Ruku 7

Isár báiyande biccáic nogoré

1. Iín baade Isá Galalir ate-hañsé sola-fíra gorér, Íba-ttú Yuhúdia elekat máze azá
goitou mone nohoó, kiyólla-hoilé Yuhúdi ókkole Íbare mari-félai-bólla kucíc
gorér.
2. Ar zeñtte Yuhúdi ókkolor ebaadot hánar-idór tháim dháke accé.
3. Isár báiyaiñn-de Isá-re hoóde, “Tuñí goróde ham ókkol Tuáñr ummot ókkole
dheké fán, Tuñí een-ttú Yuhúdia elekat zogói.
4. Kiyólla-hoilé ze nam tua te honódin luwai ham nogore. Zodi e ham iín Tuñí
goróde óile, Tuñí Nizore nize duniyaire dhehoo.
5. Kiyólla-hoilé Íbar báiyaiñn deyó Íbar uore biccáic nogoré.
6. Tarfore Isá taráre hoóil, Añár tháim aijjó núaiyé, kintu tuáñrár tháim hámicá
toiyar asé.
7. Duniyái yé tuañráre íncagorí nofaríbóu, kintu duniyai yé Añáre ínca-goré,
kiyólla-hoilé Aññí tarár hóraf hamóre daháidi.
8. Tuañra hé idót zou, Aññí ehón id yíanót noó zaiyúm, kiyólla-hoilé Añár tháim
aijjó furá-furí núaiye.
9. Iín hoiyóre, Isá Galalit mazé táikke.

Isá luwai-yóre idot giyé

10. Kintu zehón Íbar báiyaiñn ókkol idót giyé, Íba nize yó giyé, kulá-kulí sáatte
nóza, kintu luwai-yóre héçe giyé.
11. Tarfore hé idót Yuhúdi ókkole Íbare e hotá hoiyóre tuar, “Íba hoçé?
12. Hétunot maincór bútore Íbar baabote boka-boki cúru gorí, hodún maincé hoóde,
Íba gom manúic”; ar hoduné hoóde, “Noó, Íba yé maincóre gollot rasta dahá.
13. Tóu Yuhúdi ókkolor dhore honókiyó Íbar baabote kúla-kulí gori nóhoo.