VIRAY, KELLY MAE S.

FIL110 – B9

BALANGKAS NG PAGSUSURI NG BAWAT KABANATA NG

NOBELA

I. PAMAGAT NG KABANATA: Wala Nang Alapaap

II. PAGTATANGGAL NG BALAKAID

A. Talasalitaan

 Sutla – uri ng tela

 Pagkakandili – pagbigay sa kapwa
 Malagak – malagay
 Maralita – taong naghihirap sa buhay
 Magdalita - naisin
 Gulok – halimbawa ng itak
 Samyo – halimuyak
 Agam-agam – pagdadalawang isip
 Bisig – braso
 Pangingiming – pagkakaroon ng hiya
 Desposada – nobya
 Matalos – maunawaan
 Magluwat – sa madaling panahon
 Mariringal – kahanga hanga
 Malaon – matagal

B. Tayutay

 “…matalas na gulok…”

Matalas na itak

 “…panahon ng pag-aagam agam.”

May pag-aalinlangan

 “…kanin mo na ko nang buo.”

 Magtiwala nang lubusan

 “… bukal sa kaibuturan…”

Hindi labag sa loob

 “…huwag ka nang magtindig.”

Huwag ka nang kumilos

 “…talastas sa kuwalta.”

Umaasa sa pera

III. MGA TAUHAN AT DISKRIPYON:

 Meni – anak ni Don Ramon na kabiyak ni Delfin

 Delfin – isang maralitang manunulat at kabiyak ni Meni
 Felipe – matalik na kaibigan ni Defin at asawa ni Tentay
 Tentay – asawa ni Felipe

IV. PAGLALAHAD NG MGA MAHAHALAGANG

PANGYAYARI NG KABANATA:

Gamiting gabay ang mga bahagi ng maikling kwento:

 Panimula

Si Meni ay lumaki ng di man lang nakatikim ng

paghihirap mula noong siya’y isinilang hanggang sa
dumating ang isang gabi na nakapagpabago sa
kanyang nakasanayang pamumuhay. Mula noong
gabing iyon ay naranasan niyang manirahan sa bahay
na pawid at noon niya rin naramdaman ang
kalungkutan sa pagkawalay niya sa minamahal na
kapatid na si Talia. Ang karanasang iyon ay kanyang
natamo mula noong nilabag niya ang kalooban ng
kanyang ama.
 Saglit na kasiglahan

Sa gayong lagay ay hindi makakatumbas ang mga

pait at kadalamhatiang maibubunton sa kanya ng
mga unang sandali sapagkat siya ay umaasang
matatamo ang tamis at ligaya sa kandungan at piling
ng kanyang tunay na kabiyak. Ngunit hindi pa rin
maiwasang sumagi sa isipan ni Meni ang pag-aalala
sa kapatid na si Talia.
Patungkol naman sa kanyang kapatid na si Talia, tila
ba napakalaki rin ang naging epekto ng
pagkakawalay niya sa kapatid na si Meni. Dahil
anumang pagpapatawa o pagpapasaya ang gawin ng
asawang si Yoyong para lamang mapawi ito ay
mukhang wala na rin itong saysay.

Sa isang banda'y nagkaroon ng matamis na sandali

ang dalawa nang sila lamang ang nasa silid at ang
isa't-isa'y nagbitaw ng mga salita. Ang pagpapalitan
ng salita ay tila ba may malalim na kahulugan at
noon ay tila ba wala na ngang makakapigil pa sa
kanilang pag-iibigan.

Matapos ang sandaling iyon ay dumating ang hindi

inaasahang panauhan na si Felipe, ang matalik na
kaibigan ni Delfin. Nagkaroon sila ng munting salu-
salo sapagkat may dala itong kaunting pasalubong.

 Suliraning inihahanap ng lunas

Lubos ang pagkagulat ni Felipe ng Makita niya si

Meni. Ayon sa kanya, ang kanyang mata ay tila
nanlalalim, ang pisngi ay namumusyaw, ilong, labi,
baba, at leeg ay tila malaki rin ang ipinagbago sa
paraang kalungkot-lungkot. At ang Barong Kalibo
niyang suot ay halos bumigay na sa sobrang luwag na
 kung di dahil sa imperdible ay wala nang damit ang
kakapit sa payat niyang pangangatawan. Sa
pagkagulat ni Felipe ay hindi niya napigilang magbiro
na sinakyan rin naman ni Meni. "Mistula ka nang
larawan ng isang libingan" ani ni Felipe.

Sa kabila ng pagbibiruan ay humantong rin ang

kanilang usapan patungkol sa sitwasyon ni Tentay at
Felipe. Dito ipinaliwanag ni Felipe ang hindi nila
pagkakaintindihan na siya naming itinanim ni Tentay
ng sama ng loob.

 Kasukdulan

Sa gitna ng kanilang pag-uusap ay hinikayat na ni

Meni si Felipe na umalis na nga at magtungo kina
Tentay. Ngunit sa oras ng dapat paglisan nito ay
dumating ang mag-asawang sina Talia kaya nagtagal
silang muli ng dalawa pang oras. Sa pagkakataong
iyon ay muling hinikayat ni Meni si Felipe at si Delfin
na rin ang nagpaliwanag kina Talia na mahalaga ang
kanilang patutunguhan sapagkat kailangan na nitong
lumisan sa lalong madaling panahon.
Malaon na rin na sila'y huling nagkita at nag-usap
ngunit nang makasalubong nya ito ay agad niyang
napansin na walang nagbago sa pamumuhay ni
Tentay. Sa pagkakataong iyon ay nagpalitan sila ng
hinanaing sa isa't-isa.

 Kakalasan

Matapos ang pagtatalo ay humantong rin sila sa

lamyusan ng mga salita. Si Tentay ay hindi nga
naman napigilan na magpakipot sa bandang ito. Kung
gayon ay nauwi rin ang kanilang pag-uusap sa
palaisipan ng kanilang pag-ibig at kani-kanilang
kabuhayan. Magmula noon ay nangako na si Felipe na
hindi niya siyang muling lilisan pa at maghahanap
 buhay pa ulit. Nabanggit niya rin na nais nito na
maraos ang kanilang pag-iisang dibdib. Ngunit ibang-
iba ito sa inaakala ni Aling Tere at sa inaasahan ni
Tentay na ang tinutukoy ni Felipe ay ang
pagpapakasal.

Sa pagpapahayag ng kanyang saloobin patungkol

sa kasal ay maaaring ito pa ang maging dahilan nv
kanilang paghihiwalay. Nagkaroon ng pag-gunam
gunam si Tentay hanggang sa sulok ng palaisipan ng
kanilang pag-ibig. Sa pumayag o hindi, ay di
maulatang alapaap ang namamagitna. At doon
nagtatapos ang kwento ng kabanatang ito. Maaaring
bitin sapagkat wala pa ring desisyon at
ipinagsawalang bahala na muna ito ni Tentay.

V. TEORYANG PAMPANITIKANG GAMIT NG AKDA

 Teoryang Klasisismo
Ipinakita sa kabanatang ito ang pagkakaiba sa estado
sa buhay ng dalawang nag-iibigan. Ito ay karaniwang
ayos ng kaganapan sa isang kwento. Si Meni ay anak
ng isang mayaman na si Don Ramon samantalang si
Delfin naman ay isang maralitang manunulat lamang.
Ngunit sa kabila ng lahat ay hindi pa rin nagging
hadlang ang estado sa buhay sa kanilang tunay na pag-
iibigan.

 Teoryang Sikolohikal
Si Felipe ay may pansariling pananaw sa usaping pag-
iisang dibdib. Kung gayon ay para sa kanya, ang
pagpapakasal ay hindi na kailangan ng tao masabi
lamang na tunay ang taglay na pag-ibig.
Ang ganitong uri ng pangyayari ay hindi
pangkaraniwan sapagkat siya ay may paninidigan base
sa kanyang binitawang mga salita kay Tentay.
Gayunman, sa ganitong pagkakataon, maaari rin
namang ihalintulad sa iba pang paniniwala
  Teoryang Romantisismo
Ang pag-iibigan nina Meni at Delfin ay hindi nalalayo
sa iba pang karaniwang kwento na tutol ang magulang
sa pag-iibigan ng karakter. May mga hindi rin kanais-
nais na pangyayari bago pa man matamo ang tunay na
kaligayahan. At sa kabanatang ito, hindi sumuko si
Delfin at lakas loob na ipinaglaban ang kanyang pag-
ibig sa ama ng iniirog kaya’t ito ay nagbunga rin ng
magandang pangyayari sa dulo.

VI. REAKSYON AT DAMDAMIN

A. Mga Pansin at Puna

a. Mga Tauhan

Higit nga namang pinatunayan nina Meni at

Delfin kung ano nga ba ang tunay na kahulugan
ng pag-ibig. Dito ipinakita ang tibay ng kanilang
pagmamahalan at tila wala na ngang
makakapigil pa sa dalawa. Sa kabila ng lahat,
natamo rin nila ang piling ng isa’t-isa.

Sila Tentay at Felipe nama’y nagkaroon ng

masinsinang usapan patungkol sa pag-ibig sa
isa’t-isa. Sa kabanatang ito, ay mapapansin ang
pag-aalinlangan sa mga kilos at salita ni Tentay
noong nalaman niya na ayaw ni Felipe ang
makipag-isang dibdib sa ilang mga kadahilanan.
Sa paraang ito, naipakita ng tauhan ang
kanyang sariling paniniwala patungkol sa pag-
iisang dibdib. Gayunman ay mayroon din siyang
punto sapagkat hindi mababaw ang kanyang
mga dahilan na siya ring ikinalungkot ng iniirog
na si Tentay.
 b. Galaw ng Pangyayari

Kalungkot-lungkot man ang naging kalagayan

ni Meni magmula sa pawid na sinisilungan at
katawang sinapit habang nagdadalang tao ay
napawi rin naman ito sapagkat nasa piling na
siya ng kanyang kabiyak. Sa kabanatang ito ay
pinatunayan ng dalawa ang sumpaang
ginaganap sa harap ng altar. At iyon ay ang
pangakong magsasama sa hirap at ginhawa.

Isang taon rin ang nakalipas mula ng lumisan

si Felipe. Kaya naman noong nagkita sila’y
nadama ko ang halong lungkot, galit, saya, at
lubos na pagkasabik ni Tentay sa kasintahan.
Ipinakita rito ang paunang scenario ng kanilang
pagtatalo, at sa huli’y nagpalitan rin ng
matatamis na salita. Ngunit ang pagpapalitang
iyon ay nauwi rin sa seryosong usapin, ang
pagpapakasal. Mula noon ay sinabi ni Felipe ang
kanyang pananaw rito na siya naming ikinagulat
ng husto ni Tentay sa pag-aakala niyang
kanyang nais ay matatamo na rin sa wakas.
Ngunit siya ay nabigo kung gayon noong araw
na iyon ay nag-alinlangan na siya kung
ipagpapatuloy pa ba niya ang pag-iibigan nila
kahit pa ayaw ni Felipe ang magpakasal. Sa
kabanatang ito ay hindi na ipinaalam ni Lope K.
Santos kung ano nga ba ang pinal na desisyon ni
Tentay na siya ring nagging dahilan upang
mahikayat pa ang mga mambabasa sa mga
susunod pang pangyayari.

B. Bisang Pampanitikan
a. Bisa sa Isip

Napagtanto ni Don Ramon na hindi nga

naman nasusukat ng salapi ang puri at linis ng
isang babae. Kaya’t hindi dapat maging hadlang
ang estado sa buhay sa dalawang taong nag-
iibigan. Sa panahon ngayon, tila iilan na lamang
ang kayang manindigan sa ganitong sitwasyon.

Kung ating susuriin, isa rin sa rason ng

paghihiwalay ng mag-asawa ay sa kadahilanang
pagkawala ng trabaho. Importante nga naman
talaga ang salapi sa panahon ngayon dahil kung
wala ka nito, maaaring hindi ka makakaraos sa
pang-araw araw. Gayunman, tumatak sa aking
isip na kinakailangang mag-aral ng mabuti sa
ngayon upang magkaroon ng magandang
kinabukasan at walang masama sa pagiging
praktikal. Ito ay ayon lamang sa aking pananaw.

b. Bisa sa Damdamin

Ang nakapagpapukaw sa aking damdamin ay

ang tibay ng pagsasamahan ng dalawang mag-
irog. Anumang pighati ang danasin ng dalawang
nag-iibigan na si Meni at Delfin ay handang
harapin ng sabay ng walang pag-aalinlangan at
siya ring ipinaglaban ang pag-iibigan hanggang
sa kadulo-duluhang hininga. Ni ang kanilang
pamilya ay hindi nagawang maging hadlang
kaya sila ay karapat-dapat nga lang naman na
mapunta sa piling ng isa’t-isa

Sa sitwasyon naman nina Tentay at Felipe,

ako ay lubos na nabitin sapagkat hindi pa rin
nagbibitaw ng desisyon si Tentay patungkol sa
naging pananaw ni Felipe sa pakikipag-isang
 dibdib. Naintindihan ko naman ang nagging
reaksyon niya dahil mahirap din naman ang
walang kasiguraduhan. Ngunit sabi nga nila,
kung talagang mahal mo ay dapat magtiwala ka
ng buo. Ngunit kung iisipin ay may karapatan pa
rin si Tentay na mag-alinlangan dahil minsan na
siyang iniwan ni Felipe.

c. Bisa sa Kaasalan

Nilabag ni Meni ang ama sa kagustuhang

makapiling ang minamahal na si Delfin.
Gayundin ang ilan sa mga madalas na
pangyayari sa panahon ngayon lalo na ang
kabataan. Karaniwang sitwasyon nito ay ang
pagpilit sa kagustuhan nila kaya nilalabag ang
sariling mga magulang. Ito ay madalas na
humahantong sa mga hindi inaasahan na
pangyayari. Kaya kahit papaano ay may mga
bagay pa rin na dapat isaalang-alang bago
tuluyang gumawa ng isang desisyon. Hindi sa
lahat ng pagkakataon ay makakamtan mo ang
iyong ninanais sapagkat ito’y pinag-iisipan
muna.

d. Bisa sa Lipunan

Karamihan sa lipunan ay mas binibigyang

halaga ang isang pagiging mayaman. At sa
kasawiang palad ay magpahanggang sa
kasalukuyan ay importante pa rin sa karamihan
ang estado sa buhay. Kung titingnan nga naman
sa dakong pagiging praktikal ay dapat nga
naman itong pahalagahan sapagkat ang
mismong estado ng ating bansa ay hindi na rin
 kanais-nais kung gayon ang pagt-trabaho ay
dapat doble kayod ika nga.

VII. KONGKLUSYON

Matapos kong basahin ang kabanatang ito,

nasaksihan ko ang hirap na dinanas ni Meni at Delfin
para lamang makapiling ang isa’t-isa. Bukod pa rito ay
natitiyak kong naantig rin ang puso ng mga
mambabasa sapagkat ang kwento ng pag-iibigan ng
dalawa ay hindi nalalayo sa kwento ng Romeo at Juliet.
Patungkol naman sa kanila Felipe at Tentay ay nag-
iwan ito sakin ng pakiramdam ng pagkasabik sa
magiging desisyon ni Tentay sa magiging estado ng
kanilang relasyon. Tunay nga namang kaabang-abang
ang mga susunod na kabanata sapagkat doon natin
malalaman ang patutunguhan ng kanilang pag-iibigan.
Ang paraang ito ni Lope K. Santos ay higit nga namang
kahanga-hanga sapagkat isa ito sa estratehiya upang
mahikayat pa ang mga mambabasa sa karugtong
nitong mga kwento.

Ang Biswal ng Presentasyon

https://www.youtube.com/watch?
v=hP0v2MoSNSk&rel=0&fbclid=IwAR2IjXyMyXELC9i-
O17DSrEw-EVAI8yApDfwcRqBfKXF_4ffImNHCTr46aI
(Ctrl+Mouse Press to View Link)

Pahabol: Ang ginawang video ay nakapaskil lamang sa

YouTube sapagkat hindi ito madadownload ng diretso mula
sa pinaggawaang software. Makikita naman ang pangalan ng
mag-aaral sa ilalim ng video sa YouTube.