Tagumpay ang Irish government sa katatapos lamang na referendum para sa
legalisasyon ng aborsyon.Sa isang makasaysayang referendum, umabot sa 1.4 million
ang bumoto pabor sa pag-repeal sa 8th amendment ng kanilang konstitusyon o abortion ban habang 723,000 ang kontra.Sa ilalim ng eighth amendment, ang isang hindi pa ipinapanganak na bata ay may pantay na karapatang mabuhay gaya ng mga nagbubuntis at pinapayagan lamang ang aborsyon kapag nalagay sa peligro ang buhay ng isang babae maliban kung ginahasa o nagkaroon ng abnormalidad sa pagbubuntis.Pero sa ilalim ng panukala, bibigyan na ng karapatan ang kababaihan na magdesisyon kung ipalalaglag ang bata sa sinapupunan sa kahit anong sitwasyon.Naganap ang makasaysayang botohan, tatlong buwan bago ang pagbisita ni Pope Francis sa Ireland.Indikasyon din ito na humihina na ang katolisismo sa Ireland bukod pa sa legalisasyon ng same-sex marriage sa naturang bansa.
Dahilan ng aborsyon sa Pilipinas
May mga nagsasagawa ng aborsyon para maligtas ang buhay ng inang nagbubuntis na nasa panganib. Ang pagiging ilegal nito ang dahilan kung bakit lalong naging mapanganib at nakamamatay pa nga ang aborsyon sa Pilipinas, lalo na sa higit sa kalahating milyong Filipina na gustong magpa-abort, hindi dahil sa simpleng ayaw nilang mag-anak, kundi dahil sa napakaraming kadahilanang emosiyonal, pisikal at pinansiyal. Mariing ipinapaalala ng mga doktor kung gaano kaselan ang aborsyon, lalo’t may Iba- ibang pisikal na epekto ito sa bawat babae. Hindi “simpleng solusyon” ito, na pakiwari ng iba. Mahalagang makipag-usap at kumunsulta sa mga espesyalista, health professionals, at doktor na magsasagawa ng aborsyon, para malaman ang mga posibleng epekto nito—pisikal at emosiyonal—sa kalusugan. Sinumang nagbabalak ng aborsyon ay kailangang mapaliwanagan ng mga panganib at epekto ng aborsyon sa kanilang kalusugan at well-being, at mabigyan ng impormasyon tungkol sa mga tulong na maaari niyang hingin pagkatapos ng procedure, tulad ng gamot at counselling. Pero dahil nga ito ay ilegal sa Pilipinas, walang access ang mga kababaihan sa ganitong impormasyon. Kapag ang pagbubuntis mo ay delikado, at kailangan talagang alisin ang bata, walang magawa ang ina kundi ilagay ang sarili sa bingit ng panganib at pagpapatuloy ng high-risk pregnancy.