MODYUL 16: MGA ISYUNG MORAL TUNGKOL SA PAGGAWA AT PAGGAMIT NG

KAPANGYARIHAN
MAPANAGUTANG PAGLILINGKOD AT MATATAG NA PANININDIGAN SA TUNGKULING
SINUMPAAN
MGA GAWAIN AT ISYUNG KAUGNAY NG PAGGAWA NA SUMASALUNGAT SA MGA PRINSIPYO
NG MATATAG NA PANININDIGAN AT MAPANAGUTANG PAGLILINGKOD
1.Paggamit ng kagamitan
Katuwang ng tao sa paggawa ang mga kagamitan upang mapadali at mapagaan ang anumang
trabaho. Ang mga ito ay produkto mismo ng kaniyang talento na ipinagkaloob ng Diyos. Ayong
nga kay Karl Marx, ang kabihasnan ng tao ay naaayon sa pagkamasalimuot ng mga kagamitan at
sa pagkamulat niya sa kaniyang ginagawa.
2.Paggamit ng oras sa trabaho
Ang pagganap ng Gawain sa oras at trabaho ay pagangkin ng tiwala mula sa isang bagay na
ipininagkatiwala sa iyo. Masasagot mo lamang ito kung sinasabayan mo ang bawat tikatik ng oras
para gawin ang iyong obligasyon bilang manggagawa.
3.Sugal
Ang pagsusugal ay mas karaniwang kilala bilang pustahan gamit ang pera bilang produkto ng
isang tiyak na laro. Ang posibilidad ng panalo ay masyadong mababa dahil iniaasa lamang ito sa
pagkakataon ng pagkapanalo.
Karamihan sa taong kasangkot sa pagsusugal ay nakikipaglaban na lamang para sa kasiyahan o
bilang isang paraan ng paglilibang.
4.Magkasalungat na interes o Conflict of Interest
Nangyayari ito kapag nangingibabaw ang personal na interes ng isang tao lalo na kung ito ay
magbibigay sa kaniya ng kasiyahan at pakinabang.
Sa lahat ng matutukoy nating maling gawi, ang crab mentality ang pinakadahilan kung bakit
nagagawa ng tao ang hindi ayon sa magandang ugnayan sa kaniyang kapuwa. Kapag umiral sa
ating puso ang galit at inggit sa kapwa, maaaring maging ugat nito ang mapanirang salita, na hindi
lamang ang kapuwa ang maaapektuhan kundi ang pagbuo ng sarili.
KAPANGYARIHAN: Paano ba gagamitin sa mabuti o tungo sa kabutihan?
Ang kapangyarihan ay kakayahan upang ipatupad ang isang pasiya, kapasidad upang maka-
impuwensiya sa saloobin at paguugali ng iba, at lumikha ng panukala na makakabuti sa lahat.
MGA ISYUNG SA PAGGAMIT NG KAPANGYARIHAN
1.Korapsiyon. Ito ay isang sistema ng pagnanakaw o pagbubulsa ng pera. Tumutukoy ito sa
espiritwal o moral na kawalan ng kalinisan at paglihis sa anumang kanais- nais na asal.
2.Pakikipagsabwatan o Kolusyon. Ito ay iligal na pandadaya o panloloko, halimbawa nito ay ang
pagtatakda ng presyo, limitahan ng opurtunidad at iba pa.
3.Bribery o Panunuhol. Isang Gawain ng pagbibigay ng kaloob o handog sa anyo ng salapi o regalo
pamalit sa pabor na ibinigay ng tumanggap.
4.Kickback. ang bahaging napupunta sa isang opisyal mula sa ponding itinalaga sa kanya.
Upang maiwasa ang mga isyung ito, kailangang magkaroon ang tao ng integridad. Ang integridad
ay katapatan. Sa diksyunaryo, ipinaliwanag ang kahulugan nito bilang “kalagayan ng tao kung
saan siya ay buo,iisa o kumpleto ang kaniyang pagkatao. Ang integridad ay pagpapakatao ito ay
ang pagka-sino na binubuo mo tungo sa iyong pagiging personalidad.
MGA DAHILAN KUNG BAKIT MAHALAGA ANG INTEGRIDAD
1.Nagbibigay-galang sa iyong sarili.
2.Bibigyan ka ng iyong kapuwa ng paggalang at pagkakatiwalaan ka ng ibang tao.
3.Ang taong may integridad ay madaling makaimpluwensiya.
Ayon kay Mahatma Ghandi na nagsasabing “kung gusto mo ng pagbabago at kung gusto mo ng
mas mayo na buhay,dapat simulant mom o ito sa iyong sarili.” Kung sisikapin ng bawat isa na
magbago,unti unting babago ang ating lipunan.

PERFORMANCE TASK MODYUL 16: GRAPHIC ORGANIZER

Gamitin ang outline upang makagawa ng creative graphic organizer tungkol sa modyul 16, ilagay
ito sa long bond paper, .5 margin at ilagay ang pangalan, baiting at seksiyon sa itaas na bahagi ng
papel.