Una sa lahat ay binibati ka po namin sa iyong pagkakalulok bilang
Kapitan ng ating minamahal na barangay. Kami ay lubos na umaasa na sa pamamagitan ng iyong pamumuno ay higit na mapapaigting ang kaayusan at kapayapaan sa kabuuan ng ating barangay.
Sumulat po kami sa inyong tanggapan sapagkat noong maganap ang
lindol noong ika-5 ng Abril ng taong kasalukuyan, aming napag alaman na nagkaroon ng mga bitak sa mga platada ng aming bahay na makikita sa mga biga nito. Dahil dito ay unti-unting nahuhulog ang mga tipak ng semento buhat sa itaas na bahagi ng aming bahay. Ito po ay maituturing na mapanganib sa mga tao at sasakyan na dumaraan sa tapat ng aming bahay. Aming nalalaman na bilang mga may-ari, kami ay may pananagutan at may responsbilidad na magsawa ng kinakailangang pagsasaayos ng aming bahay para sa kaligtasan ng lahat.
Kung kaya kami ay buong galang na humihiling sa inyong tanggapan
upang pahintulutan ang pansamantalang pagsasara ng Block 279 Sweet Orange Street habang aming isinasagawa ang nasabing pagsasaayos. Ito ay maaaring tumagal ng hindi hihigit sa anim na oras. Kami po ay may sapat na mga tauhan at kagamitan ukol dito.
Lubos po ang aming pag-asa na ang aming kahilingang ito ay inyong
mapagbibigyan para sa kapakanan at kaligtasan ng iyong mga nasasakupan. Maraming salamat po sa inyong pagtulong at pagunawa.