EPEKTO NG MGA HUGOT LINES SA PERSEPSYON NG MGA MAG-AARAL SA

BAITANG LABING-ISA AT LABING-DALAWA SA SAN BEDA UNIVERSITY-RIZAL

SA PAG-IBIG

Maikling Introduksyon:

Ayon kay Doctor Lakangiting Garcia, ang hugot lines ay mula sa loob tungo sa

labas na malalim ang madalas na pinagmumulan o pinag-uugatan. Dagdag rito ay ang

sinabi ni Saraza na ang hugot ay isa lamang metapora na ginagamit ng mga kabaataan

para ilarawan ang kanilang nararamdaman. Ito ay karaniwang nagmumula sa mga linya

ng ilang tauhan sa pelikula o telebisyong nagmarka sa puso’t isipan ng manonood subalit

madalas nakagagawa rin ng sarili nila ang mga tao depende sa damdamin o karanasanag

pinagdaraanan (Tokisaki, n.d.).

Ang pangkalahatang layunin ng pag-aaral na ito ay upang matukoy ang mga

epekto ng mga hugot lines sa mga paniniwala o pananaw ng mga estudyante sa baitang

labing-isa at labing-dalawa sa San Beda University-Rizal tungo sa pag-ibig.

Ang pag-aaral na ito ay naglalayon na:

1. Matuklasan ang mga umiiral na hugot lines sa kasalukuyan.

2. Malaman ang mga opinyon ng mga mag-aaral kaugnay rito.

3. Ano-ano ang mga positibo at negatibo epekto ng hugot lines sa persepsyon ng

SHS ukol sa pag-ibig.

Suliranin:

Ang pananaliksik na ito naglalayong sagutin ang mga sumusunod na katanungan:

 1. Ano ang hugot lines na umuusbong sa kasalukuyan sa Pilipinas?

2. Ano-ano ang mga disadbentahe at adbentahe ng hugot lines kaugnay sa

persepsyon ng mag-aaral sa pag-ibig?

3. Paano nakakaapekto ang mga hugot lines sa mga pananaw ng mga

estudyante ng Senior High School ng San Beda University-Rizal?

Legal na Batayan:

Probisyong Pangwika ng 1987 Konstitusyon Artikulo IV Seksyon 6

SEK. 6. Ang wikang pambansa ng Pilipinas ay Filipino. Samantalang nalilinang, ito ay

dapat payabungin at pagyamanin pa salig sa umiiral na mga wika ng Pilipinas at sa iba

pang mga wika. Alinsunod sa mga tadhana ng batas at sang-ayon sa nararapat na

maaaring ipasya ng Kongreso, dapat magsagawa ng mga hakbangin ang Pamahalaan

upang ibunsod at puspusang itaguyod ang paggamit ng Filipino bilang midyum ng opisyal

na komunikasyon at bilang wika ng pagtuturo sa Sistemang pang-edukasyon.

Kaugnay na Pag-aaral at Babasahin:

Ayon kay Garcia (2017), ang kulturang hugot ay isang bagong bagay. Tulad ng

iba pang mga bagong uso, magtatapos lang din ito kapag ang mga tao ay napagod dito

at may bagong nagaganap. Gayunpaman, ang mga kulturang pangkasalukuyan tulad ng

hugot ay hindi madaling mapakita ang kabuuan sa mga grapiko. Ang mga hugot lines ay

pinapasa-pasa lamang sa gilid-gilid kaya’t hindi masasabi na ito ay nagmula sa internet.

Ayon rin kay Apagalang, ang hugot culture ay isang paraan ng upang makaya ang sakit

na nararamdaman; dahil ditto, masasabi na ang hugot ay hindi buong mawawala sa ating

kultura.
Garcia, L. (2017, May 23). Is Hugot Culture Ending? - Social Media & Digital Marketing

Agency Philippines. Retrieved from http://www.m2social.net/blog/2017/5/23/is-hugot-

culture-ending

Ayon sa artikulo ni Bayan (2016), ang ating nararamdaman at napaghuhugutan ng

hugot lines ay dahil sa impluwensiya ng mga pelikula at social media, ito ay nasa kultura

ng Pilipino. Dahil rito, nakakahugot tayo ng kalungkutan o emosyon mula sa mga

simpleng karanasan katulad ng paghahambing ng paghihintay ng pagdating ng LRT sa

paghihintay ng pagdating ng tamang taong para sa atin. Ngunit, ito rin ay nakakatulong

sa mga malabhang pagkabigo ng isang tao dahil ito ay isang paraan ng pagpapapagaan

ng problema. Ang hugot rin ay hindi masyadong epektibo kung ito ay ibinubuga sa maling

oras o sitwasyon.

Bayan, A. (2016, August 31). The Filipino Hugot Culture. Retrieved from

https://www.candymag.com/features/the-filipino-hugot-culture-a312-20160831.

Ayon kay Macalalad at Tan (2016), ang hugot, na dapat ay maging ekspresyon ng

mga tao tungkol sa kanilang pagkabigo, ay naging parte na ng kultura at komedya ng

Pilipino. Nakasaad rin dito na mahilig lang ring makisabay ang mga Filipino kaya’t umiral

ang paggamit ng hugot lines. Sinasabi rin rito na para maging epektibo ang isang hugot,

kailangan ito sabihin sa tamang oras at sitwasyon.

Hugot nation. (2016, March 17). Retrieved November 5, 2019, from

https://thelasallian.com/2016/03/17/hugot-nation/.

Ayon kay Saraza (2015), ang hugot ay ang metaporang ginagamit ng kabataan

upang mahugot at mailabas nila ang kanilang emosyon. Nasabi rin dito na minsan ay
mas madaling ngumiti nalang kaysa ipaliwanag kung bakit ka malungkot kaya’t ang hugot

ay nagiging paraan ng pagpapagaan ng problema. Ang hugot rin ay nagiging paraan

upang makipag-ugnayan sa mga tao dahil sa social media. Ang mga post ng mga tao na

may hugot ay kadalasang mayroong maraming “likes” o “retweets”. Nakasaad rito na

tungkol sa pag-ibig ang mga hugot dahil ang mga kabataan ay naghahanap pa ng sense

of belonging habang sila pa ay nasa developmental stage mula sa kanilang pamilya’t

kaibigan.

TeachrAllen. (1970, January 1). HugotLines101. Retrieved November 5, 2019, from

http://teachrallen.blogspot.com/2015/04/hugotlines101.html.

Ayon kay Paguio (2018), hindi na masyadong nagagamit ng kabataan ang tula sa

pagpapalabas ng kanilang emosyon. Ang kabataan ay mas mahilig nang gumamit ng

hugot sa pagpapalabas o pagbuga ng kanilang nararamdaman o karanasan dahil

nadadaan nila ito sa biro at tawa; hindi nila kinakailangang seryosohin ang kanilang

problema at napapagaan ang kanilang pakiramdam dahil dito.

Paguio, R. G., & Bataan. (n.d.). Retrieved November 5, 2019, from

http://udyong.gov.ph/index.php?option=com_content&view=article&id=9633:kahalagaha

n-ng-pagtuturo-ng-tula-sa-mga-mag-aaral&catid=90&Itemid=1267.

Ayon kay Belza (n.d.), mas mabuti ang mga resulta ng mga pagsusulit ng mga

estudyanteng gumagamit ng hugot lines sa kanilang pag-aaral. Ito ay dahil mas nakikinig

at nakikisama ang mga estudyante kapag sinasali ang mga hugot sa kanilang leksiyon.

Naihahambing rin nila ang mga asignatura katulad ng agham na hindi nila gaanong
pinagtutuunan ng pansin sa kanilang buhay at dahil dito, nagkakaroon sila ng ganang

makinig at makisama sa leksiyon.

(n.d.). Retrieved November 5, 2019, from

https://s3.amazonaws.com/academia.edu.documents/57488665/HUGOT-LINES-AR-

NCRC.pdf?response-content-disposition=inline;

filename=IN_THE_PURSUIT_OF_BETTER_ACADEMIC_PERFOR.pdf&X-Amz-

Algorithm=AWS4-HMAC-SHA256&X-Amz-

Credential=AKIAIWOWYYGZ2Y53UL3A/20191105/us-east-1/s3/aws4_request&X-Amz-

Date=20191105T120705Z&X-Amz-Expires=3600&X-Amz-SignedHeaders=host&X-

Amz-

Signature=7477b432c6f5e366e8a2a0568c959fc6b7677adea2c1a951671c0198435fb70

0.

Metodo:

Ang pag-aaral na ito ay gumagamit ng kuwalitatibo na pananaliksik, kung saan

ang layunin ay maunawaan ang pag-uugali o opinyon ng mga tao. Ito ay gumagamit ng

obserbasyon, pakikinayam, at pagsusuri upang makalikom ng datos. Ang mga

mananaliksik ay gagamit ng convenience sampling kung saan ito ay ang mga

respondente na pipiliin ng mga mananaliksik ay ang mga maaaring sumagot sa

pakikipanayam ng mga mananaliksik. Ang mga respondente na mapipili ng mga

mananaliksik ay ang mga na sa baitang labing-isa at labing-dalawa lamang, sila ay

mapipili kung sila ay maaaring makisali sa pakikipanayam ng mga pananaliksik. Upang

makakuha ng datos, ang mga mananaliksik ay magsasagawa ng pakikipanayam na ang

nilalaman ay mga tanong na nakabatay sa mga suliranin ng pag-aaral. Ang

pakikipanayam ay isasagawa sa bawat respondente na napili upang makalakap ng datos.

Inaasahang Bunga:

Ang mga inaasahan maging bunga ng pananaliksik ay ang mga sumusunod:

1. Nagiging bitter ang mga estudyante dahil sa mga hugot lines na kanilang

ginagamit o naririnig sa mga pelikula o sa ibang tao.

2. Nagkakaroon ang mga estudyante ng paraan ng pagpapagaan ng kanilang

problema dahil sa paghuhugot dahil hindi nila masyadong dinadamdam ang

kanilang mga problema at dinadaan nalang ito sa mas mababaw na paraan.

3. Nawawalan ng ganang magkaroon ng relasyon ang mga estudyante dahil

nakakarinig sila ng hugot galing sa ibang tao.

Mga Sanggunian:

Ang Konstitusyon ng Republika ng Pilipinas, 1987: GOVPH. (n.d.). Retrieved from

https://www.officialgazette.gov.ph/constitutions/ang-konstitusyon-ng-republika-ng-

pilipinas-1987/.