KALAGAYANG PABAHAY: SERBISYO HINDI NEGOSYO

ISANG KONSEPTONG PAPEL

Ericka Louise Austria

Ethan Jethro Jamiro
Ma. Sophia Carmela Lagustan
Lance Adrian Tee
A1A
 PAPANIMULA/ KALIGIRAN

Napakahalaga para sa bawat tao o bawat pamilya na magkaroon ng sapat na

paninirahan. Paninirahang hindi siya maiirita, kundi tahanang siya o sila'y masaya. Ngunit
sa maralita, lalo na sa mga lugar ng iskwater, maraming demolisyon ang nagaganap;
maraming maralita ang nawawalan ng tahanan. Isa sa mga susing usapin para sa mga
maralita ang disente at murang pabahay. Marami sa kanilang tinaguriang “tambay” ay mga
maralitang nasa mga barungbarong na walang hardin o sala na maaaring pahingahan.
Karamihan sa kanila ang nagsisiksikan sa iisang kwarto kung kaya’t ekstensyon ng
kanilang tahanan ang lansangan.
Ang serbisyong pahabay ay isa sa pangunahing programa ng kasalukuyang
administrasyon na kung saan ito ay ang pagbibigay ng murang pabahay sa ating mga
kababayan, bilang bahagi ng pagsugpo sa kahirapan. Ito ay isang aksyon ng gobyerno
upang mabigyan ng prayoridad sa programang pabahay ang pangangailangan ng
mamamayan. Kaugnay nito mayroong iba’t ibang ahensiya ng pabahay ang nagsusulong
ng proyekto kagaya ng National Home Mortgage Finance Corporation (NHMFC) Home
Development Mutual Fund, National Housing Authority at Home Guarantee Corporation sa
pangunguna ng Housing and Urban Development Coordinating Council (HUDCC).
Ngunit hindi lamang ang sisi ay nasa sa gobyerno dahil sila rin ay may mga aksyong
at programang ipinatutupad. Kaya naman, nararapat lamang na ang nakalaang pondo para
sa pabahay ay buong ibigay at ipamahagi sa mga nangangailangan ng serbisyong ito. Sa
pagpukaw ng aming atensyon sa mga nagaganap na isyu na imbes na serbisyo ay
nagiging negosyo, nagpagdesisyunan ng grupo na lumikha ng abokasiya na magmumulat
sa mga mamamayan upang magsilbing gabay sa kanilang mga karapatan at mag-udyok
na kumilos ayon sa ikagiginhawa ng kanilang pamumuhay.

MUNGKAHING TITULO O PANGALAN NG GAWAIN

Kalagayang Pabahay: Serbisyo hindi Negosyo

Marami sa maralitang dinemolis at dinala sa relokasyon ang hindi naman talaga
nabibigyan ng sapat na pabahay, ayon sa negosasyon sa kanila bago sila idemolis,
bagamat marami talaga sa kanila ang sapilitang tinanggalan ng bahay. Bahala na ang
maralita sa erya ng relokasyon pagdating sa pabahay. Ang matindi pa ay ang pagiging
negosyo ng pabahay, imbes na serbisyo. Patunay dito ang tinatawag na escalating scheme
of payment na kasunduan para sa pabahay, na hindi naman kaya ng mga maralita. Dahil
dito, karamihan sa mamamayan ay hindi na naniniwala na isa itong serbisyo bagkus isang
negosyo dahil pakiramdam nila na sila ay dinadaya.

RASYUNAL, MITHIIN AT MGA LAYUNIN

 Batay sa aming panimulang pananaliksik at obserbasyon, karamihan sa
ating mga kababayan ang hindi nagtataglay o walang matatawag nilang bahay o
tahanan. Isa itong malaki at laganap na problema na kinahaharap ng ating bansa
dahil ang ilan sa mga kapus-palad nating mamamayan ay walang permanenteng
maari nilang tuluyan. Sa halip, sila ay pagala-gala at naninirahan na lamang sa
mga iskwater areas. Ito ay mapanganib at lubhang napakahirap ng kalagayan
dahil sila ay maaaring paalisin anumang oras dahilan sa hindi sila legal na
residente ng lupaing kanilang inuukupa. Ang adbokasiyang pabahay ay
makakatulong sa mga mamamayan ng ating bansa at higit lalo ay makakatulong
din sa ating ekonomiya.

Ang nais ng grupo ay magkaroon ng sapat na pera na manggagaling mula

sa fund raising activities ng mga malalaking kumpanya na gustong makadagdag
sa kanilang CSR at bukal sa kalooban tumulong sa mga nangangailangan. Isa
itong paraan upang maipatupad ang aming adbokasiya at makamit ang proyekto
ng pabahay sa komunidad ng Brgy. Santiago, Malvar, Batangas.
Ang pinakalayunin ng grupo ay ang maitaguyod ang katagumpayan ng
adbokasiya. Isa na rito ay ang pag-uulat sa pamahalaan ng komunidad ng Brgy.
Santiago, Malvar, Batangas upang ang mga mamamayan ay higit na maliwanagan
at ganoon din sa mga opisyales ng komunidad para makapaghanda sa magiging
proyekto. Kasunod ay ang pag-hingi ng tulong sa mga malalaking kumpanya na
handa, kaya at gustong tumulong sa mga mamamayan na nangangailangan ng
pabahay upang magkaroon ng sapat na pera para sa materyales upang sa
ganitong paraan ay mataas ang kalidad ng bahay na maipapagawa at ang bilang
ng mga gagawing bahay ay sasapat sa mga nangangailangan nito. Pagkatapos
ng mga hakbang na ito ay ang pagbibigay ng sapat na oras para makahanap ng
trabaho para may pagkakitaan at supplies dahil malaki ang posibilidad na ang
mahihirap ang matutulungan ng proyektong ito, ang supplies ay para sa kanilang
pang araw-araw na pangangailangan ngunit inaasahan pa rin na tulungan nila ang
sarili nila. Ang huling layunin ng aming grupo ay ang pagsuri o pagsagawa ng
ebalwasyon kung ang mga natulungan ay napapanatili ang maayos na
pamumuhay at pabahay.

DISENYO NG PROYEKTO: ADBOKASIYA

Ang konseptong papel na ito ay magbibigay at magpapakita ng mga maaaring

solusyon sa mga taong nangangailangan ng permanenting tirahan. Sa pamamagitan sa
isang vidyo ng adbokasiya na isasagawa ng grupo, maipapakita nito ang mga posibleng
rason kung bakit ang problemang ito ay nanatili pa rin at kung ano ang mga maaring
solusyon para malutas ito. Gagawin ng grupo ang adbokasiya sa pamamaraan ng pag-
interbyu sa mga taong may nakisama o kasangkot sa mga grupo ng serbisyong pabahay.
Lahat ng klip ng vidyo na gagamitin ay gagawin sa anyo o estilo ng dokumentaryo. Bago
mag simula ang interbyu, gagawa muna ang grupo ng mga tanong na nakabase sa
sitwasyon ng mga serbisyong pabahay ngayon, kagalayan ng mga taong walang bahay o
tahanan, at mga posibleng solusyon upang malutas ang problema.

BENEPISYO AT INAASAHANG RESULTA

Ang konseptong papel na ito ay tumatakalay sa kalagayan ng serbisyong pabahay

sa bansang Pilipinas kung saan inaasahan ng grupo ang mga posibleng solusyon na
magsisilbing tulong sa mga mamamayan ng ating bansa lalo na ang mga taong
nakakaranas ng kahirapan sa buhay. Kaugnay nito, inaasahan ng grupo ang matagumpay
na adbokasiyang makakatulong upang mapalaganap ang pagkakaroon ng sapat na
pabahay sa mahihirap. Samakatuwid, isinusulong ng mga mananaliksik na makatulong
ang konseptong papel na ito sa mga:

• Mamamayan ng bansang Pilipinas na naninirahan sa mga estero kung saan

hindi sila nabibigyan ng sapat at angkop na serbisyong pabahay dahil dito, makakatulong
ang konseptong papel na ito upang malaman nila kung kanino at saang ahensya ng
gobyerno sila makakahingi ng tulong.

• Barangay Officials na magsisilbing tulay upang matukoy ng gobyerno kung

sinu-sinong mga pamilya ang nangangailangan ng tulong sa serbisyong pabahay.

• Project Developer upang maging malinaw sa kanila ang tunay na sitwasyon

ng mga mamamayan ng bansa lalo’t higit sa mga pabahay na may substandard na
materyales.

• Pamahalaan ng Pilipinas upang magkaroon sila ng angkop na plataporma

para mga nangangailangan ng pabahay.

• Mga mag-aaral sa kolehiyo upang magsilbing gabay sa mga hinaharap na

pananaliksik tungkol sa serbisyong pabahay.
STORY BOARD