BANGHAY ARALIN SA FILIPINO

MODYUL 2

SEPTEMBER 16, 2019

PAMANTAYANG PANGNILALAMAN:
Naipamamalas ng mag aaral ang pag-unawa at pagpapahalaga sa mga akdang pampanitikan ng mga bansa sa
Kanluran

PAMANTAYAN SA PAGGANAP:
Ang mga mag-aaral ay nakapag-lalathala ng sariling akda sa hatirang pangmadla

MGA LAYUNIN
A. Naibibigay ang puna sa estilo ng napakinggang tula ( FL10PN-Ilc-d-70)
B. Naibibigay ang kahulugan ng matatalinghagang pananalita na ginamit sa tula (F10PT-IIc-d-70)

I. PAKSA
Aralin 2.5
A. Panitikan : Ang aking pag-ibig (Tula mula sa Italy) Salin ng ‘’How Do I Love Thee’’ ni Elizabeth Barrett
Browning ( Isinalin sa Filipino ni Alfonso O. Santiago)
B. Gramatika at Retorika: Mabisang Paggamit ng matalinghagang P
C. Uri ng Teksto: Naglalahad
Kagamitan : Kartolina , manila paper, pentil pen at laptop
Modyul 10 TG at LM
II. PAMAMARAAN
 PANIMULA
 Pagganyak :
Magpapakita ng larawan tungkol sa bansang Italya o maaari din Magpapanood ng
isang video clip tungkol sa kultura ng mga taga Italy. .( Applies knowledge of content within
and across curriculum teaching areas – History at Aral.Pan.)

Gabay na tanong:
1. Ano ang napapansin ninyo sa kultura , tradisyon at klase ng pamumuhay ng mga tao
sa Italya?
2. Maliban dito sa asignaturang Filipino sa anung asignatura pa ninyo napapag-aralan
ang mga kaugalian at kultura ng mga tao sa ibang bansa? Mahalaga ba itong tuklasin
kung ang ating papag-aralan lamang ay isang akda ng kanilang Bansa?
3. Ano sa palagay ninyo ang kinalaman ng kanilang mga ugali sa ating tatalakayin na
isang akda ?

 Aktibiti:
(T.A.1) Isang awitin ang pakikinggan ng mga mag- aaral “ Awit kay inay” mula sa awit
ni Carol Banawa . Matapos mapakinggan ito , Ipagawa ang Gawain 1.( Applies knowledge of
content within and across curriculum teaching areas - MAPEH)

Gawain 1: bunot mo – Damdamin ko – Lantad mo! ( pangkatang Gawain)

Hahatiin ang klasi sa apat na pangkat, bawat pangkat ay bubunot ng kanilang gawain upang ilahad
ang damdamin na naghahari sa awitin. Gagawin ito sa loob lamang ng sampung minuto.( Varied
Learning Experience)
(T.A 2) Bawat pangkat Pumili ng mag-aaral na maglalahad ng kanilang nabuong
damdamin mula sa awitin.

Mga Gawain:
Pagguhit ng larawan
Pagsasadula
Pag-uulat
Pagbuo ng grapikong representasyon
 (T.B.3) Itanong sa mag-aaral ang mga gabay na tanong (Bilang 1-3).
Gabay na tanong
1. Tungkol saan ang awit na iyong napakinggan?
2. May mga damdamin ba ng pag-ibig ang inilahad dito?
3. Makatotohanan ba o hindi ang nilalaman ng awit?

B. PAGBABASA /PAGLALAHAD
 T.A.4) Talakayin ang tanong Bilang 4. Anong Kongklusyon ang nabuo sa iyong imahinasyon
matapos mong mapakinggan ang nasabing awit?

 T.B.1) Makikinig o manonood ng isang halimbawang isahang pagbigkas ng tula. Pagkatapos

ipagawa ang Gawain 2 (Compare & Contrast Chart). Ipasagot ito sa mga mag-aaral. (I o K)
 T.B.1) Ipagawa ang Gawain 2 ( compare and contrast chart).
 (T.B.2)Maaaring hikayatin ang mga mag-aaral na magbahaginan sa kanilang mga nagging
sagot sa Gawain 2 sa pamamagitan ng triad share. Bigyan ang bawat magka triad ng limang
(5) minuto upang magtalakayan at magpalitan ng kaalaman.
 (T.B.3) Pumili ng ilang magka triad ng magbabahagi sa klase ng kanilang ginawa, sabihin:
makatulong nating tuklasin ang mga sagot sa mga nais ninyong malaman sa pagpapatuloy ng
ating talakayan
 Pagtalakay tungkol sa pagkakaiba at pagkakatulad ng awit at tula.

C. PAGLALAPAT:

Gabay na tanong:

1. Maliban sa pag-ibig sa Ina o Ama at Pag-ibig sa Bayan pa kaya ang maaari natin ilarawan na pag-ibig gamit
ang tula?
2. Bakit mahalaga na ihayag natin an gating pag-ibig?
3. Paano nakatutulong ang Tula at Awit sa pagpapahiwatig n gating nararamdaman?
4. Bakit mahalagang pag aralan ang iba’t-ibang uri ng tulang damdamin?
5. Kung kayo ay gagawa ng isang tula tungkol sa pag-ibig anong tula ito ? bakit?

D. PAGLALAHAT:

 Ipaliwanag ang kahalagan tula at awit sa paglalahad ng damdamin.

 Ipaliwanag na ang isang awit ay maitutulad sa isang tula.
 Bigyan diin na mahalagang maunawaan ang kaligirang kasaysayan ng isang bansa upang maintindihan ng
lubusan ang akda mula dito.

III. EBALWASYON:
 Basahin at unawain ang Tulang “ Ang Aking Pag-ibig ‘’ ni Elizabeth Barret Browning isinalin sa
Filipino ni Alfonso o. Santiago. Pagkatapos ay sagutin ang lahat ng tanong. Piliin ang letra ng tamang
sagot. Isulat ito sa Gawain na kwaderno.
1. Mula sa ikalawa at ikatlong saknong alin sa sumusunod ang katangian hindi taglay ng persona sa
tula?
a. mapagmatiis c. masayahin
b. mapagpakumbaba d. mapagmalasakit

2. Ipinapahayag ng persona sa tula ang kaniyang pagmamahal at pagsinta sa taong kaniyang iniibig
sa pamamagitan ng ________________.

a. Pagsasalarawan ng tunay na pag-ibig

b. Paghahambing nito sa iba’t-ibang bagay
c. Paglalahad ng mga pangyayari sa buhay nila
d. Pagpapahiwatig ng nararamdaman
 3. Anong uri ng pag-ibig ang nais ipahiwatig ng tulang “Ang Aking Pag-ibig?

a. Pag-ibig sa ama/ina
b. Pag- ibig sa kapatid
c. Pag-ibig sa kaibigan
d. Pag-ibig sa kasintahan/asawa

4. Kasinlaya ito ng mga lalaking

Dahil sa katwira’y hindi paaapi,
Kasingwagas ito ng mga bayaning
Marunong umingos sa mga papuri.

Anong uri ng tayutay ang makikita sa binasang saknong?

a. Pagwawangis
b. Pagtutulad
c. Pagbibigay- katauhan
d. Pagmamalabis

5. Anong paraan ang ginamit ng manunulat upang ihayag ang kanyang damdamin sa tula?
a. Paggamit ng matatalinghagang pahayag at tayutay
b. Paggamit ng malikhaing imahinasyon sa paglalarawan ng pag-ibig
c. Inilarawan ang sariling karanasan
d. Simpleng paglalarawan ng pag-ibig

IV. KASUNDUAN

Ipagawa ang Gawain 3: paglinang ng Talasalitaan

Ibigay ang kahulugan ng mga matatalinghagang pananalita na ginamit sa tula .Isulat sa kasunod na tsart ang
sagot. Gayahin sa sagutang papel ang tsart.

Inihanda ni: Itinala ni:

SANDRANIE V. LOPEZ MARY ANN B. MONTAŇO