i

ANG ANTAS NG KASANAYAN SA PAG-UNAWA SA PAGBASA NG MGA

MAG-AARAL NA DEAF SA KLASENG MAINSTREAMED

Sulating Pananaliksik na Iniharap sa mga Dalubguro

ng Kolehiyo ng Edukasyon
PAMANTASAN NG LUNGSOD NG MAYNILA

Bilang bahagi ng Katuparan sa mga

Pangangailangan para sa Titulong
Batsilyer ng Sekundaryang Edukasyon Medyor sa Filipino

nina:
PATRICK C. ESPINAS
KIMBERLY C. REPOL

Oktubre 2018
 ii

PAMANTASAN NG LUNGSOD NG MAYNILA

(University of the City of Manila)
Intramuros,Maynila

KOLEHIYO NG EDUKASYON
Kagawaran ng Edukasyong Pangguro

REKOMENDASYON

Ang sulating pananaliksik na ito na pinamagatang “ANG ANTAS NG

KASANAYAN SA PAG-UNAWA SA PAGBASA NG MGA MAG-AARAL NA

DEAF SA KLASENG MAINSTREAMED” na inihanda at iniharap nina PATRICK

C. ESPINAS at KIMBERLY C. REPOL bilang bahagi ng pagtupad sa

pangangailangan para sa titulong Batsilyer ng Sekundaryang Edukasyon medyor

sa Filipino sa pamamagitan ng kursong FILI 62 at FILI 74 – Pananaliksik sa Wika

at Panitikan ay sinuri at iminungkahing tanggapin at pagtibayin para sa isang

pasalitang pagsusulit

Victoria R. Ramos, D.A.L.L.

Tagapayo
 iii

PAMANTASAN NG LUNGSOD NG MAYNILA

(University of the City of Manila)
Intramuros, Maynila

KOLEHIYO NG EDUKASYON
Kagawaran ng Edukasyong Pangguro

DAHON NG PAGPAPATIBAY

Ang sulating pananaliksik na ito na pinamagatang “ANG ANTAS NG

KASANAYAN SA PAG-UNAWA SA PAGBASA NG MGA MAG-AARAL NA
DEAF SA KLASENG MAINSTREAMED” na inihanda at iniharap nina PATRICK
C. ESPINAS at KIMBERLY C. REPOL.

Pinagtibay ng Lupon ng Tagasuri sa Pasalitang Pagsusulit bilang bahagi

ng pagtupad sa pangangailangan para sa titulong Batsilyer ng Sekundaryang
Edukasyon medyor sa Filipino sa pamamagitan ng kursong FILI 62 at FILI 74 –
Pananaliksik sa Wika at Panitikan.

__________________________
BERNARDO F. RAMOS, Ed. D.
Tagapangulo

________________________ ___________________________
CONCHITA V. YUMOL, Ed.D. MARY GRACE A. AQUINO, Ed.D
Miyembro Miyembro

Tinanggap bilang bilang bahagi ng pagtupad sa mga pangangailangan

para sa titulong Batsilyer ng Sekundaryang Edukasyon medyor sa Filipino sa
pamamagitan ng kursong FILI 62 at FILI 74 – Pananaliksik sa Wika at Panitikan
at nakakuha ng markang ________.

___________________________
JIMMY M. ROMERO, Ed.D.
Dekano
 iv

ABSTRAK

PAMAGAT: ANG ANTAS NG KASANAYAN SA PAG-UNAWA

SA PAGBASA NG MGA MAG-AARAL NA DEAF SA
KLASENG MAINSTREAMED

Institusyon: Pamantasan ng Lungsod ng Maynila

Mananaliksik: Patrick C. Espinas

Kimberly C. Repol

Titulo: Batsilyer ng Sekundaryang Edukasyon – Filipino

Taong Pampaaralan: 2018 – 2019

Tagapayo: Dr. Victoria R. Ramos

Bilang ng Pahina: 115

Dahil sa kahalagahan ng pagbasa sa pamumuhay ng tao at ng suliranin

ng mga Deaf sa pagbasa dahil sa kalagayan ng kanilang pandinig at pagbigkas

na nakaaapekto sa kanilang pagbasa ay nabuo ang layuning tukuyin ang antas

ng kasanayan sa pag-unawa sa pagbasa ng mga Deaf. Layunin ng pag-aaral na

ito na tukuyin ang antas ng pag-unawa sa pagbasa ng mga kalahok sa pag-aaral

at tukuyin mula sa demographic profile ang mga maaaring nakaaapekto sa pag-

unawa sa pagbasa ng mga Deaf. Ang mga layuning ito ay natukoy sa

pamamagitan ng pagsagot sa sumusunod na tanong: (1) Ano ang demographic

profile ng mga kalahok sa pag-aaral?; (2) Ano ang antas ng kasanayan sa pag-
 v

unawa sa pagbasa ng mga mag-aaral na Deaf?; (3) May makabuluhan bang

ugnayan ang mga salik na pinagmumulan ng kalagayan ng mga Deaf sa

kasanayan sa pag-unawa sa pagbasa?; at (4) Anong pantulong na kagamitan sa

pagtuturo ang maaaring mabuo upang malinang ang kasanayan sa pag-unawa

sa pagbasa ng mga Deaf?

Ang pananaliksik na ito ay gumamit ng disenyong Mixed Method o ang

paggamit ng kuwantatibo at kuwalitatibong pagsusuri. Isinagawa ang pag-aaral

sa Manila High School at ang kalahok ay ang mga mag-aaral na Deaf sa Baitang

7, Klaseng Mainstreamed. Ang mga kalahok ay binigyan ng tig-iisang sarbey

checklist at pagsusulit sa loob ng dalawang araw. Ang pagsusulit na ay may iba’t

ibang antas – pag-unawang literal, interpretasyon, mapanuring pagbasa at

aplikasyon na susukat sa kanilang kasanayan sa pag-unawa sa pagbasa.

Batay sa naging resulta ng pag-aaral, natuklasan ng mga mananaliksik

na 91.7% o labing-isang mag-aaral na Deaf ay hindi angkop ang edad sa

kanilang baitang at 8.3% o isa lang ang angkop ang edad sa kaniyang baitang.

Natuklasan din ng mga mananaliksik na karamihan sa mga binabasa at sinusulat

ng mga mag-aaral na Deaf ay nasa wikang Ingles tulad ng komiks, nobela,

maikling kuwento at pahayagan. Maliit lamang ang bilang ng mga mag-aaral na

may interes sa mga babasahing Filipino tulad ng nobela at pahayagan.

Natuklasan din ng mga mananaliksik na ang kabuoang antas ng

kasanayan sa pag-unawa sa pagbasa ng mga mag-aaral na Deaf sa Baitang 7,

klaseng mainstreamed ay may mean na 5.17 na nasa kabiguang antas ibig

sabihin, ang mga mag-aaral ay nagpapakita ng kabiguang makabasa nang

 vi

matagumpay. Napatunayan ding may makabuluhang ugnayan ang edad at ang

kabuoang antas ng kasanayan sa pag-unawa sa pagbasa ng mga mag-aaral na

Deaf sa Baitang 7, Klaseng Mainstreamed.

Mula sa naging resulta ng pananaliksik na ito, ang sumusunod ay

iminumungkahi ng mga mananaliksik sa ikauunlad ng pag-unawa sa pagbasa ng

mga mag-aaral na Deaf: (1) Hikayatin ang mga mag-aaral na Deaf na

magpatuloy sa kanilang pag-aaral; (2) Marapat lamang na gamitin ng mga guro

ang modyul na Phil-IRI na naglalaman ng mga babasahin na aangkop sa edad at

kasanayan ng kanilang mag-aaral; (3) Dapat na magkaroon ng mga programang

ukol sa pagbabasa upang mahasa pa ang kasanayan sa pag-unawa sa pagbasa

ng mga mag-aaral na Deaf; (4) Nararapat na unti-unting ipakilala na agad ang

wikang Filipino sa mga Deaf sa pagsisimula pa lamang nila ng pag-aaral kahit na

wikang Ingles ang batayan ng kanilang wikang senyas; (5) Maglunsad ng mga

libreng palihan at worksiyap na magsasanay sa mga guro at mag-aaral upang

maisagawa nang maayos ang paghahasa sa kasanayan sa pag-unawa sa

pagbasa; at (6) Dahil sa maliit na bilang ng populasyon ng mga kalahok,

iminumungkahi ng mga mananaliksik na magkaroon pa ng ganitong pag-aaral,

palawigin at pagyamanin ang nasimulan ng mga mananaliksik.

 vii

PAGHAHANDOG

Isa, dalawa, tatlo,

Salamat sa inyo,

Sa walang sawang suporta niyo,

At sa lahat ng pagtulong niyo.

Apat, lima, anim,

Tanging dala'y dasal na taimtim,

Sa iba't ibang daan na tinahak namin,

Upang mapagtagumpayan aming mithiin.

Pito, walo siyam,

Ikaw Panginoon ang aming sanligan,

Ikaw rin ang nagsilbing lakas at sandalan,

Ang lahat ng ito, sayo nami'y iniaalay.

Sampu,

Salamat sa suportang hanggang dulo,

Sa hindi mabilang-bilang na pagtulong niyo,

At sa walang katapusang paggabay niyo.

Muli, maraming salamat po!

KCR
 viii

PAGKILALA

Ang pananaliksik na ito ay bunga ng mahabang paglalakbay sa

paghahanap ng kasagutan sa mga tanong ng mga mananaliksik na naglalayong

makapag-ambag ng talino sa akademikong larangan. Hindi naging madali ang

paglalakbay na iyon para sa mga mananaliksik, iba’t ibang daan ang kanilang

tinahak upang makarating sa kanilang tunguhin. May mga daan na sadyang

lubak-lubak at mabato ngunit gayon pa man nanatiling matatag ang mga

mananaliksik at patuloy na nagtiwala sa Poong Maykapal na ang lahat ay

kanilang mapapagtagumpayan. Sa pamamagitan nito, lubos ang pasasalamat

ng mga mananaliksik sa mga taong nagtiwala, naniwala, naglaan ng oras at

pagod, na kung wala sila ay hindi magiging ganap na matagumpay ang

pananaliksik na ito.

Buong pusong pasasalamat ang handog ng mga mananaliksik sa kanilang

tagapayo na si Dr. Victoria R. Ramos sa walang sawang paggabay, pagtulong

at paglalaan ng panahon upang ganap na maisaaklat ang sulating ito.

Napakalaking tulong ng inyong mga payo at puna para sa lalong pagpapaganda

at pagsasaayos ng pananaliksik na ito.

Sa bumubuo ng Lupon ng Pasalitang Pagsusulit, Dr. Bernardo F.

Ramos, Dr. Mary Grace A. Aquino at Dr. Conchita V. Yumol na nagbahagi ng

kanilang makabuluhang ideya upang ang papel na ito ay maisama sa larangan

ng akademya.
 ix

Sa pamunuan at kaguruan ng Mataas na Paaralan ng Maynila na sina Bb.

Consolacion K. Naanep, Gng. Neliah N. Amoy at Roschelle M. Groce na

naging daan upang maisagawa ang pagkuha ng mga datos at

mapagtagumpayan ang pag-aaral na ito.

Sa nagsuri ng mga instrumento ng pag-aaral na ito na sina Dr. Roberto F.

Ines, Prop. Anna Gloria Saplala at Gng. Neliah N. Amoy. Malaking tulong ang

ibinigay ninyong mga suhestiyon sa lalong pagpapaganda ng sulating ito.

Sa mga taong laging nariyan at nakasuporta sa mga mananaliksik sa mga

panahong sinusubok sila ng pagkakataon na sina Ronalyn S. Inot, Hersia

Alliah Hermosura, Jenny Rose B. Mazo, Jason L. Jariol, Pauline Jewel L.

Sumayang at Johnlloyd B. Albinco.

Sa kanilang minamahal na mga magulang na sina Papa Esteve, Mama

Jenneth, Papa Melchor at Mama Marilyn para sa walang sawang pag-unawa,

pagmamahal at pagsuporta upang ito’y mapagtagumpayan.

At higit sa lahat, sa Poong Maykapal na siyang pinag-aalayan ng obrang

ito. Sa pagbibigay ng katatagan ng loob, lakas at talino. Sa walang hanggang

paggabay at pagtitiwala. Muli, maraming salamat!

PCE
KCR
 x

TALAAN NG NILALAMAN

PAHINA NG PAMAGAT i
DAHON NG REKOMENDASYON ii
DAHON NG PAGPAPATIBAY iii
ABSTRAK iv
PAGHAHANDOG vii
PAGKILALA viii
TALAAN NG NILALAMAN ix
LISTAHAN NG MGA TALAHANAYAN xii
LISTAHAN NG MGA GRAPIKONG PRESENTASYON xiii

KABANATA Pahina
I INTRODUKSIYON
Kaligiran ng Pag-aaral 1
Paglalahad ng Layunin 3
Kahalagahan ng Pag-aaral 4
Saklaw at Limitasyon ng Pag-aaral 6

II BATAYANG TEORETIKAL
Mga Kaugnay na Literatura 7
Ang Deaf at ang Kanilang Karapatan 7
Katuturan ng Pagbasa 8
Pag-unawa sa Pagbasa 10
Mga Teorya sa Pagbasa 12
Teoryang “Bottom-Up” 12
Teoryang “Top-Down” 13
Teoryang Interaktib 14
Teoryang Iskema 15
Phil-IRI o Philippine Informal Reading Inventory 16
Deskodipikasyon 17
Ang Pagbasa ng mga Deaf 18
Mga Kaugnay na Pag-aaral 19
 xi

Paglalahat 21
Teoretikal na Balangkas 23
Konseptuwal na Balangkas ng Pag-aaral 24
Pagpapakahulugan sa mga Terminolohiya 26

III METODOLOHIYA
Disenyo ng Pananaliksik 29
Lokalidad ng Pananaliksik 29
Mga Kalahok ng Pag-aaral 30
Instrumentasyon 31
Proseso ng Pag-Aaral 31
Estadistikang Ginamit 33

IV PAGSUSURI AT INTERPRETASYON NG MGA DATOS

Resulta at Interpretasyon ng mga Datos 35

V BUOD, KONGKLUSYON AT REKOMENDASYON

Buod 46
Kongklusyon 49
Rekomendasyon 49

TALASANGGUNIAN 50
APENDISE 54
Curriculum Vitae ng mga Mananaliksik 98
 xii

LISTAHAN NG MGA TALAHANAYAN

Talahanayan
Pahina
Bilang
Edad ng mga Mag-aaral na Deaf sa
1 35
Baitang 7, Klaseng Mainstreamed
2 Dahilan ng Deafness 36

Unang Wika ng mga Mag-aaral na Deaf sa

3 37
Baitang 7, Klaseng Mainstreamed
Nauunawaang Wika ng mga Mag-aaral na
4 38
Deaf sa Baitang 7, Klaseng Mainstreamed
Interes ng mga Mag-aaral na Deaf sa
5 39
Baitang 7, Klaseng Mainstreamed
Antas ng Kasanayan sa Pag-unawa Batay
6a sa Philippine Informal Reading Inventory 41
(Phil-IRI)

Antas ng Kasanayan sa Pag-unawa ng

6b mga Mag-aaral na Deaf Batay sa Philippine 42
Informal Reading Inventory (Phil-IRI)

Ugnayan ng Edad at Antas ng Kasanayan

7 43
sa Pag-unawa sa Pagbasa
Ugnayan ng Interes at Antas ng Kasanayan
8 44
sa Pag-unawa sa Pagbasa
 xiii

LISTAHAN NG MGA GRAPIKONG REPRESENTASYON

Pigura Bilang Pahina

Konseptuwal na Paradigma ng Pag-aaral

1 25
Ang Kasanayan sa Pag-Unawa sa
Pagbasa ng mga Mag-Aaral na Deaf sa
Klaseng Mainstreamed
 1

KABANATA I
INTRODUKSIYON

Kaligiran ng Pag-aaral

Sadyang napakahalaga sa buhay ng tao ang pagbabasa, bahagi na ito ng

kanilang pamumuhay. Dito nakakukuha ang mga tao ng impormasyon,

karunungan, kasagutan sa mga katanungan at maging kasiyahan o libangan.

Nakatutulong ito sa pagpapaunlad ng kakayahan at nagiging susi rin upang

magtagumpay ang isang tao. Ang pagbabasa ay maihahalintulad sa pagtatanim.

Tila mga buto ang mga libro at mga akdang babasahin na kung pangangalagaan

ay magkakaroon din ng magandang bunga kapag lumaon. Ang pagbabasa ay

isang gawaing nangangailangan ng paggamit ng kognitibong proseso upang

maunawaan ang mensaheng nais ipabatid ng teksto at manunulat. Ayon kay

Aranda (2006), ang pagbabasa ay nangangailangan ng mabuting pandinig,

paningin, pagbigkas at pag-unawa sa mga salita, parirala at pangungusap. Hindi

magiging ganap ang pagbasa kung wala ang mga nasabing mga

pangangailangan. Samakatuwid, hindi lang basta tinitingnan ang mga letra o

salita bagkus, inaalam at pinapakinggan din dapat kung tama, angkop at

naaayon ba ang mga salita bago bigkasin at maunawaan ang isang babasahin.

Kabilang sa nabanggit ni Aranda (2006) ang pandinig at ang pagbigkas

bilang dalawa sa mga pangangailangan na nabanggit sa pagbasa. Bunga nito,

naisip ng mga mananaliksik ang kalagayan ng mga Deaf na hindi nakaririnig at

halos lahat sa kanila ay hindi rin nakabibigkas ng mga salita. Ang Deaf ay mga

taong may kahinaan sa pandinig o mga walang kakayahan na makarinig.

 2

Ginagamit ang terminong Deaf na may malaking titik ‘D’ sa halip na ibang

katawagan sapagkat ito ang pinili ng mga taong kabilang sa komunidad na ito na

itawag sa kanila. Hindi lamang ito tumutukoy sa mga taong hindi nakaririnig o

hindi gaanong nakaririnig bagkus, ito ay tumutukoy rin sa isang kultura at

komunidad. Bukod sa terminong ito, mayroon pang tinatawag na Hard-of-

Hearing. Ito ang mga taong nabubuhay sa pagitan ng mundo ng Deaf at

nakaririnig dahil may kakayahan pa rin silang kumilala ng mga tunog at

makarinig ngunit hindi nga lang ganoon kalinaw tulad sa iba pang tao. Sila ay

bahagi rin ng komunidad ng Deaf. Tulad ng mga nakaririnig, ang mga Deaf at

Hard-of-Hearing ay nakagagawa pa rin ng kanilang pang-araw-araw na

pamumuhay at mayroon ding mga karapatan na nararapat matugunan.

Lingid sa kaalaman ng lahat na karamihan sa mga Deaf na bagaman

nasa pampublikong paaralan katulad ng Manila High School, ay wikang Ingles

ang unang wikang kanilang natututuhan at hindi Filipino. Bukod pa rito, isa pa sa

maaaring dahilan ay ang pagkakaiba ng sintaks ng kanilang wikang senyas kung

ihahambing sa wika ng mga nakaririnig. Dahil sa mga ito, nagiging suliranin ng

mga Deaf ang pag-unawa sa mga babasahing Filipino. Kabilang sa suliranin na

ito ay ang kanilang pag-unawa sa mga panuto at tuntunin sa paaralan pati ang

pag-unawa sa mga nakalimbag na mga salita na bahagi sana ng pagsasaayos

ng kanilang accessibility. Ilan lamang sa bahagi ng Deaf Accessibility ay ang

mga karatula para sa kanilang impormasyon at kaligtasan, at closed captioning

sa telebisyon at iba pang media patungo sa kanilang mas mainam na

pagkaunawa. Ngunit, hindi ito ganap na maisasaayos kung hindi naman talaga
 3

ito nauunawaan ng mga Deaf at ito ay dahil na rin sa kanilang suliranin sa pag-

unawa sa pagbasa sa Filipino.

Ang kasanayan sa pag-unawa sa pagbasa sa Filipino ay hindi lamang

kasanayan ng mag-aaral na nakaririnig bagkus, naniniwala rin ang mga

mananaliksik na ang mga Deaf ay may kasanayan na nabanggit kaya ang pag-

aaral na ito ay nakatuon sa kasanayan sa pag-unawa sa pagbasa. Ang pag-aaral

na ito ay ginawa hindi lamang upang tukuyin ang kasanayan ng mga Deaf sa

pag-unawa sa pagbasa kung hindi, maging isang daan din upang matulungan

ang mga mag-aaral na Deaf na mapaunlad at malinang pa ang kasanayan na

mayroon sila.

Paglalahad ng Layunin

Pangkalahatang layon ng pag-aaral na ito na tukuyin ang antas

kasanayan sa pag-unawa sa pagbasa ng mga mag-aaral na Deaf. Upang

matamo ang layon, sasagutin sa pag-aaral na ito ang sumusunod na

katanungan:

1. Ano ang demographic profile ng mga kalahok sa pag-aaral?

1.1. Edad

1.2. Dahilan ng Deafness

1.3. Unang Wika

1.4. Wikang Nauunawaan

1.5. Interes
 4

2. Ano ang antas ng kasanayan sa pag-unawa sa pagbasa ng mga mag-

aaral na Deaf?

3. May makabuluhan bang ugnayan ang mga salik na pinagmumulan ng

kalagayan ng mga Deaf sa kasanayan sa pag-unawa sa pagbasa?

4. Anong pantulong na kagamitan sa pagtuturo ang maaaring mabuo upang

malinang ang kasanayan sa pag-unawa sa pagbasa ng mga Deaf?

Kahalagahan ng Pag-aaral

Ang pananaliksik na ito ay binuo hindi lamang para sa kapakinabangan ng

iilan bagkus, ito ay para sa nakararami. Minimithi ng mga mananaliksik na

matulungan ang mga mag-aaral na Deaf na mapaunlad pa ang kasanayan nila

sa pag-unawa sa pagbasa sa tulong ng iba't ibang tao na bahagi ng kanilang

lipunang ginagalawan.

Mag-aaral. Magiging makabuluhan ang pag-aaral na ito kapwa sa mga

mag-aaral na Deaf at mga mag-aaral na nakaririnig upang mabuksan ang isipan

nila sa tunay na kalagayan ng mga kaklase nilang Deaf at makatulong sila sa

kapwa nila estudyante. Para naman sa mga mag-aaral na Deaf, malalaman nila

kung ano ang kasanayan nila sa pag-unawa sa pagbasa at kung paano nila mas

mapapaunlad ang kasanayang iyon.

Magulang. Malaki ang maitutulong ng pag-aaral na ito para sa mga

magulang higit lalo sa mga may anak na Deaf. Dito nila malalaman kung ano ba

ang kasanayan sa pag-unawa sa pagbasa ng kanilang anak. Sa ganoong paraan

 5

ay mamumulat ang kanilang isipan na nangangailangan ng paggabay ang

kanilang mga anak upang mas mahasa pa ang kasanayang iyon.

Guro. Makatutulong ang pag-aaral na ito sa mga guro sa Filipino upang

mas mabigyan nila ng pansin ang ganitong klase ng suliranin ng mga mag-aaral

na Deaf at kanilang malaman ang mga nararapat na maging hakbang na

makatutulong sa pagpapaunlad ng kasanayan sa pag-unawa sa pagbasa ng

mga mag-aaral.

Guro ng mga Deaf. Makatutulong ang pag-aaral na ito sa mga guro ng

Deaf upang sila ay makalikha ng mga materyal na tutugon sa pangangailangan

ng kanilang mag-aaral. Makabubuo at makapagsasagawa rin ng iba't ibang

estratehiya sa paglinang ng kasanayan sa pag-unawa sa pagbasa ng kanilang

mga mag-aaral.

Komunidad ng Deaf. Magsisilbing gabay ang pag-aaral na ito sa lahat ng

taong bahagi ng komunidad ng Deaf. Dito nila malalaman kung ano ang antas ng

kasanayan sa pag-unawa sa pagbasa ng kanilang komunidad. Sa ganoong

paraan, matutulungan nila ang mga Deaf at Hard-of-Hearing upang mahasa pa

ang nasabing kasanayan.

Administrador ng Paaralan/Pamantasan. Magsisilbi ring gabay ang

pag-aaral na ito upang mapagbuti pa ang programa at kurikulum sa mga

paaralan at pamantasan para sa paglinang sa kasanayan sa pag-unawa sa

pagbasa ng mga mag-aaral na Deaf. Makatutulong din ito upang matugunan ng

 6

mga administrador ang pangangailangan ng mga mag-aaral at guro sa

prosesong pagtuturo at pagkatuto ukol sa pag-unawa sa pagbasa.

Iba pang Mananaliksik. Magsisilbing instrumento, gabay, at batayan ang

pag-aaral na ito para sa mga mananaliksik sa hinaharap. Ang magiging resulta

ng pag-aaral na ito ay malaking tulong sa mga mananaliksik na magsasagawa

rin ng ganitong uri ng pag aaral.

Saklaw at Limitasyon ng Pag-aaral

Ang pag-aaral na ito ay sumasaklaw lamang sa pagtukoy sa antas ng

kasanayan sa pag-unawa sa pagbasa ng mga mag-aaral na Deaf sa klaseng

mainstreamed ng Manila High School. Tinatayang mayroon lamang isang

seksiyon ng klaseng mainstreamed sa bawat baitang ng nasabing paaralan. At

sa kada seksiyon ay mayroon lamang halos 1/3 na bahagdang populasyon ang

mga Deaf sa nabanggit na klase. Dahil sa maliit na populasyon ng mga mag-

aaral na Deaf, kinuha lamang ng mga mananaliksik ang populasyon ng mga

Deaf sa klaseng mainstreamed, Baitang Pito (7) ng Manila High School.

Ang instrumentong ginamit ng mga mananaliksik sa pagtukoy sa antas

kasanayan sa pag-unawa sa pagbasa ng mga mag-aaral na Deaf ay checklist,

obserbasyon at pagsusulit na kinuha sa Phil-IRI o Philippine Informal Reading

Inventory na binuo ng Kagawaran ng Edukasyon na naglalayong sumukat ng

kasanayan sa pag-unawa sa pagbasa ng mga mag-aaral upang maiangkop ang

mga estratehiyang gagamitin sa kanilang nibel o baitang.

 7

KABANATA II

BATAYANG TEORETIKAL

Mga Kaugnay na Literatura

Ang Deaf at ang Kanilang Karapatan

Ayon sa Artikulo 1 ng Universal Declaration of Human Rights (1948), “Ang

lahat ng tao ay isinilang na malaya at pantay-pantay sa karangalan at mga

karapatan. Sila ay pinagkalooban ng katuwiran at budhi at dapat magpalagayan

ang isa't isa sa diwa ng pagkakapatiran.” Nakaririnig man o hindi, batid ng lahat

na nararapat makamtan ng kahit na sino ang kaniyang karapatan at kasama na

rito ang karapatan sa pagkakaroon ng edukasyon.

Sa Convention on the Rights of Person with Disabilities ng UN, sinasabi

sa Artikulo 24 na “Nararapat na siguraduhin ng estado na ang Persons with

Disabilities ay magkaroon ng general tertiary education, vocation training, adult

education at lifelong learning nang walang diskriminasyon at may pantay na

pagtingin...” Bukod sa mga batas na ito, mayroon ding nalikhang R.A. 9442 o

ang Magna Carta for Disabled Persons na nagbibigay ng pribilehiyo at kumikilala

rin sa karapatan ng PWD sa Pilipinas.

Kung pagbabatayan naman ang 1987 Konstitusyon ng Pilipinas, sa

Artikulo XIV Seksiyon 1 sinasabi na “Dapat pangalagaan at itaguyod ng Estado

ang karapatan ng lahat ng mga mamamayan sa mahusay na edukasyon sa lahat

ng antas at dapat magsagawa ng angkop na mga hakbang upang matamo ng

 8

lahat ang gayong edukasyon.” At sa Seksiyon 2 (5) na, “Mag-ukol sa mga

mamamayang may sapat na gulang, may kapansanan, at kabataang nasa labas

ng paaralan ng pagsasanay sa sibika, kahusayang bokasyonal at iba pang mga

kasanayan.”

Katuturan ng Pagbasa

Ayon nga sa 1987 Konstitusyon ng Pilipinas, sa Artikulo XIV Seksiyon 2

na dapat mag-ukol ang pamahalaan sa lahat ng mamamayan ng bansa ng

pagsasanay sa lahat ng aspekto ng kasanayan. At isa ang kasanayan sa

pagbasa na dapat pagtuuonan ng pansin. Ang pagbasa ay kabilang sa apat na

makrong kasanayan sa Filipino. Tinatayang 16 na bahagdan ng oras ng tao ay

ginugugol sa kanilang pagbabasa. Hindi maipagkakaila na malaking bahagi na

ng buhay ng tao ang pagbabasa. Saan mang dako ng mundo ay nadadala ng tao

ang pagbabasa. Ito ay nagbibigay ng impormasyon, nagdaragdag ng kaalaman,

nagpapalawak ng imahinasyon at naghahatid ng kasiyahan o nanlilibang.

Ayon kay Sauco (2009), ang pagbasa ay pagbibigay-kahulugan sa mga

titik at salita na nakasulat sa bawat pahina. Katulad ng pakikinig, ito rin ay paraan

ng pagtanggap ng mensahe. Sinasabi rin niya na sa pamamagitan ng

pagbabasa ay nagkakaroon ng kasagutan ang maraming katanungang nasa isip

ng tao.

Sa aklat naman nina Aguilar, Lingat at Morales (2014), ang pagbasa ay

pagkuha ng ideya o kaisipan sa mga nakalimbag na simbolo. Dagdag pa nila,

ang pagbasa ay wala sa bagal o bilis ng mata. Ito ay nasa pag-intindi sa nais
 9

ipabatid ng teksto, maging panlibangan man o pangkaalaman. Malaking papel

ang ginagampanan ng pagbasa sa buhay ng tao. Ito ay isang mahalagang

instrumento sa paglinang at paghasa ng talinong nagsisilbing puhunan upang

umunlad at magtagumpay sa buhay (Aguilar et al., 1999).

Ang pagbasa ay nagpapaunlad ng kaalaman at pinapalalim nito ang pang-

unawa ng isang tao.Kailangang pinag-uukulan ito ng mahabang panahon dahil

mahalaga ito upang matamo ang karunungan (Marquez et al., 2008). Ibig

sabihin, dapat tinututukan ang mga bata pagdating sa pagbasa dahil mahalaga

ang papel nito sa araw-araw nilang buhay.

Sa kabilang banda, sinasabing ang pagbasa ay isang proseso ng

pagkuha at pag-unawa ng impormasyon, ideya o kaisipan sa kahit anong uri ng

babasahin. Sa unang taon pa lamang ng pag-aaral ng isang bata ay pagbasa

ang pinakamahalagang kasanayan na dapat niyang matamo dahil dito

nakasalalay ang tagumpay niya sa hinaharap (Atanacio et al., 2009).

Ayon kay Goodman (1967), ang pagbasa ay isang psycholinguistic

guessing game o ang pagbubuo ng sariling pagpapakahulugan ng mambabasa

batay sa teksto. Dagdag pa ni Badayos batay sa kaisipan ni Coady (1979), na

malaking tulong ang dating kaalaman para sa lubusang pag-unawa ng akda dahil

maiuugnay ng tao ang kaniyang kaalaman at makabubuo siya ng konsepto

kaugnay ng kaniyang binasa.

Ayon kay Pangga (2002, na kay Gamuyao, 2010) ang pagbabasa ay

nahahati sa apat na antas at ganito ang kaniyang pagkakahati sa apat:

 10

“1. Malayang Antas ng Pagbasa – ito ang pinakamataas na antas

sa pagbabasa. Ang nag-aaral ay madali at maginhawang nakababasa

nang halos walang mali sa pagkilala sa pag-unawa nito.

2. Instruksiyonal na Antas ng Pagbasa – sa antas na ito, ang mag-

aaral ay nakababasa ng mga mapanghamong babasahin nang buong

tagumpay.

3. Kabiguang Antas – sa antas na ito, ang mag-aaral ay

nagpapakita ng kabiguang makabasa nang matagumpay.

4. Walang Kahandaan sa Antas ng Pagbasa – sa antas na ito, ang

mga mag-aaral ay nagpapakita ng kabiguang makabasa nang

matagumpay.”

Ang mga antas na ito ay isang klasipikasyon ng kakayahan ng mga mag-

aaral sa pagbasa. Ito ay makatutulong upang malaman ang pangangailangan ng

mga mag-aaral sa nasabing kasanayan.

Pag-unawa sa Pagbasa

Ang pag-unawa sa pagbasa ay isa sa pinakamalaking hamon para sa

mga mag-aaral higit lalo sa mga mag-aaral na Deaf. Ang pag-unawa sa pagbasa

ay iba sa pagbasa lang, dito maraming bagay ang kailangang isaalang-alang

dahil hindi lang dapat basta bumabasa ang isang tao bagkus, inaalam niya rin

kung ano talaga ang gustong iparating na mensahe ng isang teksto o babasahin.
 11

Ayon kay Aranda (2006), upang lubusang maunawaan ang isang teksto o

babasahin ay nangangailangan ito ng mabuting pandinig, paningin, pagbigkas at

pag-unawa sa mga salita, parirala at pangungusap. Samakatuwid, hindi lang

basta tinitingnan ang mga letra o salita bagkus, inaalam at pinapakinggan din

dapat kung tama, angkop at naaayon ba ang mga salita bago bigkasin at

maunawaan.

Ayon kay Atanacio (2009), sa pagbasa ng anomang babasahin ay

kailangang suriin at tingnan muna ang mga titik, simbolo o wika upang lubusang

maunawaan ito. Ibig sabihin, dapat na may kaalaman ang tao sa wika o mga

simbolo bago niya mabasa at maunawaan ang isang babasahin.

Ayon naman kay Badayos (1999), ang pag-unawa o komprehensiyon ay

isang masalimuot na prosesong pangkaisipan. Ito ay ang pagbuo ng kahulugan

batay sa binabasang teksto. Sinabi niya rin na ginagamit ng tao ang kaniyang

dating kaalaman at karanasan upang lubusang maunawaan ang isang

babasahin.

Ayon kay Smith (1969), may apat na antas ng kasanayan sa pag-unawa

sa pagbasa. Una, ang pag-unawang literal, ito ay ang pag-alaala lamang sa mga

impormasyon o ideya na tuwirang nakalahad sa babasahin at sinasabing ito ang

isa sa pinakagamiting tanong sa mga pagsusulit dahil madali at literal na

nakalagay sa teksto ang mga sagot sa mga tanong. Ang pangalawa ay ang

interpretasyon, ito ay ang pagbibigay-hinuha ng mga mag-aaral sa tekstong

kaniyang binabasa. Ang sagot sa tanong ay hindi tuwirang nakalahad sa teksto,

 12

nagbibibigay lamang ng mga pahiwatig. Ang sumunod ay ang mapanuring

pagbasa, ito ay nangangailangan ng mataas na antas ng pag-iisip, hindi tulad ng

mga naunang kategorya. Dito inaalam ng mga mag-aaral kung ano ang tama o

angkop sa hindi. Natututo silang magtimbang-timbang ng mga impormasyon. At

ang huli ay ang malikhaing pagbasa, ito ang pinakamataas sa lahat na

nangangailangan ng pinakamataas na antas ng pag-iisip. Dito bubuo ng bagong

ideya ang mambabasa kapalit ng nakasaad sa teksto. (Bender, 1996)

Mga Teorya sa Pagbasa

Maraming mga paniniwala o pananaw ang nabuo kaugnay sa pagbasa.

Narito ang ilan sa mga teoryang kadalasang nababanggit sa mga aklat.

Teoryang “Bottom-Up”

Ayon sa aklat ni Badayos (1999), pinaniniwalaan sa teoryang ito na bago

matuto ang isang bata sa pagbasa ay kailangang matutuhan niya muna ang

pagkilala sa titik tungo sa salita, parirala hanggang sa pangungusap. Sinasabi rin

sa teoryang ito na ang proseso ng pag-unawa sa pagbasa ay nagsisimula sa

teksto (bottom) patungo sa tagabasa (up). Samakatuwid, upang lubusang

maunawaan ang isang babasahin o teksto ay kailangan munang alamin at

matutuhan ang mga nakalagay rito tulad ng mga salita, parirala, pangungusap,

dayagram at iba pang simbolo. Kaya ang teksto ang tinuturing na

pinakamahalagang instrumento sa pagbasa ayon sa pananaw na ito.

 13

Ayon naman kay McCarthy (1999), tinatawag din ang teoryang ito na

outside-in o data-driven dahil ang mga impormasyon sa pag-unawa ay hindi

nanggagaling sa mambabasa kung hindi sa mismong teksto.

Ayon naman kina King at Quigley (1985, na kay McAnally et al., 1999),

ang teoryang ito ay nakatuon sa pagsasatunog at pagbibigay ng kahulugan sa

mga salita.

Teoryang “Top-Down”

Ayon kay Badayos (1999), pinaniniwalaan sa teoryang ito na ang proseso

ng pag-unawa sa pagbasa ay nagsisimula sa isip ng tagabasa (top) tungo sa

teksto (down) at binibigyang-diin din ng paniniwalang ito na ang pagbasa ay

nagsisimula sa isip ng mambabasa at iniuugnay niya ang dati niyang kaalaman

upang mas maunawaan at mabigyang kahulugan ang anomang babasahin o

teksto.

Ayon kina Smith (1988) at Goodman (1970), na sa pagbuo ng kahulugan

o pagbibigay ng mensahe sa teksto ay kailangang gumamit lamang ng kaunting

oras at panahon sa pagpili ng mga makabuluhang hudyat o kung tawagin ay

cues para masabing mahusay na tagabasa ang isang tao. (na kay McAnaly et

al., 1999)

Sa aklat pa rin ni Badayos (1999), pinaniniwalaan sa pananaw na ito na

taglay ng mambabasa ang mga kaalamang semantika o pagbibigay ng

kahulugan sa mga salita at pangungusap, sintaktika o kaalaman sa estruktura,

kayarian at pagkakaayos ng wika at Grapo-phonic o kaalaman tungkol sa

 14

ugnayan ng mga letra (grapema) at mga tunog (ponema) ng wika. Ang nasabing

mga kaalaman ay bahagi na ng dating kaalaman ng tao.

Ayon naman kay Smith (1988, na kay Bosma & Blok, 1992), ang teoryang

ito ay tinatawag ding inside-out o conceptually-driven.Ibig sabihin ito ay

nagsisimula sa mambabasa patungo sa teksto at ang mga mababasa ay

nakabubuo ng mga hinuha at palagay na naiuugnay nila sa tekstong kanilang

binabasa batay sa kaniyang mga dating karanasan at kaalaman.

Teoryang Interaktib

Sa paglipas ng panahon ay may bagong teorya sa pagbasa ang

umusbong – ang teoryang interaktib na naniniwalang mas angkop ang

kombinasyong “Top-Down” at “Bottom-Up” dahil dalawa raw ang proseso ng

pag-unawa sa pagbasa: ibaba-pataas at itaas-pababa (Badayos, 1999).

Ipinaliwanag ni Badayos (1999) sa kaniyang aklat na “Ang Pagtuturo ng

Pagbasa” ang kontribusyon ng teoryang interaktib sa pagtuturo ng pagbabasa.

Ang pagpapaliwanag niya ay ang sumusunod:

“Isang malaking kontribusyon ng teoryang interaktib sa pagtuturo

ng pagbasa ay ang pagbibigay-diin nito sa pag-unawa bilang isang

proseso at hindi isang produkto.Sa loob ng mahabang panahon, tinatanaw

natin ang komprehensiyon bilang isang produkto. Higit nating binibigyang-

pansin kung ang sagot ng mga mag-aaral sa mga tanong sa pag-unawa

(comprehension questions) ay tama o mali. Sa kasalukuyan, dahil ang

pag-unawa ay tinatanaw bilang isang proseso, ang tuon sa pagsusuri ng

 15

mga sagot sa pag-unawa ay ang proseso. Kailangang alamin ng guro

kung paano nabuo ng mga mag-aaral ang kanilang mga kasagutan sa

mga tanong, tama man ito o mali. Sa pamamagitan ng interaktibong

prosesong ito, malalaman ng guro kung paano niya matutulungan ang

mambabasa upang lubos niyang maunawaan ang teksto. Pumapasok na

rin ito sa larangan ng metakognisyon.”

Samakatuwid, binibigyang-diin ng teoryang ito ang tuloy-tuloy na daloy

kung pag-uusapan ang pag-unawa. Kung ituturing kasi itong isang produkto,

nangangahulugan lamang na may hangganan ang konseptong ito.

Teoryang Iskema

Ayon kina Barlett at Rumelhart (1932, 1980, na kay Badayos, 1999)

malaki ang ginagampanan ng dating kaalaman sa pag-unawa sa pagbasa. Ang

dating kaalaman ay tinatawag na sanligang kaalaman o background knowledge

at iskemata naman ang tawag sa kayariang balangkas ng dating kaalaman.

Iskema ang ginagamit na salita ng mga siyentipiko upang ilarawan kung paano

isinasaayos ng mga tao ang kanilang mga dating karanasan at kaalaman

(McAnally et al., 1999). Dagdag pa nina McAnally et al. (1999), ang nilalaman ng

utak ng tao ay nakaayos sa paraang pansemantika. Ibig sabihin, may iba’t ibang

kahulugan at nilalaman. Sinasabi ring ang memorya ng tao ay tulad ng isang

Thesaurus at hindi tulad ng isang diksiyonaryo. Kung ikokompara, ang

Thesaurus ay naglalaman ng mga kasingkahulugan at kasalungat ng mga salita

samantalang ang diksiyonaryo ay naglalaman ng kahulugan ng mga salita.

 16

Deskodipikasyon

Ang deskodipikasyon o decoding ay tumutukoy sa pagsasatunog at

pagkuha ng kahulugan ng mga salita mula sa mga nakalimbag na letra o

simbolo. Isa itong mahalagang proseso ng pagbasa (McAnally, Rose at Quigley,

1999). Ayon kay Gough (1984, na kay McAnally et al., 1999) ang pagkilala sa

mga salita ay isang saligan sa proseso ng pagbasa. Dagdag pa nina McAnally et

al. (1999), ang kakayahan sa pagkilala sa mga salita ay isang pangunahing

pangangailangan sa pag-unawa sa pagbasa.

Sa aklat ni Tankersley (2003), ang pangunahin sa pagtuturo ng pagbasa

ay ang kamalayang pamponetika. Ito ay ang kakayahang makarinig,

mapagsama-sama ang mga ponema at mamanipula ang mga ito. Ang ponema

ay ang pinakamaliit na yunit ng tunog at ng isang wika. Ikalawa rito ay ang

ponetika at deskodipikasyon.Ang ponetika o palabigkasan ay ang kakayahang

makilala ang pagkakaugnay-ugnay ng mga tunog at ang mga titik ng isang wika.

Samantalang ang deskodipikasyon ay tumutukoy sa pagbibigay ng kahulugan sa

mga salita at pangungusap. Ayon kay Allington (2001, na kay Tankersley, 2003),

ang mga mag-aaral ay nararapat na higit na makilahok sa aktuwal na pagbasa

kaysa sa pakikilahok lang sa mga talakayan kaugnay sa konsepto ng pagbasa.

Ang kakayahan sa deskodipikasyon ay isang kakayahan na hindi kaagad

nalilinang ng mga batang nagsisimula pa lang bumasa. Kung kaya, ang

kakayahang ito ay binibigyan ng pokus at nililinang (McAnally et al., 1999).

 17

Ang Pagbasa ng mga Deaf

Ang pagbasa ay isang kasanayan na nililinang ng mga Deaf tulad ng mga

nakaririnig. Ngunit para sa kanila, ito ay isang hamon sapagkat ang sintaks ng

kanilang wika ay iba sa wikang pasulat. Tulad halimbawa sa Filipino, mayroong

karaniwan at hindi karaniwang ayos ng pangungusap, samantalang ang wikang

senyas ay walang ganitong konsepto sa pangungusap dahil ito ay isang wikang

biswal at hindi wikang pasulat. Mas mahalaga ang konteksto ng ideya kaysa sa

porma kung pag-uusapan ang wikang senyas, tulad ng Filipino Sign Language.

Ang mga pang-angkop ay bihira ding makikita sa estruktura ng wika ng mga

Deaf.

Ayon kay Anderson at Freebody (1985); Paul at O’Rourke (1988) (na kay

McAnally et al., 1999), higit na limitado ang bokabularyo ng mga mag-aaral na

Deaf kompara sa mga nakaririnig. Dahil dito, ang pag-unawa sa pagbasa ay

isang hamon na nararapat matugunan at masolusyonan.

Binanggit nina McAnally et al., (1999) na ang mga Deaf ay may mga

karanasang katulad sa mga nakaririnig ngunit hindi lamang nila naiuugnay ang

mga karanasang ito sa isang wika. Nangyayari ito dahil na rin sa kakulangan ng

komunikasyon sa kanilang pamilya lalo na kung wikang pasalita ang ginagamit

ng ibang miyembro ng pamilya. Dagdag nila, kung hindi maiuugnay ng mga Deaf

ang kanilang karanasan sa wika, maaapektuhan din nito ang koneksiyon ng

kanilang mga karanasan sa nakalimbag na mga salita. Nabanggit din na mas

mahusay ang mga taong gumagamit ng speech codes o iyong mga ginagamit ng
 18

mga nakaririnig na wikang pasalita kung ikokompara sa mga taong gumagamit

ng non-speech codes tulad ng wikang senyas na ginagamit naman ng Deaf. Sa

kabilang banda, ang ganitong mga suliranin ay bihirang nararanasan ng mga

nakaririnig. Isa sa mga dahilan ay ang kanilang malawak na bokabularyo.

Bilang mga guro at administrador, ang mga nasa larangan ng edukasyon

ay nararapat na ipagpatuloy ang paghahanap sa mga dulog na gagamitin sa

paglinang sa pagbasa na aangkop sa kasanayan ng mga mag-aaral na Deaf at

Hard-of-Hearing (McAnally et al., 1999).

Phil-IRI o Philippine Informal Reading Inventory

Tunay ngang napakalaking hamon ang pag-unawa sa pagbasa higit lalo

sa mga mag-aaral na Deaf kaya ang Kagawaran ng Edukasyon ay bumuo ng

isang manual na kung tawagin ay Phil-IRI. Ang Phil-IRI o Philippine Informal

Reading Inventory ay binuo ng Kagawaran ng Edukasyon na naglalayong

maturuan ang mga estudyante na umunawa at bumasa nang tama ayon sa

kanilang nibel o baitang. Ito ay binubuo ng mga maiikling seleksiyon na

nakasulat sa Filipino na may kaakibat na mga katanungan. Ginawa ito upang

masukat ang pag-unawa sa pagbasa ng mga mag-aaral, gayon din kung tama

ba ang kanilang pagbigkas sa mga salita at kung ano na ba ang kanilang nibel

sa pagbasa. (Pado et al., 2018)

Tinataya ng Phil-IRI ang tatlong antas – Independent, Instructional at

Frustration Level. Ayon kay Flippo (2014), masasabing ang isang indibidwal ay

nasa Independent Reading Level kung malaya na silang nakapagsasarili sa

 19

pagbasa na halos walang mali sa oral reading at mahusay ang pag-unawa sa

binasa. Ang isang indibidwal naman daw ay nasa Instructional Reading Level

kung sila ay natututo mula sa kanilang mga guro pagdating sa pagbasa.

Pagdating naman sa Frustration Reading Level, ang isang indibidwal ay

nahihirapang magbasa ng mga babasahin at nahihirapang maunawaan ang mga

materyal sa pagbasa.

Ang ganitong uri ng manual ay malaking tulong hindi lamang para sa mga

estudyante na matututong umunawa sa pagbasa at bumigkas nang tama

bagkus, malaking tulong din ito sa mga guro upang malaman nila ang

pangangailangan ng kanilang mga estudyante at makabuo ng kagamitang

pampagtuturo na makakatulong sa pagpapaunlad ng kasanayang mayroon ang

kanilang mga mag-aaral.

Mga Kaugnay na Pag-aaral

Isang pag-aaral nina Baldonado, Cayetano, Rodil, Sangines at Sumang

(1995), ang tumukoy kung may makabuluhang pagkakaiba ba ang mga Deaf at

mga nakaririnig pagdating sa kanilang performans sa paaralan. Tatlumpu't isang

mag-aaral na Deaf at tatlumpu't isang mag-aaral na nakaririnig ng klaseng

mainstreamed ng Manila High School ang naging kalahok sa nasabing pag-

aaral. Gumamit ang mga mananaliksik ng checklist, pagsusulit at obserbasyon

ng klase bilang suporta sa pag-aaral. Ginamit nila ang two-tailed test sa pagkuha

ng mean score ng mga mag-aaral. Napatunayan ng kanilang pag-aaral na

walang makabuluhang pagkakaiba ang mga mag-aaral na Deaf at nakaririnig

 20

pagdating sa performans nila sa paaralan. Sinabi rin sa kanilang pag-aaral na

anomang bagay na ginagawa ng mga nakaririnig ay kaya ring gawin ng mga

Deaf. Kailangan lamang ng gabay at suporta ng kanilang guro. Malaki rin ang

naging tulong ng mainstreamed na klase dahil mas nagkakaroon ng kumpiyansa

sa sarili ang mga Deaf na magawa rin ang mga nagagawa ng iba. (Baldonado et

al., 1995)

Isa pang pag-aaral ni Tabuena (1977) ang sumukat sa performans sa

pagbasa ng mga Deaf. Mula sa siyamnapu’t siyam na mag-aaral sa baitang lima

at anim ay pumili ng limampu’t dalawang mag-aaral na magiging kalahok sa pag-

aaral. Napili ang limampu’t dalawang mag-aaral matapos ang audiometric tests,

speechreading tests at pagkatapos masuri ang Form 137-B ng siyamnapu’t

siyam na mag-aaral. Tinukoy ang performans sa pagbasa ng mga mag-aaral

gamit ang Formal, Survey D ng Gates – MacGinitie Reading Test. Ang sarbey na

ito ay para sa mga nasa baitang apat hanggang anim at ito ay may tatlong uri –

Speed and Accuracy, Vocabulary at Comprehension ngunit ang pagsukat sa

bokabularyo at pag-unawa lamang ang ginamit sa pag-aaral. Ang naging resulta

ng pag-aaral ni Tabuena ay nagsasabing mas nakahihigit ang mga nakaririnig

kung ikokompara sa Deaf pagdating sa bokabularyo at pag-unawa. Ilan sa

iminungkahi ni Tabuena ay ang pagpapasimple sa mga babasahin ng mga

nakaririnig upang magamit ng mga Deaf at ang pagkakaroon pa ng mga pag-

aaral tungkol sa pagbasa ng mga Deaf.

 21

Paglalahat

Ang pag-unawa sa pagbasa sa Filipino ay tunay na malaking hamon para

sa mga mag-aaral na Deaf dahil sa kanilang kalagayan na walang kakayahang

makarinig o may kahinaan sa pandinig sapagkat kabilang nga sa

pangangailangan sa pag-unawa sa anomang teksto o babasahin na nabanggit ni

Aranda (2006), ay ang mabuting pandinig at pagbigkas. Sinasabing hindi

magiging ganap ang pag-unawa sa pagbasa kung wala ang mga nasabing

pangangailangan. Mahalagang matutuhan ng mga Deaf ang pagbasa dahil

magagamit nila ito saan man sila maparoon at ayon nga kay Aguilar (1999),

puhunan ng tao ang talino upang magpatagumpay sa buhay at pagbasa ang

isang intrumento upang mahasa ang talino ng tao.

Maraming teoryang nabanggit ang iba’t ibang aklat ngunit ang pag-aaral

na ito ay nakasalig sa teoryang Iskema na naniniwalang malaki ang

ginagampanan ng dating kaalaman upang maunawaan ang isang teksto. At dahil

nga ang mga Deaf ay walang kakayahang makarinig o may kahinaan sa

pandinig ay kakaunti lamang ang bokabularyong alam nila sa Filipino. Sinasabi

rin sa teoryang ito na pag-unawa sa pagbasa ay hindi basta pagpapatunog

lamang ng mga simbolo o letra bagkus ito ay pag-alam sa kung ano talaga ang

mensaheng nais iparating ng isang akda o teksto. Naniniwala rin ang teoryang

ito na ang mga mambabasa ay may dati nang kaalaman sa pamagat, binabasa

lamang nila ang isang teksto upang malaman kung tama o mali ba ang kanilang

hinuha.
 22

Ang pagbasa ng mga Deaf ay iba sa pagbasa ng mga nakaririnig

sapagkat iba ang unang wikang kanilang natutuhan. Isa pa, Wikang Senyas ang

kanilang ginagamit sa pakikipagtalsatasan o pakikipag-usap. Sa paggamit ng

kanilang wika ay hindi sila gumagamit ng mga pang-angkop dahil nga sa wikang

biswal ito at hindi pasalita o pasulat. Hindi rin mahalaga sa kanila ang ayos o

estruktura ng pangungusap sapagkat ang mas mahalaga sa kanila ay ang

mensahe o ideya na tinatanggap dahil sa kanilang kalagayan.

Tunay ngang napakalaking hamon ang pag-unawa sa pagbasa higit lalo

sa mga mag-aaral na Deaf kaya ang Kagawaran ng Edukasyon ay bumuo ng

isang manual na kung tawagin ay Phil-IRI. Ang Phil-IRI o Philippine Informal

Reading Inventory ay malaking tulong hindi lamang para sa mga estudyante na

matututong umunawa sa pagbasa at bumigkas nang tama bagkus malaking

tulong din ito sa mga guro upang malaman nila ang pangangailangan ng

kanilang mga estudyante at makabuo ng kagamitang pampagtuturo na

makakatulong sa pagpapaunlad ng kasanayang mayroon ang kanilang mga

mag-aaral.

Bunga ng kalagayan ng mga mag-aaral na Deaf ay marami ang

nasagawang pag-aaral. Sinabi sa ilang pag-aaral na malaking tulong ang

paglalagay ng klaseng mainstreamed sa mga pampumblikong pag-aaral dahil

nabibigyan ng pagkakataon ang mga Deaf na makisalamuha sa kapwa nila mag-

aaral at hindi sila napag-iiwanan. Dahil sa klaseng mainstreamed ay

nagkakaroon ng kumpiyansa sa sarili ang mga Deaf na nagagawa rin nila kung

ano ang nagagawa ng mga mag-aaral na nakaririnig.

 23

Teoretikal na Balangkas

Ang pag-aaral na ito ay nakasalig sa Teoryang Iskema nina Barlett (1932)

at Rumelhart (1980) (na kay Badayos, 1999) na naniniwalang malaki ang

ginagampanan ng dating kaalaman sa pag-unawa sa pagbasa. Ang dating

kaalaman ay tinatawag na sanligang kaalaman o background knowledge at

iskemata naman ang tawag sa kayariang balangkas ng dating kaalaman.

Sinasabi rin sa teoryang ito na ang lahat ng mga natutuhan, nalalaman at

nararanasan ay nakalagak na sa isipan ng tao at maayos na nakalahad ayon sa

kategorya (Badayos, 1999).

Ang mga iskema ay patuloy na nadaragdagan, nalilinang, napapaunlad at

nababago (Pearson at Spiro, 1982 na kay Badayos,1999) na naiuugnay ng tao

sa bago niyang karanasan. Pinaniniwalaan din sa teoryang ito na bago pa man

magbasa ang isang tao ng teksto ay may alam na siya sa pamagat pa lang dahil

sa taglay niyang iskema sa paksa. Samakatuwid, babasahin niya lamang ang

teksto upang alamin kung tama ba o mali ang kaniyang hinuha. Ayon kay

Badayos (1999), ang teksto ay isang input lamang sa proseso ng pagbuo ng

kahulugan. Hindi ang teksto ang sentrong iniikutan para maunawaan ito kung

hindi, ang kaisipang nabubuo sa isipan ng mambabasa.

Ayon kay Badayos (1999), ang dating kaalaman ay binubuo ng mga

kaalaman at karanasan na maaaring gamitin bilang pantulong kung sakaling ang

tagabasa ay may kahinaan sa kaalamang sintaktika o impormasyon tungkol sa

wika, pagbuo ng pangungusap at batayang hulwaran. Dagdag pa niya, hindi

 24

sapat na nabibigkas ng isang tao ang mga nakalimbag na salita o simbolo,

kailangang may dati siyang kaalaman upang maunawaan ito. Ang pagbasa ay

pagbibigay ng kahulugan sa nais ipabatid ng teksto at hindi basta lamang

pagpapatunog ng mga salita.

Konseptuwal na Balangkas ng Pag-Aaral

Pinagbatayan ng pananaliksik na ito ang Levels of Reading

Comprehension ni Smith (1969) na sumusukat sa apat na antas ng kasanayan

sa pag-unawa sa pagbasa. Ang mga napiling kalahok sa pag-aaral ay ang mga

mag-aaral na Deaf sa Baitang 7 ng Manila High School sapagkat sila ang mas

mangangailangan pa ng paghahanda at pagsasanay upang makamit ang mga

kinakailangangang kahingian. Ang mga mag-aaral na Deaf ay binigyan ng tig-

iisang sarbey checklist at pagsusulit sa loob ng dalawang araw. Ang pagsusulit

na ito ay may iba’t ibang antas – pag-unawang literal, interpretasyon,

mapanuring pagbasa at aplikasyon na susukat sa kanilang kasanayan sa pag-

unawa sa pagbasa. May inilaang sapat na oras sa ginawang pagsusulit.

Ang mga pagsusulit ay iwinasto at sinuri ng guro. Sa huling bahagi nito ay

inaalam ng mga mananaliksik kung may makabuluhang ugnayan ba ang

demographic profile na maaaring makaapekto sa kalagayan ng mga Deaf sa

kasanayan sa pag-unawa sa pagbasa. Ginamit ang software na StatDisk para sa

estadistika. Mula rito, bumuo ng mga mungkahi ang mga mananaliksik na naging

batayan sa pagbuo ng mga gabay na hakbangin sa pagpapaunlad ng kasanayan

sa pag-unawa sa pagbasa.
 25
Lokalidad ng Pananaliksik:
Manila High School
(Klaseng Mainstreamed)

Mga Kalahok:
Mag-aaral na Deaf sa Baitang 7,
Klaseng Mainstreamed

Mga Hakbang:

Nagbigay ng Checklist ang mga mananaliksik

upang tukuyin ang mga salik na nakakaapekto sa
kanilang kasanayan sa pag-unawa sa pagbasa.

Nagbigay rin ng Pagsusulit ang mga mananaliksik na nakabatay sa

Phil-IRI o Philippine Informal Reading Inventory upang malaman
kung ano ang antas sa kasanayan sa pag-unawa sa pagbasa.

Literal Interpretasyon Mapanuri Aplikasyon

Sinuri at iwinasto ng mga mananaliksik ang mga

checklist at pagsusulit

Lumikha ng booklet na naglalaman ng pantulong kagamitan

sa pagtuturo sa paglinang ng kasanayan sa pag-unawa ng
mga Deaf.

Pigura blg. 1: Konseptuwal na Paradigma ng Pag-aaral

Ang Kasanayan sa Pag-Unawa sa Pagbasa ng mga Mag-Aaral na Deaf sa
Klaseng Mainstreamed
 26

PAGPAPAKAHULUGAN SA MGA TERMINOLOHIYA

Ang sumusunod na mga salita ay ginamit ng mga mananaliksik sa pag-

aaral na ito. Ang pagpapakahulugan ng mga ito ay ibinatay sa kung paano ito

nagamit upang mas maunawaan at maintindihan ang isinagawang pag-aaral.

Deaf Accessibility. Ang Deaf Accessibility ay tumutukoy sa mga paraan at

hakbang upang makapamuhay nang maayos at mapadali ang komunikasyon ng

mga Deaf sa tulong ng iba’t ibang pamamaraan kabilang dito ang pagkakaroon

ng Sign Language Interpreter at pagkakaroon ng Closed Captioning sa

telebisyon.

Deskodipikasyon. Ang deskodipikasyon ay tumutukoy sa pagsasatunog at

pagkuha ng kahulugan ng mga salita mula sa mga nakalimbag na letra o

simbolo.

Filipino Sign Language. Ang Filipino Sign Language ay isang halimbawa ng

wikang senyas na ginagamit at isinusulong bilang wikang pambansang senyas

ng Deaf sa Pilipinas.

Grapema. Ang grapema ay tumutukoy sa impormasyon tungkol sa ugnayan ng

mga letra (Badayos, 1999). Ito ay maaaring tumukoy sa isang letra o bantas sa

isang sistema ng pagsulat.

Grapo-phonic. Ang grapo-phonic ay tumutukoy sa impormasyon tungkol sa

ugnayan ng mga letra (grapema) at mga tunog (ponema). Kasama rito ang

pagbabaybay na naghuhudyat ng kahulugan.

 27

Hard-of-Hearing. Ang Hard-of-Hearing ay mga taong may kakayahan pang

kumilala ng mga tunog, makapagsalita at makarinig ngunit hindi nga lang ganoon

kalinaw tulad sa ibang tao.

Iskema. Ang iskema ay tumutukoy sa mga dating kaalaman o karanasan ng tao.

Lahat ng mga dati nang nauunawaan, nalalaman at naranasan ng isang tao ay

tinatawag na iskema.

Kamalayang Pamponetika. Ang kamalayang pamponetika ay ang kakayahang

makarinig, mapagsama-sama ang mga ponema at mamanipula ang mga ito

Komunidad ng Deaf. Ang komunidad ng Deaf ay binubuo ng Deaf, Hard-of-

Hearing, kanilang mga pamilya, Sign Language Interpreters, mga guro ng Deaf

at mga tao at institusyong sumusuporta sa Deaf.

Mainstreamed/Mainstreaming. Ang mainstreaming/mainstreamed ay ang

pagsasama ng mga mag-aaral na nakaririnig at Deaf sa iisang klase.

Pag-unawa sa Pagbasa. Ang pag-unawa sa pagbasa ay ang pagproseso sa

isang teksto at ang pag-unawa sa mga simbolo at mensahe sa isang babasahin.

Semantika/Semantiks. Ang semantika ay tumutukoy sa impormasyon tungkol

sa pagpapakahulugan ng mga salita at pangungusap (Badayos, 1999).

Sintaks. Ang sintaks ay ang impormasyon tungkol sa wika, pagbuo ng

pangungusap at batayang hulwaran.

 28

Special Education (SPED). Ang Special Education ay edukasyon para sa mga

taong may espesyal na pangangailangan at atensiyon. Kabilang dito ang mga

mentally challenged, Deaf at hindi nakakikita.

Wikang Senyas. Ang wikang senyas ay isang wikang biswal ng mga Deaf na

gumagamit ng ekspresyon, galaw at kumpas ng mga kamay.

 29

KABANATA III

METODOLOHIYA

Disenyo ng Pananaliksik

Ang mga mananaliksik ay gumamit ng deskriptibo o palarawang

pamamaraan na may layuning masuri ang mga nakalap na datos at makabuo ng

isang makabuluhang kongklusyon batay sa resulta ng pagsusulit ng mga mag-

aaral. Sa ganoong paraan, natukoy ng mga mananaliksik ang antas ng

kasanayan sa pag-unawa sa pagbasa ng mga mag-aaral na Deaf sa klaseng

mainstreamed ng Manila High School na nakabatay sa Levels of Reading

Comprehension ni Smith (1969).

Gumamit din ang mga mananaliksik ng imperensiyal na pamamaraan na

may layuning masuri at makompara ang mga nakalap na datos batay sa iskor ng

mga mag-aaral sa nasabing pagsusulit. Sa ganoong paraan, nalaman ng mga

mananaliksik kung may makabuluhang ugnayan ba ang kasanayan sa pag-

unawa sa pagbasa ng mga mag-aaral na Deaf sa salik na pinagmumulan ng

kanilang kalagayan.

Lokalidad ng Pananaliksik

Ang Manila High School ang paaralang pinili ng mga mananaliksik sa

kanilang pag-aaral dahil isa ito sa iilang paaralan na mayroong klaseng

mainstreamed para sa mga Deaf.

 30

Ang Manila High School ay itinatag ng mga Kastila noong 1892 at pormal

na pinasinayaan ang kasalukuyang gusalit nito noong Pebrero 26, 1967. Ito ang

kauna-unahang pampublikong paaralan sa buong Asya at isa sa itinuturing na

pinakamatandang paaralan sa Pilipinas. Ang Manila High school ay isa sa mga

kilalang paaralan na naghahain ng edukasyon para sa mga mag-aaral na bahagi

ng SPED o Special Education.

Ang mga mag-aaral sa Baitang 7 sa klaseng mainstreamed ang pinili ng

mga mananaliksik bilang kalahok sa Taong Panuruan 2018-2019. Binubuo ng

mga mag-aaral na Deaf ang nasabing mga kalahok. Dahil sa kakaunti lamang

ang bilang ng populasyon ng Deaf sa klaseng mainstreamed sa Manila High

School ay kinuha lamang ng mga mananaliksik kung ano lamang ang bilang na

mayroon.

Mga Kalahok ng Pag-aaral

Ang mga kalahok ng pag-aaral na ito ay mula sa klaseng mainstreamed

ng Manila High School Baitang 7 na binubuo ng mga mag-aaral na Deaf na may

bilang na labing dalawa (12). Ang mga mananaliksik ay kumuha ng mga mag-

aaral na Deaf bilang kalahok batay sa kung ilan lamang ang bilang na mayroon

ang klaseng mainstreamed sa Baitang 7.

Purposive Sampling ang ginamit ng mga mananaliksik sa pagkuha ng

mga kalahok sa pag-aaral na isinagawa. Ito ay ang pagkuha ng mga kalahok na

kaugnay lamang ng pag-aaral at kung ano lamang ang bilang na mayroon. Ang

pagkuha ng sample ay batay sa pasya at sa layunin ng mga mananaliksik. Ang

 31

uri ng Purposive Sampling na ginamit ng mga mananaliksik ay ang Total

Population Sampling na kukuha ng mga datos sa buong populasyon, sa kaso ng

pag-aaral na ito ay sa Baitang Pito ng klaseng mainstreamed. Gagamitin ang

sampling na ito dahil sa maliit na bilang ng mga mag-aaral.

Instrumentasyon

Ang mga mananaliksik ay gumamit ng checklist sa pagkuha ng mga datos

sa pagtukoy sa mga salik na nakakaapekto sa kasanayan sa pag-unawa sa

pagbasa ng mga mag-aaral na Deaf. Ginamit din ng mga mananaliksik ang

pagsusulit na nakabatay sa Phil-IRI o Philippine Informal Reading Inventory. Ang

pagsusulit na iyon ay binubuo ng dalawampung tanong na nakaangkla sa Levels

of Reading Comprehension ni Smith (1969).

Ang checklist at pagsusulit ay ginamit na instrumento ng mga

mananaliksik sa pagkalap ng mga datos kasama ang iskor ng mga mag-aaral

upang makompara, masuri at malaman kung may makabuluhang ugnayan ba

ang kasanayan sa pag-unawa sa pagbasa ng mga mag-aaral na Deaf sa mga

salik nakakaapekto ng kanilang kalagayan.

Proseso ng Pag-aaral

Paghahanda. Ang mga mananaliksik ay sumangguni sa mga babasahin tungkol

sa Deaf upang makilala ang kanilang komunidad. Pinili ng mga mananaliksik na

humanap ng mga sanggunian na tumatalakay sa identidad, karapatan at

kanilang mga kakayahan upang maisaalang-alang ang mga ito sa ginawang pag-

aaral. Gumawa ng liham-pahintulot ang mga mananaliksik upang magamit bilang

 32

sanggunian ang isang tesis na nasa restricted section ng Pambansang Aklatan

ng Pilipinas dahil batid nila na malaki ang maitutulong nito sa pag-aaral. Upang

maunawaan ang kakayahan ng dalawang grupo ng mga respondent at

makakalap ng mga impormasyon at ideya, ang mga mananaliksik ay

sumangguni rin sa iba pang mga pananaliksik na may kaugnayan sa ginawang

pag-aaral. Kasama rin sa mga sanggunian na pinagbatayan ang mga artikulo,

aklat at dyornal na tumatalakay sa mga teorya sa pagbasa ng mga Deaf at

nakaririnig.

Sumangguni rin ang mga mananaliksik sa mga taong may sapat na

kaalaman na nagbigay ng payo at mungkahi tungkol sa ginawang pag-aaral na

naging dahilan upang mapabuti ang pag-aaral.

Lumikha rin ang mga mananaliksik ng checklist at sumangguni sa

materyal ng DepEd na naglalaman ng mga tanong na susukat sa iba’t ibang

antas batay sa Levels of Comprehension ni Smith (1969). Ang mga

instrumentong ito ay ibinatay sa mga aklat at sanggunian na sumusukat sa

kasanayan sa pag-unawa sa pagbasa ng mga mag-aaral sa sekundarya. Ang

instrumentong ginamit ay idanaan sa balidasyon upang ito ay mapaunlad at

matiyak ang pagiging mabisa nito sa pag-aaral.

Pagsasagawa. Lumikha ang mga mananaliksik ng liham-pahintulot na ipinasa

sa Division of City Schools – Manila. Ang liham na ito ay humingi ng pahintulot

upang maisagawa ang pag-aaral sa Manila High School. Matapos bigyan ng

pahintulot, ay ipinasa ng mga mananaliksik ang liham na ito sa punongguro ng

 33

nabanggit na paaralan, sa mga guro at tagapayo ng Ikapitong Baitang sa

klaseng mainstreamed. Sa ganitong paraan, maayos at pormal na naisagawa

ang pag-aaral.

Humingi rin ng pahintulot ang mga mananaliksik sa mga mag-aaral na

nasa klaseng mainstreamed upang maisagawa ang pag-aaral. Nagkaroon muna

ng oryentasyon ang mga mag-aaral na magiging kalahok. Sa pagpapaliwanag ng

mga paalala at panuto, hiningi ang tulong at gabay ng Sign Language Interpreter

na siya ring namuno sa pagsasalin ng mga panuto sa wikang senyas. Isinagawa

ang pag-aaral sa loob ng dalawang araw. Matapos basahin at masagutan ng

mga mag-aaral ang lahat ng checklist at pagsusulit ay sinuri at iwinasto ito ng

mga mananaliksik at sinuri. Matapos makalap ang mga iskor at resulta, kinuha

ang mean score ng pangkat. Batay sa mga iskor, inuri ang kasanayan ng mga

mag-aaral sa pag-unawa sa pagbasa batay sa Apat na Antas ng Pagbasa ni

Pangga (2002, na kay Gamuyao, 2010).

Estadistikang Ginamit

Upang matamo ang layon ng pag-aaral, ginamit ang sumusunod:

1. Mean – Ito ay ginagamit sa pagkuha ng average ng mga datos. Kinuha

ng mga mananaliksik ang mean score ng mga mag-aaral upang matukoy

ang antas ng kasanayan sa pag-unawa sa pagbasa.

2. Pearson’s r – Ito ay ginagamit sa pagtukoy kung may makabuluhang

ugnayan ba ang dalawang magkaibang baryabol. Kinuha ang r-value r-

 34

value at p-value upang matukoy ang ugnayan ng edad at antas ng

kasanayan sa pag-unawa sa pagbasa.

3. Chi-Square Test – Ito ay karaniwang ginagamit upang malaman ang

ugnayan ng dalawang baryabol o kuwalitatibong baryabol. Kinuha ang

Chi-Square Value at p-value upang matukoy ang ugnayan ng interes at

antas ng kasanayan sa pag-unawa sa pagbasa.

 35

KABANATA IV

PAGSUSURI AT INTERPRETASYON NG MGA DATOS

Resulta at Interpretasyon ng mga Datos

Batay sa pagsusuri at pagta-tally na isinagawa ng mga mananaliksik sa mga

naging tugon ng mga mag-aaral sa checklist at iskor sa pagsusulit, narito ang

naging resulta bilang tugon sa mga suliranin at tanong sa pag-aaral na ito:

1. Ano ang demographic profile ng mga kalahok?

Batay sa naging resulta ng pag-aaral gamit ang checklist, ang demographic

profile ng mga mag-aaral na Deaf ay ang sumusunod:

1.1. Edad

Talahanayan Blg. 1 – Edad ng mga Mag-aaral na Deaf sa Baitang 7, Klaseng

Mainstreamed

Edad Frequency Percentage

13 – 15 1 8.3%

16 – 18 8 66.7%

19 – 21 2 16.7%

22 – 24 1 8.3%

Kabuoan: 12 100%

Napag-alaman ng mga mananaliksik na malaking bahagdan o 91.7% ng

mga mag-aaral na Deaf sa Baitang 7 klaseng mainstreamed ay masasabing

hindi angkop ang edad sa kanilang Baitang. 8.3% lamang ang masasabing may

edad na naaangkop sa kaniyang baitang. Itinuring na salik ng mga mananaliksik

 36

ang edad dahil sa hindi lamang sa iisang age bracket kabilang ang mga mag-

aaral na Deaf.

Batay rin sa isinagawang pagsusuri ng mga mananaliksik sa datos ay

napag-alamang malaking salik ang edad sa antas ng kasanayan sa pag-unawa

sa pagbasa dahil makikita sa pagsusulit at checklist na mas mababa ang edad

ay mas mataas ang iskor sa pagsusulit at ang mga matataas ang edad ay mas

mababa ang iskor na nakuha sa pagsusulit.

Makikita rin sa pag-aaral ni Baldonado et al. (1995) na nakakaapekto ang

edad sa performans ng mga mag-aaral na Deaf sa klase.

1.2. Dahilan ng Deafness

Talahanayan Blg. 2 – Dahilan ng Deafness

Edad Frequency Percentage

Congenital 12 100%

Pre-Lingual 0 0%

Acquired 0 0%

Kabuoan: 12 100%

Lahat ng mga mag-aaral na Deaf sa Baitang 7 ay may Congenital

Deafness o pagiging in-born ng kanilang kalagayan. Dahil sa 100% ng mga mag-

aaral na Deaf ay may iisang kalagayan, hindi isinama ng mananaliksik ang

dahilan ng Deafness bilang baryabol na susuriin upang mabatid kung ito ba ay

nakaaapekto sa kasanayan sa pag-unawa sa pagbasa.

 37

1.3. Unang Wika

Talahanayan Blg. 3– Unang Wika ng mga Mag-aaral na Deaf sa Baitang 7,

Klaseng Mainstreamed

Unang Wika Frequency Percentage

Ingles 11 91.7%

Filipino 1 8.3%

Kabuoan: 12 100%

Isinama ng mananaliksik ang unang wika sa demographic profile na

susuriin na maaaring nakaaapekto sa antas ng kasanayan sa pag-unawa sa

pagbasa ng mga mag-aaral na Deaf. Isa sa mga mananaliksik ay marunong ng

Wikang Sensyas at umunawa nito kaya napag-alaman nila na karamihan sa mga

Deaf sa klaseng Mainstreamed ng Manila High School ay Ingles ang unang

wikang natututuhan at ASL o American Sign Language ang wikang sensyas na

kanilang ginagamit kaiba sa FSL o Filipino Sign Language na alam ng

mananaliksik. Iilan lamang ang mga mag-aaral na Deaf ang nakauunawa sa

wikang Filipino. Maaaring malaki ang naging epekto nito sa naging resulta ng

kanilang mga iskor.

Sa labindalawang mag-aaral na Deaf, labing-isa o 91.7% ay Ingles ang

unang wikang natutuhan at isa o 8.3% ang unang wika ay Filipino. Dahil sa

bilang at resulta, hindi ito itinuring na baryabol sa pag-aaral upang maiwasan ang

pagkiling.
 38

1.4. Nauunawaang wika

Talahanayan Blg. 4 – Nauunawaang Wika ng mga Mag-aaral na Deaf sa

Baitang 7, Klaseng Mainstreamed

Nauunawaang Wika Frequency Percentage

Ingles 11 91.7%

Hiligaynon 1 8.3%

Kabuoan: 12 100%

Isa rin sa isinamang baryabol sa demographic profile na maaaring

nakaaapekto sa antas ng kasanayan sa pag-unawa sa pagbasa ng mga Deaf,

ang kanilang nauunawaang wika dahil ayon rin sa obserbasyon ng mga

mananaliksik, wikang Ingles ang nauunawaang wika ng mga Deaf at Ingles na

wikang Sensyas ang kanilang ginagamit at nauunawaan. Iilan lamang ang

nakauunawa ng wikang Filipino. Bunga nito, naapektuhan ang iskor na nakuha

nila sa pagsusulit na isinigawa.

Sa labindalawang mag-aaral na Deaf, labing-isa o 91.7% ay nakauunawa

ng wikang Ingles at isa o 8.3% ang nakauunawa sa Hiligaynon. Dahil din sa

bilang at resulta, hindi ito itinuring na baryabol sa pag-aaral upang maiwasan ang

pagkiling.
 39

1.5. Interes

Talahanayan Blg. 5 – Interes ng mga Mag-aaral na Deaf sa Baitang 7,

Klaseng Mainstreamed

Interes Frequency Percentage

Pagbasa 3 25%

Pagsulat 4 33.3%

Panonood 3 25%

Iba pa 2 16.7%

Kabuoan: 12 100%

Pagbasa Interes Hindi Interes Kabuoan Interes Hindi Interes Kabuoan

Komiks (Ingles) 3 9 12 25% 75% 100%

Nobela (Filipino) 1 11 12 8.3% 91.7% 100%

Nobela (Ingles) 2 10 12 16.7 83.3% 100%

Maikling Kuwento
3 9 12 25% 75% 100%
(Ingles)
Pahayagan (Filipino) 1 11 12 8.3% 91.7% 100%
Pahayagan (Ingles) 5 7 12 41.7% 58.3% 100%
Iba pa: 0 0 0 0% 0% 0%
Pagsulat Interes Hindi Interes Kabuoan Interes Hindi Interes Kabuoan
Sanaysay (Ingles) 9 3 12 75% 25% 100%
Sanaysay (Filipino) 3 9 12 25% 75% 100%
Iba pa: 0 0 0 0% 0% 0%
Panonood Interes Hindi Interes Kabuoan Interes Hindi Interes Kabuoan

Balita sa Telebisyon 12 0 12 100% 0% 100%

Iba pa: 0 0 0 0% 0% 0%

Iba pa Interes Hindi Interes Kabuoan Interes Hindi Interes Kabuoan

Social Media 2 10 12 16.7% 83.3% 100%

Iba pa: 0 0 0 0% 0% 0%

Legend

Interes - materyal na kinahihiligan ng mga mag-aaral

- may interes ang mga mag-aaral sa paggamit materyal na ito

Hindi Interes - materyal na hindi nabibigyang-pansin

- walang interes ang mga mag-aaral sa paggamit ng materyal na ito

Ang interes sa pagsulat ang may pinakamalaking bahagdan na may

33.3% o apat sa labindalawang mga mag-aaral. Sinundan ng pagbasa at

 40

panonood na may parehong tig-25% o tig-tatlong mag-aaral at dalawa naman

ang may interes sa Social Media.

Sa checklist na sinagutan ng mga mag-aaral ay makikita na lahat ng

kinahihiligan ng mga mag-aaral na Deaf ay nasa wikang Ingles at hindi wikang

Filipino kaya isinama ito ng mga mananaliksik bilang isa sa mga maaaring salik

na nakakaapekto sa antas ng kasanayan sa pag-unawa sa pagbasa ng mga

Deaf.

Makikita sa bandang itaas ng talahanayan na ang mga babasahing nasa

wikang Ingles tulad ng komiks, nobela, maikling kuwento at pahayagan ang mas

nakahihiligang basahin ng mga kalahok sa pag-aaral. Maliit lamang ang bilang

ng mga mag-aaral na may interes sa mga babasahing Filipino tulad ng nobela at

pahayagan.

Sa ibabang bahagi naman ng talalahayan makikita na sanaysay ang

kinahihiligang isulat ng mga kalahok sa pag-aaral. Mapapansing Ingles pa rin

ang may mas malaking bahagdan – 75% o siyam sa labindalawang mag-aaral

ang may interes na sumulat ng sanaysay sa wikang Ingles samantalang 25% o

tatlong mag-aaral lamang ang may interes na sumulat ng sanaysay sa wikang

Filipino.

Batay sa pagsusuri ng mga mananaliksik sa mga datos ay hindi

maipagkakaila na nasa wikang Ingles ang nahihiligang basahin at isulat ng mga

mga mag-aaral na Deaf dahil na rin sa kanilang unang wika, wikang

nauunawaan at maging ang kanilang wikang sensyas ay Ingles ang midyum.

 41

Lahat ng mga mag-aaral ay balita sa telebisyon ang interes sa panonood.

Isa sa dahilan kung bakit balita sa telebisyon ang pinanood ng mga Deaf ay ang

pagkakaroon nito ng closed captioning o ang subtitle na makikita sa ibabang

bahagi ng balita sa ibaba at kung minsan ay ang interpretasyon gamit ang

wikang sensyas. Isinama ng mananaliksik ang salik na ito dahil Ingles ang

midyum ng wikang senyas at masasabing mas mahusay umunawa ng Ingles ang

mga mag-aaral na Deaf kompara sa wikang Filipino.

2. Ano ang antas ng kasanayan sa pag-unawa sa pagbasa ng mga mag-

aaral na Deaf?

Talahanayan Blg. 6a – Antas ng Kasanayan sa Pag-unawa Batay sa

Philippine Informal Reading Inventory (Phil-IRI)

Antas ng Kasanayan Mean Description Rating

Literal 1.83 Kabiguang Antas

Inperensiyal .25 Kabiguang Antas

Kritikal 1 Kabiguang Antas

Paghihinuha 1.67 Kabiguang Antas

Pagsusuri .42 Instruksiyonal na Antas

Kabuoan: 5.17 Kabiguang Antas

 42

Talahanayan Blg. 6b – Antas ng Kasanayan sa Pag-unawa ng mga Mag-

aaral na Deaf Batay sa Philippine Informal Reading Inventory (Phil-IRI)

Iskor Description Rating Frequency

2-3 Kabiguang Antas 3

4–5 Kabiguang Antas 5

6–7 Kabiguang Antas 1

8-9 Instruksiyonal na 3
Antas
Mean 5.17 Kabiguang Antas Kabuoan: 12

Sa labindalawang mga kalahok sa pag-aaral, tatlo lamang ang nasa

instruksiyonal na antas at ang siyam ay nasa kabiguang antas. Ang kabuoang

antas ng kasanayan sa pag-unawa sa pagbasa ng mga mag-aaral na Deaf sa

Baitang 7, klaseng mainstreamed ay may mean na 5.17 na nasa kabiguang

antas. Ayon sa Philippine Informal Reading Inventory (Phil-IRI), ang nasa

kabiguang antas ay dapat simulang bigyan ng mga seleksiyong nasa tatlong

baitang na mas mababa kompara sa kasalukuyang baitang. Para sa mga mag-

aaral sa Baitang 7, ang mga seleksiyong nasa Baitang 4 ang ibibigay sa kanila

bilang pagtatasa. Ang mean score na ito ay nagpapakita lamang na

nangangailangan ang labindalawang kalahok na ito ng higit pang pagtatasa

upang mapaunlad pa ang kanilang antas sa pag-unawa sa pagbasa.

3. May makabuluhan bang ugnayan ang Demographic Profile ng mga

Deaf sa antas ng kasanayan sa pag-unawa sa pagbasa?

 43

Talahanayan Blg. 7– Ugnayan ng Edad at Antas ng Kasanayan sa Pag-

unawa sa Pagbasa

Edad at Computed
N p-value Desisyon Kongklusyon
Kasanayan r-value
Literal -.523 .081 Accept HO Not significant
12
Inperensiyal -.117 .718 Accept HO Not significant
12
Kritikal -.370 .237 Accept HO Not significant
12
Paghihinuha -.238 .457 Accept HO Not significant
12
Pagsusuri -.583 .647 Accept HO Not significant
12
Kabuoang
12 -.583 .047 Reject HO Significant
Kasanayan

Matapos masuri ng mga mananaliksik ang mga datos ay napag-alaman

na walang makabuluhang ugnayan ang edad at bawat antas ng kasanayan. Ibig

sabihin, walang makabuluhang ugnayan ang sumusunod: edad at kasanayang

literal; edad at kasanayang inperensiyal; edad at kasanayang kritikal; edad at

kasanayan sa paghihinuha; at edad at kasanayan sa pagsusuri. Mayroon

namang makabuluhang ugnayan ang edad at ang kabuoang kasanayan sa pag-

unawa sa pagbasa.

Batay sa ginawang pagsusuri ng mga mananaliksik sa mga datos ay

lumalabas na may ugnayan ang edad sa kanilang kasanayan sa pag-unawa sa

pagbasa. Napag-alaman ng mga mananaliksik na ang mga mag-aaral na nasa

edad labing-apat pababa ay mas mataas ang iskor na nakuha sa ginawang

pagsusulit samantalang ang mga mag-aaral na may edad labinglima pataas ay

mas mababa ang nakuhang iskor sa pagsusulit.

 44

Talahanayan Blg. 8 – Ugnayan ng Interes at Antas ng Kasanayan sa Pag-

unawa sa Pagbasa

Computed
Interes at
df Chi-square p-value Desisyon Kongklusyon
Kasanayan
value
Literal 9.364 .404 Accept HO Not significant
9
Inperensiyal 3.085 .379 Accept HO Not significant
3
Kritikal 14.404 .109 Accept HO Not significant
9
Paghihinuha 15.393 .081 Accept HO Not significant
9
Pagsusuri 4.164 .244 Accept HO Not significant
3
Kabuoang
15 14.909 .458 Accept HO Not significant
Kasanayan

Batay sa naging tugon ng mga kalahok sa pag-aaral at naging pagsusuri

ng mga mananaliksik, napag-alamang walang makabuluhang ugnayan ang

interes at ang kasanayan sa pag-unawa sa pagbasa sa bawat antas at sa

kabuoang kasanayan sa pag-unawa sa pagbasa ng mga mag-aaral na Deaf.

Hindi naging kabilang ang iba pang datos sa Demographic Profile upang

maiwasan ang pagkiling dahil sa bilang ng lumabas na resulta.

4. Anong pantulong na kagamitan sa pagtuturo ang maaaring mabuo

upang malinang ang kasanayan sa pag-unawa sa pagbasa ng mga

Deaf?

Isang booklet na naglalaman ng mga bagay tungkol sa Deaf, karapatan ng

Deaf, mga mungkahi at gabay sa paglinang sa pag-unawa sa pagbasa, at mga

seleksiyon ng mga akdang babasahin ng mga mag-aaral ang pantulong na

kagamitan na makatutugon sa pangangailangan ng mga Deaf pagdating sa

kasanayan sa pag-unawa sa pagbasa. Magagamit ito ng guro bilang gabay at

 45

pantulong na kagamitan sa pagtuturo. Kabilang sa tinalakay sa booklet ang

pagbasa, ang pag-unawa sa pagbasa at mga hakbangin tungo sa matagumpay

na pagbasa. Naglalaman ito ng tips o mga gabay na maaaring makatulong sa

pagpapaunlad ng kasanayan sa pag-unawa sa pagbasa ng mga mag-aaral na

Deaf.
 46

KABANATA V

BUOD, KONGKLUSYON AT REKOMENDASYON

BUOD

Ang pag-aaral na ito ay naglayong matukoy kung ano ba ang kasanayan

sa pag-unawa sa pagbasa ng mga mag-aaral na Deaf, baitang 7 at kung may

makabuluhang ugnayan ba ang mga salik na pinagmumulan ng kalagayan ng

mga Deaf sa kanilang kasanayan sa pag-unawa sa pagbasa.

Gumamit ang mga mananaliksik ng deskriptibo o palarawang pamamaraan at

imperensiyal na pamamaraan sa pagsusuri ng mga nakalap na datos at sa

pagbuo ng isang makabuluhang kongklusyon. Mula sa mga nakalap na datos at

sa resulta nito ay nasagot ang sumusunod na tanong:

1. Ano ang demographic profile ng mga kalahok?

Mayroong limang baryabol ang demographic profile ng mga Deaf. Una, ang

edad dahil makikita sa talahanayan blg.1 na hindi lamang sa iisang age bracket

kabilang ang mga mag-aaral na Deaf. Natuklasan ng mga mananaliksik na

91.7% o labing-isang mag-aaral na Deaf ay hindi angkop ang edad sa kanilang

baitang at 8.3% o isa lang ang angkop ang edad sa kaniyang baitang. Ikalawa,

ang interes dahil iba-iba ang kinahihiligan ng mga mag-aaral na Deaf at mula sa

mga nakalap na datos napag-alaman ng mga mananaliksik na karamihan sa

mga binabasa at sinusulat ng mga mag-aaral na Deaf ay nasa wikang Ingles

tulad ng komiks, nobela, maikling kuwento at pahayagan. Maliit lamang ang

 47

bilang ng mga mag-aaral na may interes sa mga babasahing Filipino tulad ng

nobela at pahayagan.

2. Ano ang antas ng kasanayan sa pag-unawa sa pagbasa ng mga mag-

aaral na Deaf?

Gamit ang pagsusulit na batay sa Philippine Informal Reading Inventory (Phil-

IRI), natukoy ng mga mananaliksik ang kasanayan sa pag-unawa sa pagbasa ng

mga mag-aaral na Deaf. Ang kabuoang antas ng kasanayan sa pag-unawa sa

pagbasa ng mga mag-aaral na Deaf sa Baitang 7, klaseng mainstreamed ay may

mean na 5.17 na nasa kabiguang antas. Sa antas na ito, ang mag-aaral ay

nagpapakita ng kabiguang makabasa nang matagumpay. Ibig sabihin, hindi pa

sila gaanong nakakaunawa at nakakaintindi ng mga seleksiyon sa Filipino.

3. May makabuluhan bang ugnayan ang mga salik na pinagmumulan ng

kalagayan ng mga Deaf sa kasanayan sa pag-unawa sa pagbasa?

Ang ugnayan ng edad at ng antas ng kasanayan sa pag-unawa sa pagbasa,

gamit ang Chi-Square Test at Pearson’s Correlation ay may p-value na .047. Ibig

sabihin, napatunayang may makabuluhang ugnayan ang edad at ang kabuoang

antas ng kasanayan sa pag-unawa sa pagbasa ng mga mag-aaral na Deaf sa

Baitang 7, Klaseng Mainstreamed.

Samantalang ang interes at ang antas ng kasanayan sa pagbasa bilang

kabuoan na may p-value na .458, ay nagpatunay na walang makabuluhang

ugnayan ang dalawang baryabol.

 48

4. Anong pantulong na kagamitan sa pagtuturo ang maaaring mabuo

upang malinang ang kasanayan sa pag-unawa sa pagbasa ng mga

Deaf?

Matapos malaman ang resulta ng pag-aaral na ito ay bumuo ang mga

mananaliksik ng isang booklet na naglalaman ng mga mahahalagang bagay

tungkol sa Deaf. Ang booklet na ito ay malaking tulong para sa mga guro higit

lalo sa mga gurong humahawak ng klaseng mainstreamed. Nakalagay rito kung

ano ang ibig sabihin ng Deaf at kung bakit Deaf ang dapat itawag sa kanila at

hindi ibang katawagan. Nalakahad din dito ang iba’t ibang batas at karapatan na

dapat matamasa ng mga mag-aaral na Deaf. Tinalakay rin dito ng mga

mananaliksik kung ano ang pagbasa, ang pag-unawa sa pagbasa at kung

kailangang mahasa ang kasanayan sa pag-unawa sa pagbasa. Nagbigay rin sila

ng mga tips o gabay na maaaring makatulong sa pagpapaunlad ng kasanayan

sa pag-unawa sa pagbasa ng mga mag-aaral na Deaf. At ang huling bahagi ng

booklet ay ang mga maiikling seleksiyon sa Filipino at mga katanungan na

maaaring ipabasa at ipasagot sa mga mag-aaral na Deaf upang mas mahasa pa

ang kasanayan na mayroon sila.

 49

KONGKLUSYON

Matapos maisaalang-alang ang resulta ng pag-aaral, narito ang

sumusunod na kongklusyon.

1. Sa demographic profile ng mga mag-aaral na Deaf, Baitang 7 klaseng

mainstreamed ang dalawang baryabol na magagamit upang masuri ay

ang edad at interes dahil sa naging bilang ng tugon ng mga mag-aaral sa

bawat item.

2. Napatunayan sa pag-aaral na may makabuluhang ugnayan ang edad at

ang kabuoang antas ng kasanayan sa pag-unawa sa pagbasa ng mga

mag-aaral na Deaf. Samantalang ang interes at ang antas ng kasanayan

sa pag-unawa sa pagbasa ay napatunayang walang makabuluhang

ugnayan ang dalawang baryabol.

3. Ang antas sa kasanayan sa pag-unawa sa pagbasa ng mga mag-aaral na

Deaf, Baitang 7, klaseng mainstreamed ay nasa kabiguang antas. Sa

antas na ito, ang mga mag-aaral ay hindi nakababasa o nakauunawa ng

matagumpay.

REKOMENDASYON

Mula sa naging resulta ng pag-aaral na ito na nakatuon sa kasanayan sa

pag-unawa sa pagbasa ng mga mag-aaral na Deaf, Baitang 7 klaseng

mainstreamed, mapagkumbabang inilahad at ibinigay ng mga mananaliksik ang

maaaring maging solusyon sa kasong ito:

 50

1. Makikita sa resulta na sa demographic profile, ang edad at interes ang

baryabol na magagamit upang matukoy ang makabuluhang ugnayan sa

pagitan ng antas ng kasayanayan sa pag-unawa at demographic profile.

Makikitang hindi angkop ang edad ng karamihan sa mga mag-aaral sa

Baitang 7, Klaseng Mainstreamed. Bunga nito, dapat na hikayatin ang

mga mag-aaral na Deaf na magpatuloy sa kanilang pag-aaral. Mauri man

bilang angkop o hindi angkop ang kanilang edad sa baitang na

kinabibilangan, nararapat na bigyan ang mga mag-aaral ng angkop na

materyal para sa kanilang edad at baitang. Marapat din na hikayatin ng

mga guro ang mga mag-aaral na Deaf na magbasa ng mga babasahin sa

Filipino upang mas mahasa ang kanilang kasanayan sa pagbasa.

2. Lumabas sa pag-aaral na may makabuluhang ugnayan ang edad at ang

kabuoang antas ng kasanayan sa pag-unawa sa pagbasa ng mga Deaf

kung kaya’t marapat lamang na gamitin ng mga guro ang modyul na Phil-

IRI na naglalaman ng mga babasahin na aangkop sa edad at kasanayan

ng kanilang mag-aaral. Bagaman walang makabuluhang ugnayan ang

interes at ang kanilang kasanayan dapat pa ring pagtuonan ng pansin ang

pagbibigay at pagpapabasa ng mga babasahing Filipino sa mga mag-

aaral na Deaf.

3. Nalaman sa pag-aaral na ito na ang antas ng kasanayan sa pag-unawa

sa pagbasa ng mga Deaf, Baitang 7 ay nasa kabiguang antas bunga nito

dapat na magkaroon ng mga programang ukol sa pagbabasa upang

 51

mahasa pa ang kasanayan sa pag-unawa sa pagbasa ng mga mag-aaral

na Deaf.

4. Nararapat na unti-unting ipakilala na agad ang wikang Filipino sa mga

Deaf sa pagsisimula pa lamang nila ng pag-aaral kahit na wikang Ingles

ang batayan ng kanilang wikang senyas.

5. Maglunsad ng mga libreng palihan at worksiyap na magsasanay sa mga

guro at mag-aaral upang maisagawa nang maayos ang paghahasa sa

kasanayan sa pag-unawa sa pagbasa.

6. Dahil sa maliit na bilang ng populasyon ng mga kalahok, iminumungkahi

ng mga mananaliksik na magkaroon pa ng ganitong pag-aaral, palawigin

at pagyamanin ang nasimulan ng mga mananaliksik.