Aralin na kanyang ibabahagi sa mga bata na kanyang kapiling Mga batang walang alam, kapos sa karunungan Subalit sila’y kanyang inalagaan,tinuruan.
Madalas na malipasan ng gutom sa di-pagkain
Kanyang kinakaya, maibigay lang niya Ang lahat ng makakaya sa mga tinuturuan niya Upang sila’y lumaking may alam, maging pag-asa ng bayan!
Subalit bakit sa kabila ng kanyang sakripisyo
Tila hindi sapat, mga kabata’y tila bulag at walang pakialam Ganyan na ba ang mga kabataan ngayon? Bulag, pipi at bingi, bakit sila nagkaganoon?
Paos na ang boses subalit patuloy parin sa pakikibaka
May sakit na nga pumapasok pa Ganyan kahalaga ang mga tinuturuan niya Tinuturuan niyang kung minsan ay pasaway sa kanya!
Sa kanyang malumanay na tinig at kamay na mapagkalinga
Kabataa’y nababago niya Tila may mahika ang kanyang mga salita Kabataang pasaway, sumusunod na kanya walang duda
Salamat mahal naming guro
Sa pagmamahal at pagtuturo Salamat sa mga kaalamang ibinabahagi mo Ito’y magagamit namin sa kinabukasan Saludo kami sa iyo mahal naming guro Natutuwa kung marinig ang papuring walang laman: “Kung ikaw ma’y nagsasalat sa salapi’t karangyaan, nasa iyo namang lahat ang papuri at parangal pagka’t tapat kang maglingkod sa bayan mong minamahal.”
Nagagalak pag narinig ang pangakong di-natupad:
“Ang sahod mong kakarampot, may pag-asang magkadagdag pag dumating ang panahon na ang kaban ay bumigat.” O pag-asang naluluoy at sa hangi’y lumilipad!