32 “Zehonókiye Añáre manúic ókkolor muúntu cíkar goré, Aññí yó taré Añár bíyostor Bafor muúntu cíkar goijjúm. 33 Kintuk zehonókiye Añáre manúic ókkolor muúntu inkar goré, Aññí yó taré Añár bíyostor Bafor muúntu inkar goijjúm. 34 “Aññí duniyait cánti dítou aiccí bouli notháijjo. Aññí cánti dítou aiccí de noó kintuk toluwar solaitóu. 35 Fua re baf loi, zérfua re maa loi, ar boou re hóorir lói, uldha gorí díbólla aiccí. 36 ar eggua manúicor duccon tar nizor góror manúic ókkol óibou. 37 Zehonókiye bafore yá maa re Añáttu áro becí muhábbot goré, te Añár laayek noó, ar zeneki fua re yá zérfua re Añáttu áro becí muhábbot goré, te Añár laayek noó. 38 Zeneki nizor kúruc oré loiyóre Añár fisé-fisé nuaiyé, te Añár laayek noó. 39 Zeneki nizor zibon oré basa, te yían hárai bou, ar ze nizor zibon oré Añálla hára, te yían faibou. 40 “Zeneki tuáñráre gosé, te Añáre gosé, ar zeneki Añáre gosé, te Añáre difeçáiye de Íbare gosé. 41 Zeneki nobir name nobi re gosé, te nobir bokcíc faibou, ar zeneki fórosgaror name fórosgar oré gosé, te fórosgaror bokcíc faibou. 42 Ar zeneki ee hom manúic ókkolor bútorttu honó ekzonore ummot or name ek fiala thándhah faní háitou de, Aññí tuáñráre sóiyi hoóir, te tar bokcíc ore honó din noháraibou.