NICAVERA, Jarell Carven L.

The Contemporary World

BSA 1 – 4 Mr Mejedin Tena

1. Ano ang globalisasyon?

Ang globalisasyon ay pagsasama-sama ng mga nasyunal na pamilihan tungo sa isang global na
pamilihan na pinamamagitan ng libreng pagpapalit-palitan at pagbebenta ng mga kalakal ng iba’t
ibang mga bansa. Dahil sa globalisasyon ay nakakaroon ng interaksyon ang bawat bansa sa buong
mundo.
Ang globalisasyon ang isa sa mga “factors” na nakaaapekto nang malaki sa ekonomiya ng isang
bansa ito ay dahil sa libreng pagpapalit-palitan at pagbebenta ng mga kalakal ng iba’t ibang bansa
ay nakatutulong upang maipalaganap sa iba’t ibang bansa ang mga produktong gawang lokal ng
isang bansa. Katulad na lang ng Pilipinas, tayo ay kinikilala sa iba’t ibang bansa dahil sa pag-export
natin ng mga lokal na mga produkto gaya ng bigas, mais, mga minatamis na mga prutas, at iba pa.
Karagdagan ay ang pagpasok ng mga makabagong teknolohiya at “telecommunications” na
mga kumpanya sa ating bansa. Dahil rito ay mas napauunlad natin ang ating pagserbisyo sa mga
mamamayan sa Pilipinas, mas napadadali ang mga proseso sa atig sistema, at mas nagiging
“updated” tayo sa mga teknolohiyang nakapagbabago sa buhay at takbo ng ekonomiya ng isang
bansa.
Dahil din sa globalisasyon ay nakagaagwa ng mas marami pang hanapbuhay ang gobyerno
kung saan natutulungan nito ang mga naghahanap ng trabaho na makahanap ng maayos na trabaho
upang may pangtustos sa pang-araw-araw na pangangailangan nila at ng kanilang mga pamilya.
Dito pumapasok ang pagkakaroon natin ng mga Overseas Filipino Workers o OFWs na mga
Pilipinong manggagawa na pumupunta ng iba’t ibang mga bansa upang maghanapbuhay dahil sa
malaking oportunidad sa pagkita ng pera upang matugunan ang pangangailangan ng kanilang mga
naiwan dito sa Pilipinas.
Ang globalisasyon ay isa sa mga phenomena na nakapagpabago at patuloy na nakapagbabago
sa daloy ng ekonomiya ng isang bansa at ng pandaigdigang ekonomiya.
2. Ano ang pinagkaiba ng Global South sa Global North?
Ayon sa isa sa mga paksa na tinalakay sa aming klase sa the Contemporary World, sinasabi ng
Three World Theory na ang mga bansa sa mundo ay nakapaloob sa tatlong klasipikasyon: “First
World,” “Second World,” at ang “Third World.”
Ang “First World” ay ang kinapalolooban ng itinuturing na pinakamayayamang mga bansa sa
mundo. Sila rin ay tinuturing bilang mga “Western Capitalists.” Ilan sa mga bansang kasama rito
ay ang United States of America (USA), Japan, Canada, New Zealand, Australia at iba pang mga
bansa sa kanluraning bahagi ng Europe. Ang “Second World” naman ay kinapalolooban ng mga
bansang komunista’t sosyalista at mga estadong industriyal gaya ng Soviet Union at ang kaniyang
mga kaalyadong bansa. At pinakahuli ay ang “Third World.” Ito ay kinapalolooban ng mga
bansang walang mga piniling mga kaalyado.
 Sa mga nabanggit na mga mundo, sinasabi na ang mundo naman ay nahahati sa dalawang bahagi.
Ito ay ang Global North at ang Global South.
Ang Global South ay tinatawag rin na “Poor South.” Ito ay isang metapora kung saan ito ay
kinapalolooban ng mga bansang matatagpuan sa third world. Habang ang Global North naman ay
tinatawag na “Wealthy North.” Ito ay kinapapalooban ng mg bansang kasama sa First and Second
World.
Sa heographiya, ang mga bansa sa itaas ng ekwador ay ang mga bansang kasama sa Global North
habang ang mga nasa ibaba naman ng ekwador ay ang Global South. Ngunit hindi masasabi na ang
lahat ng bansang nasa itaas ay kabilang sa Global North pagdating sa socio-economic status ng isang
bansa at gayundin sa Global South na nakaayon sa World Bank.
3. Paano nakikita ang five scapes ni Appadurai sa Pilipinas?
a. Ethnoscape
- Ito ang paggalaw ng mga tao. Sa Pilipinas ay dumarami ang bilang nga mga
Pilipinong pumupunta ng ibng bansa upang doon maghanapbuhay dahil sa tingin
nila ay mas malaki ang perang kanilang kikitain doon kaysa sa Pilipinas. Marami
ring mga tao ang ninanais na manirahan sa ibang bansa kaysa sa Pilipinas dahil sa
tingin nila ay mas mataas ang kalidad ng buhay roon kay sa bansang kanilang
pinaggalingan.
b. Financescape
- Ito ang daloy ng pera. Sa Pilipinas ang currency natin at Philippine Peso. Dito sa
Financescape ay naipakikita nito ang palitan ng peso at ng iba pang pera ng iba’t
iabng mga bansa. Ito rin ay naipakikita sa mga gastusin ng mga tao sa pamilihan.
Nakaugnay rito ang inflation at deflation sa presyo ng mga bilhin sa Pilipinas.
c. Technoscape
- Ito ay tumutukoy sa mga teknolohiya. Ang Pilipinas ay tumatanggap ng mga
teknolohiyang gawa sa ibang bansa gaya ng mga cellphones, laptops, at iba pang
gadgets sa ibang bansa gaya ng South Korea, China, USA, at iba pa. Tayo rin ay
tumatanggap ng mga teknolohiyang nakatutulong upang mapaunlad ang
kalusugan, agrikultura, at iba pa. Ngunit mayroon ding mga Pilipinong
nakaiimbento ng mga teknolohiyang nakatutulong sa iba’t ibang aspeto ng buhya
gaya ng latest na teknolohiya na nakapagco-convert ng ingay patungo sa
elektrisidad na kapaki-pakinabang sa buhay ng tao.
d. Mediascape
- Ito ay tumutukoy sa kultura. Dahil tayo ay nasakop ng iba’t ibang mga bansa sa
kanluranin ay nakuha natin ang karamihan ng kanilang mga kultura gaya ng sa
Espanya, Amerika, at Japan. Sa kasalukuyan dahil sa globalisasyon ay mas marami
tayong kulturang natatanggap gaya ng Kpop mula sa South Korea, Pagco-cosplay
at Anime galing sa Japan, at iba pang kultura. Ngunit hitik naman tayo sa kulturag
Pinoy. Subalit dahil sa pag-unlad n gating bansa ay mga mga nawawala na tayong
kultura na napapapalitan ng ibang kultura.
e. Ideoscape
 - Ito ay tumutukoy sa daloy ng ideolohiya sa isang bansa. Dahil sa pagtakbo ng iba’t
ibang tao na nais umupo sa puwesto sa gobyerno ay nagkakaroon tayo ng chaos sa
Philippine government. Dahil sa iba’t ibang mga ideolohiya nila (intelektwal man
o hindi) ay nagkakaroon ito ng malaking epekto sa bansa dahil sa ginagawan nila
ito ng mga batas. Ang mga batas ay ang mga tuntuning dapat sinusunod ng bawat
isa sa isang bansa. May iba’t ibang opinion ang mga tao sa isang bansa kaya’t kapag
may mga hindi makataong batas ay ipinaglalaban ito ng mga grupo na ang layunin
ay pagkapantay-pantay ay kapayapaan ng bansa.
4. Ano ang kinakaharap ng daigdig na kinakailangang bigyan ng pansin? Magbigay ng
limang suliranin at ipaliwanag bakit ito pandaigdigang suliranin.
a. Climate Change/ Pagkasira ng Kalikasan
- Isa ito sa pinakamalaking suliranin ng daigdig. Dahil sa mga maling gawain at pag-
aksyon ng mga tao, nagkakaroon ng pagbabago sa mga klima sa iba’t ibang bahagi ng
mundo. Natutunaw na ang mga yelo sa north at south pole. Nasusunog na ang mga
kagubatan sa iba’t ibang mga bansa. Namamatay at nagiging endangered na ang iba’t
isang mga uri ng hayob sa iba’t ibang bahagi ng globo. Napupuno na ng mga basura
ang mga anyong tubig. Nakakalbo na ang mga bundok. Unti-unti nang namamatay ang
daigdig at kapag ipinagpatuloy pa ang mga gawaing ito, hindi na maaring mabuhay pa
sa planetang ito at mamamatay tayong lahat.
b. Kahirapan
- Ito rin ang isa sa pinakamalaking suliraning kinahaharap ng daigdig nang napakatagal
nang panahon. Napakalaki ng epekto nito sa lahat ng aspeto na bumubuo sa daigdig.
Sa paglaki ng populasyon sa daigdig, mas lumalala ang kahirapan. Dahil sa kahirapan
ay tumataas din ang bahagdan ng mga taong namamatay dahil sa wala na silang makain.
Dahil din ditto ay dumarami ang mga kaso ng krimen at ang kadalasang dahilan ay
dahil hirap sila sa buhay at wala silang magpagkitaan ng pera. Kapag patuloy na tumaas
ang lebel ng kahirapan sa daigdig ay maaring may malaking epekto at mas masamang
resulta pa ito sa lipunan.
c. Malnourishment/ Pagkagutom
- Ito ay nakaugnay ng kahirapan. Dahil sa kahirapan ay kulang ang nakakain ng ibang
mga pamilya. May mga lugar din na hindi nahahatiran ng tulong gaya ng mga taong
nakatira sa mga isolated na mga lugar na mahirap puntahan. Nakakaawa ang kalagayan
nila dahil karamihan ay kulang sa nutrisyon na nagiging dahilan ng pagkakaroon ng
iba’t ibang sakit. Hindi naman lahat ay naaabutan ng tulong kaya’t kadalasan ay iniinda
na lang nila ang kanilang mga sakit. Kapag nagpatuloy ang paglaki ng populasyong
walang natatanggap na tamang pagkain ay mas tataas ang lebel ng mga taong
namamatay.
d. Unemployment/Underemployment
- Isa rin ito sa mga suliraning kinahaharap ng daigdig. Ito rin ay umuugnay sa suliraning
kahirapan. Dahil sa kawalan ng hanapbuhay ng ibang mga tao ay mas lumalaki ang
bilang ng mga taong lugmok sa kahirapan. Mataas na rin kasi ang standard ng iba’t
iabng mga industriya na hindi naman kayang abutin ng mga hindi nakapagtapos ng
pag-aaral. Karamihan naman ng mga taong may hanapbuhay ay hindi nakatatanggap
ng sapat na sahod upang ipangtustos sa kanilang pang-araw-araw na gastusin. May iba
 naman na nakapagtapos ng pag-aaral ngunit hindi nagta-trabaho malayo sa tinapos na
programa sa kolehiyo. Dahil dito ay nagkakaroon ng kakulangan sa tao ang ibang mga
nagangailangan ng propesyunal o mga maggagawa. Kapag nagpatuloy ito ay mas
darami ang bilang ng mga taong lugmok sa kahirapan.
e. Pollution
- Isa ito sa mga suliraning kaugnay ng pagkasira ng kalikasan. Dahil sa pagdami ng mga
industriya sa daigdig ay dumarami na rin ang polusyon na nararanasan nating mga tao.
Dahil sa polusyon sa hangin ay nagkakaroon ng iba’t ibang sakit sa respiration ang mga
tao. Dahil sa polusyon sa tubig ay nasisira ang biodiversity ng mga hayop sa karagatan
at namamatay ang mga isda na kung saan ay nauubos ang iba’t ibang species ng mga
isa. Dahil sa polusyon sa ingay ay hindi na nagiging kalmado an gating lipunan na
nakaaapekto sa sikolohikal na estado ng mga tao. Iilan lamang ‘yan sa mga polusyon.
Kapag hindi ito naagapan ay tuluyan itong makadaragdag sa pagkasira ng kalikasan at
sa pag-init ng mundo na maging dahilan ng pagkamatay nating lahat.
5. Ano ang pinakamahalagang natutunan n’yo sa klase ko?
- Ang pinakamahalagang natutunan ko sa klase ni Sir Mejedin Tena ay ang pagkamulat
sa mga usaping sosyal at pulitikal sa ating bansa ay isa sa pinakamagandang bagay na
maaari mong gamitin upang makapag-ambag ka sa kaayusan at pagkapantay-pantay sa
ating lipunan lalo na sa Pilipinas. Na dapat ay matuto tayong magbigay opinyon sa mga
isyung malaki ang bahagi sa ating kaunlaran at sa karapatan ng bawat mamamayan.
Bilang kabataan ay hindi lang dapat tayo naka-pokus sa kung ano ang nararanasan natin
ngayon, bagkus ay mangarap tayo para sa bayan natin upang bawat isa sa atin ay
magtulungan para sa kaunlaran at kapayapaan ng ating bansang Pilipinas. Maraming
salamat kay Sir Mejedin Tena.