kumpulan lirik lagu khas bangka belitung

Senin, 25 April 2016

gara-gara dak begawe

Cem mane lah kepala dak pening. Mikir utang macem bulu kucing.
Nek ngerukok ge ku sampai ngerindeng. Tapi biarlah daripada ku maling.
Makan sehari ge dak de sepiring. Kinik badanku lah kurus kering.
Kate urang betisku lah macem suling. Tapi sukur bai badan ku dak macem kek kiping.
Gara-gara lah lama dek de begawe. Duit di dumpetku agik selawe
Diputos tunang ku kawan ketabe. Kinik tunang ku kawin kek urang jawe.

Didalem atiku sampai beniat. Ape ku pakai bai minyak kemat.

Biar miak-miak pada tepikat. Ningok muke ku teberacai macem kena geranat.
Tapi kata nek ku dak de jadi. Pakai minyak kemat dak de pecaya diri.
Along dek de laku-laku jadi urang laki. Dari pada mati dak diterimak bumi.

Malem minggu kemarin ku ngipek agik. Kenal kek amoy dari lubuk kelik.
Tapi die ningok ku ge gelik. Kate a kumis ku macem kek ikan kelik.
Cem manelah ati ku dak manas. Ku kate agik die jadi ganas.
Ku di jambak e sampai babak bingkas. Mese besak badan amoy e la macem kek kulkas.

Nek ngelawan tapi badan ku macem cacing. Tepaksa ku lari sampai mengkicing.
Ku tepelanting number batang jering. Amoy e ketabe sampai teguling-guling.
Nek ngemesak badan ku dak de biaya. Tapi macem mane ge ku nek usaha.
Biar badan ku melar macem raksasa. Ape ku rendem bai kek minyak tanah.
Ku cube agik ngipek ke kampong cen. Kenal cewek cakep tapi tulalit.
Tapi kate die ningok ku gerigit. Kate e idong ku macem kek jambuk selit
Cem mane lah ati ku dek merudok. Ku kate agik die jadi ngamok.
Di jagor e mate ku besak macem gelok. Mese besak badan cewek e la macem gerubok.

Mimang nasib ku kini sial bener. Asak ngipek badan ku seketo memer.
Tapi men dek debetunang ku dak de seger. Akhir a ku ngipek sambil kaki ku
mengkejer.
Ku cube agik ngipek ke kampong baru. Dapet cewek kate e die nek kek ku.

Tapi ngape nak ku cium die malu. Sekali ku tingok gigi e macem garpu.
Akhir e nak nyium ku urung bai. Daripada bibir ku macem gergaji.

Agik bagus men bibir ku macem gergaji. Yang ku takut e bibir ku macem lemet ubi.
Kini nyari cewek ku lah dak kawa agik. Along ku begawe jadi tukang rumah.
Tapi yang punya rumah e marah-marah. Mese rumah die yang ku bikin jadi e buah.

Ku berenti begawe sambil dikeruce. Kate rumah e macem kek punggung kure-kure.
Ku pulang kerumah dak de dapet ape-ape. Urang dapet duit ku hanye dapet leteh.
Kini tunang ku kawin kek urang jawe
Tekeria bai ku dak de jadi urang gile
Urang dapet duit ku hanye dapet leteh.
Cem manelah muka ku dak keliat dak tue.

Cuma beda e........, ku dak de makan sireh.

Diposting oleh juwitasari di 21.51
Kirimkan Ini lewat EmailBlogThis!Berbagi ke TwitterBerbagi ke FacebookBagikan ke
Pinterest

Tidak ada komentar:

Posting Komentar

Posting Lebih Baru Posting Lama Beranda

Langganan: Posting Komentar (Atom)

Mengenai Saya
juwitasari
Lihat profil lengkapku

Arsip Blog
 ▼ 2016 (12)
o ▼ April (9)
 sembilun
 gara-gara dak begawe
 bujang lapok
 Gunung tajam
 Icak-icak dek tau
 Miakku Sayang
 Ngurat
 Berage
 Alam Wisata Pulau Bangka
o ► Maret (3)

Tema Sederhana. Diberdayakan oleh Blogger.