Sa paglilingkod sabi niya lahat ay kasali ’Di lamang iisa o kung sino lang ang kakampi At lalong ‘di sa kagustuhan ng sarili.
Magsumikap na mabuhay para sa iba,
O mamatay para sa ikabubuti ng marami.
Ipundar ang magandang bukas at pag-asa
Kahit na ikaw ay masawi.
Ang maraming diploma ay hindi kailangan
Para mabago ang sarili at bayan.
Ang kailangan ay pagmamahal dedikasyon
Para sa Pilipino at Inang Bayan.
Tingnan ang kapaligiran at ‘wag ibahala
Kumilos agad patungo sa pagbabago
At huwag isipin na hindi mo ito kaya
Sapagkat ito ang tunay na talino ng isang supremo!
Ang pagbabago’y ‘di kaagad naabot at nahahanap Sabi niya’y ‘wag mawalan ng pag-asa ,ito rin ay malalasap. Sa pagkilos huwag titigil, ito ang kanyang pakiusap At makakamtan din ang mithing pangarap.
Ipundar natin ang magandang bukas at pag-asa
Ilayo ang sarili sa maling gawain at nang ‘di na mahawa. Tamang gabay ay dapat lubos na maunawa Nang sa tamang panahon ‘di tayo maligaw at masira.
Ngunit sa mga taong inakala ay nagkasala
’Di pa huli ang lahat at pwede pang sa mabuti sumama Huwag nang antayin na tirahan ka ng konsensya At mamatay habang ikaw ay buhay pa!