MGA KASANAYAN SA MAPANURING PAGBASA

Ano ang mapanuring pagbasa ?

 Ang mapanuring pagbasa ay pagsisiyasat ng isang tekstong babasahin. Mahalaga ang bagay na ito ang
tamang uri ng tekstong babasahin. Kailangan rin ito ngayon dahil may mga bagay na kumakalat na sa
ating panahon katulad na lamang paano mo mapapatunayan na tama ang mga sagot na nakuha mo sa
internet. Sa bagay na ito kailangan mo ng mapanuring pagbabasa upang sa ganun madali mo na itong
maidedefine kung may katotohan ito o wala. Mapanuring pagbasa ito ay pagbabasa na sinusuri ang
mga lingwistikang ginagamit ng makata sa kanyang akda.
 Mapanuring pag-iisip ay ang pagsusuri ng panitikan kung ano ang nilalaman ng panitikan:
banghay,elemento at mga katangian ng tauhan.
 Mapanuring mambabasa ay pagsusuri sa panitikang nabasa kung ano ang mga teoryang pampanitikan
ang napapaloob dito. Kung naapektuhan ba ang damdamin ng mambabasa at natutu mula sa binasa.

Pagbasa - Isang proseso ng pagbuo ng kahulugan mula sa mga nakasulat na teksto. Anderson, et.al.

Kompleks na kognitibong proseso ng pagtuklas sa kahulugan ng bawat simbolo upang makakuha at makabuo
ng kahulugan. Wixson, et.al

INTENSIBO AT EKSTENSIBONG PAGBASA – DALAWANG KATEGORYA NG

MAPANURING PAGBASA

Intensibo

Pagsusuri sa kaanyuhang gramatikal, panandang diskurso at iba pang detalye sa estraktura upang maunawaan
ang literal na kahulugan, implikasyon, at retorikal na ugnayan ng isang akda. Douglas Brown (1994)

- detalyadong pagsusuri ng isang teksto sa pamamagitan ng pagbibigay ng gabay ng isang guro kung paano ito
susuriin o narrow reading (piling babasahin sa isang paksa) Long at Richards (1987).

Ekstensibo

Isinasagawa upang makakuha ng pangkalahatang pag-unawa sa maramihang bilang ng teksto. Douglas Brown
(1994)
 Kapag ang isang mambabasa ay nagbabasa ng maramihang babasahin na ayon sa kanyang interes na hindi
itinakda sa anomang asignatura, upang makuha lamang ang “gist” o pinaka-esensya at kahulugan ng binasa.
Long at Richards (1987)

URI NG PAGBASA AYON SA LAYUNIN: SCANNING AT SKIMMING

Scanning – mabilisang pagbasa ng isang teksto upang hanapin ang ispesipikong impormasyon na itinakda
bago bumasa. Hal. Pangalan, petsa, simbolo, larawan.

HALIMBAWA

 Paghahanap ng tiyak na impormasyon sa isang pahina.

Skimming – mabilisang pagbasa na ang layunin ay alamin ang kahulugan ng kabuuang teksto, kung ano ang
pananaw at layunin ng manunulat. Ginagamit kung may pangkalahatang tanong tungkol sa isang akda. –
bahagi ng sq3r method.

HALIMBAWA:

 Pagbasa ng unang talata

 Pagbasa ng huling talata
 Pagbasa sa unang pangungusap ng talata
 Pagbasa sa huling pangungusap ng talata
 Pagtingin sa heading at subheading

- Pinakamabilis na pagbasa na makakaya ng isang tao.

KAHALAGAHAN NG PAGBASA

Pangkasiyahan

Pangkaalaman

Pangmoral

Pangkapakinabangan

Pangkasaysayan

Pangkultural
Pampaglalakbay-diwa

NAGAGANAP ANG PAGBASA AYON SA SS. NA YUGTO (GRAY)

Ang pagbasa sa akda

Ang pag-unawa sa binasa

Ang reaksyon sa binasa

Ang pagsasama-sama at pag-uugnay ng mga bagong kaalaman sa binasa at ng dating kaalaman.

Antas ng Pagbasa

Ayon kay Mortimer Adler at Charles Van Doren (1973) sa kanilang aklat na How to
Read a Book ay may APAT NA ANTAS ang PAGBASA.

Primarya o Batayang Antas - Pinakamababang antas ng pagbasa at pantulong upang makamit ang literasi sa
pagbasa. Pagtukoy sa tiyak na datos at ispesipikong impormasyon gaya ng petsa, setting o lugar o mga
tauhan sa isang teksto.

Mapagsiyasat o Inspeksyunal na Antas - Nauunawaan na ng mambabasa ang kabuuang teksto at

nakapagbibigay ng mga hinuha o impresyon tungkol dito. Nakapagbibigay ng mabilisan ngunit makabuluhang
paunang rebyu sa isang teksto. Maaring gamitin ang SKIMMING.

Mapanuri o Analitikal na Antas - Ginagamit ang mapanuri o kritikal na pag-iisip upang malalimang
maunawaan ang kahulugan ng teksto at ang layunin o pananaw ng manunulat. Pagkilatis sa kahalagahan,
Pagtatasa sa katumpakan, kaangkupan, katotohanan o opinion ang nilalaman.

Sintopikal na Antas - Binuo ni Mortimer Adler mula sa salitang SYNTOPICON na inimbento at ginamit nya
sa aklat na A Syntopicon: An Index to The Great Ideas (1952) na nangangahulugang “koleksiyon ng mga
paksa”. Pagsusuri at paghahambing sa iba’t ibang teksto na magkakaugnay.

LIMANG HAKBANG TUNGO SA SINTOPIKAL NA PAGBASA

Pagsisiyasat – pagtukoy sa mahalagang bahagi ng pokus.

Asimilasyon - integrasyon – pagtukoy sa uri ng wika at mahahalagang terminong ginamit ng may akda upang
ipaliwanag ang kanyang kaisipan.

Mga tanong
Mga isyu – iba’t ibang suliranin at sitwasyon

Kumbersasyon – pag-uusap

1. BAGO MAGBASA

Sinisimulan ang pagbasa sa pagsisisyasat ng tekstong babasahin.

Ito ang pagsisimula ng kognitibong proseso.

PREVIEWING O SURVEYING ng isang teksto: mabilisang pagtingin sa mga larawan, pamagat, at

pangalawang pamagat.

2. HABANG NAGBABASA

Dito nangyayari ang pinakamalaking bahagi ng kognisyon habang nagbabasa.

Sabay-sabay na pinagagana ng isang mambabasa ang iba’t ibang kasanayan.

MGA PAMAMARAAN UPANG MAGING EPEKTIBO ANG PAGBASA

Pagtantiya sa bilis ng pagbasa

Biswalisasyon ng binabasa

Pagbuo ng koneksiyon

Paghihinuha

Pagsubaybay sa komprehensiyon

Muling pagbasa

Pagkuha ng kahulugan mula sa konteksto

3. PAGKATAPOS MAGBASA
Pagtatasa ng komprehensiyon – pag-unawa sa binasa.

Pagbubuod – pangunahing ideya at detalye sa binasa.

Pagbuo Ng Sintesis – pagbibigay ng perspektiba at pagtingin ng manunulat batay sa kaniyang pag-unawa.

Ebalwasyon – katumpakan at kaangkupan ng mga impormasyon, halaga at ugnayan ng teksto sa layunin

PAGTUKOY SA LAYUNIN, PANANAW, AT DAMDAMIN NG TEKTO

Layunin – nais iparating at motibo ng manunulat sa tekto.

Pananaw – preperensiya ng manunulat.

Damdamin – ipinahihiwatig na pakiramdam ng manunulat.

PAGKILALA SA MGA OPINYON O KATOTOHANAN

Ang katotohanan ay isang pahayag na nagsasaad ng ideya o pangyayaring napatunayan at tanggap ng lahat
na totoo at hindi mapapasubalian kahit sa ibang lugar. Hindi ito nagbabago at maaaring i-verify ang
pagkamakatotohanan nito sa ibang sanggunian tulad ng mga babasahin at mga taong nakasaksi nito.

Ang opinyon naman ay isang pananaw ng isang tao o pangkat na maaaring totoo pero puwedeng pasubalian
ng iba. Ito rin ay isang paniniwala na mas malakas pa sa impresyon, mas mahina sa positibong kaalaman na
batay sa obserbasyon at eksperimento.

PAGKILALA SA OPINYON O KATOTOHANAN

KATOTOHANAN – mga pahayag na maaaring mapatunayan o mapasubalian sa pamamagitan ng empirikal

na karanasan, pananaliksik, o pangkalahatang kaalaman o impormasyon.

OPINYON - pahayag na nagpapakita ng preperensiya o ideya batay sa personal na paniniwala at iniisip ng

isang tao. ***Panandang Diskurso: sa opinyon ko, para sa akin, gusto ko o sa tingin ko.

Sa pagpapahayag ng katotohanan at opinyon, maaaring gumamit ng mga sumusunod na

pananda:
Katotohanan – batay sa resulta, pinatutunayan ni, mula kay, sang-ayon sa, tinutukoy ng, mababasa sa…

Halimbawa:
1. Batay sa tala ng Department of Education, unti-unti ng nababawasan ang mga out-of school youth.
2. Mababasa sa naging resulta ng pananaliksik ng mga ekonomista na unti-unting umuunlad ang turismo ng
ating bansa.

3. Si pangulong Rodrigo Duterte ang kasalukuyang pangulo ng Republika ng Pilipinas.

Opinyon – sa aking palagay, sa tingin ko, sa nakikita ko, sa pakiwari ko, kung ako ang tatanungin, para sa
akin, sa ganang akin

Halimbawa:
1. Kung ako ang tatanungin, mahalaga sa magkaibigan ang pagtitiwala sa isa’t isa.
2. Sa aking palagay, mas payapa ang buhay ng isang tao na may takot sa Diyos.

3. Para sa akin, si Pangulong Duterte ang kaisa-isang pangulo na sumugpo sa korupsiyon at droga sa
gobyerno ng Pilipinas.

PARAPHRASE

muling pagpapahayag ng ideya ng may akda sa ibang pamamaraan at pananalita upang padaliin at palinawin
ito para sa mambababasa.

ABSTRAK

isang buod ng pananaliksik, tesis, o kaya ay tala ng isang komperensiya o anomang pag-aaral sa isang tiyak na
disiplina o larangan.

REBYU

isang uri ng pampanitikang kritisismo na ang layunin ay suriin ang isang aklat batay sa nilalaman, estilo, at
anyo ng pagkakasulat nito.

pagtataya o ebalwasyon ng akda batay sa personal na pananaw ng mambabasa.

***IBA’T IBANG URI NG TEKSTO***

1. TEKSTONG IMPORMATIBO: PARA SA IYONG KAALAMAN

  Tinatawag ding ekspositori
 Nagpapaliwanag at nagbibigay impormasyon.
 Kadalasang sinasagot ang mga tanong na: ano, kailan, saan, sino, at paano.
 Kwento batay sa mga tunay na tao o pangyayari.

HALIMBAWA NG TEKSTONG IMPORMATIBO

1. Biyograpiya
2. Impormasyon sa diksyunaryo, encyclopedia, o almanac
3. Papel pananaliksik
4. Journal
5. Siyentipikong ulat
6. Balita sa diyaryo

IBA’T IBANG URI NG TEKSTONG IMPORMATIBO DEPENDE SA ESTRUKTURA NG

PAGLALAHAD

 Sanhi at Bunga
 Paghahambing
 Pagbibigay Depinisyon
 Paglilista ng Klasipikasyon

2. TEKSTONG DESKRIPTIBO: MAKULAY NA PAGLALARAWAN

Layunin nitong maglarawan ng isang bagay, tao, lugar, karanasan, sitwasyon at iba pa.

Magpinta ng matingkad at detalyadong imahen na makapupukaw sa isip at damdamin ng mga mambabasa.

KATANGIAN NG TEKSTONG DESKRIPTIBO

May isang malinaw at pangunahing impresyon na nililikha sa mga mambabasa.

Ang tekstong deskriptibo ay maaaring maging OBHETIBO o SUHETIBO, gumagamit din ng tono at paraan
ng paglalarawan.

OBHETIBO – direktang pagpapakita ng katangiang makatotohanan at ‘di mapasusubalian.

SUHETIBO – matatalinghagang paglalarawan at naglalarawan ng personal na persepsyon o nararamdan

ng manunulat.

Espisipiko at may konkretong detalye upang ipakita at iparamdam sa mga mambabasa ang bagay o paksa na
inilalarawan.

3. TEKSTONG PERSUWEYSIB: PAANO KITA MAHIHIKAYAT

- Isang uri ng dipiksiyon na pagsulat upang kumbinsihin ang mga mambabasa na sumang-ayon sa
manunulat hinggil sa isang isyu.

***Nilalaman ng Tekstong Persuweysib

Malalim na pananaliksik.

Kaalaman sa mga posibleng paniniwala ng mga mambabasa.

Malalim na pagkaunawa sa dalawang panig ng isyu.

Patalastas - Ito ay isang paraan ng panghihikayat sa mga mamimili o customer upang tangkilikin ang isang
partikular na produkto o serbisyo.