Asignaturang Filipino: Ang pagpatigil nga ba nito’y marapat na hakbangin?

Ang asignaturang Filipino ay pinapapalooban ng mahahalagang kaalamang marapat

na isalin sa mga bagong henerasyon, mga impormasyong angkop na nakabuhol sa ating pangaraw-
araw na pamumuhay at mga kabatirang katumbas ay ilang buhay ang isinakripisyo ngunit ang lahat
nang ito ba’y mauuwi nalang sa wala’t hahayaan na lamang bang maglaho?
Ang walang taros na pagdesisyon ng mga opisyal sa Commission on Higher
Education sa paglabas ng CHED Memorandum Order No. 20, series of 2013 ay nagpaalarma sa
mahigit 200 na guro ng wika, manunulat ng panitikang Filipino at mga estudyante. Nagkaisa’t
nanindigan laban sa polisiya ang mga indibidwal na ito sapagkat isinantabi ng natukoy na
Memorandum ang pagturo ng Filipino bilang mahalagang asignatura kasunod ng pagsasabatas ng
bagong kurikulum ng pagtututuro.
Humigit-kumulang 100 taon ang nakalilipas simula ng ipinahayag ni dating Pangulong
Quezon ang Kautusang Tagapagpaganap Blg. 134 na nagrerekomendang Tagalog ang gawing
saligan ng wikang pambansa ngunit, bago iyan ay marami munang pinagdaanan ang ating mga
huwarang bayani bago tuluyang nakamit ang kalaayan sa wika ng bansang Pilipinas. Isang rason
iyan na magpapatunay na hindi marapat na alisin ang pagturo ng asignaturang Filipino sa
kurikulum dahil sinugal ng mga bayani natin ang kanilang mga buhay para lang makamit ang
kalayaang pambansa. Ika nga “Ang pagkakaroon ng sariling wika ay nagpapatunay lang na may
kalayaan ang isang bansa”.
Sinasabing ang mga kabataa’y pag-asa ng bayan ngunit, paano mapapatunayan iyan
kung mga kabataan mismo’y walang alam ukol sa sarili nating mga kaalaman? Kapag hindi
ipagpatuloy ang pagtuturo ng nasabing asignatura’y unti unting mawawala’t mamamatay ang ating
wika, kultura’t pagkakakilanlan dahil ang pagtanggal nito’y para na ding pagsibak ng identidad ng
mamamayang Pilipino. Ang pagprepreserba’t patuloy na pagsasabuhay ng kasaysayan nati’y
paraan upang maipahayag at maipamalas ang sariling atin.
Hindi marapat na tanggalin ang asignaturang Filipino sapagkat ilang kabuhayan ang
nakatanikala dito. Malaki-laking porsyento ng mga Pilipino ang nakaambang mawalan ng trabaho.
Ayon sa isang propesor sa UP-Diliman, hindi palaging mabubuti ang dulot ng globalisasyon,
nagdudulot rin ito ng pagkawala ng pagkakakilanlan dahil sa pag-usbong ng ideyolohiyang
dayuhan.
Sa pagtanggal ng asignaturang Filipino sa ating sistema ng pagtuturo, magdudulot ito
ng napakaraming resultang maaring ikababa ng identidad at dignidad ng isang Pilipino. Sa bawat
hakbang na ating tatahakin, ito’y maaaring makaapekto sa kasaysayan at kultura ng Pilipinas, ang
mga desisyong ating pipiliin ay maaaring makapagbago ng iba’t ibang mga bagay at mga kilos na
ating gagawin ay kasunod nito’y maaring positibo o negatibo.
Sanggunian:
https://usapangwika.wordpress.com/2016/11/14/bakit-hindi-dapat-alisin-ang-asignaturang-
filipino-sa-kolehiyo/
https://upd.edu.ph/~updinfo/jul14/articles/Mga%20Guro%20tutol%20sa%20utos%20ng%20CH
ED%20na%20tanggalin%20ang%20Filipino%20sabjek.html
http://www.bitagtheoriginal.com/files/theme/tu_061814-FilipinoSubject.htm