SCENE 1 *Pag aalay kay Ra-Neferu*

SA LUGAR NG NEHERN

Tagapagsilbi ng Hari: Mga prinsipe! Mga prinsipe! Simulan na ninyo ang paghahanda mga mahal na prinsepe.
*Magbubulungan yung mga tao tapos tatayo ng tuwid mag aayos ng sarili yung mga prinsipe* Ngayon na ang oras ng
pagdating ng mahal na hari na kagalang-galang upang ating gunitain ang ating nakagawiang pangongolekta. Halina’t
magbigay pugay sa pagsalubong kay Haring Remeses III

*dadating yung hari tas tatahimik lahat, mag bobow*

Tagapagsilbi ng Hari: Oh Haring rameses, kami ay lubos na nagagalak sa inyong presensya. Maligayang pagdalo dito sa
lugar ng Nehern.

Haring Rameses III: Ako ay nagagalak na muling maparito sa inyong harapan. Ang pagbibigay at pangongolekta ng mga
alay ay maaari nang simulan.

Prinsipe ng Pelusium (Yukki): Mahal na Hari, mula sa kaharian ng Pelasium ito ang aking inaalay para sa iyo. Sana'y iyong
magustuhan at tanggapin ito. Mula sa lugar ng Pelasium *biglang sisingit yung Prinsipe ng Koptos*

Prinsipe ng Koptos (Cardo): Mahal na Hari, mula po sa kaharian ng Koptos, itong aking aking iaalay ay higit na nakakaakit
kaysa sa kanya.

Prinsipe ng Bubastis (Jerho): Mahal na Hari, Hindi ako papayag na mas tanggapin mo iyan. Mula sa Kaharian ng Bubastis,
mas malaki ang halaga nito at mas nababagay sa iyong kaharian. (pagmamayabang din nito)

Prinsipe ng Alexandria (Echo): Mahal na Hari, ang aking iaalay na mula sa kaharian ng Alexandria ay iyong mas
magugustuhan sapagkat mas marami itong nararapat na paggamitan.

Prinsipe ng Bekhten (Jethro): Sa mga nag-gagandahang regalo na aming inaalay sa iyo, kagalang-galang na Hari ng
Ehipto. May isang kakaibang bagay pa sana ako na ninanais na ihandog na siguradong makapag-papasaya sa iyo, ang
aking anak na si Prinsesa Ra-Neferu mula sa kaharian ng Bekhten.

Ra Neferu (Caila): *Magbobow*

Haring Rameses III (Proy): Napaka-gandang alay ang ibinigay mo, Prinsipe ng Bekhten. Higit pa sa mga ginto, kahoy, at
mga bagay-bagay na inalay ninyo, hindi nakapag-tatakang, napahanga mo ako. Mahal na prinsesa, bukod sa pangalan
mong sumisibolo ng kagandahan, ang buong pagkatao mo rin ay higit na nakakahanga. Hindi nakakapangsising inialay ka
ng iyong ama. Ako’y iyong nabihag nang ika’y aking masulyapan, tinatanggap mo ba ang aking pagsusumamo?
Tinatanggap mo ba ang pagiging reyna na kasama kong mangunguna sa bansang Ehipto?

Ra-Neferu (Caila): Hindi na ako tatanggi. Isang karangalan mapakasalan ang isang Haring katulad mo. Ako'y pumapayag
na maging kabiyak at makakasama mo sa lahat ng bagay. *PATAY ILAW*

SCENE 2: *Pagpapakasal ng Haring Rameses III at ni Ra-Neferu*

SA KAHARIAN NG EHIPTO

Tagapanguna ng seremonya: Isang napakaimportanteng kaganapan ang ating masasaksihan sapagkat ito ang itinakdang
araw ng pag-iisang dibdib ni Haring Remeses III at ng bagong Reyna na si Ra-Neferu.

Haring Rameses III (Proy): Tanggapin mo ang regalong ito bilang simbolo ng ating pag-iisa, ng mga ala-alang sabay nating
bubuuin, sa mga landas na ating tatahakin. Sa pagtanggap mo nito, ay siya ring pagtanggap mo sa akin at sa buong
Ehipto. *Tatanggapin ni Ra-Neferu*
Ra-Neferu (Caila): Sa aking pagtanggap ng iyong munting regalo, ay siya ring pag-aalay ng aking buhay para sa iyo.
Tanggapin mo nawa itong aking handog bilang simbolo ng aking buong pusong pagtitiwala at pagmamahal para sa iyo.
*Tatanggapin ni Haring Remeses III*

Tagapanguna ng seremonya: Mga taga-Ehipto, mabuhay ang bagong kasal!

Mga taga Ehipto: *Papalakpak* Mabuhay!

Prinsipe ng Bekhten (Jethro): Maligayang pagbati para sa inyo, Mahal na Hari. Aking ipinagkakatiwala sa inyo ang aking
panganay na anak, nawa ay mabuhay kayo nang may pagmamahalan at kapayapaan para sa isa’t isa.

Haring Rameses III (Proy): Ako ay lubos na nagpapasalamat sa iyo, Prinsipe ng Bekhten. Tanggapin mo itong plorera na
sumisimbolo ng aking tagumpay mula sa isang digmaan. Ito ay aking ipinagkakatiwala sa iyo bilang pasasalamat sa iyong
ipinagkaloob sa akin.

Prinsipe ng Bekhten (Jethro): *Kukunin yung plorera tapos mag bo-bow* *PATAY ILAW*

SCENE 3: *Pagsapi ng dalawang demonyo sa Prinsesa*

SA KAHARIAN NG BEKHTEN

*habang nasa hapag kainan*

Prinsesa Bent-Reshet (Cleriza): Ama, ilang taon na nga ba ang nakalipas magmula nang ikasal ang aking nakatatandang
kapatid? inubo tapos nanghihina

Prinsipe ng Bekhten (Jethro): Matagal tagal na din iyon, anak. Masama ba ang iyong pakiramdam?

Prinsesa Bent-Reshet (Cleriza): Ama nais ko lamang pong magpahinga sapagkat hindi maganda ang aking
nararamdaman.

Prinsipe ng Bekhten (Jethro): Pumunta ka sa iyong silid at mamahinga.

Prinsesa Bent-Reshet (Cleriza): *Tumayo tapos nung papunta na sa kwarto nasanggi niya yung plorera dahil sa
panghihina

*may lumabas na kakaiba sa plorera at palilibutan ang prinsesa*

Prinsesa Bent-Reshet (Cleriza): S-sino kayo? Bakit kayo n-naparito? AHHHHH AHH HUMINTO KAYO! Hinto! Hinto! AHHH

Demonyo 1 (Roi): *tatawa ng malakas* Sa wakas! Ilang dekada na rin ang nakalipas magmula nang ipagkait sa atin ang
kalayaan!

Demonyo 2 (Kaela): Tignan mo nga naman ang kanyang mga mata, tila hindi maikakaila, takot at nangangamba.

Prinsesa Bent-Reshet (Cleriza): Bakit kayo naparito? Sino kayo? Anong gagawin ninyo? Tulong! Tulong!

Demonyo 1 (Roi): *lumapit sa prinsesa at tinakpan ang bibig* Shh! Shh! Manahimik ka. Iyong bibig ay napakaingay.
Nakaririndi, masakit sa tainga’t nakaririndi!

Prinsesa Bent-Reshet (Cleriza): Tulong! Tulong! Lumayo kayo sa akin!

*lumapit yung dalawang demonyo sabay hawak sa prinsesa, mamatay yung ilaw, sumapi na yung dalawang demonyo*

*Maririnig nung Prinsipe ng Bekhten pati nung mga kawal*

Kawal 1 ng Bekhten (Cardo): Ang prinsesa! Narinig ko ang prinsesa!

Kawal 2 ng Bekhten (Jerho): Mahal na Prinsipe, ang prinsesa’y humihingi ng saklolo!

Prinsipe ng Bekhten (Jethro): Bent-Reshet! Anak, ano ang nangyari? Anak? Huminahon ka.

Prinsesa Bent-Reshet (Cleriza): Tumigil kayo! Ayoko! Huwag! *maiiyak tapos gagapang palayo sa ama at sa mga kawal*

Prinsipe ng Bekhten (Jethro): Anak, huminahon ka. *tingin kay kawal 2 ng Bekhten (Jerho)* dalhin niyo ang prinsesa sa
kanyang silid at tawagin ang kanyang alalay. *tingin sa ibang mga kawal* Ihanda ninyo ang karwahe, tutungo tayo sa
Ehipto upang humingi ng tulong sa Hari. *PATAY ILAW*

SCENE 4: *Paghingi ng tulong ng Prinsipe ng Bekhten kay Haring Rameses III*

SA KAHARIAN NG EHIPTO

Kawal ng Ehipto 1 (Ravelle): Magandang Hapon Mahal na Hari, Mayroon pong nagnanais na makausap kayo.

Haring Rameses III (Proy): Sino ang taong ito?

Kawal ng Ehipto 1 (Ravelle): Ang Prinsipe po mula sa Bekhten.

Haring Rameses III (Proy): Maaari mo itong papasukin.

Kawal ng Ehipto 1 (Ravelle): Masusunod po, Mahal na Hari. *alis*

*Papasok yung Prinsipe ng Bekhten*

Prinsipe ng Bekhten (Jethro): Mahal na Hari, *Magbo-bow* Ikinagagalak kong muli kang makita. Nawa’y tanggapin mo
itong alay ko para sa iyo at sa reyna.

Haring Rameses III (Proy): Maligayang pagdating sa aking kaharian, Prinsipe ng Bekhten. Kamusta ang kalagayan ng
Bekhten? Nagagalak ako na muli kang nakabisita ngunit aking ipinagtataka ang biglaan mong pagpaparito.

Prinsipe ng Bekhten (Jethro): Maayos ang kalagayan ng Bekhten subalit ikinalulungkot kong ibalita na ang Prinsesa ng
Bekhten na si Bent-Reshet, ang nakababatang kapatid ng Reyna ay hindi maayos ang kanyang kalagayan. Naparito ako
upang hingin ang inyong tulong.

Haring Rameses III (Proy): Ikinalulungkot kong marinig ang iyong balita. Buti na lamang at ang pinakamagaling na
manggagamot sa Ehipto ay nasa kaharian. Maaari kitang matulungan upan mas mapadali ang kanyang paggaling. *tingin
sa kawal 2* Iyong iparating kay Tehuti-Em-Beb na siya ay kinakailangan ko.

Kawal ng Ehipto 2 (Arlan): Mahal na hari, masusunod po.

*Pagdating ni Tehuti-Em-Beb*

Tehuti-Em-Beb (George): *Magbo-bow* Mahal na hari, ano po ang maipaglilingkod ko?

Haring Rameses III (Proy): Prinsipe ng Bekhten, nais kong ipakilala ang pinakadalubhasa at pinakamagaling na
manggagamot sa Ehipto. *tingin kay Tehuti-Em-Beb* Ikaw ay inuutusan kong pumaroon sa Bekhten upang bigyang lunas
ang kapatid ng Reyna na si Bent-Reshet.

Tehuti-Em-Beb (George): Masusunod po, Mahal na Hari.

Prinsipe ng Bekhten (Jethro): Ako ay lubos na nagagalak sa inyong tulong, Haring Rameses. Ito ay tatanawin kong
nakapakalaking utang na loob. Babalitaan ko kayo sa ano mang mangyari sa prinsesa. Hanggang sa muli nating pagkikita.
*bow* *Aalis na ang Prinsipe at ang kanyang kawal kasama ang manggagamot* *PATAY ILAW*

SCENE 5: *Panggagamot ni Tehuti-Em-Beb*

SA KAHARIAN NG BEKHTEN

Tehuti-Em-Beb (George): Mahal na Prinsipe, ano ba ang kalagayan ng Prinsesa?

Prinsipe ng Bekhten (Jethro): Halika at iyong suriin. Siya ay namamahinga sa kanyang silid. *Punta kay Bent-Reshet*

Bent-Reshet (Cleriza): *Nakaupo tas nakatingin lang sa kawalan*

Tehuti-Em-Beb (George): Magandang araw, Prinsesa Bent-Reshet.

Bent-Reshet (Cleriza): *masamang tumingin sa manggagamot* Hindi. Ayaw ko, hindi ikaw ang kailangan ko.

Tehuti-Em-Beb (George): Prinsesa, kinakailangan kong malaman kung ano ang iyong kalagayan.

Bent-Reshet (Cleriza): Hindi sabi ikaw ang kailangan ko! *tatawa* Hindi ikaw, hindi! *tatayo tapos mapapaiyak* Matagal
naming inaasam ang kalayaang ito, hindi ikaw ang makapagpapabalik sa amin! Ha! Hindi!

Prinsipe ng Bekhten (Jethro): *Lalapit at pakakalmahin ang Prinsesa* Anak, ano ba ang mga sinasabi mo?

Bent-Reshet (Cleriza): Lubayan niyo ako! Oh kalayaang minimithi, sa wakas ay napasaaming muli. *Tatawa* Kami’y di
mapipigilan, buhay ay kinasasabikan, wala! Walang makakapigil, wala! *magagalit tapos bubulong*

Tehuti-Em-Beb (George): *mapapalayo* Mahal na Prinsipe, ikinalulungkot kong sabihing ang prinsesa ay hindi
dumadanas ng isang karaniwang sakit. Hindi ito normal sapagkat hindi ito ang Prinsesa. Demonyo, demonyo ang nasa
katawan ng Prinsesa.

Prinsipe ng Bekhten (Jethro): Ano ang nais mong iparating?

Tehuti-Em-Beb (George): Ipagpaumanhin ninyo subalit hindi ko mapapagaling ang Prinsesa.

Bent-Reshet (Cleriza): Wala kayong alam, wala! *tatawa*

Prinsipe ng Bekhten (Jethro): *Lalapit at pahihigain ang prinsesa* Anak, hindi maganda ang iyong iyong kondisyon. Ikaw
ay magpahinga at muli kitang babalikan mamaya.

Bent-Reshet (Cleriza): *Susunod pero nakangiti na paran demonyo tas bubulong bulong*

*Lalabas ang Prinsipe at ang manggagamot*

Tehuti-Em-Beb (George): Muli akong humihingi ng paumanhin, Mahal na Prinsipe.

Prinsipe ng Bekhten (Jethro): Kung ganoon, hindi nga isang sakit ang kinasasapitan ng aking anak. Sapi ito ng demonyo at
hindi mo mabibigyang lunas ang aking anak. Nais kong muling humingi ng tulong sa hari. *tingin kay Kawal 1* Bumalik
kayo ng Ehipto at iparating sa hari na hindi manggagamot ang kailangan ng Prinsesa. Maaaring Diyos, maaaring Diyos
ang makakapagpagaling sa aking anak!

Kawal ng Bekhten 1 (Cardo): Masusunod po, Mahal na Prinsipe.

Tehuti-Em-Beb (George): Huwag kayong mag-alala at ipararating ko sa hari ang kalagayan ng prinsesa.

Prinsipe ng Bekhten (Jethro): Salamat sa iyong tulong, Tehuti-Em-Beb. Maaari na kayong bumalik sa Ehipto.

*Aalis yung mga kawal at ang manggagamot* *PATAY ILAW*

SCENE 6: *Pagbabalik ni Tehuti-Em-Beb sa Ehipto*

SA KAHARIAN NG EHIPTO

Kawal ng Ehipto 1 (Ravelle): Mahal na Hari, andito na po ang manggagamot na si Tehuti-Em-Beb.

Haring Rameses III (Proy): Siya ay patuluyin mo.

Tehuti-Em-Beb (George): Mahal na Hari *bow*

Haring Rameses III (Proy): Napaaga ang iyong pagbabalik. Ano ang naging balita?
Tehuti-Em-Beb (George): Ikinalulungkot ko pong sabihin na hindi ko nabigyang lunas ang prinsesa sapagkat hindi isang
pangkaraniwang sakit ang kanyang dinaramdam. Ito ay sinapian ng demonyo at hindi ito ang klase ng sakit na
mapapagaling ko. Paumanhin, Mahal na Hari.

Haring Rameses III (Proy): Naiintindihan ko, Tehuti-Em-Beb. Salamat sa pagsusubok na pagalingin ang Prinsesa. Ano ang
naging tugon ng Prinsipe?

Tehuti-Em-Beb (George): Sa katunayan ay hindi lamang ako ang bumalik sa Ehipto. Naparito muli ang kawal mula sa
Bekhten na ipinadala ng Prinsipe upang maghatid ng isang mensahe.

Haring Rameses III (Proy): Nasaan ito? Nais ko siyang makausap.

Kawal ng Ehipto 1 (Ravelle): Masusunod po, mahal na Hari.

*Dadating ang kawal mula sa Bekhten*

Kawal ng Bekhten 1 (Cardo): Mahal na hari *bow* Ako ang kawal na ipinadala ng Prinsipe ng bekhten upang ihatid ang
mensaheng nais niyang iparating sa iyo. Sa kadahilanang hindi mapagaling ang prinsesa, nais muli ng hari na hingin ang
inyong tulong upang magpadala ng isang Diyos na magpapaalis sa demonyo mula sa katawan ng Prinsesa.

Haring Rameses III (Proy): Kinakailangan kong pumunta sa Templo ni Khonsu. Ikaw, kawal ng Bekhten, ay sasama sa akin
patungo roon.

Kawal ng Bekhten 1 (Cardo): Masusunod po, Mahal na Hari. *PATAY ILAW*

SCENE 7: *Pagpunta ni Haring Rameses III sa templo*

TEMPLO SA EHIPTO

Haring Rameses III (Proy): *magbo-bow sa Diyos na si Nefer-Hetep kasama yung kawal* O aking butihing Diyos, muli
akong maparirito sa ngalan ng pagpapagaling sa nakababatang kapatid ng Reyna. Nakaluhod sa Iyong harapan upang
makiusap na pahintulutan ang Diyos na si Khonsu na magtungo sa Bekhten.

Nefer-Hetep: *tatango ng dalawang beses*

Haring Rameses III (Proy): Nawa’y proteksyon ang mamalagi sa kanya. Pahintulutan mong makarating ito ng Bekhten
nang mapayapa upang iligtas ang Prinsesang si Bent-Reshet.

Nefer-Hetep: Ibinibigay ko ang aking proteksyon ng apat na beses para sa Diyos na si Khonsu.

Khonsu: *magba-bow kay Nefer-Hetep*

Haring Rameses III (Proy): Nais kong iparating mo sa Prinsipe ng Bekhten na sa paglipas ng labing-pitong buwan ay
darating ang Diyos na si Khonsu upang iligtas ang Prinsesa.

Kawal ng Bekhten 1 (Cardo): Makakarating, Mahal na Hari.

Khonsu: *magba-bow kay Nefer-Hetep* *PATAY ILAW*

SCENE 8: *Pagdating ni Khonsu sa Bekhten*

SA KAHARIAN NG BEKHTEN

Prinsipe ng Bekhten (Proy): *magbo-bow kasama yung mga kawal* Maligayang pagdating sa Bekhten, Mahal na Khonsu.
Ikinagagalak ko kayong makita.

Khonsu (Rogelio): Nais kong makaharap ang nakababatang kapatid ng Reyna na si Prinsesa Bent-Reshet.

Prinsipe ng Bekhten (Jethro): Masusunod, mahal na Diyos. *bow* *tuturo yung daan papunta sa Prinsesa.
Prinsipe ng Bekhten (Jethro): Anak, anak, lunas ay iyo nang makakamtan.

Prinsesa Bent-Reshet (Cleriza): Ha! Kalayaan kalayaan aking natatamasa. Lunas ay hindi na maisasagawa! *tatawa*
Buhay ay aking nakukuha! Sinuman ay hindi ako mapipigilan!

Khonsu (Rogelio): Prinsesa Bent-Reshet *titignan ng matagal*

Prinsesa Bent-Reshet (Cleriza): *lilingon* Wala sab- *mahihinto siya kasi nagkatitigan sila ng Diyos, pinapagaling na siya
tapos mahihimatay

*mamatay ilaw kikislap tapos biglang lilitaw yung dalawang demonyo*

Demonyo 1 (Roi): Kapayapaan ay makakamtan O makapangarihang Diyos na kinatatakutan naming mga masasamang
nilalang. Kapayapaan ay muling mananaig, kami ay hindi na muli mangbubulabog. Paumanhin, paumanhin.

Demonyo 2 (Kaela): Kami ay babalik sa lugar na aming pinanggalingan kung saan puso’y mapapayapa ngunit bago ang
aming paglisan, hayaan mo O Diyos ang aming kahilingan na ang Prinsipe ng Bekhten ay magsagawa ng isang kapistahan
kasama ka, ang Diyos na si Khonsu para sa aming paglisan.

Khonsu (Rogelio): Aking hinahayaan na ang Prinsipe ng Bekhten ay magsakripisyo para sa mga nilalang na ito.

Prinsipe ng Bekhten (Jethro): Masusunod, mahal na Diyos.

*PATAY ILAW*

SCENE 9: *Ang Kapistahan*

SA KAHARIAN NG BEKHTEN

*Nakaupo yung Diyos na si Khonsu pati yung mga masasamang espiritu*

Prinsipe ng Bekhten (Jethro): Magbigay pugay para sa pagliligtas ng Diyos na si Khonsu mula sa pagkakasapi ng mahal na
Prinsesa! Alay ay aming inilalaan, pasasalamat ay aming ihinahandog. *bow pati mga taong Bekhten* O Diyos na
Khonsu, ikaw nga’y tunay na makapagliligtas sa Bekhten mula sa mga masasamang espiritu.

Mga taga-Bekhten: Papuri! Papuri!

Prinsipe ng Bekhten (Jethro): Magbigay pugay para sa mapayapang paglisan ng mga masasamang espiritu mula sa
Bekhten! Mga inihandog ay inyong tanggapin, baunin sa inyong pagbabalik mula sa inyong pinanggalingan.

Mga taga-Bekhten: Kapayapaan! Kapayapaan!

Prinsipe ng Bekhten (Jethro): Bilang pag-aalay, inyong tanggapin ang mga inuming ito bilang pagbibigay sa inyo ng dangal
mula sa kaharian ng Bekhten. *bow ulit*

Mga taga-Bekhten: *papalakpak*

Demonyo 2 (Kaela): Bilang pagtatapos ng kapistahang ito, kami ay muling humihingi ng paumanhin, O Diyos na si Khonsu
at ng mga tauhan ng Bekhten, higit na sa Prinsesa Bent-Reshet.

Demonyo 1 (Roi): Gaya ng aming ipinangako, paglisan ay aming isasakatuparan.

Demonyo 1 at 2 (Roi at Kaela): Paumanhin, Bekhten. Paumanhin!

*Biglang mamatay yung ilaw tapos mawawala yung mga demonyo* *Papalakpak mga taga Bekhten*

*PATAY ILAW*

SCENE 10: *Ang Pananatili ng Diyos na si Khonsu sa Bekhten*

SA KAHARIAN NG BEKHTEN

*bukas yung ilaw*

Prinsipe ng Bekhten (Jethro): *habang nakatalikod sa Diyos na si Khonsu, nagplaplano ito nang may pangangamba*
Makapangyarihang Khonsu, pananatili mo ay aming kahilingan. Ako’y iyong pagbigyan sapagkat Bekhten ay binabalot ng
takot at pangangamba. Proteksyon mo ay aming kinakailangan, iyong pagbabalik sa Ehipto ay aking pinipigilan.
Paumanhin kung hindi ko ito ipapaalam.

SCENE 11: *Ang pagpapabalik ng Prinsipe sa Karo ng Diyos*

SA KAHARIAN NG BEKHTEN

*tatlong taon, apat na buwan at limang araw na ang nakalipas*

Prinsipe ng Bekhten (Jethro): *papunta na sa kanyang silid, nahiga at pinatay ang ilaw upang matulog*

*biglang mananaginip* *kukulog tapos mag aappear si Khonsu*

Khonsu (Rogelio): Sa loob ng tatlong taon, apat na buwan at limang araw, aking pananatili ay akin ng lalagyan ng
hangganan. Ehipto ang aking pinanggalingan, Ehipto ang aking babalikan. Ito ay hindi mo dapat pinigilan, sapagkat
saklolo mo ay aking pinakinggan. Muli, Ehipto ay aking babalikan.

*kukulog uli tas magpapatay sindi yung ilaw tapos biglang bubukas*

Prinsipe ng Bekhten (Jethro): *biglang magigising mula sa panaginip* Paumanhin, Mahal na Khonsu! Paumanhin! Takot
ay hindi na muling paiiralin, paumanhin!

Kawal 2 ng Bekhten (Jerho): *kakatok* Mahal na Hari, ano ang nangyayari?

Prinsipe ng Bekhten (Jethro): Ang mahal na Diyos na si Khonsu ay magbabalik na sa Ehipto, hindi ko dapat ito pinigilan.
Kinakailangang ang karo ng Diyos ay magbalik sa Ehipto. *tingin sa kawal* ikaw ay itinatakda kong magsauli nito at
punuin ng magagarbong kagamitan upang magbigay pasasalamat sa Diyos na ating tagapagligtas, ang Diyos na si
Khonsu.

Kawal 2 ng Bekhten (Jerho): Masusunod po, mahal na Prinsipe.

SCENE 12: *Ang pagbabalik ng Diyos na si Khonsu sa Ehipto*

SA TEMPLO NG EHIPTO*

Mga Kawal ng Bekhten: *Magba-bow* Mula sa Kaharian ng Bekhten, paumanhin sa hindi kaagad niyong pagbabalik sa
Ehipto, mahal na Diyos na si Khonsu *bow*

Khonsu (Rogelio): Kasalanan niyo ay aking patatawarin, ngunit hindi na ito nararapat pang ulitin. Pagkakamali ay inyong
pakasisihan at kapulutan ng aral.

Kawal 1 ng Bekhten (Cardo): Masusunod po, Mahal na Diyos. *bow* Inyong tanggapin mula sa Prinsipe ng Bekhten, mga
alay na sumisimbolo ng pasasalamat sa inyong kabayanihan sa pagliligtas sa Prinsesa ng Bekhten na si Bent-Reshet.

Khonsu (Rogelio): Aking ikinagagalak na kayo ay aking natulungan. *tingin kay Nefer-Hetep* Subalit ang mga alay na ito
ay hindi ko tatanggapin para sa akin. Ito ay aking ihahandog sa’yo, Khonsu Nefer-Hetep, bilang pagtanaw ng utang na
loob sa proteksyon na iyong ipinagkaloob nang ako ay magpunta ng Bekhten. *lalagay yung mga alay dun sa paa ni Nefer
Hetep*

*PATAY ILAW*