Republika ng Pilipinas

Kagawaran ng Edukasyon
PAOAY NATIONAL HIGH SCHOOL
Senior High School
Paoay, Ilocos Norte

KABISAAN NG PAGGAMIT NG ICT AT PISARA

SA PAGTUTURO

Isang Pananaliksik

EMY JANE R. BUENA AGUA

Mananaliksik

Bilang parsiyal na pagtupad sa mg pangangailangan sa asignaturang Filipino 11 (Pagbasa

at Pagsuri ng Iba’t ibang Teksto tungo sa Pananaliksik)

ENHANCED BASIC EDUCATION CURRICULUM (K TO 12)

(Science and Technology, Engineering and Mathematics –STEM)
 Setyembre 2019

DAHON NG PASASALAMAT

Nais ipaabot ng mananaliksik ang taos-pusong pasasalamat sa mga taong

nakibahagi at tumulong sa pagbuo at ikatatagumpay ng pananaliksik na ito

Unang-una sa lahat, ang kanilang guro na si G. John M. Gonzales na siyang

gumabay at nagbahagi ng kaniyang kaalaman at kadalubhasaan sa sulating pananaliksik na

ito. Nagpapasalamat ang mananaliksik sa tiyaga at pagbigay ng kaniyang oras sa

pagrerebisa para sa ikagaganda ng pananaliksik;

Sa kaniyang mga magulang na sina G. Melchor R. Buena Agua at Gng Imelda

R. Buena Agua na nagpamalas ng kanilang buong suportang moral at pinansiyal at para

sa patuloy na pagbibigay ng motibasyon upang matapos ito;

Sa kaniyang mga nagsilbing tagatugon na naglaan ng kanilang oras sa pagsagot sa

mga datos na kailangan mula sa kanila;

Sa mga kaibigan, kamag-anak at iba pang hindi nabanggit na nakapagbigay

kontribusyon sa ikagaganda nito,, ang mananaliksik ay lubos na tinatangkilik sa mga tulong

na inyong naipaabot;

Panghuli, ay ang Panginoong makapangyarihan sa lahat na siyang nagsilbing lakas

at motibasyon ng mananaliksik habang isinasagawa ang pag-aaral. Gayundin na

pinasasalamatan ang pagbibigay Niya ng tiyaga, talino at probisyon upang maisakatuparan

ang pagkabuo ng pananaliksik-papel na ito.

Muli, maraming salamat sa inyong lahat.

 Mananaliksik

PAGHAHANDOG

Ngunit alalahanin mo ang Panginoong iyong Diyos, sapagkat ito ang nagbibigay
sa iyo ng kakayahang gumawa ng kayamanan, at sa gayon ay kinukumpirma ang kanyang
tipan, na ipinangako niya sa iyong mga ninuno, tulad ngayon
Deutoronomio 8:18

Ang pananaliksik-papel na ito ay inihahandog unang-una sa aking mga minamahal

na guro at kapwa mag-aaral lalong-lalo na sa ating instusyon na Paoay National High

School;

Pangalawa, ito ay para sa aking mga magulang na nagsumikap upang masuportahan

ako lalong-lalo na sa pagsasakatuparan ng pag-aaral na ito;

Higit sa lahat, ang kabuuang tagumpay ng pananaliksik na ito ay inilalaan sa

POONG MAYKAPAL.

Mananaliksik
 DAHON NG PAGPAPATIBAY

Bilang pagtupad sa pangangailangan ng asignaturang Filipino 11, Pagbasa at

Pagsusuri ng Iba’t ibang Teksto tungo sa Pananaliksik, ang pananaliksik na ito na

pinamagatang KABISAAN NG PAGGAMIT NG ICT AT PISARA SA PAGTUTURO

ay buong pusong inihanda at iniharap ng mananaliksik na si Emy Jane R. Buena Agua kay

G. John M. Gonzales.

Tinanggap sa ngalan ng High School Department, Paoay National High School.

______________________________ ____________________________________
PROF. MARLENE B. CABAGAN MISS NIÑA CHRISTELLE M. SUMINTAC
MMSU- LHS, Batac City MMSU – CTE, Laoag City
Associate Professor I Instructor I

____________________________ _____________________________
G. JOHN M. GONZALES G. DANIEL D. TABILI
Paoay National High School Paoay National High School
SHS Teacher I School Principal II
 TALAAN NG NILALAMAN

Dahon ng Pamagat ………………………………………………………………

Pasasalamat ……………………………………………………………………..
Paghahandog ……………………………………………………………………
Dahon ng Pagpapatibay ………………………………………………………....
Talaan ng Nilalaman …………………………………………………………….
Talaan ng Talahanayan …………………………………………………………
Abstrak …………………………………………………………………………

KABANATA I: ANG SULIRANIN AT KALIGIRAN NITO

Panimula ………………………………………………………………. ………

Layunin ng Pag-aaral …………………………………………………………...
Saklaw at Delimitasyon …………………………………………………...……
Kahalagahan ng Pag-aaral ………………………………………………………
Katuturan ng mga Termino ……………………………………………………..
 KABANATA I

ANG SULIRANIN AT ANG KAGILIRAN NITO

PANIMULA

Ang mga guro ay may makabuluhang papel na ginagampanan sa pag-aaral ng bawat

estudyante. Sila ay bahagi ng paghubog sa kakayahan ng mga kabataan. Nagiging

instrumento ang mga guro upang makamit ang pangarap ng mga mag-aaral sa darating na

panahon kung kaya sila ay humaharap ng malaking suliranin sa kung papaano nila higit na

mapabubuti at gawing mas epektibo ang paraan ng kanilang pagtuturo.

Upang ganap na maabot ang inaasam ng mga mag-aaral na ito, hindi lamang guro

kung hindi pati na rin ang pamahalaan ay magkaagapay sa patuloy na pagpapaunlad sa

kalidad ng edukasyon. Upang matugunan ang pangangailangan ng mga mag-aaral at ang

ating edukasyon ay makasabay sa pandaigdigang kompetisyon, ang K to 12 Kurikulum ay

naipatupad.

Sa buhay ng mag-aaral at gayon na rin sa guro, mahalagang mayroong partikular

na estilo o pamamaraan ang pagtuturo at pagkatuto. Ang matagumpay, kawili-wili at

mabisang pagkatuto ng mga mag-aaral ay madalas nakasalalay sa mabuting paraan ng

pagtuturo. Gayunpaman, na sa guro pa rin ang magpapasya kung anong estilo ang kaniyang
gagamitin na alam niyang magbubunga sa pagkatuto ng kaniyang mga estudyante na nais

niyang makamtan, angkop sa sitwasyon, angkop sa kakayahan ng mga mag-aaral at gayon

din sa uri ng paksang-aralin at asignaturang kaniyang ituturo.

Kung magbabalik tanaw tayo sa nakaraang istratehiya ng pagtuturo, malaki ang

pagkakaiba kung ikukumpara sa ngayon. Natuto tayo sa paaralan gamit ang pamamaraang

3Rs — Reading, wRiting at aRithmetics. Ito ang pamantayan ng ‘Literacy’. Sa paglipas ng

panahon, parami na nang parami ang demand ng makabagong henerasyon. Hindi na sapat

ang pagtuturo ng konsepto gamit ang pisara at yeso lamang.

Maaari nating sabihin na ang kalidad ng edukasyon ay naapektuhan ng paraan ng

pagtuturo sa isang paaralan. Dahil na rin sa pag-usbong ng mga makabagong gamit at

kasabay ng patuloy na pag-unlad ng teknolohiya ay nagkaroon tayo ng dalawang paraan

ng pagtuturo – ito ay ang tradisyunal at makabagong paraan ng pagtuturo. Samakatuwid,

ang integrasyon ng ICT sa pagtuturo ay mahalagang bigyang-pansin.

SAKLAW AT LIMITASYON

Natitiyak sa pag-aaral na ito ang kabisaan ng pisara at ICT bilang stratehiya sa

pagtuturo sa asignaturang Filipino ng mga mag-aaral na grade-11 Senior High School ng

Paoay National High School. Saklaw nito ang kasanayan sa pag-unawa sa asignaturang

Filipino batay sa ibibigay na pre-test at post-test. Tinutukoy din dito ang mahalagang

pagkakaiba ng controlled at eksperimental na pangkat sa antas ng kasanayan sa pag-unawa

sa literaturang Filipino.
 Ang mga tagatugon ay manggagaling lamang sa dalawang pangkat ng ika-11 na

baitang kung saan magkakaroon ng controlled at eksperimental na pangkat sa panuruang

2019-2020. Limitado ang pag-aaral sa Grade-11 at sa asignaturang Filipino lamang.

LAYUNIN NG PAG-AARAL

Titiyakin sa pag-aaral na ito ang kabisaan ng paggamit ng ICT at pisara sa bilang

estratehiya sa pagtuturo ng asignaturang Filipino sa mga mag-aaral na Grade-11 ng Paoay

National High School.

Naglalayon ang pananaliksik na ito na sagutin ang sumusunod na mga tanong:

1. Ano ang antas ng kahusayan sa pag-unawa ng mga Grade 11 sa asignaturang

Filipino batay sa pre-test?

a. Controlled

b. Experimental

2. Ano ang antas ng kahusayan sa pag-unawa ng mga Grade 11 sa asignaturang

Filipino batay sa post-test?

a. Controlled

b. Experimental

3. May mahalaga bang pagkakaiba ang antas ng kasanayan ng mga mag-aaral sa

pag-unawa sa asignaturang Filipino batay sa pre-test at post-test ng dalawag

pangkat?

KAHALAGAHAN NG PAG-AARAL

Ang pag-aaral na ito ay magiging makabuluhan sa mga sumusunod:

 Mag-aaral. Ang magiging resulta ng pananaliksik na ito ay makakatulong upang
malaman ng mga mag-aaral ang kanilang mga kalakasan at kahinaan pagdating sa
agignaturang Filipino. Matutuklasan nila ang mas mabisang paraan upang makatulong sa
pag-unawa sa mga paksang inilalahad at ipahiwatig ang mga natutuhan nila tungkol dito.

Mga guro. Magkakaroon sila ng ideya kung alin sa dalawang paraan ng pagtuturo
ng asignaturang Filipino ang higit na mabisa at nang sa gayon ay masimulan nila itong
magamit sa kani-kanilang mga klase. Ang kalalabasan nito ay makatutulong din upang
bigyang-gabay ang mga guro sa pagtuturo ng nasabing asignatura.

Administrasyon. Makatutulong ito upang mahikayat ang mga guro na gamitin ang
higit na mabisang paraan ng pagtuturo sa Filipino sa pamamagitan ng administrasyon.
Gayundin na matutukoy ang mga seminar na dapat isagawa nang sa gayon ay lalong
mapayabong at mapaunlad ang kaalaman ng mga guro sa estratehiyang dapat na gamitin.

Komunidad. Ito ay magsisilbing tulay upang malaman nila ang suportang dapat
nilang ibigay sa paaralan o institusyon upang mapataas ang kalidad ng edukasyon.

Mananaliksik. Ang kabuuan ng pag-aaral na ito ay makatutulong upang lalong

mapalawak ng mananaliksik ang kaalaman niya tungkol sa istratehiyang higit na mabisa sa
pagtuturo ng asignaturang Filipino. Magiging reperensiya rin ito ng iba pang mga pag-aaral
patungkol sa asignaturang pinag-aaralan.

KATUTURAN NG MGA TERMINO

Ang mga sumusunod na lipon ng mga salita ay binigyang kahulugan ayon sa

pagkakagamit nito sa pag-aaral upang lubos na maunawaan ng mga mambabasa ang

nilalaman ng pananaliksik na ito.

Pisara. Ito ay ang makaluma o tradisyong ginagamit sa pagtuturo sa mas sinaunang

panahon.
 ICT. Information and Communication Technology, ito ay ang makabagong paraan

na ginagamit ng mga guro sa pagtalakay ng mga aralin sa kanilang mga klase kung saan

gumagamit sila ng mga video presentations, e-books, powerpoint, atb.

Estratehiya. Ito ay isang pamamaraan upang maisakatuparan ang isang layunin o

minimithi. Sa pag-aaral na ito, ang estratehiya ay ang mga ginagamit ng mga guro sa

pagtuturo sa asignaturang Filipino.

Pre-test. Ito ay isang pagsusulit na ibinibigay sa isang pangkat o mga indibidwal

bago magsagawa ng isang leksyon upang malaman kung anong bahagi ng paksa ang dapat

pagtuunan ng mga guro ng pansin. Ito ay ibibigay sa dalawang pangkat upang sukatin ang

mga nalalaman na ng mga

Post-test. Ito ay isinasagawa pagkatapos magturo ng guro upang masukat ang

natutunan ng mga mag-aaral sa paksang tinalakay. Dito makikita kung mayoong pagtaas

sa antas ng kaalaman ng bata. Ang pagsusulit na ito ay ibibigay sa dalawang pangkat ng

tagatugon pagkatapos magturo ng asignaturang Filipino.

Controlled group. Isang pangkat mula sa Grade 11 na gagamitan ng makalumang

paraan sa pagtuturo partikular ang paggamit ng pisara.

Experimental group. Isang pangkat sa Grade 11 na gagamitan ng makabagong

estratehiya sa pagtuturo sa pamamagitan ng ICT integration.