MISAHON ROMEL S.

(201910771)
BS HOSPITALITY MANAGEMENT – 2C

MINORYA

Ang salitang Minorya ay tumutukoy o naglalarawan sa grupo ng mga katutubo na

kung saan samasama silang namumuhay sa isang rehiyon. Mayroon silang koneksyon
sa kasaysayan at mga bagay na nag uugnay at nagbubuklod sa kanila na kanilang
ipinamamalas sa pamamagitan ng kanilang pamumuhay. Ito rin ay ang mga
mamamayang mardyinalisado sa larangan ng ekonomiya, pulitika at panlipunan sa
Pilipinas.

Mayroong higit kumulang 153 etno – linguistics sa ating bansa. Nariyan ang
Moro na mayroong 13 ethnolinguistics at Lumad na mayroong 18 ethno – liguistics na
nanunulayan sa Mindanao. Mayroon ding mga naninirahan sa Hilagang Luzon, nariyan
ang mga nakatira sa kabundukan ng Kordilyera na mayroong pitong (7) mayor ethno –
liguistics, mayroon din sa Hilagang Luzon na tinatawag na Aggaym Kalinga at marami
pang iba. Mayroon ding grupo ng mga Aeta sa Gitnang Luzon at Dumagat, Mangyan at
Palawan Tribes sa Timog Luzon. Natatangi rin ang grubo ng mga Tumandok at Ati ng
Isla ng Panay sa Visayas. Tinatayang nasa 14 hanggang 17 milyong katutubo ang
naninirahan sa iba’t ibang parte ng Pilipinas.

Hindi maikakaila ang mga naiambag ng mga katutubo pagdating sa ating kultura
at tradisyon; isa na rito ay ang sikat na sikat na Banaue Rice Terraces o ang hagdan –
hagdang palayan. Dahil sa kagandahan ng istruktura nito, ito ay napabilang sa 7 th
wonder of nature. Tunay ngang kahanga – hanga ang mga pangkat ng mga Igorot sa
ating bansa dahil sa kanilang pagsisipag at pagtitiyaga upang mapanatili ang
natatanging ganda ng istruktura ng Banaue Rice Terraces.

Marami pang mga katutubong grupo sa Pilipinas ang dapat na bigyan ng

importansya. Dahil na rin sa kanilang mga naiambag sa ating kultura, tradisyon at lalo
na sa kasaysayan. Mayroon din silang natatanging talento na dapat ipagmalaki, mga
produktong talaga namang matibay dahil ito’y mano-manong ginawa at ginugulan ng
oras, panahon at pagsisikap upang masigurong matibay at dekalidad ang produktong
kanilang nagawa.

Bilang isang indibidwal na naninirahan sa bansang Pilipinas, ipinagmamalaki ko

na mayroong katutubong grupo ang naninirahan sa bansang ito na siyang malaki ang
naiambag sa larangan ng kasaysayan, kultura at tradisyon ng bansang Pilipinas.
MISAHON ROMEL S. (201910771)
BS HOSPITALITY MANAGEMENT – 2C

DIASPORA AT MIGRASYON

Ang Diaspora at Migrasyon ay tumutukoy sa pandarayuhan ng isang indibidwal

sa ibang bansa. Sa madaling salita ito ang tawag sa mga indibidwal na umaalis palabas
ng bansa patungo sa iba pang bansa. Maraming dahilan kung bakit ang isang
indibidwal ay umaalis o nangingibang bansa.

Ayon sa nalikom na istatistiko ang mga indibidwal na umaalis ng bansa ay

kinaklasipika sa dalawang kategorya; ang emigrant o OFW (Overseas Filipino Worker).
Noong 1999, mayroong higit kumulang 2.4 milyong Pilipino ang kinategorya bilang
emigrante at 4.2 milyong Pilipino naman ang kinategorya bilang OFW: Ang mga OFW
ay naging mahalagang sektor sa lipunan at ekonomiya ng bansa. Dahil ang kanilang
mga padalang salapi o remittance ay mahalagang pinagmumulan ng rebenyu.

Maraming dahilan kung bakit umaalis ng bansa ang isang indibidwal. Isa na rin
dito ay ang pagbabaka – sakaling mahanap nila ang kanilang tagumpay sa ibang
bansa. Kaya maraming Pilipino ang nangingibang bayan para makipagsapalaran sa
hamon ng buhay. Mayroong mga pinapalad, umaasenso at may iba pa nga’y nakapag-
asawa ng mga dayuhan. Mayroon din namang hindi pinapalad, nariyan yung niloko ng
agency o employer o kaya naman ay napunta sa mga mapang – abusong amo. Ngunit
ganun pa man ay marami ang nagtitiyaga at nagtitiis na mapalayo sa kanilang mga
pamilya para lang kumita at makapag – padala ng malaki – laking pera para sa naiwang
pamliya.

Para sa kaalaman ng lahat hindi madali ang maging isang OFW o magkaroon ng
kamag – anak na nagtatrabaho sa ibang bansa. Dahil araw–araw at gabi–gabi mong
iisipin ang kanilang kalagayan, kung kumakain ba sila sa tamang oras, o
nakakapagpahinga ba sila ng maayos. Kaya naman saludo ako sa mga Pilipinong
nagtitiis at nagtitiyagang maghanap-buhay sa ibang bansa para lang mabigyan ng
magandang buhay ang kanillang mga mahal sa buhay na naiwan dito sa bansang
Pilipinas.