“KASAYSAYAN NG ATING WIKA”

Julian D. Vitug
Filkomu C31
ID# 11733217

Ang ating wika ay importante at kinakailangan matutunan. Dahil sa ating mga wika,
nakikipag usap tayo sa isa’ isa at na-aalagaan ang kultura at kasaysayan natin. Bilang isang
indibidwal, malaki ang papel ng wika sa pagbuo at pormasyon ng ating pagkakatao.

Ang unang wika na natutunan ko ay Ingles. Lumaki ako sa pamilyang sanay sa

pagasasalita ng ingles, at pumasok rin ako sa isang elementarya na sanay sa ingles. Dahil sa
aking kakayahan sa wikang ingles, mas madali sa akin ang pagbabasa ng ma libro na isinulat
rin sa wikang ingles at madali makipagkaibigan dahil naiintindihan namin ang isa’t isa.

Ang pangawalang wika na natutunan ko ay tagalog, nalaman ko toh sa pagkikinig sa

mga pag-uusap ng aking mga kamag-anak mula sa pamilya ng aking Ina. Gumaling ang aking
pananalita sa tagalog noong Grade 6, dahil natuto ako sa mga kalaro ko ng basketball sa
probinsya. Ngunit sa mataas na paaralan lang ako nahasa at nasanay sa tagalog at ginamit
araw-araw. Ito ay dahil sa paglaki ko, mas nagamit ko ang tagalog hindi lamang sa
pakikipagusap sa mga kaibigan, pero para na rin makausap ang mga taong hindi kilala,
katulad ng mga magtitinda, mga drayber, tsuper at iba pa. Para sa akin, malaki ang tulong ng
wikang tagalog sa aking pormasyon bilang tao ngayon. Salamat sa aking kakayahan sa
wikang tagalog, dumami ang aking mga kaibigan at mas madali sa akin ang pag gamit ng
pampublikong transportasyon. Naging tulong din ito kapag ang mga kasama ko sa mataas na
paaralan at kolehiyo ay di masyadong marunong sa ingles.

Noong Grade 1 ako, ipinakilala sa amin ang wikang Aleman at noong Grade 4
ipinakilala naman sa amin ang wikang Tsino. Pagkatapos ng ilang taon at paglipat ko sa ibang
paaralan, nakalimutan ko na ang mga salita na natutunan ko, pero malaki ang epekto nito sa
akin. Dahlil sa mga klase ko sa wikang Aleman at Tsino, naging mulat ako sa importansya ng
pag-aaral ng higit sa isang wika. Dahil dito naging mas determinado ako sa pag-aaral ng
Tagalog.

Sa huli, masasabi ko na malaki ang impluwensiya ng wika sa aking pagkakatao

ngayon. Dahil sa wikang ingles mabilis ako natuto magbasa at nakatulong po ito sa
pagkakaroon ng magandang edukasyon. Dahil naman sa Aleman at Tsino, naiintindihan ko
ang importansya ng pag-kakaroon ng higit sa isnag wika, at dahil dito mas gumaling ako sa
Tagalog. Dahil naman sa tagalog, mas madali sa akin ang araw-araw na buhay, mas dumami
mga kaibigan ko at naging mas madali para sa akin na ipahayag ang aking sarili.