OFICIO PARVO

NG MAHAL NA
BIRHEN MARIA

Tekstong Tagalog na sinipi mula sa ediciong Ingles-Tagalog na ipinalimbag ng Monasterio Carmelita ng 4

Gilmore Avenue, Quezon City, taong MCMXLIX.
Imprenta ng Cofradía de San Juan Bautista
MMXIX
 RUBRICA
o Alituntunin sa Pagdarasal ng
OFICIO PARVO NG MAHAL NA BIRHEN MARIA

1. Ang Oficio Parvo ng Mahal na Birhen Maria ay iisa’t iyon din sa buong santaon; datapua’t ang
Adviento at ang Pasko ng Panganganak ay may bahaging bukod; kaya ang taon ay hinati sa
tatlong bahagi nang paganito:
I. Ang Oficio na tinatawag na Sa Labas ng Adviento ay dinarasal mag-mula Maitines ng
ika-3 ng Pebrero, kasunod na araw ng pista ng Candelaria, hanggang sa Nona ng
Sabado na sinusundan ng unang Linggo ng Adviento.
II. Ang ikalawang Oficio na kung tawagin ay Sa Panahon ng Adviento ay simula sa Visperas
ng Sabado na sinusundan ng unang Linggo ng Adviento, hanggang sa Nona ng ika-24
ng Diciembre, kinabukasan ay Pasko ng Panganganak.
III. Ang ikatlong Oficio na ang pamagat ay Matapos ang Adviento ay simula sa Visperas ng
ika-24 ng Diciembre, kinabukasan ay Pasko ng Panganganak; hanggang sa Completas
ng Purificacion o Candelaria, ika-2 ng Pebrero.
2. Ang Aba Ginoong Maria ay dinarasal bago simula ang bawa’t Horas maliban na lamang sa
Laudes, kung ito’y dinarasal karakarakang kasunod ng Maitines.
3. Kapag ang Oficio ay dinarasal sa sarili, ang Antifona ang Mahal ng Birhen ay darasalin lamang
pagkatapos ng Laudes at Completas; at kung ang Prime, Tercia, Sexta, at Nona, o alin man sa
mga ito, na kung tawagin ay Maiikling Horas, ay dinarasal na patuloy pagkatapos ng Laudes,
ang Antifona ay darasalin, hindi pagkatapos ng Laudes kundi pagkatapos ng Maikling Horas.
Ang Ama namin ay darasalin pagkatapos ng Maikling Horas kung ito, o ilan man nito ay
darasaling hiwalay sa Laudes, o kaya’y hiwahiwalay. Pagkadasal ng Visperas ay darasalin din
ang Ama namin kung hindi isusunod kaagad ang Completas.
Kapag ang Oficio ay dinarasal sa kalahatan at hindi patuloy na misanan, pagkatapos ng hiling
Horas na titigilan ay darasalin ang Antifona ng Mahal na Birhen.
4. Ang Antifona ng Mahal na Birhen ay dinarasal nang patindig sa panahon ng Pasko ng
Pagkabuhay na mag-ula at mula sa Visperas ng tuwing Sabado hanggang sa matapos and
Completas ng Linggo. Maliban sa lahat ng mga ito, ay dapat dasalin ng paluhod.
5. Kung isa o ilan man sa mga Maikling Horas ay dinarasal na patuloy pagkatapos ng Laudes, ang
Ama namin, at ang versiculong Mapahinga nawa ay darasalin pagkatapos lamang ng huling Horas
na tinigilan.
6. Ang Te Deum ay madarasal mula sa Pasko ng Panganganak hanggang sa Linggo ng
Septuagesima, at mula sa Pasko ng Pagkabuhay na mag-uli hanggang sa Adviento. Maliban sa
mga panahong ito ay hindi madarasal kundi sa mga kapistahan ng Mahal na Birhen: La
Inmaculada Concepcion na ika-8 ng Diciembre, Nuestra Señora de Loreto na ika-10 ng
Diciembre, Expectacion na ika-18 ng Diciembre, Pista ng Pitong Hapis, sa Biernas bago mag-
Linggo ng palaspas, at sa pista ng Poong San Jose.
7. Sa Pista ng Pamamalita ng Anghel sa Mahal na Birhen, na ika-25 ng Marso, ang darasalin ay
ang Oficio ng Adviento, at may Te Deum. Sa buong Cuaresma ang Alleluia ay hindi winiwika.
8. Kapag ang Pista ng Purificacion o Candelaria ay tatama maklampas ang Linggo ng
Septuagesima, maaaring dasalin ang Te Deum. Kung ang pistang ito ay malipat sa ibang araw,
ang pagbabago sa Oficio ay hindi ililipat. Mula sa Completas ng ika-2 ng Pebrero ang
 Antifonang Aba Reynang Mahal ng Sangkalangitan ay siyang darasalin, sa halip ng Noong
Manunubos Inang sakdal bait.
9. Sa loob ng panahon ng Pasion, ang Lualhati sa Ama ay dinarasal din. Sa huling tatlong araw ng
Mahal na Araw ay hindi dinarasal ang kalahatan.
10. Sa loob ng panahon ng Pasko ng Pagkabuhay na mag-uli ang Alleluia ay hindi winiwika
pagkatapos ng Pagaanyaya, Antifona, Versiculo, at mga Responso.
11. Mula sa Linggo ng Septuagesima hanggang sa Linggo ng Visperas ng Sabado Santo, pagwiwika
ng Halina, O Diyos upang tulungan ako at ibp., sa halip ng Alleluia ang wiwikain ay Kapurihan nawa
at ibp.
12. Ang Antifona O Reyna ng Kalangitan ay sisimulang dasalin kasunod ng awit ni Simeon sa Sabado
Santo, at ang huling pagdarasal noon ay sa Laudes ng Sabado na kinabukasan ay Linggo ng
Santisima Trinidad.
ANG PAGTATANDA NG SANTA CRUS
Kaugalian na mag-Tanda ng Santa Crus sa karaniwang paraan:
1. Pagsasalita ng Halina O Diyos;
2. Pagsisimula sa mga awit na Benedictus o awit ni Zacarias; Magnificat o Awit ng Mahal na Birhen,
at Nunc Dimittis o awit ni Simeon; at
3. Sa wakas ng Completas pagdating sa Pagpalain at ingatan nawa o Bendicion.
4. Ang Tanda ng Santa Crus ay ginagawa din sa pamamagitan ng hinlalaki sa bibig sa pagsasalita
ng Buksan Mo, Panginoon at ibp., at sa tapat ng puso pagdating sa Pagbalik loobin Mo kami sa
simula ng Completas. Ginagawa din sa pamamagitan ng hinlalaki sa bibig at sa puso pagdarasal
ng unang Panalangin Bago Dasalin ang Oficio.
PANALANGIN BAGO DASALIN ANG OFICIO
BUKSAN Mo, Panginoon, ang aking mga labi upang purihin ang Iyong banal na Ngalan; gayon din
naman pakalinisin Mo ang aking puso sa mga walang kabuluhan, masama at walang tutong panimdim;
liwanagan Mo ang aking pag-iisip, papag-alabin Mo ang aking pag-ibig, upang madasal ko nang
marapat, taimtim at buong kabanalan ang Oficiong ito, at maging marapat akong dinggin sa harap ng
di-matingkala Mong Kamahalan. Alang-alang kay Kristong Panginoong namin. Siya nawa.
Panginoon, karamay noong mabathalang nasa na inialay Mo sa Diyos sa Iyong mga papuri noong Ikaw
ay nasa lupa, ang Horas na ito ay iniaalay ko sa Iyo.
PANALANGIN PAGKATAPOS NG OFICIO
Sa lahat na mataimtim na magdarasal na paluhod ng sumusunod na panalangin, ay ipinagkaloob ng Papa Leon X
ang kapatawaran ng lahat ng pagkakamali at pagkukulang sa pagdarasal ng Oficio, na maaaring manggaling sa
sariling kahinaan.
SA KABANALAN at kaisaisang Trinidad, sa pagkatao ni Jesukristong Panginoon nating ipinako, sa
pinagbungang pagkabirhen ng pinakamapalad, pinakamalualhati at laging Birhen Maria, at sa
kalahatang lupon ng mga Banal nawa’y ialay ng lahat ng mga linalang ang walang hanggang papuri,
dangal, kapangyarihan, at lualhati; at sa atin nawa’y ang kapatawaran ng lahat ng kasalanan magpakailan
man. Siya nawa.
V. Mapalad ang sinapupunan ng Birhen Maria na nagdala sa Anak ng walang hanggang Ama.
R. At mapalad ang dibdib, na nagpasuso kay Kristong Panginoon.
Ama namin. Aba Ginoong Maria.
 MAITINES
Aba Ginoong Maria, at ibp. (sa sarili).
V. Buksan Mo, Panginoon, ang aking mga labi.
R. At ang aking bibig at magpapahayag ng
Iyong kapurihan.
V. Halina, O Diyos, upang tulungan ako.
R. Magmadali Ka, Panginoon upang
saklolohan ako.
V. Lualhati sa Ama, at sa Anak, at sa Espiritu
Santo.
R. Gaya noong unauna, ngayon at magpakailan
man at magpasa walang hanggan. Siya nawa.
Alleluia. (Mula sa Septuagesima hanggang sa Visperas ng
Sabado Santo, sa halip ng Alleluia ay wiwikain:
Kapurihan nawa sa Iyo, O Panginoon, Hari ng
walang hanggang kalualhatian.)
PAG-AANYAYA
ABA Ginoong Maria, napupuno ka ng grasia,
ang Panginoon ay sumasaiyo.
Aba Ginoong Maria, napupuno ka ng grasia,
ang Panginoon ay sumasaiyo.
Salmo na Ika-94
HALINA kayo, mangagsipaggalak tayo sa
Panginoon, magsaya tayo sa Diyos na ating
Tagapagligtas. Lumapit tayo sa Kanyang harap
na may pasasalamat at magsaya tayo sa Kanya
sa pamamagitan ng mga awit.
Aba Ginoong Maria, napupuno ka ng grasia,
ang Panginoon ay sumasaiyo.
Sapagka’t ang Panginoon ay dakilang Diyos,
dakilang Hari sa lahat ng mga diyosdiyosan;
pagka’t hindi tatanggihan ng Panginoon ang
Kanyang Bayan, sapagka’t nasa Kanyang
kamay ang lahat ng hangganan ng lupa at ang
kataasan ng mga bundok ay nakikita Niya.
Ang Panginoon ay sumasaiyo.
Sapagkat ang dagat ay Kanya rin at Siya ang
gumawa noon at mga Kamay Niya ang gumawa
sa katihan; O HALINA KAYO, MAGSISAMBA
TAYO AT MANIKLUHOD SA HARAP NG DIYOS:
tayo ay manangis sa harap ng Panginoon na
lumalang sa atin, sapagka’t Siya ang Panginoon
na ating Diyos: at tayo ang Kanyang bayan at
mga tupa ng Kanyang pastulan.
Aba Ginoong Maria, napupuno ka ng grasia,
ang Panginoon ay sumasaiyo.
Sa araw na ito kung inyong madinig ang
Kanyang tinig, huag ninyong patigasin ang
inyong mga puso, katulad ng nangyari noong
ibuyó nila ako sa pagkagalit doon sa ilang; na
tinuksó Ako ng inyong mga magulang, sinubok
Ako, at nakita nila ang Aking mga gawa.
Ang Panginoon ay sumasaiyo.
Apatnapung taong nakasusubaybay Ako sa
lahing ito at Aking winika; ang mga ito ay
palaging nalilinsil sa kanilang puso, at hindi
nakikilala ang Aking mga daan; kaya’t isinumpa
Ko sa Aking kapootan na sila’y hindi
magsisipasok sa Aking kapahingahan.
Aba Ginoong Maria, napupuno ka ng grasia,
ang Panginoon ay sumasaiyo.
Lualhati sa Ama, at sa Anak, at sa Espiritu
Santo. Gaya noong unauna, ngayon at
magpakailan man at magpasa walang hanggan.
Siya nawa.
Ang Panginoon ay sumasaiyo.
Aba Ginoong Maria, napupuno ka ng grasia,
ang Panginoon ay sumasaiyo.
DALIT
1
YAONG sinasamba’t laging inaawit
Ng lupa, dagat at bituin sa langit,
Na sa tatlong ito’y siyang umuugit
Sa tiyan ni Maria’y dinalang napiit.
2
Ang sa buwan at araw at ng sangtinakpan
Sa takdang panaho’y pinaglilingkuran
Ay dinala ng tiyan noong paralumang
Pinuspus ng langit sa biyayang mahal.
 3
Pinagpalang Inang tanging inilaang
Tagapagdala ng dakilang Maylalang,
Sa sinapupunan mo ay napalaman,
Ang naghahawak sa boong sangtinakpan.
4
Mapalad ang bati ng Anghel na sugo
Puspos ng biyaya ng Espiritu Santo
Ang hinihintay na pag-asa ng mundo
Ay inilual ng malinis na tiyan mo.
5 Lualhati sa Ama… at ibp.
Jesus, sumaiyo ang kalualhatian
Na Anak ng Birheng kagalang-galang
Gayon din sa Ama’t Espiritung Banal,
Sa panahong lahat magpakailan man.
Siya nawa.
UNANG NOCTURNO
Sa mga araw ng Linggo, Lunes, at Huebes.
Ant. Bukod kang pinagpala.
Salmo na Ika-8.
Kahangahanga ang Diyos sa Kanyang mga gawa, lalo na
sa sangkatauhan na tanging nataas sa Pagkakatawangtao
ni Kristo.
1. PANGINOON, aming Panginoon:
gaanong kahangahanga ang Iyong
pangalan sa boong sangsinukob!
2. Sapagka’t ang kadakilaan Mo ay
nakapaitaas: sa ibabaw ng mga langit.
3. Mula sa bibig ng mga sanggol at
pasusuhin ay sakdal Mong ginawa ang
ganap na kapurihan, dahilan sa Iyong
mga kaaway: upang Iyong maiwasak
ang kaaway at ang mapaghiganti.
4. Sapagka’t namasdan ko ang Iyong mga
langit na gawa ng Iyong mga daliri: at
ang buwan at ang mga bituin, na Iyong
linalang.
5. Ano ba ang tao upang siya’y alalahanin
Mo: at ang anak ng tao upang dalawin
Mo siya?
6. Ginawa Mo siyang mababa lamang
nang kaunti sa mga anghel, at
pinatungan Mo siya ng kalualhatian at
karangalan: at iniluklok Mo siya sa
ibabaw ng mga gawa ng Iyong mga
kamay.
7. Ang lahat ay ipinailalim Mo sa kanyang
mga yapak: mga tupa at lahat ng baka,
at pati ng mga hayop sa gubat.
8. Ang mga ibon sa himpapawid at mga
isda sa dagat: na nagyayaot dito sa
kaliliman ng dagat.
9. Panginoon, aming Panginoon:
gaanong kahangahanga ang Iyong
pangalan sa boong sangsinukob!
Ant. Bukod kang pinagpala sa babaing lahat, at
pinagpala naman ang bunga ng iyong tiyan.
Ant. Kawangis ng mira.
Salmo na Ika-18.
Ang gawa ng Diyos ay nasasaysay ng Kanyang
kalualhatian: Ang Kanyang Batas ay karapat-dapat na
pahalagahan at ibigin.
1. ISINASAYSAY ng langit ang kalualhatian
ng Diyos: at ipinahayag ng himpapawid
ang mga gawa ng Kanyang kamay.
2. Bawa’t araw ay nagpapahayag ng
pananalita sa kasunod ng araw: at ang
gabi ay nagpapakilala ng dunong sa
kasunod na gabi.
3. Walang pananalita o wika man: na ang
kanilang tinig ay hindi maririnig.
4. Ang kanilang tunog ay lumaganap sa
buong lupa: at ang kanilang mga salita
ay hanggang sa wakas ng sanlibutan.
5. Sa gitna ng araw inilagay Niya ang
Kanyang tabernaculo: at Siya’y katulad
ng kasintahang lalaki na lumalabas
mula sa kanyang silid.
6. Lumukso Siya na katulad ng higante
upang takbuhin ang Kanyang daan: ang
Kanyang labasan ay mula sa wakas ng
langit.
7. At ang Kanyang lakad ay sa wakas
noon” at walang sinumang maaaring
magkanlong sa Kanyang init.
8. Ang mga utos ng Panginoon ay
matuwid, nagpapaligaya sa mga puso:
Ang atas ng Panginoon ay malinaw at
tumatanglaw sa mga mata.
9. Ang mga uto ng Panginoon ay
matuwid, nagpapaligaya ng mga puso:
Ang atas ng Panginoon ay malinaw at
tumatanglaw sa mga mata.
 10. Ang takot sa Panginoon ay banal at
nananatili magpakailan man: ang mga
kahatulan ng Panginoon ay tunay at
lubos na matuwid sa kanilang sarili.
11. Kapitapitang higit kaysa ginto at sa
maraming mahalagang hiyas: at
matamis na higit kaysa pulot-pukyutan
at sa panilan.
12. Dahil dito’y tumatalima sa kanila ang
Iyong lingkod: at sa pagtupad ng mga
yaon ay may malaking gantimpala.
13. Sino ang nakauunawa ng kanyang mga
kasalanan?: linisin Mo ako sa aking mga
salang lihim at sa kamalian pang iba ay
iligtay Mo ang Iyong alipin.
14. Kapag sila’y hindi nagtagumpay sa akin,
ako’y magiging walang dungis: at
mahuhugasan ako sa mabigat na
pagkakasala.
15. At magiging kalugod-lugod ang mga
wika ng aking bibig: at ang pagninilay-
nilay ng aking puso sa balintatao ng
Iyong mga mata, magpaklailan man.
16. O Panginoon na aking saklolo at aking
manunubos.
Lualhati sa Ama… at ibp.
Ant. Kawangis ng mirang pinili, ay nagbigay ka
ng halimuyak ng iyong bango, O Santang Ina
ng Diyos.
Ant. Sa harap ng luklukan.
Salmo na Ika-23.
Awit ng tagumpay sa pagkakalipat ng Arca sa bundok ng
Sion.
1. ANG lupa ay sa Panginoon at ang
kanyang kasaganaan: ang sanglibutan at
silang lahat na nagsisitahan dito.
2. Sapagka’t Siya rin ang nagtatag nito sa
ibabaw ng mga dagat: at nagluklok sa
ibabaw ng mga ilog.
3. Sino ang aakyat sa bundok ng
Panginoon: at sino ang tatayo sa
Kanyang pook na banal?
4. Ang may malinis na mga kamay at may
dalisay na puso: na hindi pinawalang
kabuluhan ang pagtanggap sa kanyang
kaluluwa, at hindi sumumpa ng linlang
sa kanyang kapwa.
5. Ito ang tatanggap ng pagpapala ng
Panginoon: at ng awa sa Diyos na
kanyang kaligtasan.
6. Ito ang lahi ng nagsisihanap sa Kanya:
ng nagsisihanap sa mukha ng Diyos ni
Jacob.
7. Buksan ninyo ang inyong mga pintuan,
O mga anak-hari! at magsibukas kayo
mga pintuang walang hanggan: at
papasok ang Hari ng Kalualhatian.
8. Sino ang Haring ito ng Kalualhatian?:
ang Panginoong malakas at
makapangyarihan; ang Panginoong
makapangyarihan sa digmaan.
9. Buksan ninyo ang inyong mga pintuan,
O mga anak-hari! at magsibukas kayo
mga pintuang walang hanggan: at
papasok ang Hari ng Kalualhatian.
10. Sino ang Haring ito ng Kalualhatian?:
ang Panginoong malakas at
makapangyarihan; ang Panginoong ng
mga hukbo, Siya rin ang Hari ng
Kalualhatian.
Lualahati sa Ama… at ibp.
Ant. Sa harap ng luklukan ng Birheng ito, ulit-
ulitin ninyong awitin sa amin ang malambing na
awit ng dula.
V. Ang biyaya ay nakalaganap sa iyong mga
labi.
R. Kaya pinagpala ka ng Diyos magpakailan
man.
Ama namin… (sa sarili)
V. At huwag mo kaming ipahintulot sa tukso.
R. At iadya Mo kami sa dilang masama.
Ang Bendision at ang mga Babasahin ay nasa katapusan
ng Ikatlong Nocturno.
IKALAWANG NOCTURNO
Kung Martes at Biernes.
Ant. Sa iyong dilag.
Salmo na Ika-44.
Ang kadakilaan ng kaharian ni Kristo at ang katangian
ng Kanyang Iglesia.
1. BINIGKAS ng aking puso ang mabuting
wika: inihandog ko sa Hari ang aking
mga gawa.
2. Ang aking dila ay panitik ng manunulat:
na matuling sumusulat.
3. Ikaw ay pinakamaganda sa mga anak ng
tao, ang biyaya ay nakalaganap sa iyong
mga labi: dahil dito’y pinagpala ka ng
Diyos magpakailan man.
4. Isalong Mo ang Iyong tabak sa Iyong
tagiliran: O Makapangyarihan.
5. Sa Iyong dilag at ganda: yumao Kang
umuunlad at maghari Ka.
6. Dahil sa katotohanan, at sa kaamuang-
loob, at sa katarungan: kahanga-
hangang papatnugutan Ka ng Iyong
kanan.
7. Ang Iyong mga palasong matutulis ay
maglalagos sa mga puso ng mga kaaway
ng Hari: at ang mga bayan ay
mahuhulog sa Iyong kapangyarihan.
8. Ang Iyong luklukan, O Diyos, ay
magpakailan man: ang setro ng Iyong
kaharian ay setro ng katuwiran.
9. Inibig Mo ang katarungan, at
kinapootan Mo ang kasamaan: dahil
dito’y pinahiran ka ng Diyos, iyong
Diyos, ng langis ng kasayahan na higit
sa iyong mga kasama.
10. Mira, aloe, at casia ang ihahalimuyak ng
Iyong mga damit magmula sa mga
bahay na garing: buhat sa mga yaon ay
inaliw Ka ng mga babaing anak ng hari,
sa Iyong karangalan.
11. Sa Iyong kanan ay nakatayo ang Reyna
sa kanyang dinintuang kasuoatan:
nababatbat ng iba’t ibang palamuti.
12. Iyong dinggin, anak na babae, at iyong
pag-ukulan ng pansin at ikiling mo ang
iyong pangdinig: at limutin mo ang
iyong sarili at ang tahanan ng iyong
ama.
13. Sa gayo’y paglulungatian ng Hari ang
iyong kagandahan: sapagka’t Siya’y
Panginoong iyong Diyos at sila’y
sasamba sa Kanya.
14. Ang mga anak na babae ng Tiro, lahat
ng mayaman ng bayan taglay ang mga
handog: na pipintuhuin ka.
15. Mula sa loob ng kalualhatian ng anak na
babae ng Hari: nabibidbid ng mga
lamba na ginto, at nasusuotan ng
maraming palamuti.
16. Ihaharap sa Hari ang mga bibining
kasunod niya: at ang kanyang mga
kasama ay dadalhin sa Iyo.
17. May kasayahan at kagalakan na ihahatid
sila: magsisipasok sila sa bahay ng Hari.
18. Sa halip ng iyong mga magulang, mga
ang anak ang sa iyo’y iluluwal: sila’y
gagawin mong mga puno sa ibabaw ng
lupa.
19. Aalalahanin nila ang iyong pangalan: sa
lahat ng sunod-sunod na lahi.
20. Dahil dito’y ipagbabantog Ka ng mga
bayan: magpakailan man at magpasa-
walang hanggan.
Lualhati sa Ama.. at ibp.
Ant. Sa iyong dilag at ganda lumakad Ka,
yumao Kang umuunlad at maghari Ka.
Ant. Sasaklolohan siya.
Salmo na ika-45
Ang Iglesia ay uma-asa sa pagtatangkilik ng Diyos kung
inu-usig.
1. ANG ating Diyos ay kuta at lakas: taga
saklolo sa mga sakuna na matinding
nagsisidagsa sa atin.
2. Kaya’t hindi tayo matatakot kahima’t
mayanig ang lupa: at mapalipat ang mga
bundok sa puso ng dagat.
3. Nagsiugong at nabalisa ang kanilang
mga tubig: at ang mga bundok ay
nayanig sa lakas niya.
4. Ang sigabo ng ilog ay nakaaliw sa bayan
ng Diyos: pinakabanal ng Kataastaasan
ang Kanyang tabernaculo.
5. Ang Diyos ay nasa gitna niya, hindi siya
matitigatig: sasaklolohan siya ng Diyos
pagbubukang-liwayway.
 6. Ang mga bansa ay nangagulo at
nagsiguho ang mga kaharian: ibinigay
niya ang Kanyang tinig, ang lupa’y
nagimbal.
7. Ang Panginoon ng mga hukbo’y
sumasaatin: ang Diyos ni Jacob ang
ating Tagapagtanggol.
8. Halina kayo, at inyong tingnan ang mga
gawa ng Panginoon; kung anong mga
kababalaghan ang Kanyang ginawa sa
lupa: kung paano Niya napalayo ang
mga digmaan hanggang sa wakas ng
lupa.
9. Kanyang dudurugin ang mga pana, at
Kanyang babaliin ang mga sandata: at
Kanyang tutupukin sa apoy ang mga
kalasag.
10. Kayo’y tumahimik at kilalanin ninyo na
Ako ang Diyos: Ako’y mabubunyi sa
gitna ng mga bansa, at Ako’y
mabubunyi sa lupa.
11. Ang Panginoon ng mga hukbo’y
sumasaatin: ang Diyos ni Jacob and
ating Tagapagtanggol.
Lualhati sa Ama… at ibp.
Ant. Sasaklulohan siya ng Diyos sa
pamamagitan ng Kanyang mukha: ang Diyos ay
nasa kanya, hindi siya matitigatig.
Ant. Katulad ng sa bayan na lubos na
nagsasaya.
Salmo na Ika-86.
Ang kalualhatian ng Iglesia ni Kristo.
1. ANG kanyang mga batong-saligan ay
nasa mga banal na bundok: iniibig ng
Panginoong ang mga pintuan ng Sion
ng higit sa lahat ng tahanan ni Jacob.
2. Malualhating mga bagay ang sinabi
tungkol sa iyo: O bayan ng Diyos.
3. Aalalahanin ko ang Rahab at Babilonia:
na kumikilala sa akin.
4. Narito ang mga dayuhan, at ang Tiro,
at ang bayan ng mga Etiope: ang ito’y
naroroon.
5. Hindi ba sasabihin ng Sion; isang Tao,
kahima’t makapangyarihan ay
ipinanganak niya: at iyon ding
Kataastaasan ang nagtatag sa kanya?
6. Sasalaysayin ng Panginoon sa mga
kasulatan ng mga bayan at mga puno
ang mga naninirahan sa kanya.
7. Katulad nang sa bayan na lubos na
nagsasaya: gayon ang tahanan namin sa
iyo.
Lualahati sa Ama… at ibp.
Ant. Katulad nang sa bayan na lubos na
nagsasaya: gayon ang tahanan namin sa piling
mo, O Santang Ina ng Diyos.
V. Ang biyaya ay nakalaganap sa iyong mga
labi.
R. Kaya pinagpala ka ng Diyos magpakailan
man.
Ama namin… (sa sarili)
V. At huwag mo kaming ipahintulot sa tukso.
R. At iadya Mo kami sa dilang masama.
Ang Bendision at ang mga Babasahin ay nasa katapusan
ng Ikatlong Nocturno.
IKATLONG NOCTURNO
Mierkoles at Sabado.
Ant. Magsaya ka, Birhen Maria.
Salmo na Ika-95.
Pag-aanyaya sa lahat ng nilalang na magpuri sa Diyos.
1. UMAWIT kayo sa Panginoon ng bagong
awit: umawit kayo sa Panginoon,
buong lupa.
2. Umawit kayo sa Panginoon, purihin
ninyo ang Kanyang pangalan: ihayag
ninyo araw-araw ang Kanyang
pagliligtas.
3. Ipahayag ninyo ang Kanyang
kalualhatian sa mga bansa: at sa lahat ng
bayan, ang Kanyang mga
kababalaghan.
4. Sapagka’t dakila ang Panginoon at
karapatdapat purihin ng labis:
kakilakilabot na higit sa lahat ng mga
dinidiyos.
 5. Sapagaka’t mga demonyo ang lahat ng
dinidiyos ng mga gentil: ngunit ang
Panginoon ang lumikha sa langit.
6. Kapurihan at kagandahan ang nasa
harap Niya: kabanalan at kamahalan
ang nasa loob ng Kanyang santuario.
7. Magbigay kayo sa Panginoon, kayong
mga angkan ng mga gentil, magbigay
kayo sa Panginoon ng kalualhatiang
ukol sa Kanyang ngalan.
8. Magdala kayo nga mga iaalay at
magsipasok kayo sa Kanyang atrio:
sambahin ninyo ang Panginoon sa
Kanyang banal na Pook.
9. Mayanig nawa ang buong lupa sa
Kanyang harap: ihayag ninyo sa mga
gentil na naghahari ang Panginoon.
10. Sapagaka’t itinatag Niya ang
sanglibutan at hindi matitigatig:
Kanyang huhukuman ang mga bayon
ayon sa katarungan.
11. Magsaya ang langit at magalak ang lupa;
mabalisa nawa ang dagat at lahat ng
naroroon: magsaya ang mga bukid at
lahat ng naroroon.
12. Kung gayo’y magagalak ang lahat ng
punong kahoy sa gubat sa harap ng
Panginoon, sapagka’t Siya’y
dumarating: sapagka’t Siya’y
dumarating upang hukuman ang lupa.
13. Kanyang huhukuman sa katwiran ang
sanglibutan: at sa Kanyang
katotohanan ang mga tao.
Lualhati sa Ama… at ibp.
Ant. Magsaya ka, Birhen Maria, iwinasak mong
mag-isa ang lahat ng mga maling aral sa buong
sansinukob.
Ant. Marapatin mong ikaw ay aking purihin.
Salmo na Ika-96.
Tuwa sa pagparito at paghahari ni Kristo.
1. ANG panginoon ay naghari, magalak
ang lupa: mangagsaya ang maraming
pulo.
2. Mga ulap at kadiliman ay nasa palibot
Niya: katarungan at paghuhukom ang
saligan ng Kanyang luklukan.
3. Apoy ang nangunguna sa Kanya: at
sisilaban ang Kanyang mga kaaway sa
paligid.
4. Tumatanglaw ang mga kidlat sa
sanglibutan: nakita ng lupa at ito’y
nayanig.
5. Ang mga bundok ay natunaw gaya ng
pagkit sa harap ng Panginoon: sa harap
ng Panginoon sa buong lupa.
6. Ipinahayag ng langit ang Kanyang
katarungan: at nakita ng lahat ng bayan
ang Kanyang kalualhatian.
7. Manghahiya ang lahat ng sumasamba
sa mga inukit na larawan: at ang mga
nagpaparangya ng kanilang mga
dinidiyos.
8. Sambahin ninyo Siya, kayong lahat ng
mga anghel Niya: nadinig ng Sion at
siya’y natuwa.
9. At nagalak ang mga anak na babae ng
Juda: dahil sa Iyong mga kahatulan, O
Panginoon.
10. Sapagka’t Ikaw ay Panginoong
kataastaasan sa buong lupa: lubos na
mataas sa ibabaw ng lahat ng diyos-
diyosan.
11. O kayong umiibig sa Panginoon,
kapootan ninyo ang kasamaan:
iniingatan ng Panginoon ang kaluluwa
ng Kanyang mga banal; ililigtas sila sa
kamay ng makasalanan.
12. Sumilang ang liwanag sa mga banal: at
sa may matuwid na puso, ang
kasayahan.
13. Mag-galak kayo sa Panginoon, O mga
banal: at mag-bigay puri sa pag-alaala sa
Kanyang kabanalan.
Lualhati sa Ama… at ibp.
Ant. Marapatin mong ikaw ay aking purihin, O
Birheng banal; bigyan mo ako ng lakas laban sa
iyong mga kaaway.
Ant. Pagkapanganak mo.
Sa Adviento – Ant. Binati ng Anghel.
Salmo na Ika-97.
Anyaya na magpuri sa Panginoon dahil sa mga tagumpay
ni Kristo.
1. MAGSIAWIT kayo sa Panginoon ng
bagong awit: sapagka’t Siya’y gumawa
ng mga kababalaghan.
2. Ang Kanyang kanan at ang Kanyang
banal na bisig: ay gumawa ng Kanyang
pagliligtas.
3. Ipinakilala ng Panginoon ang Kanyang
pagliligtas: ipinakilala Niya ang
Kanyang katarungan sa mata ng mga
bansa.
4. Kanyang nagunita ang Kanyang awa:
at ang Kanyang katotohanan sa bahay
ng Israel.
5. Nakitang lahat ng hanggahan ng lupa:
ang pagliligtas ng ating Diyos.
6. Umawit kayong lipos ng galakas sa
Diyos, buong lupa: umawit kayo, mag-
saya, at umawit ng papuri.
7. Magpuri kayo sa Panginoon sa
pamamagitan ng alpa, ng alpa at awit:
ng mga pakakak, at tunog ng tambuli.
8. Umwait kayong lipos ng galak sa harap
ng Haring Panginoon: kumilos ang
dagat at lahat ng napapalaman sa
kanya; ang sanglibutan at lahat ng
nagsisitahan sa kanya.
9. Ipapalakpak ng mga ilog ang kanilang
mga kamay, kasabay na magalak ang
mga bundok sa harap ng Panginoon:
sapagka’t Siya’y dumarating upang
hukuman ang lupa.
10. Huhukuman Niya ang sanglibutan sa
katarungan: at ang mga bayan ayon sa
nararapat.
Lualhati sa Ama… at ibp.
Ant. Pagkapanganak mo ay nanatili kang
Birheng walang dungis: Ina ng Diyos
ipamagitan mo kami.
Sa Adviento – Ant. Binati ng anghel ng
Panginoon si Maria at naglihi siya lalang ng
Espiritu Santo.
V. Ang biyaya ay nakalaganap sa iyong mga
labi.
R. Kaya pinagpala ka ng Diyos magpakailan
man.
Ama namin… (sa sarili)
V. At huwag mo kaming ipahintulot sa tukso.
R. At iadya Mo kami sa dilang masama.
Pagpapatawad
ALANG-ALANG sa mga panalangin at
karapatan ni Santa Mariang laging Birhen at ng
lahat ng mga banal, dalhin nawa tayo ng
Panginoon sa langit na kaharian.
R. Siya nawa.
V. Marapatin Mo, Panginoon na kami’y
bendisionan.
Bendision
PAGPALAIN nawa tayo ng Birhen sa
pamamagitan ng kanyang mahal na Anak.
R. Siya nawa.
Ang tatlong sumusunod na Babasahin ay dinarasal sa
buong taon maliban na lamang sa panahon ng Adviento.
Unang Babasahin
Eccl. 24, 11-13
SA LAHAT ng dako ay hinahanap Ko ang
kapayapaan, at sa pamana ng Panginoon ako
tatahan. Noon iniutos at winika sa akin ng
Maylikha sa lahat; at ang lumikha sa akin ay
nagpahinga sa aking tahanan, at sinabi Niya sa
akin: manirahan ka kay Jacob, at ang iyong
mana sa Israel, at manatili kang matibay sa gitna
ng aking mga hinirang. Ikaw rin, Panginoon,
maawa ka sa amin.
R. Salamat sa Diyos.
R. O banal at di-narungisang pagkabirhen,
hindi ko malaman kung sa pamamagitan ng
anong mga papuri kita dadakilain: * Sapagka’t
ang hindi makayang ilulan ng langit ay dinala
mo sa iyong sinapupunan.
V. Bukod kang pinagpala sa babaing lahat, at
pinagpala naman ang bunga ng iyong tiyan:
* Sapagka’t ang hindi makayang ilulan ng langit
ay dinala mo sa iyong sinapupunan.
V. Marapatin Mo, Panginoon na kami’y
bendisionan.
Bendision
IPAMAGITAN nawa tayo sa Panginoon ng
Birhen ng mga birhen.
R. Siya nawa.
Ikalawang Babasahin.
AT SA gayon ay nanatili ako sa Sion, at gayon
din naman ako ay nagpahinga sa pinagpalang
bayan; at ang aking kapangyarihan ay nasa
Jerusalem. At namamalagi ako sa marangal na
bayan, at ang kanyang pamana ay nasa aking
Diyos, at ang aking tahana’y sa kapulungan ng
mga Banal. Nguni’t Ikaw, Panginoon, maawa
Ka sa amin.
R. Salamat sa Diyos.
R. Mapalad ka, Birhen Maria, na nagdala sa
Panginoong Maylalang sa sansinukob. *
Ipinanganak mo ang gumawa sa iyo, at nanatili
kang Birhen magpakailan man.
V. Aba Ginoong Maria, napupuno ka nga
grasia. * Ipinanganak mo ang gumawa sa iyo, at
nanatili kang Birhen magpakailan man.
Kung darasalin ang Te Deum isusunod ang:
V. Lualhati sa Ama, at sa Anak, at sa Espiritu
Santo.
R. Ipinanganak mo ang gumawa sa iyo, at
nanatili kang Birhen magpakailan man.
V. Marapatin Mo, Panginoon na kami’y
bendisionan.
Bendision
SA PAMAMAGITAN ng Inang Birhen, ipagkaloob
nawa sa atin ng Panginoon ang kaligtasan at
kapayapaan.
R. Siya nawa.
Ikatlong Babasahin.
AKO’Y nataas na tulad sa sedro ng Libano, at
tulad sa sipres sa bundok ng Sion; katulad ng
palaspas sa Cades ay nataas ako at tulad sa puno
ng rosal sa Jerico. Tulad sa mayabong na oliva
sa mga kapatagan, at tulad ng punong saging sa
tabi ng tubig sa mga lansangan, nagsabog ako
ng bango; tulad ng piniling mira ay nagbigay
ako ng bango. Ikaw naman, Panginoon, maawa
Ka sa amin.
R. Salamat sa Diyos.
Kung walang Te Deum.
R. Tunay nganing maligaya ka, mahal na
Birhen Maria, at sakdal na marapat magkamit
ng papuring lahat: * Sapagaka’t buhat sa iyo
sumilang ang araw ng katarungan, * Si Kristong
aming Diyos.
V. Ipanalangin mo ang bayan; ipamagitan mo
ang pari; ipamanhik mo ang mga banal na
babae; madama ng lahat ang iyong pagtulong,
ang sino mang nagdidiwang sa iyong banal na
pag-aalaala. * Sapagaka’t buhat sa iyo sumilang
ang araw ng katarungan, * Si Kristong aming
Diyos.
Lualhati sa Ama, at sa Anak, at sa Espiritu
Santo. * Si Kristong aming Diyos.
TE DEUM
Awit ni S. Ambrosio at ni S. Agustin.
1. IKAW O Diyos ay aming pinupuri:
Ikaw ay aming kinikilalang Panginoon.
2. Ikaw ay walang hanggang Amang:
sinasamba ng sangtinakpan.
3. Sa Iyo ang lahat ng mga Anghel: Sa
Iyo, ang sangkalangitan at ang lahat ng
Potestades.
4. Sa Iyo, ang Querubin at Serafi’y
walang maliw na umaawit;
5. Banal, Banal, Banal, ang Panginoong
Diyos ng mga Hukbo..
6. Punong-puno ang langit at lupa: ng
kamahalan ng Iyong kalualhatian.
7. Sa Iyo, ang malualhating lupon ng mga
Apostol.
8. Sa Iyo, ang marangal na bilang ng mga
Profeta.
9. Sa Iyo, ang maningning na hukbo ng
mga martir: ay nagpupuri.
10. Ikaw, ang sa buong sangsinukob: ay
ipinagbabantog ng Santa Iglesia.
11. Na Ama: ng malawak na kamahalan.
12. Kagalang-galang ang tunay: at bugtong
Mong Anak.
13. Gayon din naman: ang Banal na
Espiritung mapangaliw.
14. Ikaw ang Hari ng Kalualhatian: O
Kristo.
15. Ikaw: ang walang hanggang Anak ng
Ama.
16. Ikaw, sa pagnanasa Mong iligtas ang
tao: ay di nanghilakbot magkatawang-
tao sa tiyan ng Birhen.
17. Ikaw, matapos na mapagtagumpayan
ang tibo ng kamatayan: ang nagbukas
sa pinto ng langit sa mga
sumasampalataya.
18. Ikaw ay naluluklok sa kanan ng Diyos:
sa kalualhatian ng Ama.
19. Sinasampalatayanan naming: Hukom
kang darating.
Lumuhod para sa sumusunod na verso.
20. KAYA NGA ISINASAMO NAMIN SA
IYONG, SAKLOLOHAN MO ANG
IYONG MGA ALIPIN: NA TINUBOS MO
NG IYONG KAMAHALMAHALANG
DUGO.
21. Ipagkaloob Mo na kami’y mabilang sa
piling ng mga Banal: sa kahariang
walang hanggan.
22. Iligtas Mo, Panginoon, ang Iyong
bayan: at pagpalain Mo ang Iyong
angkan.
23. At maghari Ka sa kanila: at itanghal
silang lubha magpakailan man.
24. Sa araw-araw: pinupuri Ka namin.
25. At pinupuri namin ang Iyong ngalan
magpakailan man: at magpasa walang
hanggan.
26. Marapatin Mo nawa, Panginoon, sa
araw na ito: ay iligtas kami sa
kasalanan.
27. Maawa Ka sa amin, Panginoon:
maawa Ka sa awin.
28. Maganap nawa sa amin ang awa Mo,
Panginoon: gaya ng pag-asa namin sa
Iyo.
29. Sa Iyo ako umaasa, Panginoon: hindi
ako mapapariwara magpakailan man.
SA ADVIENTO
Pagpapatawad
ALANG-ALANG sa mga panalangin at
karapatan ni Santa Mariang laging Birhen at ng
lahat ng mga banal, dalhin nawa tayo ng
Panginoon sa langit na kaharian.
R. Siya nawa.
V. Marapatin Mo, Panginoon na kami’y
bendisionan.
Bendision
PAGPALAIN nawa tayo ng Birhen sa
pamamagitan ng kanyang mahal na Anak.
R. Siya nawa.
Unang Babasahin.
Lukas 1, 26-28
SINUGO ng Diyos ang anghel na si Gabriel sa
isang bayan ng Galilea na ang pangalan ay
Nazareth, isang Birheng ikinasal sa isang
lalaking galing sa lipi ni David, na tumutugon
sa pangalang José, at ang ngalan ng Birhen ay
Maria. At pagkapasok ng anghel sa
kinaroroonan niya ay sinabi sa kanya: Aba,
napupuno ka ng grasia ang Panginoon ay
sumasaiyo; bukod kang pinagpala sa babaing
lahat. Ikaw naman, Panginoon, maawa ka sa
amin.
R. Salamat sa Diyos.
V. Sinugo ng anghel Gabriel kay Mariang
Birhen na ikinasal kay José, upang ibalita sa
kanya ang wika, at nagitla ang Birhen dahil sa
liwanag. Huag kang mangamba, Maria:
nagtamo ka ng biyaya sa harap ng Panginoon *
Narito, at maglilihi ka at manganganak, at Siya’y
tatawaging Anak ng Kataastaasan.
V. Ibibigay sa Kanya ng Panginoong Diyos ang
luklukan ni David na Kanyang ama, at
maghahari Siya sa bahay ni Jacob magpakailan
man: * Narito, at maglilihi ka at manganganak,
at Siya’y tatawaging Anak ng Kataastaasan.
V. Marapatin Mo, O Panginoon, na kami’y
bendisionan.
Bendision.
Ipamagitan nawa tayo sa Panginoon ng Birhen
din ng mga birhenes.
R. Siya nawa.
Ikalawang Babasahin.
Lukas 1, 29-33.
PAGKARINIG niya ng mga gayong wika ay
nagulumihanan siya, at kanyang dinilidili kung
ano ang kahulugan ng gayong bati. At sinabi ng
anghel sa kanya: Huag kang matakot, Maria,
sapagka’t nagtamo ka ng biyaya sa harap ng
Diyos. Naririto at maglilihi ka sa iyong
sinapupunan, at maglulual ka ng isang Anak na
lalaki, na ngangalanan mong Jesus. Siya’y
magiging dakila at tatawaging Anak ng
Kataastaasan; at ibibigay sa Kanya ng
Panginoong Diyos ang luklukan ni David na
Kanyang ama, at Siya ay maghahari sa bahay ni
Jacob magpakailan man; at ang Kanyang
kaharian ay walang katapusan. Ikaw rin,
Panginoon, maawa Ka sa amin.
R. Salamat sa Diyos.
R. Aba Ginoong Maria, napupuno ka ng grasia,
ang Panginoon ay sumasaiyo: * Ang Espiritu
Santo ay bababa sa iyo, at lililungan ka ng
kapangyarihan ng Kataastaasan; sapagka’t ang
bungang Banal na ilulual mo, ay tatawaging
Anak ng Diyos.
V. Papaanong mangyayari ito, sapagka’t hindi
ako nakakakilala ng lalaki? At tumugon ang
anghel na sinabi sa kanya: * Ang Espiritu Santo
ay bababa sa iyo, at lililungan ka ng
kapangyarihan ng Kataastaasan; sapagka’t ang
bungang Banal na ilulual mo, ay tatawaging
Anak ng Diyos.
Kung darasalin ang Te Deum isusunod ang:
V. Lualhati sa Ama, at sa Anak, at sa Espiritu
Santo.
R. Ang Espiritu Santo ay bababa sa iyo, at
lililungan ka ng kapangyarihan ng Kataastaasan;
sapagka’t ang bungang Banal na ilulual mo, ay
tatawaging Anak ng Diyos.
Ikatlong Babasahin.
Lukas 1, 34-38.
NGUNIT sinabi ni Maria sa anghel: Paanong
mangyayari ito sapagka’t hindi ako nakakakilala
ng lalaki? At tumugon aang Anghel na sinabi sa
kanya: Ang Espiritu Santo’y bababa sa iyo at
lulukuban ka ng lilim ng kapangyarihan ng
Kataastaasan; sapagka’t ang bungang Banal na
ilulual mo’y tatawaging Anak ng Diyos. Naiyan
ang iyong pinsang si Isabel, na sa kanyang
katandaan ay naglihi rin ng isang sanggol na
lalaki; at siya na tinatawag na baog, ngayo’y nasa
ikaanim na niyang buwan, sapagka’t sa Diyos ay
walang salitang di mangyayari. Noon nga sinabi
ni Maria: Narito ang alipin ng Panginoon,
maganap nawa sa akin ayon sa wika mo. Ikaw
rin, Panginoon, maawa Ka sa amin.
R. Salamat sa Diyos.
Kung walang Te Deum.
R. Tanggapin mo, O Birhen Maria, ang salitang
ipinahatid sa iyo ng Panginoon sa pamamagitan
ng anghel; ipinaglilihi mo at ipanganganak ang
Diyos na tao rin: * Upang tawagin kang
pinagpalang bukod sa babaing lahat.
V. Tunay, manganganak ka ng Sanggol na
lalaki, at hindi mababahiran ang iyong
pagkabirhen: ikaw ay magdadalang-tao, at
magiging ina na di madudungisan magpakailan
man * Upang tawagin kang pinagpalang bukod
sa babaing lahat.
Kung darasalin ang Te Deum isusunod ang:
V. Lualhati sa Ama, at sa Anak, at sa Espiritu
Santo.
R. Upang tawagin kang pinagpalang bukod sa
babaing lahat.
 LAUDES
V. Halina, O Diyos, upang tulungan ako.
R. Magmadali Ka, Panginoon upang
saklolohan ako.
V. Lualhati sa Ama, at sa Anak, at sa Espiritu
Santo.
R. Gaya noong unauna, ngayon at magpakailan
man at magpasa walang hanggan. Siya nawa.
Alleluia. (Mula sa Septuagesima hanggang sa Visperas ng
Sabado Santo, sa halip ng Alleluia ay wiwikain:
Kapurihan nawa sa Iyo, O Panginoon, Hari ng
walang hanggang kalualhatian.)
(I.) Ant. Si Maria’y iniakyat.
(II.) Ant. Sinugo ang anghel Gabriel.
(III.) Ant. O kahangahangang pagpapalitan.
Salmo na Ika-92.
Ang kalualhatian at katatagan ng Iglesia ni Kristo.
1. ANG Panginoo’y naghahari,
nabibihisan Siya ng kagandahan:
nararamtan ang Panginoon ng lakas at
binigkisan Niya ang Kanyang sarili.
2. Sapagka’t itinatag Niya ang sanglibutan:
na hindi matitigatig.
3. Nakahanda ang Iyong luklukan buhat
noon: at Ikaw ay buhat sa walang
hanggan.
4. Nagsilaki ang mga ilog, O Panginoon:
inilakas ng mga ilog ang kanilang
ugong.
5. Pinalaki ng mga ilog ang kanilang mga
agos: na may ingay ng maraming tubig.
6. Kahangahanga ang mga alon ng dagat:
kahangahanga ang Panginoon sa
kaitaasan.
7. Ang Iyong mga patutoo’y lubos na
dapat paniwalaan: ang kabanala’y
karapatdapat sa Iyong simbahan, O
Panginoon, sa kahabaan ng mga
panahon.
Lualhati sa Ama… at ibp.
(I.) Ant. Si Maria’y iniakyat sa langit; nagsasaya
ang mga anghel at nagpupuring
nagpapasalamat sa Panginoon.
Ant. Ang Birhen Maria’y.
(II.) Ant. Sinugo ang anghel Gabriel kay
Birhen Mariang ikinasal kay Jose.
Ant. Aba Ginoong Maria.
(III.) Ant. O kahangahangang pagpapalitan!
Ang Lumikha sa sangkatauha’y kumuha ng
katawan, minarapat Niyang Siya’y ipanganak ng
isang Birhen: at sa dalisay na pagkakatawang-
tao Niya na hindi lalang ng tao ay ibinigay sa
atin ang Kanyang pagka-Diyos.
Ant. Noong Ikaw ay kahangahangang
sumilang.
Salmo na Ika-99.
Ang lahat ay inaanyayahan sa pagpuri kay Jevohah.
1. UMAWIT kayong nagagalak sa Diyos,
buong lupa: maglingkod kayo sa
Panginoon sa kasayahan.
2. Pumasok kayo at humarap sa Kanya: sa
kagalakan.
3. Tantuin ninyo na ang Panginoon ay
Siya ring Diyos: Siya ang lumikha sa
atin, at hindi tayo sa ating sarili.
4. Tayo’y Kanyang bayan, at mga tupa ng
Kanyang pastulan: pasukin ninyong
nagpapasalamat ang Kanyang mga
pintuan, at ang Kanyang mga looban na
nagpupuri; magbigay lualhati kayo sa
Kanya.
5. Purihin ninyo ang Kanyang pangalan,
sapagka’t ang Panginoon ay magiliw,
magpasawalang hanggan ang Kanyang
awa: ang Kanyang katotohana’y
hanggang sa lahi at lahi.
Lualhati sa Ama… at ibp.
(I.) Ant. Ang Birhen Maria’y iniakyat sa silid-
langit, na kinaluluklukan ng Hari ng mga hari sa
likmuang nasasabugan ng mga bituin.
Ant. Sa halimuyak.
(II.) Ant. Aba Ginoong Maria, napupuno ka
ng grasia, ang Panginoon ay sumasaiyo, bukad
kang pinagpala sa babain lahat. (Alleluia.)
Ant. Huag kang mangamba Maria.
(III.) Ant. Noong Ikaw ay kahangahangang
sumilang sa Birhen, noon natupad ang mga
kasulatan. Nanaog Kang tulad sa ulan sa
balahibong tupa, upang iligtas Mo ang
sangkatauhan: pinupuri Ka namin, O aming
Diyos.
Ant. Ang munting halamang nakita ni Moyses.
Salmo na Ika-62.
Isang panalangin ng nasa kapighatian at kahirapan.
1. O DIYOS na aking Diyos: Ikaw ang
aking ihinihibik buhat sa
pagbubukang-liwayway.
2. Nauuhaw ang aking kaluluwa sa Iyo:
gayon na lamang ang labis na
pananabik ng aking laman sa Iyo.
3. Sa isang lupain ilang, walang landas at
walang tubig: humarap ako sa Iyo
katulad ng ako’y nasa pook na banal,
upang mamalas ang Iyong
kapangyarihan at kaluwalhatian.
4. Sapagka’t ang Iyong awa ay mabuting
higit sa buhay: pupurihin Ka ng aking
mga labi.
5. Ganito, pupurihin kita sa habang
buhay ko: at sa pangalan Mo itataas ko
ang aking mga kamay.
6. Mapuno nawa ang aking kaluluwa ng
utak-butó at katabaan: at sa
pamamagitan ng mga labing nagagalak,
pupurihin Ka ng aking bibig.
7. Kung magunita Kita sa aking hihigan,
Ikaw ay aking pagninilay-nilayin sa
madaling-araw: sapagka’t Ikaw ay
aking naging tagasaklolo.
8. At silong ng Iyong mga pakpak,
magagalak ako, ang kaluluwa ko’y
nakayapos sa Iyo: inaalalayan ako ng
Iyong kanan.
9. Nguni’t walang kabuluhang hinahanap
nila ang aking kaluluwa; magsisilusong
sila sa kalaliman ng lupa: sila’y
mahuhulog sa kapangyarihan ng tabak,
sila’y magiging pagkain ng mga hayop
na ganid.
10. Nguni’t magagalak sa Diyos ang hari,
pupurihin ang lahat ng mga
sumusumpa sa Kanya: sapagka’t
natakpan ang bibig ng mga nagsasalita
ng kasamaan.
Lualhati sa Ama.. at ibp.
(I.) Ant. Sa halimuyak ng iyong mga
kamanyang, patakbo kaming sumusunod:
iniibig kang labis ng mga dalagita.
Ant. Pinagpala ka, O anak na babae.
(II.) Ant. Huag kang mangamba, Maria,
nagtamo ka ng biyaya sa harap ng Panginoon:
narito, ipaglilihi mo’t ipanganganak ang isang
Sanggkol na lalaki. (Alleluia.)
Ant. Ibibigay sa Kanya ng Panginoon.
(III.) Ant. Ang munting halamang nakita ni
Moises na hindi matupok, ay ang kinikilala
naming iyong kahanga-hangang pagkabirheng
naingatan: Ina ng Diyos, ipamagitan mo kami.
Ant. Nagsupling ang ugat ni Jesse.
Awit ng Tatlong Bata
(Dan. 3.)
1. PURIHIN ninyo ang Panginoon, kayong
lahat na nilalang Niya: purihin at
ipagdangal ninyo Siya magpasawalang
hanggan.
2. Purihin ninyo mga Anghel ng
Panginoon, ang Panginoon: purihin
niyo mga langit, ang Panginoon.
3. Purihin ninyo kayong lahat na mga
tubig na nasa ibabaw ng mga langit, ang
Panginoon: purihin ninyo mga bituin sa
langit, ang Panginoon.
4. Purihin ninyo araw at buwan, ang
Panginoon: purihin ninyo mga bituin sa
langit, ang panginoon.
5. Purihin ninyo kayong lahat na ulan at
hamog, ang Panginoon: purihin ninyo
kayong lahat na espiritu ng Diyos, ang
Panginoon.
6. Purihin ninyo apoy at init ang
Panginoon: purihin ninyo lamig at init,
ang Panginoon.
7. Purihin ninyo mga hamog sa umaga at
hamog sa gabi, ang Panginoon: purihin
ninyo yelo at ginaw ang Panginoon.
8. Purihin ninyo mga yelo at nieve, ang
Panginoon: purihin ninyo mga gabi at
araw, ang Panginoon.
9. Purihin ninyo liwanag at kadiliman, ang
Panginoon: purihin ninyo mga kidlat at
ulap, ang Panginoon.
10. Purihin ninyo mga bundok at burol,
ang Panginoon: purihin ninyo kayong
lahat na tumutubo sa lupa, ang
Panginoon.
11. Purihin ninyo mga bukal, ang
Panginoon: purihin ninyo mga dagat at
ilog, ang Panginoon.
12. Purihin ninyo mga bukal, ang
Panginoon: purihin ninyo mga dagat at
ilog, ang Panginoon.
13. Purihin ninyo mga dambuhala, at
kayong lahat na lumalangoy sa tubig,
ang Panginoon: purihin ninyo kayong
lahat na mga ibon sa himpapawid, ang
Panginoon.
14. Purihin ninyo kayong lahat na mga
halimaw at bakahan, ang Panginoon:
purihin ninyo mga anak ng tao ang
Panginoon.
15. Purihin nawa ng Israel ang Panginoon:
purihin nawa at ipagdangal Siya
magpakailan man.
16. Purihin ninyo mga alagad ng
Panginoon, ang Panginoon: purihin
ninyo mga lingkod ng Panginoon, ang
Panginoon.
17. Purihin ninyo mga diwa at kaluluwa ng
mga Banal, ang Panginoon: purihin
ninyo mga banal at mabababang-puso,
ang Panginoon.
18. Purihin ninyo Ananias, Azarias, Misael,
ang Panginoon: purihin ninyo at
ipagdangal Siya magpakailan man.
19. Purihin natin ang Ama at Anak na
kasama ang Banal na Espiritu: purihin
natin at ipagdangal Siya magpakailan
man.
20. Pinagpala Ka Panginoon, sa kalangitan:
at kapuripuri, at malualhati, at
pinakadakila magpasa walang hanggan.
Hindi dinarasal dito ang Lualhati sa Ama… at ibp.
(I.) Ant. Pinagpala ka, O anak na babae,
sapagka’t sa pamamagitan mo’y nakabahagi
kami sa Bunga ng buhay.
Ant. Ikaw ay maganda.
(II.) Ant. Ibibigay sa Kanya ng Panginoon ang
luklukan ni David na Kanyang ama, at
maghahari Siya magpakailan man.
Ant. Narito ang alipin ng Panginoon.
(III.) Ant. Nagsupling ang ugat ni Jesse; isang
bituin ang sumilang buhay kay Jacob, isang
Birhen ang naglual sa Mananakop: pinupuri Ka
namin, O aming Diyos.
Ant. Narito at ipinanganak ni Maria.
Salmo na Ika-148.
Ang lahat ay inaanyayahang purihin ang Diyos.
1. PURIHIN ninyo ang Panginoon buhat sa
kalangitan: purihin ninyo Siyang nasa
kaitaasan.
2. Purihin ninyo Siya, kayong lahat ng
Kanyang mga anghel: purihin ninyo
Siya, kayong lahat na mga hukbo Niya.
3. Purihin ninyo Siya, araw at buwan:
purihin ninyo Siya, kayong lahat na mga
bituin at liwanag.
4. Purihin ninyo Siya, boong kalangitan:
at purihin nawa ang panglan ng
Panginoon, ng lahat ng mga tubig na
nasa ibabaw ng mga langit.
5. Sapagka’t Siya’y nagsalita at sila’y
nangagawa: nagutos Siya, at sila’y
nangalikha.
 6. Itinatag Niya sila magpakailan man, at
magpasawalang hanggan: naglagda Siya
ng utos, at ito’y hindi lilipas.
7. Purihin ninyo ang Panginoon buhay sa
lupa: mga dragon, at kayong lahat na
mga bangin.
8. Apoy, ulan at bubog, nieve, yelo at mga
masigwang hangin: na nagsisitalima sa
Kanyang utos.
9. Mga bundok at lahat ng mga burol:
mga namumungang kahoy at lahat ng
mga sedro.
10. Mga hayop at lahat ng mga bakahan:
mga hayop na gumagapang at mga
ibong may pakpak.
11. Mga hari sa lupa, at lahat ng mga bayan:
mga anak-hari, at lahat ng mga hukom
sa lupa.
12. Mga binata at dalaga, matatanda at mga
bata, purihin nawa nila ang ngalan ng
Panginoon: sapagka’t ang pangalan
Niya lamang ang dakila.
13. Ang Kanyang kapurihan ay
nakapaibabaw sa langit at lupa: at
pinataas Niya ang kapangyarihan ng
Kanyang bayan.
14. Isang awit nawa ang dalitin ng lahat ng
Kanyang mga banal: ng mga anak ng
Israel, ang bayang malapit sa Kanya.
Lualhati sa Ama… at ibp.
(I.) Ant. Ikaw ay maganda at marilag, na anak
na babae ng Jerusalem: nakapangingilabot na
tulad sa nakahanay na hukbo.
(II.) Ant. Narito ang alipin ng Panginoon:
maganap nawa sa akin ayon sa wika mo.
(III.) Ant. Narito at ipinanganak ni Maria sa
atin ang Tagapagligtas, na noong makita ni
Juan, ito’y sumigaw at nagwika: Narito ang
Cordero ng Diyos: narito ang pumapawi ng
mga kasalanan ng sangtinakpan. (Alleluia.)
Kabanata.
(I.)(III.) Cant.6, 8. – Nakita ng mga anak na
babae ng Sion, at pinakamapalad siyang
ipinagbunyi: at pinuri siya ng mga reyna.
R. Salamat sa Diyos.
(II.) Isaias 11. – Isang tungkod and susupling
buhat sa ugat ni Jesse, at isang bulaklak ang
tataas buhat sa kanyang ugat: at ang Espiritu ng
Panginoon at mananahan sa Kanya.
R. Salamat sa Diyos.
DALIT
1
MALUALHATING sakdal sa lahat ng Birhen
Dakila na higit sa mga bituin,
Sa gatas ng iyong dibdib pinakain,
Ang sa iyo’y lumikhang batang pasusuhin.
2
Ang kay Evang malumbay na iniwalay
Ibinalik ng iyong bungang pinagpala,
At sa iyong mga bunsong lumuluha’y
Binuksan mong pinto ng langit na pawa.
3
Aba, O pinutan ng haring mataas
Bulwagang maningning at nagliliwanag;
Ang lahat ng bansang sa Iyo’y naligtas
Nawa ay magpuri at magpasalamat.
4
Jesus, sumaiyo ang kalualhatian
Na Anak ng Birheng kagalang-galang
Gayon din sa Ama’t Espiritung Banal,
Sa panahong lahat magpakailan man.
Siya nawa.
V. Bukod kang pinagpala sa babaing lahat.
R. At pinagpala naman ang bunga ng iyong
tiyan.
(I.) Ant. O Maria Inang Banal ng Diyos.
(Sa loob ng Pasko ng Pagkabuhay) – Ant.
O Reyna ng kalangitan.
(II.) Ant. Ang Espiritu Santo.
(III.) Ant. Kahangahangang hiwaga.
Awit ni Zacarias.
(Lukas 1).
1. PURIHIN ang Panginoong Diyos ng
Israel: sapagka’t dinalaw at tinubos
Niya ang Kanyang bayan.
2. At tayo’y ipinagtayo ng isang
makapangyarihang tagapagligtas: sa
bahay ni David na Kanyang alipin.
3. Ayon sa Kanyang winika sa
pamamagitan ng bibig ng mga banal na
profeta: noong nangagdaang panahon.
 4. Ang ating kaligtasan sa ating mga
kaaway: at sa mga kamay ng lahat ng
mga napupuot sa atin.
5. Upang gawin Niya ang awa sa ating
mga magulang: alalahanin Niya ang
Kayang Banal na Tipan.
6. Alinsunod sa sumpa na isinumpa Niya
sa ating amang si Abraham: na
ipagkakaloob Niya sa atin.
7. Upang pagkaligtas natin sa mga kamay
ng ating mga kaaway: ay
makapaglingkod tayo sa Kanya ng
walang pangamba.
8. Sa kabanalan at katarungan sa Kanyang
harap: sa habang buhay natin.
9. At ikaw, sanggol, ay tatawaging Profeta
ng Kataastaasan: sapagka’t
mangunnguna Ka sa Panginoon upang
ihanda mo ang Kanyang dadaanan.
10. Upang maituro mo sa Kanyang bayan
ang kaligtasan: sa ikapapawi ng
kanilang mga kasalanan.
11. Dahil sa kadakilaang awa ng ating
Diyos: dadalaw sa ating buhat sa
kaitaasan ng Araw.
12. Upang liwanagan ang mga nararatay sa
kadiliman at lilim ng kamatayan: upang
itumpak ang ating mga hakbang sa
landas ng kapayapaan.
Lualhati sa Ama… at ibp.
(I.) Ant. O Maria Inang Banal ng Diyos,
Birheng walang maliw, simbahan ng
Panginoon, Sagrario ng Espiritu Santo, tanging
Ikaw lamang na walang kahambing ang
nakapagbigay lugod sa aming Panginoong
Jesukristo: ipanalangin mo ang bayan:
ipamagitan mo ang mga pari: ipamanhik mo
ang mga banal na babae.
(Sa loob ng Pasko ng Pagkabuhay) – Ant.
O Reyna ng kalangitan magsaya ka, alleluia.
Sapagka’t ang minrapat mong dinala, alleluia.
Ay nabuhay ayon sa winika Niya, alleluia.
Idalangin mo kami kay Bathala, alleluia.
(II.) Ant. Ang Espiritu Santo ay mananaog sa
iyo, O Maria, huag kang mangamba: dadalhin
mo sa iyong tiyan ang Anak ng Diyos.
(Alleluia)
(III.) Ant. Kahangahangang hiwaga ang
ipinahayag ngayon: malaking pagbabago ng
kalikasan: ang Diyos ay naging tao. Nanatili
Siya sa Kanyang pagka-Diyos, tinaglay Niya
ang pagka-taong hindi ukol sa Kanya, na di
nagdanas ng ligalig at pagkahati.
Mga Versiculo at Panalangin.
V. Panginoon, maawa Ka sa amin.
R. Kristo, maawa Ka sa amin.
V. Panginoon, maawa Ka sa amin.
V. Dinggin Mo, Panginoon ang aking
panalangin.
R. At sumapit nawa sa Iyo ang aking panaghoy.
Manalangin tayo.
(I.)(II.) O DIYOS, na nagnais na ang Iyong
Verbo ay magkatawang tao sa tiyan ng Banal na
Birhen Maria, ayon sa pamamalita ng anghel,
ipagkaloob Mo, sa amin nagmamakaawa sa Iyo,
at sumasampalataya na siya’y tunay na Ina ng
Diyos, na kami ay matulungan ng kanyang
pamamagitan sa Iyo. Alang-alang kay Kristo
ring Panginoon namin.
R. Siya nawa.
Manalangin tayo.
(III.) O DIYOS, na sa pamamagitan ng
pinagyamang pagkabirhen ni Santa Maria’y,
nagbigay sa sangkatauhan ng mga gantimpala
ng kaligtasang walang hanggan; isinasamo
namin sa Iyong ipagkaloob Mo sa aming
madama ang pamamagitan niya sa amin, siya,
na ipinaging marapat naming makatanggap sa
Panginoong Jesukristo, Iyong Anak, na sa
piling Mo ay nabubuhay at naghaharing Diyos
kasama ng Espiritu Santo, magpakailan man.
R. Siya nawa.
 Pag-aalaala kay San Jose
Ant. Si Jesus naman ay magtatatlongpung
taong gulang na, at Siya ay inaakalang anak ni
Jose.
V. Ang bibig ng Banal ay magninilay nang
katarungan.
R. At ang kanyang dila ay magwiwika ng
katapatan.
Manalangin tayo.
O DIYOS, na sa Iyong kahangahangang
pamamahala sa mundo ay Iyong pinili ang
banal na si Jose na maging esposo ng
kabanalbanalang Ina; ipagkaloob Mo,
isinasamo namin sa Iyo, na yayamang Siya ay
aming iginagalang na tagapag-ingit dito sa lupa,
kami naman ay maging marapat makinabang ng
kanyang tulong mula sa langit.
Pag-aalaala sa mga Banal
(I.)(III.) Ant. Kayong lahat na mga Banal ng
Diyos, marapatin ninyong mamagitan sa
ikaliligtas namin at ng lahat.
V. Mangagsaya kayo sa Panginoon at
mangagalak kayong mga banal.
R. Lumualhati kayong lahat na may tapat na
puso.
Manalangin tayo.
KALINGAN Mo, Panginoon, at ingatang palagi
ng Iyong pagsasanggalang ang Iyong bayan, na
umaasa sa pagtangkilik ng Iyong mga Apostol
na si San Pedro at si San Pablo, at ng iba pang
mga Apostol.
ISINASAMO namin sa Iyo, O Panginoon, na
saklolohan nawa kami sa lahat ng pook, ng
lahat ng Iyong mga Banal; upang, samantalang
pinipintakasi namin ang kanilang mga
karapatan ay madama namin ang kanilang
pagtangkilik: at ipagkaloob Mo ang Iyong
kapayapaan sa aming panahon, at ilayo Mo sa
Iyong Iglesia ang dilang masama: itumpak Mo
ang aming landas, mga gawain at mithiin, at ng
lahat ng Iyong mga alipin, sa pagkasulong sa
Iyong kaligtasan: igawad Mo sa
pinagkakautangan namin ng loob ang mga
pagpapalang walang hanggan, at sa lahat ng
pumanaw na matatapat na loob ibigay Mo ang
kapayapaang walang hanggan. Alang-alang kay
Jesukristong Panginoon namin, Anak Mo, na
sa pagka-Diyos niya’y nabubuhay at
naghaharing kasama Mo na kaisa ang Espiritu
Santo, magpakailan man.
R. Siya nawa.
(II.) Ant. Narito, darating ang Panginoong
kasama ang lahat ng Kanyang mga Banal; at
magkakaroon sa araw na yaon ng malaking
liwanag. (Alleluia.)
V. Narito at lilitaw ang Panginoon sa ibabaw
ng nagniningning na ulap.
R. At kasama Niya ang libo-libong mga Banal.
Manalangin Tayo
ISINASAMO namin sa Iyo, O Panginoon, na sa
Iyong pagdalaw ay linisin Mo ang aming mga
budhi; upang kung dumating si Jesucristong
Iyong Anak Panginoon namin, na kasama ang
lahat ng mga Banal, ay matagpuan Niya sa loob
namin ang isang nakahandang tahanan laan sa
Kanya. Na sa pagka-Diyos Niya’y nabubuhay
at naghaharing kasama Mo na kaisa ng Espiritu
Santo, magpakailan man.
R. Siya nawa.
V. Dinggin Mo, Panginoon ang aking
panalangin.
R. At sumapit nawa sa Iyo ang aking panaghoy
V. Purihin natin ang Panginoon.
R. Salamat sa Diyos.
V. Magpahinga nawa sa kapayapaan, sa awa ng
Diyos, ang mga kaluluwa ng mga binyagan.
R. Siya nawa.
Ama namin (sa sarili).
V. Pagkalooban nawa tayo ng Panginoon ng
Kanyang kapayapaan.
R. At ng buhay na walang hanggan. Siya nawa.
Pagkatapos ay dadasalin ang Antifona ng Mahal na
Birhen katulad nang sa dulo ng Completas.
 VISPERAS
ABA Ginoong Maria (sa sarili).
V. Halina, O Diyos, upang tulungan ako.
R. Magmadali Ka, Panginoon upang
saklolohan ako.
V. Lualhati sa Ama, at sa Anak, at sa Espiritu
Santo.
R. Gaya noong unauna, ngayon at magpakailan
man at magpasa walang hanggan. Siya nawa.
Alleluia. (Mula sa Septuagesima hanggang sa Visperas ng
Sabado Santo, sa halip ng Alleluia ay wiwikain:
Kapurihan nawa sa Iyo, O Panginoon, Hari ng
walang hanggang kalualhatian.)
(I.) Ant. Samantalang ang Hari..
(II.) Ant. Sinugo ang anghel Gabriel.
(III.) Ant. O kahangahangang pagpapalitan.
Salmo na Ika-109.
Ang Mesias, Hari at Pari, tagumpay sa Kanyang mga
kaaway.
1. SINABI ng Panginoon: lumuklok ka sa
aking kanan.
2. Hanggang mailagay Ko ang Iyong mga
kaaway: na tuntungan ng Iyong mga
paa.
3. Ipadadala ng Panginoon ang setro ng
Iyong kapangyarihan buhat sa Sion:
maghari Ka sa gitna ng Iyong mga
kaaway.
4. Iyo ang paghahari sa araw ng Iyong
kapangyarihan, sa gitna ng kaliwanagan
ng mga Banal: ipinanganak Kita, buhat
sa aking sinapupunan, bago
magbukang-liwayway.
5. Sumumpa ang Panginoon, at hindi Siya
magsisisi: Ikaw ay alagad ng Diyos
magpakailan man ayon sa pagkapari ni
Melkisedek.
6. Ang Panginoong nasa Iyong kanan:
ang lumupig sa mga hari sa araw ng
Kanyang pagkapuot.
7. Huhukom Siya sa gitna ng mga bansa,
lulubusin Niya ang pagguho: dudurugin
Niya ang mga ulo, sa lupa ng marami.
8. Siya’y iinom sa batis sa landas: dahil
dito’y itataas Niya ang kaniyang ulo.
Lualhati sa Ama… at ibp.
(I.) Ant. Samantalang ang Hari ay nakadulog
sa dulang, ang bango ng aking nardo’y
humahalimuyak.
Ant. Ang Kanyang kaliwang kamay.
(II.) Ant. Sinugo ang anghel Gabriel kay
Birhen Mariang ikinasal kay Jose.
Ant. Aba Ginoong Maria.
(III.) Ant. O kahangahangang pagpapalitan!
Ang Lumikha sa sangkatauha’y kumuha ng
katawan, minarapat Niyang Siya’y ipanganak ng
isang Birhen: at sa dalisay na pagkakatawang-
tao Niya na hindi lalang ng tao ay ibinigay sa
atin ang Kanyang pagka-Diyos.
Ant. Noong Ikaw ay kahangahangang
sumilang.
Salmo na Ika-112.
Kalualhatian ng Diyos, na walang katapusan ang
kadakilaan, at kahangahanga ang Kanyang
pagpapakababa.
1. PURIHIN ninyo mga bata, ang
Panginoon: purihin ninyo ang ngalan
ng Panginoon.
2. Purihin nawa ang ngalan ng
Panginoon: mula sa sandaling ito at
magpakailan man.
3. Mula sa pagsikat ng araw hanggang sa
paglubog: kapuripuri ang ngalan ng
Panginoon.
4. Ang Panginoon ay dakila na higit sa
lahat ng mga bansa: at ang Kanyang
kalualhatian ay lampas sa mga langit.
5. Sino ang katulad ng Panginoong ating
Diyos na nananahan sa kaitaasan:
gayon pa ma’y linilingap Niya ang mga
maliliit na bagay na nasa langit at lupa.
 6. Na nagbabangon sa dukha buhat sa
lupa: at nagtataas sa pulubi buhat sa
pusalian.
7. Upang mailuklok Niya sa piling ng mga
anak0hari: ng mga anak-hari ng
Kanyang bayan.
8. Na nagpapatira sa baog na babae sa
tahanan: at ginagawa na siya ay maging
maligayang ina ng mga anak.
Lualhati sa Ama… at ibp.
(I.) Ant. Ang Kaniyang kaliwang kamay, ay
nasa ilalim ng aking ulo at yayakapin ako ng
Kaniyang kanan.
Ant. Ako’y kayumanggi.
(II.) Ant. Aba Ginoong Maria, napupuno ka
ng grasia, ang Panginoon ay sumasaiyo, bukad
kang pinagpala sa babain lahat. (Alleluia.)
Ant. Huag kang mangamba Maria.
(III.) Ant. Noong Ikaw ay kahangahangang
sumilang sa Birhen, noon natupad ang mga
kasulatan. Nanaog Kang tulad sa ulan sa
balahibong tupa, upang iligtas Mo ang
sangkatauhan: pinupuri Ka namin, O aming
Diyos.
Ant. Ang munting halamang nakita ni Moyses.
Salmo na Ika-121.
Awit ng mga manglalakbay sa kapurihan ng Jerusalem.
1. IKINAGAGALAK ko ang mga bagay na
sinabi sa akin: tayo’y magsisiparoon sa
tahanan ng Panginoon.
2. Ang aming mga paa ay nangakatayo: sa
loob ng iyong mga atrio, O Jerusalem.
3. Jerusalem, na itinatayong tulad sa isang
bayan: na lubos na agpang sa lahat ng
panig.
4. Sapagka’t doon nangagsiahon ang mga
lipi, pati ng mga lipi ng Panginoon:
isang utos sa Israel upang
magpasalamat sa ngalan ng Panginoon.
5. Sapagka’t doon nalagay ang mga
luklukan ng paghuhukom: ang mga
luklukan ng angkan ni David.
6. Idalangin ninyo ang mga bagay na ukol
sa ikatatahimik ng Jerusalem: at ang
kasaganaan sa mga umiibig sa iyo.
7. Sumaloob nawa sa iyong kuta ang
kapayapaan: at ang kasaganaan sa
iyong mga muog.
8. Alang-alang sa aking mga kapatid ant
mga kapwa: ay nangusap ako ng
kapayapaan tungkol sa iyo.
9. Alang-alang sa bahay ng Panginoong
Diyos natin: hinanap ko ang mga bagay
sa ikabubuti mo.
Lualhati sa Ama.. at ibp.
(I.) Ant. Ako’y kayumanggi: dapawa’t
maganda, O mga anak na babae ng Jerusalem,
kaya nga inirog ako ng Hari, at ipinasok Niya
ako sas Kaniyang silid.
Ant. Ngayon nakaraan na ang tag-ginaw.
(II.) Ant. Huag kang mangamba, Maria,
nagtamo ka ng biyaya sa harap ng Panginoon:
narito, ipaglilihi mo’t ipanganganak ang isang
Sanggkol na lalaki. (Alleluia.)
Ant. Ibibigay sa Kanya ng Panginoon.
(III.) Ant. Ang munting halamang nakita ni
Moises na hindi matupok, ay ang kinikilala
naming iyong kahanga-hangang pagkabirheng
naingatan: Ina ng Diyos, ipamagitan mo kami.
Ant. Nagsupling ang ugat ni Jesse.
Salmo na Ika-126.
Ang tao ay walang magagawa kung hindi tutulungan ng
Diyos.
1. MALIBAN ang Panginoon ang magtayo:
ang nagsisipagtayo ng bahay ay
nagsisigawa ng walang kapararakan.
2. Maliban ang Panginoon ang magtanod:
walang kabuluhan ang pagtatanod ng
nag-iingat sa bayan.
3. Walang kabuluhan sa inyo ang
magbangon bago magbukang-
liwayway: magsibangon kayo matapos
makapagpahinga, kayong nagsisikain
ng tinapay ng kapighatian.
4. Samantalang ibinigay Niya sa Kanyang
mga minamahal ang pagtulog: narito
 ang mga anak na pamana ng
Panginoon, ang gantingpala ay ang
bunga ng sinapupunan.
5. Katulad ng mga pana sa kamay ng
Malakas: gayon din ang mga anak ng
mga pinapanaw.
6. Mapalad ang lalaking ang mithiin ay
natupad sa mga anak na yaon: hindi siya
mapapahiya sa kanyang
pakikipagtunggali sa kanyang mga
kaaway sa pintuan.
Lualhati sa Ama… at ibp.
(I.) Ant. Ngayon nakaraan na ang tagginaw:
ang ulan ay tumila na at napawi; tumindig ka,
sinta ko, at halina.
Ant. Marikit ka.
(II.) Ant. Ibibigay sa Kanya ng Panginoon ang
luklukan ni David na Kanyang ama, at
maghahari Siya magpakailan man.
Ant. Narito ang alipin ng Panginoon.
(III.) Ant. Nagsupling ang ugat ni Jesse; isang
bituin ang sumilang buhay kay Jacob, isang
Birhen ang naglual sa Mananakop: pinupuri Ka
namin, O aming Diyos.
Ant. Narito at ipinanganak ni Maria.
Salmo na Ika-147.
Pagpapasalamat sa pagbabalik ng Jerusalem.
1. PURIHIN mo, Jerusalem ang
Panginoon: purihin mo ang iyong
Diyos, O Sion.
2. Sapagka’t Kanyang pinatibay ang mga
hadlang ng iyong mga pintuan:
Kanyang pinagpala ang iyong mga anak
na nasa iyo.
3. Siya ang lumikha ng kapayapaan sa
iyong mga hanggahan: at bumusog sa
iyo ng galapong ng mais.
4. Siya ang nagkalat ng Kanyang utos sa
lupa: ang Kayang salita’y matuling
lumaganap.
5. Siya’y nagbibigay ng nieveng tulad ng
balahibong tupa: Siya’y nagkakalat ng
ulap na tulad sa abo.
6. Pinalalagpak Niya ang Kanyang ulang-
bubog ng ganggasubo: sino ang
makatatagal sa harap ng Kanyang
lamig?
7. Ipinadadala Niya ang Kanyang salita at
sila’y tinutunaw: Kanyang paiihipin ang
Kanyang hangin at ang mga tubig ay
aagos.
8. Ipinahahatid ang Kanyang salita kay
Jacob. Ang katarungan at ang mga
hatol Niya kay Israel.
9. Hindi Niya ginawa ang gayon sa lahat
ng bansa: at ang Kanyang mga hatol ay
hindi ipinahayag sa kanila.
Lualhati sa Ama… at ibp.
(I.) Ant. Marikit ka: at matamis ang iyong mga
kaligayahan, O Banal na Ina ng Diyos.
(II.) Ant. Narito ang alipin ng Panginoon:
maganap nawa sa akin ayon sa wika mo.
(III.) Ant. Narito at ipinanganak ni Maria sa
atin ang Tagapagligtas, na noong makita ni
Juan, ito’y sumigaw at nagwika: Narito ang
Cordero ng Diyos: narito ang pumapawi ng
mga kasalanan ng sangtinakpan. (Alleluia.)
Kabanata.
(I.)(III.) Eccl. 24, 14. – Buhat sa pasimula, at
una pa sa mga panahon ay lalang na Ako, at
hanggang sa darating na panahon ay hindi Ako
magmamaliw at sa banal na tahanan ay
naglingkod Ako sa harap Niya.
R. Salamat sa Diyos.
(II.) Isaias 11. – Isang tungkod and susupling
buhat sa ugat ni Jesse, at isang bulaklak ang
tataas buhat sa kanyang ugat: at ang Espiritu ng
Panginoon at mananahan sa Kanya.
R. Salamat sa Diyos.
 DALIT
Lumuhod para sa unang estrofa.
1
BINABATI kita, O tala sa dagat,
Pintuan ng langit na lubhang mapalad;
Inang mahal ng Diyos, na sakdal ng liyag,
Birheng walang maliw sa sandaling lahat.
2
Matapos na Iyong lubos mapakinggan
Sa bibig ni Gabriel yaong bating mahal,
Ipanatag kami sa kapayapaan,
Ikaw na bumago ng kay Evang ngalan.
3 lahat ng mga lahi.
Tanikala’y putlin sa mga salarin
Bigyan ng liwanag matang nasa dilim,
Pawiin mong lahat ang sakuna namin,
At ang kabutihan sa lahat ay hingin.
4
Iyong ipakita na Ina ka namin,
Sa iyo tanggapin ang aming ddalangin
Noong iyong Anak na di narimarim,
Na ipanganak mo na dahail sa amin.
5 dahil sa kanilang kayabangan.
O Birheng burihin na walang kapara
At maamong loob sa tanang lahat na;
Matapos kami ay makalag sa sala
Gawin mong maamo at malinis sana.
6
Buhay na malinis sa ami’y ibigay;
Bigyan mo ng daan na walang sagabal
Upang matapos na si Jesus ay mamasdan,
Kami’y mamalagi sa kaligayahan.
7
Kapurihan sa Diyos at kalualhatian,
Sa Ama’t Anak na Kataastaasan,
At sa Espiritung kabanalbanalan,
Sa tatlo ay isang tanging karangalan.
Siya nawa.
V. Ang biyaya ay nakalaganap sa iyong mga
labi.
R. Kaya pinagpala ka ng Diyos magpasa walang
hanggan.
(I.) Ant. Inang mahal.
(Sa loob ng Pasko ng Pagkabuhay) – Ant.
O Reyna ng kalangitan.
(II.) Ant. Ang Espiritu Santo.
(III.) Ant. Anong laking hiwaga ng pamana sa
atin.
Awit ng Mahal na Virgen Maria.
(Lukas 1).
1. DINADAKILA ng kaluluwa ko: ang
Panginoon.
2. At nagalak ang diwa ko: sa Diyos na
aking tagapagligtas.
3. Sapagka’t linigap niya ang kababaan ng
Kanyang alipin: kaya narito, mula sa
ngayo’y tatawagin akong Mapalad ng
4. Sapagka’t ginanap sa akin ng
Makapangyayari sa lahat ang mga
dakilang bagay: at banal ang Kanyang
pangalan.
5. At ang Kanyang awa ay sa lahi at lahi:
sa mga maytakot sa Kanya.
6. Ipinakita Niya ang lakas ng Kanyang
bisig: isinambulat Niya ang mga palalo
7. Ibinulid Niya sa luklukan ang mga
makapangyarihan: at idinangal Niya
ang mga mababang loob.
8. Pinagyaman Niya sa kasaganaan ang
mga nagugutom: at pinaalis Niyang
walang dala ang mga mayaman.
9. Inampon Niya si Israel ng Kanyang
alipin: nagunita Niya ang Kanyang awa.
10. Ayon sa sinabi Niya sa ating mga
magulang: kay Abraham at sa kanyang
lipi magpakailan man.
Lualhati sa Ama… at ibp.
(I.) Ant. Inang Banal at Birheng di-narungisan,
malualhating reyna ng sangtinakpan,
ipamagitan mo kami sa Panginoon.
(Sa loob ng Pasko ng Pagkabuhay) – Ant.
O Reyna ng kalangitan magsaya ka, alleluia.
Sapagka’t ang minrapat mong dinala, alleluia.
Ay nabuhay ayon sa winika Niya, alleluia.
Idalangin mo kami kay Bathala, alleluia.
(II.) Ant. Ang Espiritu Santo ay mananaog sa
iyo, O Maria, huag kang mangamba: dadalhin
mo sa iyong tiyan ang Anak ng Diyos.
(Alleluia)
(III.) Ant. Anong laking hiwaga ng pamana sa
atin: ang tiyan noong walang nakilalang lalaki ay
naging Simbahan ng Diyos: nagkatawang-tao
sa kanya ay hindi narungisan: ang lahat ng mga
bansa’y paririto’t magwiwika, Lualhati sa Iyo,
Panginoon.
Mga Versiculo at Panalangin.
V. Panginoon, maawa Ka sa amin.
R. Kristo, maawa Ka sa amin.
V. Panginoon, maawa Ka sa amin.
V. Dinggin Mo, Panginoon ang aking
panalangin.
R. At sumapit nawa sa Iyo ang aking panaghoy.
Manalangin tayo.
(I.) ISINASAMO namin sa Iyong ipagkaloob
Mo, Panginoong Diyos, na kaming Iyong mga
alipin ay magtamasa ng walang maliw na
kalusugan ng pag-iisip at katawan; alang-alang
sa malualhating pamamagitan ni Mariang
pinagpalang laging Birhen, na kami’y maligtas
sa sakasalukuyang kahapisan at magtamo ng
kaligayahang walang hanggan, alang-alang kay
Kristong Panginoon namin.
R. Siya nawa.
Manalangin tayo.
(II.) O DIYOS, na nagnais na ang Iyong Verbo
ay magkatawang tao sa tiyan ng Banal na
Birhen Maria, ayon sa pamamalita ng anghel,
ipagkaloob Mo, sa amin nagmamakaawa sa Iyo,
at sumasampalataya na siya’y tunay na Ina ng
Diyos, na kami ay matulungan ng kanyang
pamamagitan sa Iyo. Alang-alang kay Kristo
ring Panginoon namin.
R. Siya nawa.
Manalangin tayo.
(III.) O DIYOS, na sa pamamagitan ng
pinagyamang pagkabirhen ni Santa Maria’y,
nagbigay sa sangkatauhan ng mga gantimpala
ng kaligtasang walang hanggan; isinasamo
namin sa Iyong ipagkaloob Mo sa aming
madama ang pamamagitan niya sa amin, siya,
na ipinaging marapat naming makatanggap sa
Panginoong Jesukristo, Iyong Anak, na sa
piling Mo ay nabubuhay at naghaharing Diyos
kasama ng Espiritu Santo, magpakailan man.
R. Siya nawa.
Pag-aalaala kay San Jose
Ant. Narito ang tapat na loob at maingat na
lingkod, na pinili ng Panginoon upang
mamahala sa Kanyang Familia.
V. Kalualhatian at kapayapaan ang nasa
kanyang tahanan.
R. At ang kanyang kabanalan ay mananatili
magpasa walang hanggan.
Manalangin tayo.
O DIYOS, na sa Iyong kahangahangang
pamamahala sa mundo ay Iyong pinili ang
banal na si Jose na maging esposo ng
kabanalbanalang Ina; ipagkaloob Mo,
isinasamo namin sa Iyo, na yayamang Siya ay
aming iginagalang na tagapag-ingit dito sa lupa,
kami naman ay maging marapat makinabang ng
kanyang tulong mula sa langit.
Pag-aalaala sa mga Banal
(I.)(III.) Ant. Kayong lahat na mga Banal ng
Diyos, marapatin ninyong mamagitan sa
ikaliligtas namin at ng lahat.
V. Mangagsaya kayo sa Panginoon at
mangagalak kayong mga banal.
R. Lumualhati kayong lahat na may tapat na
puso.
Manalangin tayo.
KALINGAN Mo, Panginoon, at ingatang palagi
ng Iyong pagsasanggalang ang Iyong bayan, na
umaasa sa pagtangkilik ng Iyong mga Apostol
na si San Pedro at si San Pablo, at ng iba pang
mga Apostol.
ISINASAMO namin sa Iyo, O Panginoon, na
saklolohan nawa kami sa lahat ng pook, ng
lahat ng Iyong mga Banal; upang, samantalang
pinipintakasi namin ang kanilang mga
karapatan ay madama namin ang kanilang
pagtangkilik: at ipagkaloob Mo ang Iyong
kapayapaan sa aming panahon, at ilayo Mo sa
Iyong Iglesia ang dilang masama: itumpak Mo
ang aming landas, mga gawain at mithiin, at ng
lahat ng Iyong mga alipin, sa pagkasulong sa
Iyong kaligtasan: igawad Mo sa
pinagkakautangan namin ng loob ang mga
pagpapalang walang hanggan, at sa lahat ng
pumanaw na matatapat na loob ibigay Mo ang
kapayapaang walang hanggan. Alang-alang kay
Jesukristong Panginoon namin, Anak Mo, na
sa pagka-Diyos niya’y nabubuhay at
naghaharing kasama Mo na kaisa ang Espiritu
Santo, magpakailan man.
R. Siya nawa.
(II.) Ant. Narito, darating ang Panginoong
kasama ang lahat ng Kanyang mga Banal; at
magkakaroon sa araw na yaon ng malaking
liwanag. (Alleluia.)
V. Narito at lilitaw ang Panginoon sa ibabaw
ng nagniningning na ulap.
R. At kasama Niya ang libo-libong mga Banal.
Manalangin Tayo
ISINASAMO namin sa Iyo, O Panginoon, na sa
Iyong pagdalaw ay linisin Mo ang aming mga
budhi; upang kung dumating si Jesucristong
Iyong Anak Panginoon namin, na kasama ang
lahat ng mga Banal, ay matagpuan Niya sa loob
namin ang isang nakahandang tahanan laan sa
Kanya. Na sa pagka-Diyos Niya’y nabubuhay
at naghaharing kasama Mo na kaisa ng Espiritu
Santo, magpakailan man.
R. Siya nawa.
V. Dinggin Mo, Panginoon ang aking
panalangin.
R. At sumapit nawa sa Iyo ang aking panaghoy
V. Purihin natin ang Panginoon.
R. Salamat sa Diyos.
V. Magpahinga nawa sa kapayapaan, sa awa ng
Diyos, ang mga kaluluwa ng mga binyagan.
R. Siya nawa.

Kung hindi isusunod ang Completas

Ama namin (sa sarili).