Pagsulat sa Filipino sa Piling Larangan - Akademik

1
Liham at Resume

Liham at Resume

Mga Batayang Kasanayang Dapat na Matamo:

 Nailalahad ang iba’t ibang uri ng liham at pagsulat ng resume
 Naipaliliwanag ang kahalgahan ng liham pangkalakalan sa epektibong
pakikipag-ugnayan
 Nabibigyang kaalaman at karanasan ang mga mag-aaral sa realidad ng
pakikipagkalakalan at transaksiyon sa pamamagitan ng pagsulat ng
liham pangangalakal at resume
 Nakasusulat ng sariling resume na may kasamang kalakip na liham
para sa tanggapang nais pasukan

Talakayin at unawain:

Komunikasyon ang pinakamabuting paraan upang magkaintindihan ang mga

tao. At para sa pagkakaunawaan ng mga tao, maliban sa pakikipag-usap nang
pasalita ay epektibo rin ang paraang pasulat.
Isa sa mabisang paraan sa pakikipagkomunikasyon ay ang pagsulat ng liham.
Ang liham ay maingat na pagsasatitik ng mga tiyak na ideya, saloobin,
katotohanan at iba pa sa papel, na magbibigay linaw sa nais pagbigyan o
pagsabihan ng nilalaman nito.
Narito ang ilang uri ng liham mula sa Korespondesiya Opisyal (Ikaapat na
Edisyon 2015):
Liham Pagbati (Letter of Congratulations)
Pinadadalhan ng liham pagbati ang sinumang nagkamit ng tagumpay,
karangalan o bagay na kasiya-siya. Ganito ring uri ng liham ang ipinadadala
sa isang nakagawa ng ano mang kapuri-puri o kahanga-hangang bagay sa
tanggapan.
Liham Paanyaya (Letter of Invitation)
Taglay ng liham na ito ang paanyaya sa pagdalo sa isang pagdiriwang, maging
tagapanayam at/o gumanap ng mahalagang papel sa isang partikular na
okasyon.
Liham Tagubilin (Letter of Instruction)

Course Module
Nagrerekomenda o nagmumungkahi ang isang indibidwal o tanggapan kung
may gawaing nararapat isangguni sa bawat nagpapakilos ng gawain upang
magkatulungan ang mga kinauukulan sa katuparan ng nilalayon nito.
Liham Pasasalamat (Letter of Thanks)
Pagpapahayag ng pasasalamat sa mga inihandog na tulong, kasiya-siyang
paglilingkod, pagbibigay ng kapaki-pakinabang na impormasyon, ideya at
opinyon, at tinanggap na mga bagay.
Liham Kahilingan (Letter of Request)
Liham na inihanda kapag kailangan o humihiling ng isang bagay,
paglilingkod, pagpapatupad at pagpapatibay ng anumang nilalaman ng
korespondensiya tungo sa pagsasakatuparan ng inaasahang bunga,
transaksiyonal man o opisyal.
Liham Pagsang-ayon (Letter of Affirmation)
Liham na sumasang-ayon at nagpapatibay sa isang kahilingan o panukala na
makabubuti sa operasyon ng osang tanggapan. Maaaring samahan ng
kondisyon ang pagsang-ayon kung kinakailangan.
Liham Pagtanggi (Letter of Negation)
Nagpapahayag ito ng dahilan ng pagtanggi, di pagpapaunlak, di pagsang-ayon
sa paanyaya, kahilingan, panukala, at iba pa hinggil sa pangangailangang
opisyal at transaksiyunal.
Kailangang mahusay na maipahayag ang dahilan ng pagtanggi ng
inaanyayahan upang hindi makapagbigay-alinlangan sa sumulat.
Nasasalamin sa ganitong uri ng liham ang pagkatao o personalidad ng
tumanggi sa liham.dapat tandaan na kapag ang inaanyayahan ay tumanggi o
di makadadalo sa paanyaya, kailangang magpadala ng isang kinatawang
gaganap ng kaniyang tungkulin. Kung di gusting ipaganap ang tungkulin,
sagutin ng nakakakumbinsing pananalita ang nag-anyaya.
Liham Pag-uulat (Report Letter)
Ito ang liham na nagsasaan ng katayuan ng isang proyekto o gawain na dapat
isakatuparan sa itinakdang panahon. Tinatalakay dito ang: (a) pamagat, at
kalikasan ng proyekto; (b) bahagdan ng natamo batay sa layunin; (c)
kompletong deskripsiyon ng proseso ng kasalukuyang gawain, pati na ang
mga tauhan, pamamaraan, mga hadlang, at mga remedyo; at (d) mga gawaing
kailangang pang isagawa upang matapos sa itinakdang panahon ang
proyekto.
Liham Pagsubaybay (Follow-up Letter)
Ito ang liham na ipinadadala upang alamin ang kalagayan ng liham na
naipadala na, subalit hindi nabibigyan ng tugon. Nagsisilbi itong paalala
upang bigyang aksiyon ang naunang liham.
Ang uri ng liham na nararapat subaybayan ay ang liham kahilingan,
paanyaya, at maging ang pag-aaplay o pamamasukan sa trabaho.
Sa pagsulat, magalang na banggitin sa liham ang petsa at layunin ng naunang
komunikasyon.
 Pagsulat sa Filipino sa Piling Larangan - Akademik
3
Liham at Resume

Liham Pagbibitiw (Letter of Resignation)

Liham na nagsasaad ng pagbibitiw ng isang kawaning nagpasiyang huminto o
umalis sa pagtatrabaho bunga ng isang mabigat at mapanghahawakang
kadahilanan.
Kinakailangan ditong mailalahad nang maayos at mabisa ang dahilan ng
pagbibitiw sapagkat nasa anyo at himig ng pananalita ng nagbibitiw ang
larawan ng kaniyang pagkatao. Hinihingi rito ang marangal na
pagpapahayag. Dapat iwasan ang panunuligsa sa tanggapan o sa mga pinuno
at tauhan ng opisinang nililisan.
Liham Kahilingan ng Mapapasukan/ Aplikasyon (Letter of Application)
Ang sinumang nagnanais na makapaglingkod sa isang tanggapan ay
kailangang magpadala o magharap ng liham kahilingan. Ang maayos na
pagkakasunud-sunod ng mga ideya at tuwirangpananalita na nakapaloob sa
nilalaman ng liham ay nakahihikayat ng magandang impresyon. Tukuyin ang
posisyong inaaplayan at kahandaan ng pakikipanayam anumang oras na
kinakailangan.
Liham Paghirang (Appointment Letter)
Ito ay isang liham na nagtatalaga sa isang kawani sa pagganap ng tungkulin,
pagbabago/paggalaw (movement) ng katungkulan sa isang tanggapan o
promosyon (promotion) para sa kabutihan ng paglilingkod sa tanggapan.
Isinasaad sa liham ang dahilan ng pagkahirang at ang pag-asang
magagampanan ang tungkuling inaatas sa kaniya nang buong kahusayan.
Liham Pagpapakilala (Letter of Introduction)
Liham ito na himig-personal na nagpapakilala sa isang taong nagsasadya sa
isang tanggapan upang lalo siyang makilala ng kakausaping opisyal kaugnay
ng anumang transaksiyon.
Liham Pagkambas (Canvass Letter)
Ang liham na ito ay nagsasaad ng kahilingan ng sumusunod: (a) halaga ng
bagay/aytem na nais bilhin, (b) serbisyo (janitorial services, security
services. Catering services, venue/function halls, at iba pa) ng isang
tanggapan.
Nagsisilbing batayan ito sa pagpili ng pinakamahabang halaga ng bilihin at
serbisyong pipiliin.
Liham Pagtatanong (Letter Inquiry)
Liham ito na nangangailangan ng tuwirang sagot sa nais malaman hinggil sa
mga opisyal na impormasyon.
Liham Pakikidalamhati (Letter of Condolence)
Liham ito na ipinapadala sa mga kaopisina, kakilala, kamag-anak na naulila.
Nagpapahayag ito ng pakikiisa sa damdamin subalit hindi dapat palubhain
Course Module
 ang kalungkutan ng mga naulila. Nararapat itong ipadala agad matapos
mabatid ang pagkamatay ng isang tao.
Liham Pakikiramay (Letter of Sympathy)
Liham ito na ipinapadala sa mga kaopisina, kaibigan, kailala, kamag-anak na
nakaranas ng sakuna o masamang kapalaran, tulad ng pagkakasakit, bagyo,
lindol, baha, sunog, aksidente sa sasakyan o ano pa mang sakuna ngunit
buhay pa. Nilalaman ng liham ang lubos na pakikiramay sa sinapit na sakuna
at ang tulong na nais ipaabot ng tanggapan sa biktima. Nararapat na
maipadala agad ito sa kinauukulan matapos mabatid ang pangyayari.
Liham Panawagan (Letter of Appeal)
Liham ito na nagsasaad ng kahilingan, kooperasyon, pakiusap para sa
pagpapatupad o implementasyon ng kautusan, kapasiyahan at
pagsusog/enmiyenda ng patakaran.
Liham Pagpapatunay (Letter of Certification)
Ito ay uri ng liham na nagpapatunay na ang isang empleyado o tauhan sa
tanggapan ay nagtungo at/o dumalo sa isang gawaing opisyal sa isang
partikular na lugar at petsa na kung kalian ito isinagawa. Nilalagdaan ito ng
puno ng tanggapan, tagamasid pampurok o puno ng isang rehiyon.
Mahalagang matutuhan ang pagsulat ng liham lalo na sa aspeto ng
pangangalakal. Sa mga uri ng liham na nabanggit marami rito ang liham
panganglakal. Kailangang matutuhan hindi dahil sa natatanging dahilan at
layuning mangalakal, kundi ay magkaroon ng pormal na pagpapahayag,
pagtatanong at pagsagot na nauukol sa anumang transaksyon,
dokumentasyon at pag-alam o pagpapaalam ng mga impormasyon.
RESUMÉ
Madalas din ang pinakatampok na paggawa ng liham pangkalakal ay ang
pagsulat ng liham ng kahilingan ng mapapasukan o aplikasyon. Sa pagsulat
din ng ganitong liham ay lagi nang kahingian na kalakip nito ang resumé o
impormasyon na nauukol sa taong humihingi ng kahilingan ng posisyon o
trabaho.
Ang resumé ay naglalaman ng mga impormasyon ng isang indibidwal na
naghahanap ng trabaho. May kahalintulad ito sa bio-data ngunit ang resumé
ay sariling sulatin ukol sa sarili, mas pinaunlad at mas pormal ang istruktura
nito. Hindi tulad ng bio-data na nasa pinakapayak na anyo at sasagutan na
lamang ang mga kahingian na impormasyon ukol sa isang tao.
Mga Hakbangin at Gabay sa Pagsulat ng Resumé

 Tandaan na kapag sumulat ng resumé ay maikli ngunit maraming

impormasyon
 Sumulat muna ng isang burador o draft.
 Kung hindi sigurado sa istruktura ay maaaring tumingin o magsaliksik ng
mga ginagamit na pormat. Basta naririto ang mga mahahalagang nilalamang
dapat na ilagay sa resumé:
 Pangalan (Name)
 Pagsulat sa Filipino sa Piling Larangan - Akademik
5
Liham at Resume

 Mga Layunin (Objectives)

 Sertipikasyon o Mgaa Dinaluhang Palihan (Certificates/ Attended
Seminars and Workshops)
 Edukasyong (Education)
o Kurso (Courses)
o Mga Karangalang Natamo (Awards)
 Propesyonalismong Karansan (Professional Experiences)
 Mga kakayahan (Skills)
 Samahang kinabibilangan (Affiliations)
 Sanggunian (Character References)
 Maging espisiko sa ilalahad na layunin. Siguraduhin na ang layunin ay
magbibigay ng impresyon sa kompanyang inaaplayan. Dapat ang nilalaman
nito ay naghahayag ng kung anong magagawa mo para sa kompanya at hindi
ang kung anong magagawa ng kompanya para sa iyo.
 Narito ang mga dapat isaalang-alang upang maging maayos at propesyonal
ang resumé:
 Huwag gumamit ng unang panauhan tulad ng “ako”
 Huwag magsinungaling o maglarawan nang pagmamalabis ukol sa
sarili
 Magdagdag ng pamukaw sa resumé tulad ng anyo ng letra na may
guhit, italyado, may maliliit at malalaki bilang empasis sa mga bahagi
at iba pa.
 Gumamit ng “bullets” (“Ο” “→” “■” “□” “►”) para sa paglilista at
paglalahad.
 Basahin nang mabuti ang nilalaman. Tama ba ang gramatika, nilalaman at
may mali bang nabaybay.

*TANDAAN:
Kapag gumawa ng resumé ay lakipan ito ng liham ng kahilingan ng
mapapasukan o aplikasyon

Suriin:

Sagutin ang mga sumusunod na katanungan.

Course Module
 1. Ano ang pagkakaiba ng biodata sa resumé? Sagutin ito sa
pamamagitan ng venn diagram.

biodata resumé

2.

3. Paano nakatutulong ang mga liham sa maunlad na kalakan?

Ipaliwanag.

4. Sa umuunlad na teknolohiya sa panahong ito ay dapat na nga bang

ipagsawalang bahala ang pagsulat ng liham sa papel? Pangatwiranan.

5. Bakit kailangang pag-aralan ng mga tulad mong kabataan kung ano at

paano sinusulat ang mga liham pangkalakalan?

6. Anong kakayahan mo ang pinauunlad sa pagsulat ng mga ganitong uri

ng sulatin?

Gawain:
Pasulat
Gumawa ng isang liham ng kahilingan ng mapapasukan na may kalakip na
resumé at ipawasto ito sa guro.
 Pagsulat sa Filipino sa Piling Larangan - Akademik
7
Liham at Resume

Kaugnayan sa Media
Subukang ipasa ang inyong ginawang liham ng kahilingan ng mapapasukan
na may kalakip na resumé sa isang website na naghahanap ng mga aplikante
gamit ang wikang Filipino. Pagkatapos ay iulat sa klase ang naging tugon sa
inyo ng inaplayang kompanya.

References:
Liham. Retrieved from:
https://lilibethlapatha.files.wordpress.com/.../takdang-aralin-1-7-
liham-pangangalakal
Florante C. Garcia, PhD., 2016, Filipino sa Piling Larangan (Akademik), SIBS
Publishing House, Inc. Quezon City
Leonida B. Villanueva at Rogelio G. Mangahas, 2015, Patnubay sa
Korespondensiya Opisyal, Komisyon sa Wikang Filipino, Manila

Course Module