Ireza Joy D.

Beley
BSMA- 2101
Sexual Orientation and Gender Identity and Expression Equality Bill
(Hindi sang-ayon)

Kapwa mag-aaral at minamahal kong mga guro, ako ay labis na nagagalak sapagkat ako ay
inyong naimbitahan ngayon dito sa inyong harapan upang ipahayag ang aking saloobin sa
napapanahong isyu at kasalukuyang tinatalakay at pinagtutuunan ng pansin sa senado. Ito ay ang
SOGIE Equality Bill. Marahil ay madalas niyo itong napapanood sa telebisyon, naririnig sa
radyo o napag-uusapan maging sa social media. Pero ano nga ba ang SOGIE Equality Bill? Ito
ay dinaglat na mga salitang Sexual Orientation and Gender Identity and Expression Equality
Bill. Ang argumentong tungkol sa paksang ito ay muling umiinit at umaarangkada ngayon
lamang taon dahil sa isang pangyayari sa pamilihan sa Cubao, Quezon City noong ika-13 ng
Agosto taong kasalukuyan, kung saan si Gretchen Diaz, isang transgender, ay kinaladkad di
umano ng isang janitress ng nasabing pamilihan sapagkat ito ay pumasok sa palikuran na para
lamang sa mga kababaihan. Ayon din kay Diaz na gagawa siya ng legal na aksyon laban sa
janitress sapagkat siya ay nakaladkad at ipinagtulakan pa na siyang lumabag sa karapatan ni Diaz
bilang tao.
Kaugnay dito, bilang isang nababahalang mamamayang Pilipino, ako, si Ireza Joy D. Beley, ay
magbibigay ng reaksyon ukol sa usaping ito. Alam ko namang mayroon tayong kani-kaniyang
mga palagay tungkol sa paksang ito at nais ko lamang ibahagi sa inyo ang aking palagay. Mariin
kong hindi sinasang-ayunan ang pagsasabatas ng SOGIE Equality Bill. Marahil ang tanong ng
mga nakakarami ay bakit sa estado ng ating bansa at maging ng mundo ngayon, halos hindi na
bago sa paningin ng mga nakakarami ang mga babaeng nagbibihis at nag-aanyong lalake at ang
mga lalakeng nagbibihis o nag-aanyong babae. Hindi na rin bago ang makasalubong tayo sa daan
ng dalawang tao na may parehong kasarian na siya palang magkasintahan. Karaniwan na rin
nating makikita ang mga lalake na may pusong babae na sumasali sa mga pagandahang
patimpalak. Ang mga ito ay hindi na bago sa atin. Nasanay na nga tayo sa kanilang presensiya
dahil wala naman silang ginagawang mali at unti-unti na rin naman natatanggap ng lipunan ang
kanilang pagkakaroon ng third sex identity, pero hindi dapat nila ikinukubli sa kanilang isipan na
meron din silang mga limitasyon na kailangan isa alang-alang pa rin nila ang kanilang tunay na
kasarian sa mga bagay-bagay na kanilang ginagawa sa araw araw. Isa na dito ang napapanahong
isyu ng ang isang lalake na may pusong babae ay pumasok sa palikuran na para sa mga babae
lamang. Kung iisipin, banyo lang naman ito at wala masyadong malaking diskusyong kailangang
maganap dahil kahit saang banyo ka naman pumasok ay pareho mo itong magagamit, pero ano
nga ba ang pinupunto ko dito? Sa katunayan, marami. Una, kahit bali-baliktarin man natin ang
mundo, kahit palitan mo pa ang kung anumang ibinigay sa iyo ng nasa itaas, dalawa lang ang
pagkakakilanlan ng tao na itinalaga ng Diyos sa atin. Kung babae ka, babae ka at kung lalake ka,
lalake ka. Hindi maaring sabihin ng sinuman na nagkamali lamang siguro ang Diyos sa
pagkakalagay ng iyong kasarian. Ikalawa, kung hindi ka naman naniniwalang mayroong Diyos,
pwede nating gawing basehan ang biolohikal na aspeto ng isang tao. Ang tao ay mayroon lamang
ding dalawang kasariang kinikilala mula sa kapanganakan nito. Ito ay ang babae at lalake.
Gayunpaman, may mga ilang madalang at hindi karaniwang kaso kung saan ang isang sanggol
ay mayroong dalawang uri ng ari. Ngunit, hindi sa mga ganitong uri ng maging babae sa kilos at
sa anyo. Ngunit sa aking palagay, hindi ito dahilan para ipilit sa buong bansa ang iyong nais na
tanggapin ng mga tao sa paligid mo ang sitwasyon mo. Para sa akin, hindi naman tama ang
ipinaglalaban ng mga miyembro ng LGBT na ekslusibo din nilang magamit ang palikuran nating
mga kababaihan. Hindi naman sa ako'y nagdadamot, ngunit, kung maisasabatas ang SOGIE
Equality Bill na tinatalakay ngayon sa Konseho, hindi ba malalabag ang karapatan ng mga
kababaihan at kalalakihan sa sarili nilang espasyo. Kung hinihiling ng LGBT na tanggapin sila
ng lipunan sa kung ano sila, hindi pa ba kalabisan na angkinin nila ang sa una pa lamang ay hindi
naman talaga kanila. Mga kapwa ko Pilipino, sa aking palagay ay madaling tanggapin ang
kalagayang mayroon silang kakaibang isyu ng chromosomes ngunit hindi madaling tanggapin na
ang isang taong nilikhang lalake ay makikihalo sa lugar na pambabae. Isipin natin ng malalim
ang mga posibleng mangyari sa hinaharap kapag naisabatas ang SOGIE Bill. At isa pa, sa oras na
maisabatas na ito, mahirap na bawiin o palitan basta basta ang mga nakalahad dito. Maaring sa
mga oras na ito ay palikuran lamang ang pinagtatalunan. Ngunit sa pagtagal ay baka mas
humantong pa ito sa mas seryoso at masinsinang mga usapin. Kung inyong nabalitaan noon sa
telebisyon, ninanais din ng grupo ng LGBT na pahintulutan ang mga transgender na sumali sa
pagandahang patimpalak ng kababaihan, ang Miss Universe. Sa aking palagay, ang mga ganitong
uri ngpatimpalak ay dapat ekslusibo lamang sa mga tunay na babae. Dahil hindi magigng patas
sa ibang mga tunay na babae kung magsasali sila ng retokada sa paligsahang pang natural na
ganda at talino ang usapan. Saan na lamang mapupunta ang kahalagahan ng pagiging isang
babae kung pati ang mga lalakeng nagpalit ng kasarian ay palalahukin natin. Nais natin ng patas
na laban. At sa akin paningin ay patas lamang na ang magsilahok ay pawang mga babae lamang.
Patas ito sa lahat ng babae, at sa lahat ng miyembro ng LGBTQ dahil sa simula't simula pa
lamang naman ay hindi naman talaga sila babae. Nais nilang tanggapin sila ng lipunan, ngunit
paano ito mangyayari kung sa sarili nila ay hindi nila matanggap na sila ay orihinal na lalake at
babae naman talaga. Mahirap mga kababayan ko na ipilit natin ang hindi naman talaga sa atin.
Halimbawa na nito ay ang pagpapa sex change o transplant. Ang isang babae o lalake na
magpapalit ng kasarian ay hindi pa rin naman talaga magiging ganap na kung anong gusto nilang
kasarian dahil kahit anumang palit ng kanilang kasarian ay kung ano sila sa simula't sapul ay yun
ang pagkakakilala sa kanila. Ikukubli lamang nito kung ano talaga ang sa iyo at hindi ibig
sabihin nito ay isa ka ng ganap na babae o lalake, sa pag papatransgender bilang isang babae
kasarian mo lang ang mababago at pangangatawan pero ang pagkakaroon ng kakayahang
magkaroon ng matres, pagdadalang tao, makapagpagatas ng sanggol at magkakaroon ng
buwanang dalaw ay malabong mangyari. Ang pagkakaroon ng third sex ng isang tao ay mismong
sariling desisyon na iyon ng mga taong naguguluhan sa kanilang tunay na kasarian. Sa aking
palagay, hindi kailangang ang mga tunay na babae at lalake pa ang mag aadjust para sa kanilang
mga naisin. May mga ibang LGBT naman na may malawak na kaisipan na katulad ni Ricky
Reyes na nagpahayag ng kanyang saloobin patungkol nga sa isyu na pinalalaki ni Gretchen Diaz.
"Kung ikaw ay may nota sa lalakeng restroom ka. Pag may kipay ka, sa babae ka. Tapos ang
usapan! Nirerespeto kita bilang bading pero lumugar ka sa tamang lugar. Kahit operada na,
bakla pa rin ang utak niyan. Ang bakla ay bakla. Gilingin niyo man yan, ang labas niyan
baklang- hamburger" ang mga salitang iyan ay ayon kay Ricky Reyes at tama naman ang
pinupunto nito. Masasabi ko lamang ay kung ano ka talaga at kung saan ka nabibilang ay dun ka
talaga pumunta kahit na ang iyong puso ay kakaiba ang gustong naisin. Kahit bakla ka ay lalake
ka pa rin at kung tomboy ay babae pa rin. Ang Cibac party-list Rep. Eddie Villanueva ay
nagbigay din ng kanyang saloobin patungkol sa SOGIE Equality Bill. Ayon sa kanya,
"Magiging banta raw ito sa academic freedom at freedom of speech at hindi rin daw
magiging patas kung magpapasa ng batas para sa karapatan ng isang sektor lamang".
Hinggil din naman kasi sa ating kaalaman na ang SOGIE BILL ay tumutukoy sa karapatan ng
isang tao pero ayon nga kay Rep. Eddie Villanueva maaring maabuso ang karapatang pantao ng
iba sa batas na ito pag ito ay naipasabatas sa senado. Mga kapwa ko Pilipino, isipin na lang natin
na pag naipasa ang batas na ito sa senado ay maraming bagay ang maaaring magbago sa ating
lipunan at ang karapatan ng mga tunay na lalake at babae ay maaring maapektuhan din dahil nga
sa pagkakaiba-iba ng identidad o ang tinatawag na third sex identity. Siguro sa panahong ito ay
hindi pa rin talaga kayang tanggapin ng lahat ng tao ang ganiyang sitwasyon. Maaaring
nasasanay na lamang ang iba kapag nakakasalubong sila ng lalakeng naka bestida o babaeng
barako manamit at lumakad. Maaaring sanay na ang kanilang mga mata ngunt ang saloobin nila
ay kaiba sa pagtanggap na nakikita ng mata. May ibang tao na hinahayaan na lamang ang ating
mga kapatid na parte ng LGBT dahil nasanay na sila at nagiging parte na ng ating mundo ang
mga transgender woman, bakla, tomboy at lesbian. Nais kong ibalik ang usapan patungkol sa
SOGIE Equality Bill. Maaring kaya natin ipaalam sa nakararami na marami nang bagong
kasarian ang nasi-usbungan sa panahon ngayon, at maaaring mayroong ilan na makakaintindi sa
ganitong sitwasyon ngunit inuulit ko na hindi pa kaya ng lahat ng tao sa panahon ngayon na
tanggapin na ang babae ay hindi na lamang babae at ang lalake ay hindi na lamang lalake. Mga
kapwa ko Pilipino, ako ay nakaramdam ng kaunting pagkabahala ng marinig ko ang balita na
hindi daw nila ninanais ng isa pang palikuran na para lamang sa mga LGBT, at ipinaglalaban na
sila naman ay may pusong babae kaya walang masama kung isasama sila sa mga tunay na babae.
Ayaw nila ng kaibang palikuran pa sapagkat nararamdaman daw nilang sila ay iba pa rin sa
paningin ng nakakarami o nais nilang ipakita na ang kanilang boses ay mas nakakahigit kaysa sa
mga boses ng kababaihang matatapakan ang karapatan. Isipin na lamang natin na tayo ay nasa
sarili nating bahay, komportable tayong nakahiga at nakakapagtaas ng paa sa hapag kainan,
ngunit kapag pinayagan silang makilahok sa babae ay para bang may isang estranghero ang basta
na lamang pumasok sa ating sariling bahay at kinain ang pagkaing nakahain na wala mang
pasabi. Para sa akin, nakakabastos o nakakababa ng dangal maging babae kung kayang kaya
pasukin ng isang lalake ang lugar na dapat ay mga babae lamang ang pumapasok o gumagamit.
May posibilidad din na mag cross dress o mag suot ng pambabaeng damit ang mga tunay na
lalake na may masamang naisin sa mga babae para lamang pasukin sa palikuran. Hindi naman
natin talaga malalaman kung sino ang totoong pusong babae at kung sino ang nagkukubli lamang
para magawa ang masamang naisin sa mga babae. Ikinatutuwa kong makita sa balita na ayon kay
Senator Sotto ay malabo daw na maipasa ang batas na SOGIE Equality Bill at sa botohang
naganap walang sumang-ayon dito. Para sa akin, nais kong payuhan ang aking mga kapwa
Pilipino na miyembro ng LGBTQ na kung nais nilang tanggapin sila ng lipunan sa kanilang
nararamdaman, sana ay tanggapin muna nila kung ano ba talaga sila sapagkat mahirap baguhin
ang pananaw ng tao sa nais nilang mangyari at mas mahirap baguhin ang kung anumang sadyang
nasa atin na. Wala namang masama ipaglaban ang kung ano sa tingin natin ay nararapat sa atin
pero isipin muna natin kung ito ba ay dapat talaga sa atin. Sa dami ng kinahaharap na problema
ng ating bansa lalo na ang pang ekonomiyang kalagayan nito, mas nanaisin kong talakayin na
lamang nila ang kung anong magagawa nila para sa bayan at hindi ang para sa sarili lamang.
Bilang isang kabataan, nais kong hikayatin kayong lahat na nandirito ngayon, na alamin natin
kung alin ba ang dapat mas tamang iprioridad natin at ipaglaban ang mga bagay na alam nating
nasa tama. Tutol ako sa pagsasabatas ng SOGIE Equality Bill hindi dahil sa pinagkakaitan ko ng
karapatan ang mga kapatid nating LGBT ngunit nais kong ipaglaban ang natatapak-tapakang
karapatan ng mga kababaihan.

Sanggunian:
https://www-philstar-com.cdn.ampproject.org/v/s/www.philstar.com/pilipino-star-
ngayon/bansa/2019/08/14/1943370/sogie-ipinaliwanag/amp/?
usqp=mq331AQQKAFQApgBh5qN8eH5q9ibAQ%3D
%3D&amp_js_v=a2&amp_gsa=1#referrer=https://www.google.com
https://www-interaksyon-
com.cdn.ampproject.org/v/www.interaksyon.com/celebrities/2019/09/11/154706/ricky-reyes-
sogie-equality-bill/amp/?amp_js_v=a2&amp_gsa=1&usqp=mq331AQEKAFQAg%3D
%3D#aoh=15691310651704&amp_ct=1569131077845&csi=1&referrer=https%3A%2F
%2Fwww.google.com&amp_tf=From%20%251%24s&ampshare=http%3A%2F
%2Fwww.interaksyon.com%2Fcelebrities%2F2019%2F09%2F11%2F154706%2Fricky-reyes-
sogie-equality-bill%2F https://remate.ph/sang-ayon-ka-ba-
sa-sogie-bill/