objective 3,

4)
Bibigyan ang bawat grupo ng isang sulatan.
Sa pamamagitan ng hagdan, isusulat ng mga mag-aaral ang sa tingin
nila’y antas ng wika ayon sa pagkasunod-sunod nito.
Magbabahagi ang isang representante ng grupo sa kanilang
namuong ideya sa tungkol sa pagkasunod-sunod ng antas ng wika.

c. Pagtatalakay (Abstraction): (5 minuto) (Objective 1, 2, 7)

Gamit ang inihandang power point presentation tatalakayin sa klase
ang limang antas ng wikang Pilipino.
 Di-Pormal
 Balbal - May katumbas itong slang sa Ingles at itinuturing na
pinakamababang antas ng wika.
Hal: werpa, mudrakels, chaka
 Kolokyal - Ang pagpapaikli ng isa, dalawa o higit pang salita ay mauuri
rin sa antas na ito. Ito’y mga pang-araw- araw na mga salita.
Hal: ganoon – ganun, kailan - kelan
 Lalawiganin - Ito ang mga salitang karaniwang salitain o dayalekto ng
mga katutubo sa lalawigan gaya ngCebuano, Bicolano, Batangueno at iba
pa na may tatak – lalawiganin sa kanilang pagsasalita.
 Pormal
 Pampanitikan- Mga salitang matatayog, malalalim, mabibigat,
makukulay at sadyang matataas na uri. Ito ang mga salitang ginagamit
ng mga manunulat at dalubwika.
 Pambansa – Ang salitang ginagamit sa mga aklat at babasahing
sumisirkula sa buong kapuluan at lahat ng paaralan. Ito rin ang wikang
ginagamit ng pamahalaan at itinuturo sa mga nagsisipag-aral.

 Magbabasa ng isang teksto na may pamagat na “Matematika sa ilalim

ng tulay” ni Rolando Bernales.

d. Paglalapat (Application): (20 minuto) (Objective 6, 7)

Magpapakita sa klase ng isang pabulang dayalogo (dialogue
bubble). Ang mga ito ay sasagutan ng mga mag-aaral depende kung
ano ang hinigingi ng binasa.
 Sa pamamagitan ng pick a star. Matutukoy kung sinong mga mag-
aaral ang sasagot ng tanong o gagawa ng dayalogo.

Pagpapahalaga:
Bakit kinakailangan pa na pag-aralan ang pormal o di-pormal na
wika?

V. Pagtataya (Evaluation) Pabulang Dayalogo (10 minuto) (Objective 3,7)

Gagawa ang mga mag-aaral ng isang akda na magagamit ang mga salitang nasa
antas ng wika. Maaring ito ay paggawa ng tula, kwento, komiks script, drama,
rap, o pagkanta.
Bibigyan ang mga mag-aaral ng 15 minuto upang gumawa at 5 minuto upang
magbahagi ang piling mag-aaral.
Pamantayan
Pagkamalikhain ng akda 10
Paggamit ng mga wastong salita sa lahat ng 25
antas ng wika
Kaisahan ng bawat akda 15
Kabuuan 50
VI. Takdang aralin (Assignment): Isulat mo!
Gumawa ng isang maikling akdang pormal at di pormal patungkol sa larawang
naipakita. Ang mga salita ay hindi bababa sa 100 at di lalagpas sa 150.

Pamantayan
Kaangkupan ng salitang ginamit 30pts
Nailahad ng maayos ang salita/pagbaybay 10pts
Kaisahan ng pagkasulat 10pts
Pagpapakahulugan sa akda 10pts
Kabuuan: 50pts

Inihanda ni: Ipinasa kay:

Helen Joy T. Tana MAYVELLE A. SAPON

T-1 Master Teacher 1
HUMSS PROGRAM HEAD