Ang Harry Potter ay isang serye ng pitong nobelang pantasya na
isinulat ng isang Briton, si J.K Rowling, ang may akda. Ang serye ay sinasalaysay ang pakikipagsapalaran ng isang batang salamangkerong si Harry Potter, ang pangunahing tauhan, at ang kaniyang mga kaibigang sina Ron Weasley at Hermione Granger. Simula nang ilabas ang unang nobela, ang Harry Potter and the Philosopher’s Stone (Sorcerer’s Stone) noong 1997, umani ito ng sobrang katanyagan at tagumpay sa buong mundo. Samantala, isinapelikula naman ito ni Chris Columbos noong 2001, na naging daan upang siya’y maging tanyag bilang patnugot ng pelikulang ito. Sa mahiwagang mundo ng Hogwarts, makikilala si Harry Potter, ang bida sa kwento. Sa murang edad pa lamang, siya’y naulila dahil ang kaniyang mga magulang na sina Lily at James Potter, ay pinatay ni Lord Voldermort. Sinubukan din nitong patayin si Harry noong gabing iyon ngunit siya’y nabigo dahil bumalik sa kaniya ang sumpang dapat ay para kay Harry. Ang katawan ni Voldemort ay nalupig at naging kawawang kaluluwa. Sa isang banda, ang markang kidlat ay naiwan sa noo ni Harry na palatandaan ng sumpa ni Voldermort. Ang pangyayaring naganap sa pagitan nina Voldemort at Harry ay naging daan upang makilala si Harry bilang, “ ang batang lalaki na siyang nabuhay,” o “the boy who lived” sa mundo ng mga salamangkero. Si Harry ay nakatira sa kaniyang kamag-anak, ang mga Dursleys. Hindi maganda ang trato nila kay Harry. Siya’y pinapatulog sa maliit na kwarto sa ilalim ng hagdan. Hanggang sa dumating ang araw ng kaniyang kaarawan kung saan siya’y nakatanggap ng sulat mula sa Hogwarts School of Witchcraft and Wizardry na nagsasabing sia’y nararapat na pumasok sa paaralang ito. Ang sulat na ito ay personal na inihatid ni Hagdrid na siyang nagturo ng mga mahika kay Harry. Sa pagpasok ni Harry sa Hogwarts, nakilala niya sina Ron at Hermione na naging malaking tulong upang malampasan niya lahat ng mga suliranin sa kaniyang buhay. Kaagapay niya rin si Professor Dumbledore na siyang naghubog sa kaniyang pagkatao sa loob ng Hogwarts. Tunay ngang nakakapukaw ng atensyon ang pelikulang ito dahil unang serye pa lamang ay napakaganda na. Nanaisin mo na lamang na hindi tumigil sa panonood at tapusin ang lahat ng serye nito.Hindi lamang ito para sa mga bata dahil pati mga matatanda ay tiyak na magugustuahn ito dahil sa kwento at mga aral na matutunan sa pelikula. Piksyon man ang pelikulang ito, sumasalamin pa rin ang katangian ng mga karaker sa lipunan na ating ginagalawan. Ang mga lalaki sa pelikula ay malalakas sa pisikal na aspeto habang ang mga babae ay ginagamit ang kanilang katalinuhan kagaya lamang ni Hermione. SI Hermione ay isang matalinong karakter ngunit hindi siya gaanong matapang. Sa isang eksena, yumukyok sa takot ang karakter nang makakita ng isang troll. Kinakailangan niya ng lalaking tutulong sa kaniya at iyon ay si Harry. Sadyang pinag-isipan ang bawat lugar na pinagganapan ng mga eksena. Bawat lugar ay agaw-pansin at tunay ngang nakakaakit. Ang mga ‘effects’ at ‘transitions’ na ginamit ay tumpak sa panlasa ng bawat manonood. Tila makakatotohanan ang mga ipinakitang ‘monsters’ sa pelikula dahil sa husay ng pagkaka-edit. Isang masigabong palakpakan para sa mga taong nasa likod nitong matagumpay na pelikula. Ang pelikulang ito ay produkto ng talino, pagka- malikhain, pagod, pawis at husay ng mga artistang gumanap.