215 O HEMPHU NANGLIHIRJUME

(O Lord, thy blessing appears, BL- 265)

Lun 145:9

Pu Pasena

Labangso alun Pu Pasena pensi ketok,alangli kai achethe keeng un ahut Mizouram loh/Bida
kethek nei abangphu lapen Lun anat sita aning ehangpik abangphu.Laso alun kabonda abang
kapinchong achethe kedo amar do-an kaiketa Armam aphan ahirjume ekepi pen ajok kero
kenangsot pu ethan.

1. O Hemphu, nangli hirjume,

La Kadokave aphan;
Nang lam penpete ne chethe,
Ne mar do anta virji.
Nangphan rolo, nangphan rolo,
Nang kangjinso theklongsi (2)
2. Nangli kangjinso ari pen,
Chethe lapen kedo an;
Bap amir kereng do-an ta,
Nangli hirjume long lo.
Kero alun, kero alun,
Nangli phansi lun bom po (2)
3. Kadokave pinchong Arnam.
Nangli ri pen keklem an;
Ningduk ahut pangsam abang,
Nangphan ro thekthe det ta,
Nephan o ri, nephan o ri,
Ne than non nang ning kehang(2).
4. Apor lapen arni kombom,
Pirthe arong ta virbom;
Netum apap do an Hemphu,
Cham pangthir tha nang boi pen.
Theklong ingtung, theklong ingtung,
Nangli jakong chiki pen (2)Ke 213
 216 NING ARONG PEN HIEMPHU RONANG
(Rejaice in he Lord, BL-60)
M.E. Servoss J.McGranahan

Doh is BV

1. Ning arong pen Hemphu ronang,

Ening arong pen lun lonang;
Alangli lam ili kroinang,
Alangli pereng un abang.

Kerui: Chehok...lonang...
Ning arong pen Hemphu ronang;
Chehok...lonang..
Ning arong pen Hemphu ronang.

2. Recho aphan ning arong nang,

Alangliphan kroi atum an;
Alangli epejok abang,
Alangli jakongthe abang.

3. Kopima ili kroi nangji.

Eli klem nangji akam an;
Arnam itum along doji,
Arnam itum aphan raiji.

4. Ning arong pen Hemphu ronang,

Ening arong pen lun lonang;
Mirdong prakso pen lun lun nang'
Anongtheji Halleluya.
 244 HIRME PITHA HEMPHU
(Toupa nang vualzawl in, BL-372)
Kecheng 2:18
R.KRokunga

Doh is G

1. Epinchong abang Arnam si,

Hako pen thik tang lo;
Pinso det pedo ninghang he.
Dorap ari pi lo.

Kerui: Ning arong pen rolo,

La penanso atum;
Chekak keji lamchak pilo,
Hir'me pitha Hemphu.

2. Sungduk kepho ahut sita,

Nangli do dun ver ra;
Alang litum phan jut jepin,
Hirjume piver non.

3. Nang men pen lamchak chipi lo,

Nang hakhi cheplang ra;
Chekak keji ari che ot,
Kanghon peplang ver non.
 319OH HEMPHU NANGPHAN CHOROLO

1. O Hemphu nangphan chorolo,

Ahirjume do an pen;
Hemphu Jisu nepi apot,
Kejok nelitum longlo.

Kerui: Nangli phan choro parpik lo,

Kecho kejun pe-ri pen;
Tomon kangsam, Arni arve.
Kadokave hirjume.

2. Nang kethip arki jumepik,

Ason tin ne theklong an;
Monit atum kethip do an,
Hirjume nangli pilo.

3. Sung ahut neli rapthekji,

Un-e akam neklempi
Ahok atovar neja thek,
Mondoli nangli senglo.

4. Ne ning keduk kepho ahut,

Ne pangsam jirpi jirpo;
Duk ahut nephan rap bomji,
Kanghon thek atum nepi.

5. O Hemphu nangphan chorolo,

Ning kethe pen ning arong;
Kadokave pinchong kimi,
Nelitum inghong ding lo.