Kabanata 1

Ang Suliranin at Saligan nito

Panimula

Ang pambansang wika ang nagbubuklod sa isang lipunan dahil ang kultura, kaugalian at
tradisyon ay higit na nakaugat sa mga salita at pagpapahayag na kasama ang wika at sa kabuuan.
Ang malawak na paggamit ng pambansang wika ay nagpapahintulot din sa mas epektibong
paghahatid ng impormasyon sa mas malaking bahagi ng populasyon. Ngunit kapansin pansin na
hindi lamang sa Wikang Filipino naiilathala ang mga pahayagan kundi maging sa Wikang Ingles.
At kung titingnan, tila ba pati ang mga pahayagang nakalathala dati sa purong tagalog ay
nahaluan na rin ng Wikang Ingles. Dahil sa mga nasabing ideya, ang napiling pag-aralan ng mga
mananaliksik ay patungkol sa kalagayan ng Wikang Filipino sa iba't ibang uri ng pahayagan.
Nais alamin ng mga mananaliksik kung gaano pinapahalagahan, tinatangkilik, at pinapalaganap
ang paggamit Wikang Filipino pagdating sa pahayagan.

Layunin ng Pag-aaral

Sa pag-buo ng pag-aaral, isinasaalang-alang ng mga mananaliksik ang mga sumusunod

na layunin:
1. Malaman ang kalagayan ng wikang Filipino sa bawat bahagi ng pahayagan.
2. Matukoy ang kabuuang bilang ng bawat bahaging ginamitan ng Wikang Filipino sa
konstruksyon ng nilalaman.
3. Matukoy ang kalagayan ng wikang filipino sa pamagat ng bawat bahagi ng pahayagan.

Paglalahad ng Suliranin

Ang pag-aaral na ito ay naglalayong matugunan ang mga sumusunod na katanungan:

1. Ano ang wikang ginamit sa konstruksyon ng pamagat ng bawat bahagi ng pahayagan?

2. Ano ang wikang ginamit sa konstruksyon ng nilalaman ng bawat bahagi ng pahayagan?
3. Ano ang kabuuang bilang ng bawat bahagi na ginamitan ng Wikang Filipino at Wikang Ingles
sa konstruksyon ng nilalaman?

Saklaw at Limitasyon
 Ang pag-aaral na ito ay sumasaklaw sa Kalagayan ng Wikang Filipino sa Iba't Ibang Uri
ng Pahayagan sa Pilipinas. Ang pag-aaral ay nakatuon lamang sa walong uri ng tabloid (Abante,
Balita, Bulgar, Pilipino Mirror, Pilipino Star Ngayon, Remate, Saksi Ngayon, Tempo) at tatlong
uri ng broadsheet (Manila Bulletin, Philippine Daily Inquirer, at Phil Star). Ang mga
mananaliksik ay pumili lamang ng siyam (9) na bahagi ng pahayagan kabilang rito ang balitang
panlalawigan, pangmukhang pahina/pangunahing balita, balitang internasyonal,
editoryal/pangulong tudling, balitang pampalakasan, obitwaryo, anunsyo klasipikado, balitang
showbiz, at libangan. Sa pamamagitan ng obserbasyon, tutukuyin ng mga mananaliksik ang
kalagayan ng Wikang Filipino sa bawat bahagi ng pahayagan, pamagat ng bawat bahagi at ang
bilang ng pahina kung saan ang nilalaman ay nakasulat sa Wikang filipino.

Kahalagahan ng Pag-aaral

Naniniwala ang mga mananaliksik na malaki ang maitutulong ng pag-aaral na ito.

Makatutulong ito sa iba pang mag-aaral at mananaliksik na palawagin pa ang kaalaman
ukol sa nasabing paksa. Layunin din ng pagsasaliksik at pag-aaral ukol sa paksang
tatalakayin na maibahagi ng mga mananaliksik ang kaalaman na bunga ng mausisang
pananaliksik at pag-aaral ukol sa kalagayan ng Wikang Filipino sa pahayagan. Ang pag-aaral
na ito ay makakatulong sa pag-aaral at pananaliksik ng mga susunod na henerasyon lalo na ang
mga mag-aaral na sumasangguni sa dyaryo. Maaari itong maging gabay sa pagtahak ng
ibang mananaliksik tungo sa pag-aaral nila ng mga paksang may kaugnay dito. Ang pag-
aaral o pananaliksik ukol sa paksang ito ay nagtataglay ng malaking kahalagahan at
impormasyon sa larangan ng pahayaan. Nagbibigay din ng impormasyon sa mga mag-
aaral ng Journalism at maging batayan sa mga kanilang sulatin.

Depinisyon ng Terminolohiya

 Anunsyong Klasipikado. Naglalaman ng mga anunsyo tungkol sa hanapbuhay, bahay,

lupa, sasakyan at iba pang kagamitang ipinagbibili.
 Balitang Internasyonal. Naglalaman ng mga kaganapan mula sa iba't ibang panig ng
mundo.
 Balitang Pampalakasan. Nagsasaad at nagkekwento ito ng mga balitang may kinalaman
sa isport, kumpetisyon, o pampalakasan ng mga atleta.
 Balitang Panlalawigan. Naglalaman ng balita may patingkol sa sariling bansa o lugar.
 Balitang Showbiz. Naglalaman ito ng mga impormasyon tungkol sa mga pangyayari sa
buhay ng isang artista.
 Broadsheet. Ito ay isang uri ng pahayagan na may laki at haba ang pormat. Ito ay isang
uri ng pahayagan ng mayroong seryosong pagbabalita. At ang saklaw na sakop nito ay
malawak. Sapagkat hindi lamang pambansa ang sakop nito kundi kasama din ang
Internasiyonal.
 Editoryal/Pangulong Tudling. Naglalaman ng mga kuru-kuro o puna na isinulat ng
patnugot hinggil sa isang napapanahong paksa o isyu.
 Pangmukhang Pahina. Nagglalaman ito ng pangalan ng pahayagan at ang mga
pangunahin o mahahalagang balita.
 Libangan. Nagsasaad ng mga balita tungkol sa artista, pelikula, telebisyon at iba pang
sining. Naririto rin ang krosword, komiks at horoscope.
 Obitwaryo. Nagsasabi ng mga taong namatay na. Nakasaad dito kung saan nakaburol at
kung kailan ililibing ang namatay.
 Pahayagan. Ito ay isang uri ng paglilimbag na naglalaman ng balita, impormasyon at
patalastas, kadalasang na imprenta sa mababang halaga. Ito ay maaaring pangkalahatan o
may espesyal na interes, at kadalasan itong inilalathala ng araw-araw o lingguhan.
 Pangunahing Balita/Pangmukhang Pahina. Ito ay ang balitang nakaimprenta nang
malaki sa harap ng pahayagan upang makatawag pansin sa mga mambabasa. Ito ang
bahaging naglalaman ng pangunahing balita para sa araw ng labas ng pahayagan.
 Tabloid. Ang tabloid ay isang anyo ng kontemporaryong panitikan na nasa anyong print
media. Ang tabloid ay maituturing na dyaryong pang-masa pagkat ito ay nakalathala sa
wikang Filipino, binibiyang diin ng tabloid ang mga kwento, istorya, artikulo, kolumn o
kahit na ant pormasyon ay pumapatungkol sa sex at karahasan kaya ito tinaguriang
sensationalized journalism.