1.
Sundin (follow an advice)- nagpapahiwatig na tayo’y
sumunod sa pangaral o payo.
Sundan (follow where one is going; follow what one does)-
nagpapahiwatig naman na pumunta tayo sa pinupuntahan ng
iba o gayahin ang ginagawa ng iba.
Hal: Sundin mo ang lagi kong inihahabilin sa iyo upang hindi
ka mapahamak. Sundan mo siya baka siya maligaw.
2. Iwan (to leave) - “huwag isama,” pero ang bagay na ito ay
nadarama lamang ngunit hindi nakikita (abstract).
Iwanan (to leave something)- bagay na ihahabilin o ibibigay.
Nakikita’t nadarama ang bagay na ito.
Hal: Huwag mo akong iwan sa kalungkutan. Nanay, iwanan
mo kami ng pera ha bago ka umalis.
3. Hatiin (to divide)- partihin/ bahagihin at ibigay ang kaparte
nito. Hatian - “to share with.”- ibahagi
Halimbawa: Pagkatapos mong hatiin ang keyk ay hatian mo
ang iyong mga kapatid.
4. Walisin (to sweep the dirt) ay tumutukoy sa bagay.
Walisan (to sweep the place) ay tumutukoy sa lugar.
Hal: Walisin mo ang mga nahulog na tuyong dahon. Huwag
din nating kalimutang walisan ang likod-bahay.
5. Tungtong- panakip sa palayok o kawali. Hindi makita ni
Impong Elyang ang tungtong ng palayok.
Tuntong- gawa ng yapak (footstep). Bakas na bakas ang
tuntong ng paa ni Rain sa bagong bunot na sahig.
Tunton ay bakasin o hanapin ang bakas o pinagmulan.
Hindi matunton ni E ang pinagdaanang buhay ng kanyang
ina.
6. Kung- di-katiyakan ng isang kalagayan;
Kapag- isang kalagayang tiyak.
Hal. Umuuwi siya sa probinsiya kapag araw ng Sabado.
Hindi niya masabi kung Sabado o Linggo ang pag-uwi niya sa
probinsiya.
7. Kibo- pagkilos, hindi lang sa tao;
Imik- pangungusap ang tinutukoy.
Hal. Wala siyang kakibu-kibo kung matulog. Hindi siya
nakaimik nang tanungin ko.
8. Dahil- pangatnig Dahilan- pangngalan
Dahil sa/kay- pang-ukol .
Hal: Hindi siya nakapasok kahapon dahil sumakit ang ulo
niya. Hindi ko alam kung ano ang dahilan ng kanyang
pagkakasakit. Hindi siya nakapasok kahapon dahil sa sakit ng
ulo.
9. Habang - kalagayang walang tiyak na hangganan/
mahaba.
Samantalang- isang kalagayang may taning, o
“pansamantala”. Ipinakikilala nito ang pagtatambis sa
dalawang kalagayan.
Hal. Kailangang matutong umasa habang nabubuhay.
Nakikitira muna kami sa kanyang mga magulang
samantalang wala pa akong trabaho.
10. Ibayad - pagbibigay ng bagay bilang kabayaran
Ipagbayad - pagbabayad para sa ibang tao
Hal. Manok na lamang ang ibabayad ko sa iyo sa halip na
pera. Ipagbabayad muna kita sa sine.
11. Iisa ang kahulugan ng mga salitang ito.
May- kapag susundan ng pangngalan, pandiwa,
pang-uri o pang-abay.
Hal. May anay sa dingding na ito. May kumakatok sa pinto.
May dalawang araw na siyang hindi umuuwi.
Mayroon- kapag susundan ng kataga, panghalip na panao o
pamatlig o pang-abay na panlunan. Maaring gamitin nang
nag-iiisa. Nagagamit din ang mayroon bilang pangngalan.
Hal. Mayroon kaming binabalak sa sayawan. Mayroon
iyang malaking suliranin. Mayroon kayang mangga sa
palengke ngayon? “May asawa ba siya?’ “Mayroon.” Sa
aming bayan, madaling makilala kung sino ang mayroon at
kung sino ang wala.
12. Pahirin/Punasin (wipe off)- alisin o tanggalin.
Pahiran/Punasan (to apply)- lagyan
Hal. Pahirin mo ang mga luha sa iyong mga mata.
Pahiran mo ng palaman ang tinapay. Punasin mo ang pawis
sa iyong likod. Punasan mo ng alkohol ang iyong mga binti.
13. Pinto (door)- bahagi ng daanan na isinasara at ibinubukas.
Pintuan (doorway) ay ang bahaging kinalalagyan ng pinto.
Hal. Natanggal ang pinto sa pintuan.
14. Hagdan (stairs)- baytang na inaakyatan at binababaan.
Hagdanan (stairway)- bahaging kinalalagyan ng hagdan.
Hal. Nagmamadaling inakyat ni Marvin ang mga hagdan.
15. Daw/din kapag ang salitang sinusundan ay nagtatapos sa
katinig. Raw/rin kapag nagtatapos sa patinig, sa W at Y.
Hal. May sayawan daw sa plasa. Sasama raw siya.
16. Subukin (to test, to try) – masubok ang husay o galing ng
isang bagay o gawain; Subukan (to see secretly) – palihim na
pagmamatyag o pag-eespiya sa kilos ng isang tao
Hal. Susubukin ko muna kung maayos itong kompyuter bago
ko bilhin. Subukan mo nga kung ano ang ginagawa ng mga
bata sa likod-bahay.
17. Walang unlaping tiga-. Taga- ang dapat gamitin.
Ginagamit ang gitling sa unlaping taga- kung sinusundan ng
pangngalang pantangi.
Hal. Si Juan ay taga-Bikol. Taganayon ang babaeng iyon.
18. Agawin ang isang bagay sa isang tao/hayop.
Agawan ng isang bagay ang isang tao/hayop.
Hal: Ibig agawin ng bata ang laruan. Ibig agawan ng laruan ni
Boy si Jess.
 19. Hinagis ng isang bagay Inihagis ang isang bagay
Hal. Hinagis niya ng bato ang ibon. Inihagis niya ang bola
20. Abutin ang isang bagay Abutan ng isang bagay
Hal. Abutin mo ang bayabas sa puno. Abutan mo ng pera
ang Nanay.
21. Bilhin ang isang bagay. Bilhan ng isang bagay
Hal. Bilhin natin ang sapatos na iyon para sa iyo. Bilhan natin
ng sapatos ang ate.
22. Suklayin- ang buhok ng sarili o ng iba
Suklayan ng buhok ang ibang tao
Hal. Suklayin mo ang buhok ko. Suklayan mo ako.
23. Operahin- tiyak na bahagi ng katawan na titistisin.
Operahan naman ay tumutukoy sa taong sasailalim
24. NG- Katumbas ng of ng Ingles. Pang-ukol ng layon ng
pandiwa. Pang-ukol na tagaganap ng pandiwa sa tinig
balintiyak
Hal. Si Mang Manding ang puno ng aming samahan.
Naglalaro ng chess ang magkapatid.
Ginawa ng mga estudyante ang kanilang proyekto.
NANG- Katumbas ng when sa Ingles. Katumbas ng so that o in
order to. Pinagsamang pang-abay na na at pang-angkop
na ng. Kapag napagigitnaan ng dalawang magkatulad na
pandiwa
Hal. Kumakain kami nang dumating si Tiyo Berting.
Mag-aral kayo nang mabuti nang kayo’y makapasa.
Kumain (na+ng) nang lugaw ang batang maysakit.
Siya ay tawa nang tawa.
25. Walang salitang kila. Kina- maramihan ng kay.
Hal. Pakidala ang laruang ito kina Bal at Mari.
26. Kung di - “kung hindi” o if not; Kundi- except.
Hal. Aaalis na sana kami kung di ka dumating.
Walang sinuman ang pwedeng manood kundi iyong mga may
tiket lamang.
27. Ikit- kilos na paggilid mula sa labas patungo sa loob.
Ikot- mula sa loob patungo sa labas.
Hal. Nakatatlong ikit muna sila bago natunton ang daan
patungo sa loob ng kuweba. Umikut-ikot muna sila sa loob
nito bago nila nakita ang daan palabas.
28. Kumuha (to get); Manguha (gather, to collect)
Hal. Kumuha ng isang basong tubig si Neth. Nanguha ng mga
kabibe ang mga bata sa dalampasigan.
29. Bitiwan at hindi bitawan.
Hal:
Bitiwan mo ang mga braso ko kung hindi ay sisigaw ako.